Dagblaðið Vísir - DV - 06.12.1986, Page 4
4
LAUGARDAGUR 6. DESEMBER 1986.
Fréttir
Foival Alþýðubandalagsins á Norðuriandi eystra í dag:
Konur berjast
um annað sætið
Steingrímur J. Sigfusson þingmað-
ur þykir mjög öruggur með að fa 1.
sætið í forvali Alþýðubandalagsins
í Norðurlandskjördæmi eystra sem
fram fer í dag, laugardaginn 6. des-
ember. JaMramt er talið víst að
kona hreppi annað sætið og eru
einkum tvær nefndar til sögunnar,
Svanfiíður Jónasdóttir, Dalvík, og
Sigríður Stefansdóttir, Akureyri. Þá
þykir líklegt að Bjöm Valur Gísla-
son, sjómaður á Ólafsfirði, lendi í 4.
sæti.
Úrslit forvalsins em ekki bindandi
fyrir uppstillinganefiid flokksins
heldur einungis leiðandi. Sjö em í
framboði og er skipað í fjögur efetu
sætin. Rétt til þátttöku hafa félagar
í Alþýðubandalaginu og Æskulýðs-
fylkingunni í kjördæminu, alls á
fjórða hundrað manns. Talningu at-
kvæða verður lokið seint í kvöld ef
kjörgögn berast vegna veðurs.
Engin smölun
Harður slagur er ekki í gangi milli
frambjóðenda. Fólk er tilbúið í slag-
inn og tekur úrslitunum. „Það er
ekki sama rosalega framagimin hjá
okkiu og hjá framsóknarmönnum,"
sagði einn alþýðubandalagsmaður
við DV og bætti við: „Ég get ekki
séð að nein smalamennska sé í
gangi."
„Það dettur engum í hug annað
en að Steingrímur verði efstur," var
samhljóða niðurstaða þeirra al-
þýðubandalagsmanna sem DV ræddi
við vegna forvalsins. Spuming um
öryggi Steingríms í 1. sætið virtist
meira að segja koma á óvart.
Frambjóðendur ungir
Mjög áberandi er hve frambjóð-
endumir em allir ungir. Svanfiíður
Jónasdóttir, Dalvík, er 35 ára, Si-
gríður Stefánsdóttir, Akureyri, er 37
ára, Örlygur Hnefill Jónsson, Húsa-
vík, er 33 ára, Steingrímur J. Sigfús-
son er 31 árs, Bjöm Valur Gíslason,
Ólafefirði, 27 ára, Benedikt Sigurð-
arson, Akureyri, 34 ára og Auður
Ásgrímsdóttir, Raufarhöfn, 40 ára.
Það er ekki aðeins að Steingrímur
sé áhrifamikill í Alþýðubandalaginu
í kjördæminu heldur er hann, að
sögn flokksmanna, mjög áhrifamikill
innan flokksins. Tekið hefur verið
eftir því hve oft hann kemur fram
fyrir hönd flokksins í umræðum út
á við.
„Harrn er duglegur maður með
mjög góðan talanda. Hann var fyrst
kjörinn á þing í síðustu kosningum
og stóð sig þá frábærlega vel í kosn-
ingabaráttunni. Á sameiginlegum
fundi flokkanna í Sjallanum var
hann margklappaður upp fyrir
skörulegan málflutning," sagði einn
alþýðubandalagsmaður um Stein-
grím.
Kona lendir örugglega í öðm sæt-
inu, segja flokksmenn. Svanfríður
Jónasdóttir, kennari og bæjarfúll-
trúi á Dalvík, var í 2. sætinu síðast
og telja margir að hún muni skipa
það sæti aftur.
Svanfríður
Svanfrfður hefur setið í miðstjóm
Alþýðubandalagsins þrjú kjörtíma-
bil og þykir skeleggur bæjarfúlltrúi.
í bæjarstjómarkosningunum sl. vor
Steingrímur J. Sigfússon
gagnrýndi hún hispurslaust KEA.
Hún vill að það starfi öðruvísi, að
ákvarðanir um KEA á Dalvík séu
ekki teknar við eitthvert skrifborð á
Akureyri heldur sé valdið á Dalvík.
Fyrir þetta fékk hún orð á sig hjá
framsóknarmönnum fyrir að vera á
móti KEA. Svanfríður vill einnig að
embætti sýslumannsins hafi sterkan
fulltrúa á Dalvík þannig að Dalvík-
ingar þurfi ekki alltaf að fara til
Akureyrar til að þinglýsa og þess
háttar.
Sigríður
Sigríður Stefánsdóttir, bæjarfull-
trúi ú Akureyri, kemur líka sterk-
lega til greina í 2. sætið. Hún er
oddviti Alþýðubandalagsins í bæjar-
stjóm Akureyrar. Hún kemur vel
fyrir og margir flokksmenn vilja sjá
hana í 2. sætinu og sjá hana snúa
sér í framtíðinni meira að lands-
málapólitíkinni.
Vert er að geta þess að Kvenna-
listinn bauð fram í kjördæminu í
síðustu kosningum og fékk 791 at-
kvæði. Hvað konumar gera að þessu
sinni hggur ekki fyrir en óneitanlega
gæti það styrkt stöðu Alþýðubanda-
lagsins í kjördæminu að hafa konur
bæði í 2. og 3. sæti listans.
Fréttaljós
Jón G. Hauksson
DV, Akureyri
Bjöm Valur
Bjöm Valur Gíslason, stýrimaður
á Ólafefirði, situr í bæjarstjóm þar
í bæ. Hann er sagður vaskur maður
í framgöngu og segja skoðanir sínar
hispurslaust. Þykir líklegt að Bjöm
lendi í 4. sætinu.
Örlygur Hnefill
Örlygur Hnefill Jónsson er lög-
fræðingur á Húsavík. Hann hefur
tekið virkan þátt í flokksstarfinu í
bænum en er ekki mjög þekktur út
á við. Spáin er að hann lendi í 5.
sætinu.
Benedikt
Benedikt Sigurðarson er skóla-
stjóri bamaskóla Akureyrar, eða
íslands, eins og sumir segja. Bene-
dikt er bróðir Erhngs Sigurðarsonar
sem séð hefur um þáttinn íslenskt
mál í útvarpinu. Erlingur er giftur
Sigríði Stefansdóttur, bæjarfulltrúa
flokksins, sem áðan var minnst á.
Sigríður er því mágkona Benedikts.
Spáin um að Benedikt lendi í 6. sæti
byggist ekki hvað síst á því að Si-
gríður lendi í 2.-3. sæti og að ekki
sé rúm fyrir tvo Akureyringa svo
ofarlega ú listanum.
Auður
Þá er komið að Auði Ásgríms-
dóttur. Hún er formaður verkalýðs-
félagsins á Raufarhöfn. Þar sem litið
er á Steingrím sem fulltrúa Norður-
Þingeyjarsýslu, Steingrímur er frá
Gunnarsstöðum í Þistilfirði, þá er
Auður ekki talin verða í efetu sætun-
um.
í síðustu alþingiskosningum 23.
apríl 1983 fékk G-listi Alþýðubanda-
lagsins 2307 í kjördæminu. í vor
mega 18-20 ára kjósa og telja ýmsir
að Alþýðubandalagið fái vænan
skerf af atkvæðum frá þessum ald-
urshópi.
Hvaða áhrif hefur Stefán?
Stuðningsmenn flokksins hafa
jafriframt velt því fyrir sér hvaða
áhrif sérframboð Stefáns Valgeirs-
sonar hafi. Stefan hefur mikið fylgi
í Norður-Þingeyjarsýslu, ú stöðum
eins og Kópaskeri, Raufarhöfn og
Þórshöfh, eða heimaslóðum Stein-
gríms J. Sigfússonar. Ekki virðist
hræðslan þó mikil hjá alþýðubanda-
lagsmönnum. Þeir telja Stefán taka
mest frá Framnsóknarflokknum og
Sjálfstæðisflokknum.
En hvað um það, forval Alþýðu-
bandalagsins er í dag. Þetta forval
hefur ekki verið mjög umtalað
manna á meðal og ekki er harður
kosningaslagur í gangi. Steingrímur
J. Sigfússon, 31 árs gamli þingmað-
urinn og Þistilfirðingurinn, er
öruggur með efeta sætið.
Opinber þjónusta hækki
ekki umfram 5% næsta ár
„Við höfum verið með þijá embætt-
ismenn í því síðan í síðustu viku að
finna leiðir til þess að halda hækkun-
um á opinberri þjónustu niðri á næsta
ári. Markmiðið er að í heild verði
hækkanir ekki umfram verðbólgu-
spána, sem er um 5%,“ sagði Stein-
grímur Hermannsson forsætisráð-
herra í morgun.
í þessu verkefin eru Þórður Frið-
jónsson efnahagsráðgjafi, Georg
Ólafeson verðlagsstjóri og Hallgrímur
Snorrason hagstofústjóri. „Með þessu
ætlum við okkur að mæta óskum
samningsaðila á vinnumarkaðnum,“
sagði ráðherrann „og ég hef trú á að
það takist. Stofnanir standa að vísu
mjög misjafnlega og sumar mjög vel
eins og stofhanir Reykjavíkurborgar.
Aðrsu eru illa staddar.“
Steingrímur nefndi sérstaklega Póst
og síma og nýjustu, stóru hitaveitum-
ar sem vandamál í þessu sambandi.
Hann sagði að einnig ættu nokkrar
stofnanir í greiðsluerfiðleikum vegna
mikillar framkvæmdagleði.
„Skattahugmyndir samningsaðila
hafa einnig verið til skoðunar og að
sumu leyti fara þær saman við okkar
áform, til dæmis er einfoldun tekju-
skattskerfisins. Annað er flóknara og
verður ekki afgreitt á tveim, þrem
dögum. Við munum koma til liðs í
þessum kjarasamningum eins og
nokkur kostur er á. En það verður
ekki um nein bein fjárframlög úr ríkis-
sjóði að ræða í þetta sinn,“ sagði
forsætisráðherra.
Ráðherrar biðu í morgun eftir fund-
arbeiðni samningsaðila og Steingrím-
ur sagði að hugsanlega kæmi ríkis-
stjómin saman í framhaldi af slíkum
ftindi.
-HERB
Það er ekki algengt aö íslenski fáninn sé notaður sem gluggatjöld, en Ijós-
myndari DV kom auga á þennan fána í glugga á húsi við Álfhólsveg í
Kópavogi. Til eru lög um islenska fánann en þar er ekki tekið fram aö
ekki megi nota hann sem gluggatjöld þó svo að sumum geti fundist slík
notkun óviðeigandi. Samkvæmt upplýsingum frá forsætisráðuneytinu er lít-
ið sem ekkert um það að fólk bendi á misnotkun islenska fánans sem
flestir bera mikla virðingu fyrir. SJ/DV-mynd S.
Efasemdir uppi um virðisaukaskattinn
- óvíst hvort hann verður að lögum á þessu þingi
„Annaðhvort er að ganga í þetta
núna með þeim ásetningi að koma
firumvarpinu í gegn þannig að það
verði að lögum á þessu þingi. Ef
menn hafa ekki tn' á að það gangi
þá verður auðvita/ -kkert úr því að
þessi kerfisbreytú .omist á 1. jan-
úar 1988,“ sagði afur G. Einarsson,
formaður þingflokks Sjálfetæðis-
flokksins, um virðisaukaskattinn.
Efasemdir eru uppi um að virðis-
aukaskattur, sem leysa á söluskatt,
langstærstu tekjulind ríkissjóðs, af
hólmi, verði að lögum á þessu þingi.
„Þingflokkur Framsóknarflokks-
ins hefur heimilað að frumvarpið
verði lagt fram en með fyrirvara.
Við gerum ráð fyrir því, eins hjá
okkur auðvitað, að menn séu tilbún-
ir að skoða breytingartillögur,"
sagði Ólafur.
Andstaða fer ekki eftir flokk-
um
„Það er rétt að það er andstaða
en hún fer ekki beint eftir flokkum,
held ég. Það eru ýmsir sjúlfetæðis-
menn andvígir virðisaukaskatti
yfirleitt, mega ekki heyra hann
nefhdan.
Það er alveg ljóst að það verða
ýmsir hagmunaárekstrar við það að
þessi kerfisbreyting á sér stað. Það
eru ýmsir sem hafa haft hag af því
að við búum við gjörónýtt sölu-
skattskerfi.
Við töku virðisaukaskatts kemur
söluskattur á ýmsar vörur og þjón-
ustu sem sloppið hafa við söluskatt-
inn til þessa. Og það er alveg ljóst
að þeir sem lenda í því að þurfa að
fara að borga virðisaukaskatt eru
ekkert yfir sig hrifhir."
- Er andstaða innan þingflokks
sjálfetæðismanna við frumvarpið
eða einstakar greinar þess?
„Ég kann ekki að greina frá því.
Menn voru á einu máh um að frum-
varpið skyldi lagt fram.
En það er eftir sem áður auðvitað
efi í huga ýmissa manna um að þetta
sé rétt og þó að menn hafi verið með
þetta á milli handanna nánast óslitið
í tólf ár þá þykir mönnum enn að
þeir hafi ekki kynnt sér þetta nægi-
lega vel til þess að þeir séu tilbúnir
til þess að taka afetöðu.
Það getur vel verið að það verði
einu sinni enn að taka tillit til þessa.
Þess vegna er ég ekki tilbúinn til
að segja neitt ákveðnar um það
hvort þetta mál nær fram að ganga
núna eða ekki. Ég get ekki svarað
því á þessari stundu."
Söluskatturinn óréttiátur
„Ég held að eftir því sem menn
kynna sér þetta mál frekar þá skilji
menn betur nauðsyn á kerfisbreyt-
ingu. Mér virðist að það sé orðið
ýmsum ljósara hverjir ágallar eru á
söluskattskerfinu og að við getum
ekki búið við það lengur.
Við búum við 25% söluskatt sem
er þannig að hann er óréttlútur
skattur. Erfiðleikar við eftirlit stafa
fyrst og fremst af því að undanþágur
eru of margar. Og því er að minnsta
kosti haldið að okkur, af þeim sem
gerst þekkja, að það sé ekki hægt
að bæta þessa flík þannig að einhver
mynd sé á.“
- Jafnvel ekki með þeim 30 nýju
starfemönnum, sem eru ætlaðir í
virðisaukaskattinn?
„Nei. Það er ekki hægt. Það held
ég að sé alveg ljóst,“ svaraði Ólafur.
-KMU