Dagblaðið Vísir - DV - 17.02.1987, Blaðsíða 14

14
ÞRIÐJUDAGUR 17. FEBRÚAR 1987.
Spumingin
Á að auka gæðaeftirlit með
steypu í húsbyggingar?
Alda Steingrímsdóttir röngten-
tæknir: Já. mér finnst það því galli
á steypu kemur vanalega ekki í ljós
fyrr en eftir mörg ár og þá má ekki
líða of langur tími svo skaðabóta-
krafan fyrnist ekki. Þetta er hlutur
sem mér finnst að megi taka meira
tillit til og ein leiðin er að auka
gæðaeftirlitið.
Ingibjörg Guðmundsdóttir hús-
móðir: Já, það finnst mér því gallinn
á stevpu kemur yfirleitt ekki nærri
því strax í Ijós.
Guðfinna Sigurjónsdóttir hús-
móðir: Auðvitað. mér fínnst mjög
eðlilegt að auka gæðaeftirlitið. Eftir
því sem manni heyrist virðist svo
sannarlega ekki vera vanþörf á því.
Ragnar Ágústsson sjómaður:
Mjög brýn þörf á því. Mér sýnist
nefnilega annað hvert hús í bænum
vera að hrvnja.
Guðný Björnsdóttir: Já, alveg
endilega og það er alveg furðulegt
að ekki skuli vera búið að gera eitt-
hvað róttækara í þessu máli.
Sigurlaug B. menntaskólakenn-
ari: Já, alveg tvímælalaust, reynslan
sýnir að ekki er vanþörf á. Mér finnst
að það eigi einnig að gera þá menn
ábyrga sem vinna sitt verk illa.
Lesendur
Bandaríkjadekur MotgunMaðsins
A Filippseyjum traðkaði skúrkurinn Marcos á íöndum sínum áratugum
saman en það skiptir Bandaríkjamenn engu máli eins lengi og Marcos
er þeirra stuðningsmaður.
Guðjón V. Guðmundsson skrifar:
Hér á árum áður þegar Þjóðviljinn
var talsmaður Sósíalistaflokksins
sáluga, er dyggilega studdi rúss-
nesku kommúnistana og allt sem frá
þeim kom, þá blöskraði venjulegu
fólki sú takmarklausa fylgispekt við
þessa erlendu aðila sem Þjóðviljinn
stöðugt lét í ljós. Nú er það sem
betur fer liðin tíð.
Nú eru það aðrir aðilar sem eru
komnir til sögunnar reyndar á öðr-
um vettvangi líka, nú á dögum eru
það Morgunblaðsmennimir með
sína yfirgengilegu þjónkun við
Bandaríkjamenn. Það gengur iðu-
lega fram af manni hve gersamlega
glórulaus þessi undirlægjuháttur er.
Það virðist stundum sem mönnum
sé alls ekki sjálfrátt. Allt er varið
og réttlætt sem kemur úr þessari átt.
Hryðjuverkasveitimar sem þeir
gera út gegn Nicararagua em að
meginstofni leifamar af hinu ill-
ræmda þjóðvarðliði Somoze klí-
kunnar sem stjómaði þama í áratugi
af fádæma miskunnarleysi. Þá höfðu
Bandaríkjamenn ekki áhyggjur af
fólkinu í þessu landi. Á Kúbu ríkti
einræðisherrann Battista um árabil,
ekki fór það fyrir bijóstið á þeim í
Washington, nú er þar aftur á móti
vondur Castro við völd. Duvalier
feðgar réðu ríkjum á Haiti árum
saman, eymd og volæði þeirra þjóðar
var alger, ekkert við það að athuga
enda þessir herrar dyggir stuðnings-
menn Bandaríkjmanna. Vinstri
maðurinn Allende var kosinn forseti
Chile fyrir nokkrum árum, Banda-
ríkjamenn aðstoðuðu við að steypa
honum af stóli og var hann myrtur.
Komið var til valda hershöfðingjan-
um Pinochet sem þeir Washington-
menn eru hæstánægðir með,
dauðasveitir hægri manna í E1
Salvador fara ekkert illa í þá í Was-
hingtonmenn. í gegnum tíðina hafa
lengst af ráðið ríkjum hægri sinnað-
ir einræðisherrar í gervallri S-
Ameríku með öflugum stuðningi
Bandaríkjamanna sem hafa átt mik-
illa hagsmuna að gæta. Þama eru
gífúrlegar eignir og hafa þeir rakað
saman fé á meðan almenningur hef-
ur soltið heilu hungri, þannig að það
er alveg voðaleg tilhugsun fyrir þá
ef til valda kæmust menn sem færu
að hugsa um hag fjöldans.
Á Filippseyjum traðkaði skúrkurinn
Marcos á löndum sínum áratugum
saman, ekki kom það við kaunin á
þeim fyrir „westan“. Loksins þegar
fólkinu tókst að velta honum úr sessi
voru Bandaríkjamenn fljótir að
koma honum undan svo hann yrði
ekki látinn svara til saka fyrir glæpi
sína. Lítið fer fyrir lýðræði og mann-
réttindum í Suður-Kóreu, Pakistan
eða á Taiwan, stjómvöld þar em
dyggir stuðningsmenn Hvítahúss-
herranna.
Ég læt hér staðar numið að sinni,
af nógu er samt enn að taka. Stað-
reyndin er sú að það skiptir Banda-
ríkjamenn alls engu hveijir fara með
völdin, aðeins að valdhafamir séu
þeirra stuðningsmenn. Hvar sem
þeir hafa von um að koma ár sinni
eða sinna fyrir borð svífast þeir
einskins. - Allt þetta styðja íslensku
íhaldsöflin, skriðdýrsháttur þeirra
er alger.
Hvað er verið
að fela?
6252-1295 skrifar:
Svenir Hermannsson rak Sturlu
Kristjánsson úr embætti fræðslu-
stjóra. Þessi skyndilega ákvörðun olli
miklu uppþoti á Norðurlandi eystra
þar sem Sturla var fræðslustjóri.
Sverrir segist vera tilbúinn að ræða
málin svo fremi sem enginn sé honum
ósammála. Það komi hann til með að
líta á sem vantraust. Lipur maður
hann Sverrir. Það virðist núi líta
þannig út að þingmenn flestir ætli að
hunskast til að hlýða Sverri, annars
verður hann reiður. Og það væri nú
alveg óttalegt ef þessi indæli pottorm-
ur, sem þjóðinni finnst svo gaman að,
yrði reiður. Þessu ætlar þingflokkur
Sjálfstæðisflokks auðvitað að hlýða
og megnið af Framsóknarflokki líka.
Það er auðvitað aukaatriði að sveita-
fólk af Norðurlandi eystra skilji ekkert
í brottvikningu Sturlu úr embætti,
málið er bara það að Sverrir gæti orð-
ið reiður og litið á það sem vantraust,
svo það verður að stoppa með öllum
ráðum.
Svona rannsókn er óþarfi því skoð-
anfr og ákvarðanir Sverris á ekki að
gagnrýna, hann verður þá reiður, eitt-
hvert hyski á Norðurlandi eystra getur
bara verið fúlt sveitafólk í friði. Aðal-
atriðið er að hindra að opinber
rannsókn fari fram því niðurstöðumar
gætu verið Sverri í óhag og þá verður
hann reiður. Alþingismenn, haldið
áfram að passa upp á hann Sverri og
í guðanna bænum gefið þið skít í
sveitavarginn áfram.
áverrir segist vera tilbúinn að ræða málin svo fremi sem enginn sé honum
ósammála. Það komi hann til með að líta á sem vantraust.
Vínbúð auglýst
Lesandi hringdi:
Nú hef ég alltaf staðið í þeirri meiningu að vínauglýsingar væru bannaðar.
Þess vegna fannst mér hálf ankanalegt er ég sá í „kvennaríkinu", Laugarásvegi
1, auglýsingu (þ.e. stórt skilti) um að þama væri vínbúð. Finnst mér þetta stinga
svolítið í stúf við fyrri yfirlýsingar.
Skondinn þáttur
Gunnlaugur Karlsson hringdi:
Mig langar að þakka Sigurði Skúlasyni fyrir Charlie Chaplin þáttinn á
rás 2. Þessi þáttur var endurtekinn á fimmtudegi fyrir nokkm og var hann
alveg virkilega skemmtilegur.
7090-1919 hringdi:
Ég er alveg sammála því sem kom fram á lesendasíðunni fyrir nokkm um
þáttinn I takt við tímann. Þessir þættir em alveg fyrir neðan allar hellur og
allt tómir viðvaningar sem stjóma þeim. Þetta kostar okkur sjónvarpsáhorfend-
ur eflaust stórfé og margir af þessum þáttum em hreinlega ekki fólki bjóðandi.
Lögfræðiaðstoð Orators
Begga. K. hringdi:
Eg vil þakka lögfræðiaðstoð Orators fyrir mjög vel unnin verk fyrir mína
hönd. Það er mjög nauðsynlegt og gagnlegt að geta fengið svona ókeypis ráð-
leggingar í gegnum símann því maður veit stundum akkúrat ekkert um rétt sinn.
Ég frétti nú reyndar ekki af þessu nema í gegnum vinnufélaga minn og ég
held að fólk geri sér almennt ekki grein fyrir þessari aðstoð.
Væri ekki bót í máli að auglýsa þennan símatíma aðeins meira, svo fólk viti
af þessu og notfæri sér þetta?
Mjog skemmtilegur þatturinn á rás 2 um Charlie Chaplin.
Rás2: