Dagblaðið Vísir - DV - 28.03.1987, Blaðsíða 23

LAUGARDAGUR 28. MARS 1987.
69
DV
Bróðurþel
Man 2 Man
Paul Zone í hljómsveitinni Man
2 Man hefur ekki átt sjö dagana
sæla. Tveir af meðlimum Man 2
Man hafa látist á einu ári. Þrátt
fyrir það heldur hann ótrauður
áfram starfrækslu sveitarinnar og
hpfur nú uppskorið nokkrar vin-
sældir eftir að lagið Male Stripper
fór í stökkum upp breska smáskífu-
listann.
Paul Zone, sem er frá New York,
starfrækti hljómsveitina ásamt
bróður sínum, Miki Zone, sem lést
úr heilahimnubólgu að kvöldi síð-
asta gamlársdags. Áfallið var mikið
því aðeins nokkrum mánuðum áð-
ur lést annar meðlimur Man 2 Man
í íbúð Boy George í Lundúnum
vegna ofneyslu heróíns eins og
fram kom í fréttum á sínum tíma.
Sá hét Michael Rudetski og þótti
ákaflega efnilegur tónlistarmaður.
Paul og Miki Zone höfðu verið
að í fjölda ára og áttu marga vini
í tónlistarheimi New York borgar.
Hljómsveitin Blondie byrjaði til
Helgarpopp
Jónatan Garðarsson
dæmis á að hita upp hjá þeim
bræðrum en síðar þróuðust málin
á þann veg að þeir bræður voru
farnir að hita upp hjá Blondie.
„Ég var hárgreiðslumaður Debbie
Harry um tíma. Ég er einnig vel
kunnugur meðlimum Talking He-
ads“, segir Paul Zone. „Ég þekki
nánast alla tónlistarmenn sem
starfa í bransanum í New York.
Þetta eru allt vinir mínir. Það er
vissulega erfitt að halda starf-
rækslu Man 2 Man áfram eftir að
tveir af meðlimunum eru látnír, en
ég nýt góðrar aðstoðar upptöku-
stjórans, Man Parrish. Bróðir
minn, Miki, samdi lagið Male
Stripper fyrir tveim árum. Textinn
er byggður á minni eigin reynslu
sem karlfatafella í kvennaklúbbi.
Þetta er hörkulíf hér i Bandaríkj-
unum. Hér eru starfræktir kvenna-
klúbbar þar sem karlmenn dansa
fatafelludans og öðrum karlmönn-
um er bannaður aðgangur. Ég
starfaði á einum slíkum klúbbi um
tíma eftir að ég lauk herþjónustu
í sjóhemum.“
En um vinsældimar hefur Paul
eftirfarandi skýringu: „Ég varð að
halda áfram eftir að Miki dó. Hann
hefði óskað þess. Og ég er þess full-
viss að vinsældimar eru honum að
þakka. Hann er þama uppi með
alla þræðina í hendi sér og stýrir
þessari brúðuleiksýningu okkar
hér á jörðinni. Hann á sinn þátt í
vinsældum Man 2 Man,“ segir Paul
Zone.
Man 2 Man, bræöurnir Miki (sem nú er látinn) og Paul Zone, handfjatla
trommuheilana sína.
Christians, frá vinstri eru Russell Christian, Henry Priestman, Roger Christ-
ian og Garry Christian
Kristj áns-bræður
frá Lifrarpolli
í dag gildir annaðhvort að vera í
fjölmennum hópi efnilegra systkina
eða að koma frá Bítlaborginni Liver-
pool. Christian-bræðurnir em hvort
tveggja. Þeir eru frá Liverpool og eru
úr barnmargri fjölskyldu. Bræðumir
Christians eru þeir Roger, sem er
fullra 29 ára gamall, kvæntur og fað-
ir nýfæddrar dóttur, Garry 26 ára,
en heimilishagir hans eru ókunnir,
og síðan Rusell, tveggja dætra faðir,
kvæntur en neitar að gefa upp aldur
sinn. Þessir þrír bræður bera ættar-
nafnið Christian og em aldir upp í
12 systkina hópi. Faðir þeirra er
frægur kricketleikari frá Vestur-
Indíum sem settist að i Liverpool
fyrir margt löngu og ól þar upp börn
sín.
Bræðurnir gerð sér það oft til gam-
ans að syngja margraddaða söngva
er þeir fóru á salerni karla á dan-
sleikjum í Liverpool. Ekki vegna
þess að þeim þætti betra að syngja á
salerninu en í baði heldur af þeirri
einfoldu ástæðu að hljómburðurinn
á flísalögðum salernum er oftar en
ekki firnagóður. Þess utan áttu þeir
vanda til að troða upp á ýmiss konar
skemmtunum og tónlistarhátíðum í
heimaborginni og syngja saman
slagara af ýmsum gerðum. Árið 1983
komu þeir fram á tónlistarhátíð í
Liverpool, en þar tróð einnig upp
hljómsveitin Frankie Goes to
Hollywood (sem nú hefur verið leyst
upp um stundarsakir). Hljómborðs-
leikarinn Henry Priestman, þáver-
andi meðlimur It’s Immaterial, sá
Kristjánana þrjá og hreifst svo mjög
af flutnigi þeirra á gömlu soullögun-
um að hann ákvað að bjóða þeim
liðveislu sína sem piltarnir þáðu með
þökkum. Síðan eru liðin nokkur ár
og það var ekki fyrr en núna í árs-
byijun að eitthvað fór að þokast í
rétta átt hjá þessum piltum, er lagið
Forgotten Town tók að færast upp
vinsældalistana. Þeir segja lagið
ekki fjalla um heimabæinn Liverpool
heldur einhvern allt annan bæ, ein-
hvers staðar í heiminum. Það skiptir
víst minnstu, en hitt skiptir meira
máli að bræðurnir með Kristjáns-
nafnið og félagi þeirra með prests-
nafnið gætu átt eftir að boða
fagnaðarerindi dægurlaganna um
víða veröld á næstu árum ef rétt er
á spilunum haldið. Það er því í þeirra
valdi að útbreiða boðskap sinn með
líku móti og aðrir fjórir piltar frá
Lifrarpolli gerðu hér á árum áður,
svo að lá við messufalli.
Jets
Keppinautar Five Star?
Það er ákaflega algengt þessa
dagana að heilu hljómsveitimar
séu skipaðar meðlimum úr einni
og sömu fjölskyldunni. Jets er ein
viðbótin í þennan hóp. Átta strákar
og stelpur sem bera öll sama ættar-
nafnið, Wolfgramm, eiga það
sameiginlegt að vera ættuð frá
Kyrrahafseyjunni Tonga og skipa
hljómsveit sem kallast Jets. Fyrir
nokkru gerðu þau lagið Crush On
You vinsælt í Bretlandi og þegar
farið var að grafast fyrir um fortíð
þessarar fjölskyldu kom í ljós að
elsti bróðirinn, Leroy (sem er 19
ára) fæddist á eyjunni Tonga. For-
eldrarnir fluttust síðan til Banda-
ríkjanna og þar fæddust hvorki
meira né minna en 12 böm til við-
bótar. Meðlimir Jets eru á aldrin-
um frá 19 ára niður í 12 ára og enn
bíða fimm yngri systkini heima eft-
ir því að læra danssporin og lögin
til þess að geta tekið þátt í fjörinu.
Undanfarin 18 ár hefur Wolfg-
ramm-fjölskyldan búið í Bandaríkj-
unum, landi tækifæranna. Síðustu
þrjú árin hefur heimili þeirra verið
í heimaborg Prince, Minneapolis,
og þaðan hafa þau gert út. Faðirinn
hefur haft veg og vanda af vel-
gengni systkinanna. Hann þjálfar
þau, sér um umboðsmálin og rekur
þau áfram af stakri umhyggjusemi.
Þau sem skipa Jets em: Leroy (19
ára) sem er foringi hópsins, Eddie
(18 ára) sem er kallaður herra bros,
Eugene (17 ára) hinn spaugsami,
Haini (16 ára) sem er rólegi íþrótta-
maðurinn í fjölskyldunni, Rudy (15
ára) sem sér um að semja dansana,
Kathy (14 ára) sem er fatafrík og
föndrar við hárgreiðslu, Elizabeth
(13 ára) sem dundar sér aðallega
við að lesa Agöthu Christie og
Moana (12 ára) sem er lestrarhest-
ur, hljómborðsleikari og ásláttar-
leikari. Ennþá em fimm yngstu
systkinin ónefnd, en þau munu lík-
ast til bætast í hópinn um leið og
líður að fermingunni.
Um það hvort þau eru svar
Bandaríkjmanna við Five Star
systkinunum bresku, segja þau að
svo sé ekki. Að vísu eru þau söng-
elsk og hress fjölskylda sem fer
svipaðar leiðir og Five Star-krakk-
arnir en þar með er samlíkingunni
lokið. Þau eru jú átta eins og stend-
ur en innan fárra ára verða þau
orðin 13 talsins og geta því tæplega
staðið jafnfætis Five Star, í það
minnsta ekki hvað mannafjölda
varðar.
Jets-systkinin i Wolfgramm-fjöiskyldunni, frá vinstri: Elizabeth (13), Eddie (18), Mona (12), Eugene (17), Kathy
(14), Leroy (19), Haini (16), og Rudy (15). Samhent systkini frá Kyrrahafseyjunni Tonga.
, , „ » *
jMjySi*