Dagblaðið Vísir - DV - 04.04.1987, Qupperneq 17

f
LAUGARDAGUR 4. APRÍL 1987.
17
eiginlega gamalt. „Það er líklega
fjögurra ára,“ segir höfundurinn
Kristján Viðar. „Þetta er gamalt en
gott vín á nýjum belgjum. Við tókum
þetta lag upp í Hljóðrita í nóvemb-
er.“
„Og á tveim dögurn," bætir Felix
við. „Við komum með lagið að mestu
leyti fullmótað í stúdíóið. Gunnar
Þórðarson stjórnaði upptökunum.
Hann kom með sínar athugasemdir
og gerði síðan breytingar í samráði
við okkur. Við höfum reyndar heyrt
utan að okkur að sumum fmnist lag-
ið vera dálítið i anda hans. Samt er
það nú svo að það sem mönnum
fmnst hvað mest einkennandi fyrir
Gunnar Þórðar í laginu, er algerlega
eftir okkar höfði,“
Engin útihátíð
„Við erum að vinna núna að dag-
skrá fyrir sumarið," segir Felix. „Það
tekur mikinn tíma. Þetta eru mikil
hlaup og lítil laun. Og svo er stór
plata í uppsiglingu.“
Mjög stór?
„Fullorðinsstærð," staðfestir
Kristján. „Við hófum undirbúning
fyrir tveim mánuðum og höfum feng-
ið Tómas Tómasson til að stjórna
upptökum. Markmiðið er að byrja
að taka upp í Grettisgati 20. apríl.
Við ætlum okkur mánuð i verkið.
Síðan er stefnt að því að platan komi
út mánuði síðar, um miðjan júní.“
Svona rétt tímanlega fyrir útihátíð-
irnar?
„Ó nei. Það verður engin útihátíð
á þessari plötu.“
Frá hjartanu
Otihátíð átti víst aldrei að vera á
hinni plötunni. Laginu var kippt með
á síðustu stundu, útilegumönnum um
verslunarmannahelgina til ánægju
og yndisauka. Og það hreif.
„Nýja platan á eftir að koma mikið
á óvart,“ segja Kristján og Felix og
hafa Blátt blóð í huga. „Hún var
satt best að segja dálítið hroðvirknis-
lega unnin. Sú nýja verður af allt
öðru sauðahúsi. Þama ægir ýmsu
saman, allt frá melódísku rokki yfir
i ballöður.“
Ballöður já. Mjög væmnar?
„Þetta er ekkert ástarkjaftæði,“
svarar Kristján að bragði, „þó það
sé svo sem í lagi að hafa smáróman-
tík.“
Sem lýsir sér þá hvernig?
FOLLKOMIN VÉL
A
FRÁBÆRU VERÐI
Heitt og kalt vatn,
400/800 snúningar,
íslenskar merkingar
á stjórnborði,
18 þvottakerfi,
sjálfstætt hitaval.
kr.27.997,-
NÝJABÆ-EIÐISTORGI
SÍMI 622-200
Rokkspildan
„Til dæmis í laginu Nótt. Þetta er
ekki ástarsöngur heldur miklu frek-
ar söngur til vinar. Lagið er byggt á
sannsögulegum atburðum, eins og
Þyrnirós."
„Það er erfitt að semja texta sem
ekki eru byggðir á eigin reynslu,"
leggur Felix til málanna. „Þa fyrst
fara hlutirnir að fara úr böndunum,
verða væmnir eða eitthvað í þá ver-
una.“
„Einmitt," samsinnir Kristján
glottandi. „Þetta verður að koma frá
manni sjálfum. Eins og til dæmis lag-
ið Ég vil fá hana strax.“
Með skoðanir
„Það er afskaplega þreytandi þegar
fólk segir að við tjáum engar skoðan-
ir í textunum," halda Greifamir
áfram. „Auðvitað höfum við skoðan-
ir þó textarnir okkar séu kannski
auðlærðir. Við segjum einfaldlega
það sem við meinum. Við gefum okk-
ur ekki út fyrir að vera eitthvað
annað en við erum.“
Ymsir harðneita einmitt að taka
ykkur alvarlega.
„Það er kannski að vissu leyti
skiljanlegt. Fyrsta platan gaf ekki
beint rétta mynd af okkur. En síðan
hefur mikið vatn runnið til sjávar.
Við tökum okkur alvarlega og gerum
okkar besta. Samt er ekki reiknað
með okkur. í stað þess er verið að
smjaðra fyrir hinum og þessum
hljómsveitum sem að flestu leyti hafa
náð mun minni árangri en við. Og
þó höfum við ekki starfað í nafni
Greifanna nema í rúmt ár.“
Afgreiddir eins og hver önnur af-
þreying?
„Einmitt. Samt eru við ekki meiri
afþreying en Stuðmenn eða jafnvel
Bubbi. Hann er skapandi og hefur
um leið visst afþreyingargildi, rétt
eins og við.“
Vindur í seglin
Greifarnir draga andann djúpt og
fylla lungun lofti eftir þessa yfirlýs-
ingu. Ætli þetta séu vindhanar? Þeir
svara því neitandi. „Við viljum að-
eins að fólk taki með í reikninginn
að við erum að leggja okkur alla
fram. Við höfum þróast mikið frá
þeim punkti sem við byrjuðum á, það
er að segja í Músíktilraunum. Við
erum mjög spenntir að fara að vinna
að nýju plötunni með Tómasi. Hann
er enda einn besti upptökustjóri
landsins."
Og þið ætlið að halda út eitthvað
fram á sumarið, kannski fram yfir
verslunarmannahelgi?
„Alveg örugglega," segja Greifarn-
ir valdsmannslega. „Við erum rétt
að byrja.“ -ÞJV
Rauði kross íslands heldur námskeið
til undirbúnings fyrir
HJÁLPARSTÖRF
í Munaðarnesi 8.-15. maí nk.
Þátttökuskilyrði eru:
- 25 ára lágmarksaldur
- góð tungumálakunnátta, a.m.k. enska
- góð starfsmenntun
- góð almenn þekking og reynsla.
Námskeiðið fer fram á ensku og verða leiðbeinendur
frá Alþjóða Rauða krossinum í Genf.
Fjöldi þátttakenda er áætlaður 20 og er þátttökugjald
kr. 6000 (fæði, gisting, kennslugögn og ferðir Reykja-
vík - Munaðarnes - Reykjavík).
Umsóknareyðublöð fást á aðalskrifstofu RKÍ að Rauð-
arárstíg 18 í Reykjavík og hjá deildum RKÍ úti á landi.
Umsóknum ber að skila á aðalskrifstofu RKl fyrir 15.
apríl og þar veitir Jakobína Þórðardóttir nánari upplýs-
ingar, sími 26722.
Nýjasti bíllinn frá Ford í Þýskalandi er
CRiGil
n SVEINN EGILSSON HF.
Skeifunni 17. Sími 685100.
Til afgreiðslu strax
Verð beinskiptur kr. 526.500.
Verð sjálfskiptur kr. 577.800.
Opið
laugardaga
kl. 13-17.
>
j
I-