Dagblaðið Vísir - DV - 16.07.1987, Page 7

FIMMTUDAGUR 16. JÚLÍ 1987.
7
Viðskipti
Hærra fiskverð
hækkar hásetahlut
Mikið hefur verið rætt og ritað um
hækkun á fiskverði nú að undanfömu
og ekki af ástæðulausu, enda hafa
orðið róttækar breytingar á fiskverðs-
mynduninni með því að gefa verðið
frjálst. Flestir eru sammála um það
að fiskverðið hafi hækkað nokkuð að
undanfömu en hins vegar treystir eng-
inn ábyrgur' aðili sér til að segja
nákvæmlega til um það hver sú hækk-
un er, enda byggist dæmið á margsl-
ungnum og síbreytilegum forsendum.
Því síður treysta menn sér til þess
að spá einhverju um þróun fiskverðs-
ins á næstu mánuðum.
Þjóðhagsstofnun hefur t.d. ekkert
sagt um það hve mikið fiskverðið hafi
hækkað frá því að það var gefið frjálst
en ef fiskverð hefúr hækkað um 15%
að meðaltali gerir Þjóðhagsstofnun
hins vegar ráð fyrir því að meðalárs-
laun háseta á fiskiskipum hækki um
hundrað þúsund krónur. Þetta merkir
að meðalárslaun háseta hækki úr 1,2
milljónum í 1,3 milljónir eða um 8,3%.
Við bárum þennan talnaleik undir
Hólmgeir Jónsson, hagfræðing Sjó-
mannasambandsins
„Það er afskaplega erfitt að halda
fram einhveijum ákveðnum tölum í
þessum efnum,“ sagði Hólmgeir. Hér
er nefnilega um að ræða afskaplega
margþættar forsendur. Það er t.d. ekk-
ert hægt að segja með vissu um hver
þróunin verður í verðlagsmálunum.
Það er einnig svolítið flókið að meta
meðalhækkunina að undanfömu,
enda er um að ræða nokkuð misjafnt
verð á ýmsum stöðum á landinu.
Að vísu hafa verið gerðir fastir verð-
samningar milli seljenda og kaupenda
í mörgum tilfellum en það eru skamm-
tímasamningar sem gilda fram að
næstu mánaðamótum.
Við skulum svo líka hafa það í
huga,“ sagði Hólmgeir, „að nú em
margir bátar á rækju en verðið á bol-
fiski kemur náttúrlega ekkert inn í
það dæmi.“
Hólmgeir gat þess einnig að fiskverð
hefði að vísu hækkað um 6-8% um
áramótin en sú hækkun hefði komið
sjómönnum að litlu gagni, enda hefði
stærðarkúrfunni í fiskmatinu þá verið
breytt sjómönnum í óhag. „Sjómenn
fengu því litla eða enga kauphækk-
un,“ sagði Hólmgeir.
„Hráefniskostnaður sem hlutfall af
tekjum er nú mjög svipaður því sem
hann var 1983 þannig að það stenst
ekki að góðærið hafi allt lent hjá sjó-
mönnum.
Ef við hins vegar tökum laun og
tengd gjöld í fiskvinnslunni kemur í
ljós að þau hafa hækkað úr 22 í 25%
frá árinu 1984.
Það má svo ekki gleyma því að tekj-
ur sjómanna ráðast af aflamagni og
fiskverði en nú er einmitt útlit fyrir
að á næsta ári verði verulegur sam-
dráttur í þorskveiðum."
-KGK
Hér eru kumpánarnir kampakatir, f.v. Björn Kr. Leifsson, Magnús Scheving
og Ulf Bengtson, eigandi World Class i Stokkhólmi. DV-mynd JAK
íslenskur
þolfimi-
kennari
fluttur út
„Þetta er i fyrsta skipti sem við
flytj’vm út íslenskan aerobick-
kennara, venjulega þurfum við að
fá útlendinga hingað," sagði Bjöm
Kr. Leifsson, eigandi World Class
stúdíó á íslandi. Þaðan er að fara
einn þeirra besti kennari, Magnús
Scheving, til Svíþjóðar. „Við fórum
þangað saman fyrir nokkm og
Svíamir urðu svo hrifnir af Magn-
úsi að þeir pöntuðu hann til
kennslu í stærstu World Class
aerobick stöðinni í Stokkhólmi í
einn og hálfan mánuð."
-BTH
Guörún Sigurðardóttir handfjatlar myndarlega vatnsmelónu.
DV-myndir GVA
„Komdu og skoðaðu
í kistuna mína...“
- útimarkaður á Egilsstöðum
Það er ekki bara í Reykjavík og á
Akureyri sem íbúamir geta státað af
líflegum útimarkaði. Á Egilsstöðum,
höfuðstað Austurlands, hefur verið
starfi"æktur útimarkaður í sumar og
fyrrasumar.
Þar er m.a. fjölskrúðugur ávaxta-
og grænmetismarkaður en inni í tjaldi.
sem reist hefur verið yfir markaðinn,
má auk þess finna vörutegundir af
hinum margbrevtilegasta toga: reykt-
an silung, íslendingasögur, austur-
lenska skartgripi, andaegg, lopapevs-
ur, döðlur, prjónavettlinga.
negrakossa og flatbrauð. Allt þetta og
margt fleira fæst á útimarkaðnum á
Egilssöðum.
Hún heitir Guðrún Sigurðardóttir
konan sem á þennan hátt hefur brotið
blað í verslunarháttum þeirra Egils-
staðabúa. DV-menn áttu leið um
Egilsstaði á dögunum og tóku þá þessa
athafnakonu tali.
„Þetta gengur alveg ágætlega."
sagði Guðrún. ..Það hefur að vísu tek-
ið sinn tíma fyrir fólk hér um slóðir
að átta sig á þessu en nú er markaður-
inn orðinn ansi vinsæll og fólk kann
augljóslega að meta þessa nýbreytni.
Það má segja að útimarkaðurinn sé
starfræktur fyrir þá sem vilja koma
vörum sínum á framfæri. En það sem
óneitanlega gerir markaðinn hérna
svolítið skemmtilegan eru tengsl okk-
ar við húsfreyjumar á bæjunum hér í
nálægum sveitum. Þær hafa komið
hingað með heimaunnar vörur. heima-
bakað brauð og jafrivel með íslenskan
sveitamat að gefnu tilefni.
Svo höfum \dð verið með ýmiss kon-
ar uppákomur hér til að lífga upp á
stemmninguna." sagði Guðrún.
Rekstur útimarkaðarins hefur hafist
f júní og mun standa fram í septemb-
er. Hann er opinn til klukkan tíu á
sunnudags- og miðvikudagskvöldum
en á miðvikudögum flykkiast þeir
ferðamenn til Egilsstaða sem ætla sér
daginn eftir að sigla með Norrænu frá
Sevðisfirði. KGK
Feröamaöur viröir fyrir sér islenskar
lopapeysur en eins og sjá má eru þær
til í miklu úrvali á útimarkaðnum.
Viötalið
Þýðir væntanlega mikla viðbót í reynslubankann
- segir Jónína Michaelsdóttir, nýráðinn aðstoðarmaður forsætisráðherra
„Það þýðir lítið að spyrja mig um
áhugamál, ég er ekki mikill „hobbý-
isti“ og nota tíma minn í að vera
með fjölskyldunni, sinna vinnunni,
skrifa, lesa og fylgjast með því sem
er að gerast i þjóðfélaginu,“ sagði
Jónína Michaelsdóttir, sem hefúr
verið ráðin aðstoðarmaður Þorsteins
Pálssonar forsætisráðherra, í sam-
tali við DV.
„Þetta starf þýðir væntanlega
mjög mikla viðbót í minn reynslu-
banka, auk þess sem ég hlakka mikið
til að vinna aftur með Þorsteini
Pálssyni,“ sagði Jónína.
„Við unnum saman þegar hann
var ritstjóri á Vísi og það má segja
að hann hafi gert mig að blaða-
manni,“ sagði Jónína sem starfaði i
blaðamennsku árin 1977 til 1980.
Eftir blaðamennsku um þriggja
ára skeið starfaði Jónina sem fram-
kvæmdastjóri hjá Viðskiptum og
verslun, samtökum þeirra aðila sem
eiga Hús verslunarinnar, en siðan
lá leiðin til Iðnaðarbankans. Frá
árinu 1986 hefur hún starfað sjálf-
stætt við markaðs- og kynningarmál
■
Jónína Michaelsdóttir.
en auk þess skrifaði hún söluhæstu
bókina á síðustu jólabókavertið.
ævisögu Þiu-íðar Pálsdóttur. ..Eg er
nú með hálfúnna viðtalsbók sem ég
veit ekki hvort mér tekst að ljúka
við áðiu- en ég byvja í forsætisráðu-
neytinu." sagði Jónina en hún hefur
störf þar þann 1. ágúst næstkomandi.
Jónina hefur haft afskipti af stjóm-
máliun og tekið \drkan þátt í flokks-
stai'fi í Sjálfstæðisflokknum um
árabil. „Ég gaf ekki kost á mér til
áframhaldandi setu í miðstjórn á
landsfundi 1985 og hef þannig ekki
tekið þátt í flokksstarfinu undanfar-
in tvö ár. ekki vegna áhugaskorts
heldur einfaldlega vegna þess að ég
hef verið að gera annað. Ég hafði
líka setið í miðstjórn í 4 ár og þótti
eðlilegt að rýma fyiir nýju fólki,"
sagði Jónína.
„Ég held að starf aðstoðarmanns
forsætisráðherra sé fjölbreytt og
áhugavert en helst vildi ég nú hefja
störf áður en ég fer að tjá mig um
það,“ sagði Jónína Michaelsdóttir
að lokum.
-ój