Dagblaðið Vísir - DV - 15.08.1986, Blaðsíða 11

FÖSTUDAGUR 15. ÁGÚST 1986.
11
Viðtálið
Stofnuðum
kakósölu og
þénuðum vel
Karl Bjömsson heitir maður og er
bæjarstjóri á Selfossi. Hann leit heim-
inn fyrst augum 26. dag aprílmánaðar
1957 og ólst upp í Hlíðunum og Foss-
vognum. „Sem strákur var ég i
dúfnabransanum, veiddi dúfur og seldi
þeim sem áttu kofa. Einnig lék maður
sér í Öskjuhlíðinni og þvældist í kring-
um flugvöllinn. Annars var það
fótboltinn sem átti hug minn allan,“
segir Karl. Hann er mikill Valsari og
lék með þeim í yngri flokkunum en
vinnuslys endaði feril hans hjá félag-
inu. „Það gekk vel í fótboltanum og
við unnum flest mót enda var ég í
árgangnum með Guðmundi Þor-
bjömssyni, Atla Eðvaldssyni og fleir-
um sem síðan áttu eftir að gera
garðinn frægán. Ég lék frammi og
skoraði slatta af mörkum, mest 11
mörk í leik gegn IR sem við unnum
18-0. Þegar ég var 16 ára hætti ég að
æfa fótboltann. Ég var þá að vinna i
garðyrkju hjá bænum og varð fyrir
því óhappi að kantsteinar hrundu ofan
á löppina á mér. Ég náði mér en byij-
aði aldrei að æfa aftur af alvöm,“ sagði
Karl.
Yfirkennarinn heyrði lætin í
gegnum loftræstikerfið
Leið Karls lá i gegnum Hlíðaskóla,
Breiðagerðisskóla og Réttarholts-
skóla. Á þessum árum vom stærðfræði
og saga uppáhaldsfögin. „Maður brall-
aði eitt og annað og ég lenti fyrst hjá
skólastjóra í 7 ára bekk fyrir ólæti á
göngunum en það var í lagi eftir að
ég hafði skýrt mitt mál. Annars var ég
í frekar miklum ólátabekk fyrstu árin,
gallinn var bara sá að þegar við vorum
að ólátast gat yfirkennarinn heyrt allt
sem fram fór í gegnum loftræstikerfið
en hann var þá með skrifetofu beint
fyrir neðan stofúna okkar. Greip hann
oft irrn í þegar leikurinn stóð sem
hæst,“ sagði Karl.
Karl gekk í Menntaskólann við Tjöm-
ina sem síðar varð Menntaskólinn við
Sund. „Skólinn flutti síðasta árið inn
við Sund en við erum samt talin sem
síðustu stúdentamir úr MT,“ sagði
Karl. Hann var í eðlisfræðideild og
þótti gott að vera í skólanum. „Ég tók
nú ekki mikinn þátt í félagslífinu sem
þar var, en þó, ég fór í öll ferðalög og
þess háttar.
Ég man þó sérstaklega eftir því að við
tókum upp á því, nokkrir félagamir,
þegar okkur leiddist prins póló og
kók-fæðið, að stofna kakósölu. Þar
seldum við kakó, rúnstykki, kringlur
og þess háttar. Var þessu framtaki vel
tekið af skólafélögum okkar og ekki
var það verra að’við þénuðum vel á
þessu og slíkt kom sér vel fyrir blanka
menntaskólanema,“ sagði Karl.
Tók hluta af viöskiptafræðinni
utanskóla
Karl hóf að nemá viðskiptafræði i
Háskólanum. Segist honum ekki hafa
orðið um sel í fyrstu. „Það var mikill
§öldi nema í hverri kennslustund,
stórar kennslustofúr og það heyrðist
illa í kennurunum ef maður sat aftast.
Ég tók fyrstu árin utanskóla og vann
með,“ sagði Karl. Honum fannst það
ekki sérstaklega erfitt en það varð þó
til þess að það tók hann 5 ár að klára
en ekki 4 eins og venjan er.
„Ég kynntist lítið félagslífinu í Há-
skólanum enda lét ég lítið sjá mig
þegar ég var utanskóla. Kom bara og
tók punkta. Fyrstu árin var ég svo að
gera upp hús sem ég keypti á Baróns-
stígnum í upphafi náms. Það var
billegt, enda í heldur bágbomu
ástandi,“ sagði Karl.
Skýrsla um félagsleg áhrif brú-
argerðar
Karl fór að vinna hjá Framkvæmda-
stofnun, síðar Byggðastofnun, með
námi og var þar uns hann tók við
bæjarstjórastöðunni. „Meðal annars
vann ég að skýrslu sem tengist þessu
svæði en hún hét Félagsleg áhrif brú-
argerðar við Ölfusárós. Annars starf-
aði ég aðallega að lánamálum sem
tengdust sjávarútvegi og sá um ritið
Vinnumarkaðinn fyrir árin 1982 og
1983.
Golf var fyrsta embættisverkið
Karl er ókvæntur og segir það ekk-
ert slæmt. Hann á mörg áhugamál og
eitt af þeim er ferðalög en hann hefur
ferðast viða um Evrópu.
„Ég stunda fótbolta enn í kunningja-
hópi en við höfum leigt salinn í
KR-heimilinu nokkrir saman í mörg
ár einu sinni í viku. Annars les ég
mikið bækur og þá frekar þungar bók-
menntir. Reyni ég svona að kynna
mér verk meiriháttar nafna í bók-
menntasögunni."
Hann hefur stundað laxveiðar í
nokkur ár en segist því miður ekki
komast eins oft og hann vilji. Að und-
anfömu hefur hann þó verið að
kynnast nýrri tómstundaiðju. „Ég er
farinn að stunda golf lítillega og segja
má að mitt fyrsta embættisverk hafi
verið að taka þátt í golfmóti sem Golf-
klúbbur Selfoss hélt í sumar, ég á
ábyggilega eftir að stunda golfið
meira," sagði Karl.
Margt að læra
Honum líst vel á nýja starfið, segist
þurfa að kynna sér margt og læra.
„Hér eru fjölmörg verkefni og ég er
bjartsýnn á framgang mála. Ég stefiii
að því að vinna eins vel og ég get að
velferð bæjarbúa og vona að vinnan
leiði gott af sér. Mitt mottó er að vinna
vel en hafa gleði og ánægju jafnframt
í fyrirrúmi," sagði Karl Bjömsson.
-JFJ
fp=l FRÁ TÓNLISTAR-
SKÓLA NJARÐVÍKUR
Staða málmblásarakennara er laus til umsóknar. Um
er að ræða 75% starf við góðar aðstæður. Upplýsing-
ar veitir skólastjóri, Haraldur Á. Haraldsson, í síma
92-2903 eða 92-3995.
Umsóknir, er greini frá aldri, menntun og fyrri kennslu-
störfum, sendist Tónlistarskóla Njarðvíkur, Þórustíg
7, 260 Njarðvík, fyrir 20. ágúst.
Skólastjóri
HVARVORU
Hvar voru 72 stóruxar steiktir á teini og 629.520
kjúklingar etnir í október 1985?
sjá blaðsíðu 13.
Karf Bjömsson, bæjarstjóri á Selfossi.
DV-mynd Óskar öm
Jón Loftsson hf.
Hringbraut
121 Sími 10600
Opið til kl. 20 : kvöld I
Leiðin liggur til okkai í verslanamiðstöð vesturbæjar. r
Munið barnagæsluna á annarri hæð. Opið kl. 14-20. ve Mánudagur 18. ágúst: Lokað kl. 12 á hádegi gna afmælis Reykjavíkur