Dagblaðið Vísir - DV - 29.12.1989, Síða 10

10
Útlönd
FÖSTUDAGÚR 29. ÐESEMBER 1989.
x>v
Gífurlegar
skemmdir eftir
jarðskjálftann
Endurreisa þarf stóran hluta borg-
arinnar Newcastle i Ástralíu eftir
iarðskjálftann sem reið þar yfir í
fyrradag. Aö minnsta kosti níu
manns létu lífiö í skjálftanum, að því
er greint var frá í gærkvöldi. Lögregl-
an hafði áður sagt að ellefu hefðu
farist en seint í gærkvöldi hafði að-
eins verið hægt að staðfesta lát níu
manna. Hins vegar er óttast að fjöldi
látinna geti verið miklu meiri þar
sem enn hafa ekki allir náðst úr
rústum klúbbs verkamanna þar sem
flest líkin hafa fundist.
Lögreglan taldi ekki útilokað að
einhverjir gætu verið á lífi í rústun-
um og benti á að nokkrum dögum
eftir jarðskjálftann í San Francisco
hefði fólk fundist á lífi. Lögreglan
vildi hins vegar ekki tjá sig um þær
fréttir starfsmanna klúbbsins aö
tuttugu manns væri saknað. Aftur á
móti væri vitað að tuttugu bílar
hefðu verið i bílageymslunni í kjall-
ara byggingarinnar.
Á meðan björgunarstörfum var
haldið áfram var eyðileggingin í
borginni könnuð. Að sögn yfirvalda
hafa orðið skemmdir á 75 prósent
bygginganna í aöalviðskiptahverfmu
og þarf ef til vill að jafna yfir hundr-
aðbyggingarviðjörðu. Reuter

Flest likanna fundust í rústum byggingar þar sem var klúbbur verkamanna.
Símamynd Reuter
Manuel Antonio Noriega, fyrrum einvaldur á Panama, situr enn í sendiráði Páfagarðs í Panama. Simamynd Reuter
Stjómvöld í Panama:
Vilja framsal
Noriegas
Margir Panamabúar, sem og
stjómvöld þar í landi, vilja að Manu-
el Antonio Noriega hershöfðingi,
sem var einráður í Panama, komi
fyrir rétt í Bandaríkjunum og svari
til saka fyrir aðild að eiturlyfjasölu.
í þeim hópi eru bæði embættismenn
hinnar nýju stjórnar í Panama sem
og kirkjunnar menn þar í landi. í gær
safnaðist hópur Panamabúa saman
nærri sendiráði Páfagarðs í Panama-
borg, þar sem Noriega situr enn sem
fastast, og kraíðist þess að hershöfð-
inginn yrði framseldur til Bandaríkj-
anna en þar er hann eftirlýstur.
Bandaríkjastjórn hefur lengi viljað
koma höndum yfir hershöfðingjann
og í síðustu viku sendi Bush Banda-
ríkjaforseti herlið til landsins, m.a.
til að handtaka hann. En þrátt fyrir
rúmlega tuttugu þúsund bandaríska
hermenn í Panama gekk Noriega inn
í sendiráð Páfagarðs í Panamaborg á
aöfangadag, leitaði þar ásjár og hefur
farið fram á að Páfagarður veiti hon-
um pólitískt hæli. Bandaríkin og
Panama vilja að Páfagarður fram-
selji hershöfðingjann en beiðni
þeirra hefur verið hafnað.
Samningaviðræður um framtíð
Noriegas standa enn. Að sögn stjórn-
arerindreka er rætt um ýmsa mögu-
leika, s.s. aö Noriega komi fyrir rétt
í öðru landi en Bandaríkjunum, jafn-
vel í Panama. Sumir halda því fram
að það gæti reynst neyðarlegt fyrir
leyniþjónustu Bandaríkjanna, CIA,
ef Noriega yrði dreginn fyrir rétt því
að hann var í þjónustu CLA. Segja
þeir að komi til réttarhalda yflr hon-
um geti hann gripið til sömu ráða
og Oliver North gerði í íran-kontra
málinu, þ.e. krafist þess að ýmis
leyniskjöl verði lögð fram í réttinum,
skjöl sem gætu komið sér illa fyrir
aöra en hann sjálfan. Bush forseti
hefur vísað þessum vangaveltum á
bug og segir það forgangsverkefni að
Noriega verið dreginn fyrir dóm.
Reuter
FLUGELDASALA
FJÖLSKYLDUPOKAR - 4 GERÐIR
BLYS - ORGEL - GOS
ALLAR STÆRÐIR FLUGELDA
VERÐ OG GÆÐI VIÐ ALLRA HÆFI
FRAMHEIMILIÐ VIÐ SAFAMYRI
SÍMAR 680342/680343 v
SKIPHOLT 21 (HORNI NÓATÚNS)
Föstudagur 29. des........................kl. 10-22
Laugardagur 30. des.......................kl. 10-22
og að sjálfsögðu gamlársdagur,
sunnudagurinn 31. des.....................kl. 10-16
KRINGLAN I NYJA MIÐBÆNUM
Föstudagur 29. des.......................kl. 10-19
Laugardagur 30. des......................kl. 10-16
VISA/EURO
ÁVÍSANIR GEYMDAR