Dagblaðið Vísir - DV - 22.06.1984, Qupperneq 2

2
DV. FÖSTUDAGUR 22. JUNI1984.
^ 140 sóttu um 59 lóðir í Garðabæ:
Úthlutum eftir
mati á aðstæðum
— segir Jón Gauti Jónsson bæjarst jon
„Klíka eöa ekki klíka. Mér finnst
ósanngjamt að tala um klíku í þessu
sambandi. Ég vil heldur tala um mat
á aðstæðum,” sagði Jón Gauti
Jónsson, bæjarstjóri í Garðabæ, í
samtali viö DV.
I gærkvöld var úthlutað 59 lóðum
til ungs fólks í Garðabæ, en 140
manns voru um hituna. Lóðir þessar
eru sérstakar að því leyti aö ýmsar
undanþágur eru veittar frá
almennum reglum um lóöaúthlutun
og byggingarhraða til að gera ungu
fólki auðveldara um vik til að koma
þakiyfir höfuðið.
„Hér er um að ræða 125 lóðir,”
sagði Jón Gauti, „59 þeirra var út-
hlutaö í gærkvöld, hinum veröur út-
hlutað á næsta ári. Við förum ekki
eftir neinni fastri reglu um úthlutun,
heldur skoðum hverja einstaka um-
sókn. Þó tökum við tillit til þess að
viðkomandi umsækjandi hafi ekki
búið nema 4 ár utan Garðabæjar og
sé ekki eldri en þrítugur. ”
Hér er um að ræða einbýlis-, par-
og raöhúsalóðir. Langflestar um-
sóknir voru um einbýlishúsalóðirn-
ar.
Hvemig hafið þið mætt þeim
óskum?
„Viö breyttum aöeins skipulaginu
á svæðinu, þannig aðeinbýlishúsalóð-
unum var fjölgað. Þær eru 36, par-
húsalóðimar 4 meö tveimur íbúðum
hver og 15 raðhúsalóöir.”
Einbýlishúsalóðirnar kosta um 260
þúsund krónur, raðhúsalóðirnar 200
þúsund og parhúsalóðirnar eru þar á
milli, en Jón Gauti sagði að ekki væri
alveg frá gengið hvað þær kæmu til
meðaðkosta.
„Við komum til móts við þetta
unga fólk meö því að viökomandi
lóðarhafi borgar fyrri hluta lóðar-
gjaldsins, sem er um helmingur
verðsins, á 6 mánuöum. Afganginn
'borgar hann svo á 5 ámm. Þá þarf
hann að steypa upp sökkulinn innan
tveggja ára og gera fokhelt innan
fjögurra ára.”
Það hefur verið talað um klíku-
skap viö úthlutunina?
„Þaö er auðvitað erfitt að gera upp
á milli fólks, þegar 110 af umsækj-
endum standa allir jafnfætis en við
gerðum okkar besta. ”
— Hvað um þann orðróm að 16 ára
unglingar hafi sótt um lóð og fengið?
„Þaö vom engir umsækjenda á
þeim aldri. Hins vegar voru örfáir 18
og 19ára. Langflestir voru þókomnir
yfir tvítugt og farnir að búa,” sagði
JónGauti Jónsson.
-KÞ.
Áhugi á olíu-
sölu til íslands
segir Asbjöm Haugstvedt, viðskiptaráðherra Noregs
„Þaö var rætt um hvemig auka
mætti innflutninginn frá Islandi til
Noregs, en útflutningur frá Noregi til
Islands er nú tíu sinnum meiri en frá
Islandi til Noregs,” sagði Asbjöm
Haugstvedt, viðskiptaráðherra
Norðmanna, á blaðamannafundi í
fyrradag spurður um viðræður sínar
við Matthías Á. Mathiesen.
„Það var mjög eðlilegt að aukinn
útflutning skyldi bera á góma í við-
ræðum okkar en vandinn er bara sá
að Norðmenn flytja út sömu vömr og
Islendingar að miklu leyti. Það kem-
ur vel til greina að flytja inn meira af
ullar- og skinnavörum frá Islandi, en
þær vömr eru í mjög háum gæða-
flokki. Við ræddum síðan möguleik-
ana á auknu samstarfi í ferðamanna-
iðnaðinum.” Haugstvedt átti einnig
viöræður viö Halldór Ásgrimsson
sjávarútvegsráöherra um sjávarút-
vegsmál og sameiginleg vandamál
landanna á því sviði. Þá hitti ráð-
herrann Steingrím Hermannsson
forsætisráðherra og ræddu þeir um
efnahagsástandið á Islandi. Það kom
fram hjá Haugstvedt að olíufram-
leiðsla Norðmanna er nú 40—50
milljón tonn á ári. Mestur hluti
olíunnar er seldur til Vestur-Evrópu-
landa og Bandarikjanna en mikill
áhugi er fyrir sölu til Islands. Einum
milljarði norskra króna af olíugróð-
anum er nú varið til stuönings norsk-
um sjávarútvegi. Meginmarkmiðið
með honum er að viðhalda byggð í
þremur nyrstu fylk’jum landsins,
Nordland, Troms og Finnmörk, sem
eiga allt sitt undir fiskveiðum.
Haugstvedt sagöi að lokum aö
brýnt væri að koma á sem mestu
verslunarfrelsi milli Norðurland-
anna og gera þau aö sameiginlegum
markaöi. Einn liður í því er sá aö
stöðu markaðsráðgjafa fyrir Island
hefur nú verið komið á fót í Stokk-
hólmi. Kvaðst Haugstvedt vonast til
að það starf sem hann ynni skilaði
sér í auknum innflutningi frá Islandi
til Norðurlanda.
Þess skal getið að mikill halli hefur
verið á viðskiptum Islands og Noregs
undanfarin ár, Islandi í óhag. Á síð-
astliðnu ári var vöruskiptajöfnuður-
inn okkur óhagstæöur um 60,2
milljónir dala. Mest hefur verið flutt
út af landbúnaðar- og sjávarafurð-
um.
-pá
Fyrirliggjandi í birgðastöð
Beygjur Té
Stærðir: 1” - 10”
SINDRA
STÁLHE
Borgartúni 31 sími 27222
_ . ____ . •»■ _ .. ______
Máfflutningur i Spogilsmálinu svokallaða fór fram fyrír Hæstarótti i
fyrradag. Á myndinni ar Þórður Bjömsson ríkissaksóknari að fiytja
málið fyrír hönd ákæruvaldsins. Lengst tH hægrí er Sigurmar K.
Albertsson hdl., verjandi Úlfars Þormóðssonar. Lengst til vinstri er
Björn Helgason hæstaróttarritari og þá dómararnir Halldór Þorbjörns-
son, Armann Snævarr, Magnús Þ. Torfason, Magnús Thoroddsen og
Guðmundur Jónsson. Um tiu manns fylgdust með málflutningnum.
DV-mynd AS
Langar til að
sinna rann-
sóknarstörfum
— segir Jón Jónsson sem lætur af störfum
forstjóra Hafrannsóknastofnunar
„Ég er búinn að vera forstjóri stofn-
unarinnar í 30 ár og satt best að segja
hefur mig lengi langað til að geta sinnt
beinum rannsóknarstörfum meira,”
sagði Jón Jónsson, forstjóri Hafrann-
sóknastofnunarinnar, en honum var
veitt lausn frá embætti í gær að eigin
ósk.
Jón verður 65 ára þann 9. júlí næst-
komandi. Hann hlaut menntun sina í
fiskifræðum við háskólann í Osló.
Hann hefur gegnt f jölmörgum trúnað-
arstörfum á sviði vísindagreinar sinn-
ar, meðal annars hefur hann setið í
stjóm Alþjóðahafrannsóknarráðsins
síðan 1954. Var varaforseti þess árin
1972 til 1975.
Ohætt er að segja að lausn Jóns frá
embætti forstjóra Hafrannsókna-
stofnunarinnar hafi komið á óvart.
Hann lætur af störfum 1. júlí, eftir
aðeins 8 daga, en mun samt gegna
störfum forstjóra áfram þar til nýr for-
stjóri hefur verður ráöinn.
Við spurðum hvort hann færi úr emb-
ætti vegna einhverrar óánægju, mis-
klíðar?
„Nei, alls ekki. Eg vil taka það skýrt
fram að svo er ekki fyrst þú spyrð. Mér
fannst einfaldlega kominn tími til að
staldra við og huga að þeim verkefnum
3em áhugi minn stendur mest til.
Þetta eru líka ágæt timamót til að
hverfa að öðrum verkefnum. Eg átti
sæti i nefnd sem undirbjó ný lög um
stofnunina. I lögunum sem gengu í
gildi í vor er gert ráð fyrir nýju skipu-
lagi hér.
I stað þrigg ja manna stjórnar verður
framvegis 5 manna stjóm. Þá verður
forstjórinn ráðinn til 5 ára, sérstakur
fjármálastjóri verður skipaður og nú
verður einn aðstoðarforstjóri í stað
tveggja áður.”
Þegar Jón tók við starfi forstjóra
fyrir 30 árum voru aðeins 11 starfs-
menn á Hafrannsóknastofnuninni en
nú eru þeir um hundraö. Þrjú skip eru í
eigu stofnunarinnar og hún á „út-
varpshúsið” að Skúlagötu 4.
„Það hefur verið mjög skemmtilegt
að fá tækifæri til að taka þátt i að
byggja Hafrannsóknastofnunina upp.
Starfið hefur vaxið jafnt og þétt með
aukinni friöun fiskstofnanna og við út-
færslu landhelginnar. ”
—Nú, þegar þú snýrð þér að rann-
sóknarstörfum við stofnunina, hvaða
verkefni eru það sem þú ætlar að taka
þér fyrir hendur?
„Eg hef alla tíð haft mikinn áhuga á
göngum þorsksins hér við land og ætla
ég því að fást við verkefni sem snúa að
þeim. Einnig hef ég mikinn áhuga að
taka saman sögu hafrannsókna hér-
lendis. Þar er af nógu að taka. ” -JGH
Smáfískadráp
undan Húnafíóa
— sjávarútvegsráðuneytið lokaði svæðinu
„Þetta er 3 til 4 ára fiskur sem þeir
hafa verið að veiða og við lokum þessu
svæöi til að vernda hann,” sagði Sigfús
Schopka, fiskifræðingur hjá Hafrann-
sóknastofnun.
Svæðið, sem Sigfús er að tala um og
sjávarútvegsráðuneytiö lokaði fyrir
öllum togveiðum i gær, er við Stranda-
grunn og Hornbanka, norður af Húna-
fóa. Nokkuð hefur verið um skyndilok-
anir aö undanförnu á þessu svæði en
því hefur nú verið lokað um ótakmark-
aðan tíma.
Hlutfall þorsks undir 55 sentímetrum
hefur verið á bilinu 32 til 74 prósent af
afla hjá togurum sem hafa verið aö
veiðum á þessum slóðum.
„Þetta er mjög hátt hlutfall. Alltof
hátt og ekki um annað að ræða en að
loka. ’80 árgangurinn er sterkasti
þorskárgangurinn við landið og þann
stofn er veriö að byggja upp. Því þarf
aðvemdahann.”
Aö sögn Sigfúsar eru nokkur atriði
sem eru höfð til hliðsjónar þegar veiði-
svæðum er lokaö. Þau helstu eru skipa-
fjöldi, hlutfall undirmálsfisks í aflan-
umogaflamagnítogi. —JGH