Dagblaðið Vísir - DV - 03.05.1990, Blaðsíða 13

FIMMTUDAGUR 3. MAÍ 1990.
13
I>V
Lesendur
'
: K.** '...
Áhyggjufullur faðir vill vita hvort grunnskólakennarar séu ráðnir að Samvinnuháskólanum.
Samvinnuháskólinn að Bifröst
Grunnskólakennarar ráðnir?
Áhyggjufullur faðir skrifar:
Tilefni þessa bréfs er það að ritari
þess á dóttur sem fyrir skömmu sótti
um inngöngu í Samvinnuháskólann
á Bifröst og fékk reyndar inngöngu.
En þegar dóttir mín frétti fyrir tilvilj-
un eina að einn af væntanlegum
kennurum hennar í þessum nýja
Samvinnuháskóla væri aðeins með
menntun sem kennari í grunnskóla
runnu á mig tvær grímur.
Ástæða þess er sú að ég hef kennt
sjálfur í háskóla bæði hér heima og
erlendis og veit ég þess ekki dæmi
að ráðnir séu til kennarastarfa í há-
skóla menn með minni menntun en
þeir nemendur sem þeir eiga að út-
skrifa. Undantekningarlaust eru
kennarar í háskólastofnunum með
háskólamenntun.
Af þessu tilefni langar mig til að
vita hvort þetta er rétt og ef svo er
þá langar mig til að spyrja hvernig
menntamálaráðuneytið geti veitt
slíkri menntastofnun starfsleyfl sem
ekki krefst þess af kennurum sínum
að þeir séu háskólamenntaðir.
Með þessu er ég ekki að dæma fyr-
irfram viðkomandi kennara óhæfan
heldur aðeins að benda á það að
stofnun sem kallar sig háskóla stend-
ur ekki undir nafni sem slík þegar
svona er að málum staðið. Að auki
mun gildi skírteina frá slíkum skól-
um ekki vega eins þungt og ella.
NORÐDEKK
önnumst alla almenna hjólbaröaþjónustu
jafnt fyrir vörubíla og fólksbíla.
Veriö velkomin

emimimm

Réttarháls 2 s. 84008 & 8Á009
Skipholt 35 s. 31055
Opiö virka daga frá kl. 8:00-19:00 Laugardaga frá 8:00-17:00
Kjaftasögur um barnadauða í bílageymslu Kringlunnar hafa verið lifseigar.
Viðbjéðsleg kjaftasaga
Tyeggja barna móðir hringdi:
Ég rak augun í litla frétt í DV um
daginn. Fréttin fjallaði um lífseiga
og útbreidda kjaftasögu um börn sem
hefðu dáið eftir að hafa verið skilin
eftir í bílum í bílageymslu Kringl-
unnar. Fundu blaðamenn engar
sannannir fyrir slúðrinu og virðist
það því ekki eiga við rök að styðjast.
Mér finnst það skrýtið og hálfvið-
bjóðslegt að nokkur skuli hafa geð í
sér að breiða út svona kjaftasögur.
Mig langar því til að spyrja þetta fólk,
sem breiðir út slíkar sögur, hvort það
fái eitthvað út úr því.
Ég vona bara að gróa á leiti láti af
starfi sínu og fólk hætti að breiða út
slíkar kjaftasögur.
Heilaskaðaði drengurinn 1 Bretlandi:
Hvað gerir utanrikisráðuneytið?
I.H. skrifar:
Fyrir nokkru skýrði DV frá því
að htill íslenskur drengur, sem var
í hjartaaðgerð í London, hefði hlot-
ið heilaskaða og orðið aumingi.
Ætla má að um mistök hafi verið
að ræða enda „týndust“ sjúkra-
skýrslur.
Þetta minnir á að nýlega fífluðust
nokkrir útgerðarmenn til að kaupa
og senda fiskiskip til Alaska á röng-
um forsendum. Þá hljóp ríkis-
stjórnin (sjávarútvegsráðuneytið)
upp til handa og fóta og sendi menn
til Washington. Voru menn þessir,
ásamt sendiherranum þar, dögum
saman að þrefa við bandarísk yfir-
völd um málið, allt á kostnað ís-
lensks almennings.
Sendiherra íslands hjá EB eyddi
miklum tíma til að troða dæmdum
dómara frá íslandi í starf hjá sam-
tökunum. Þegar Þorgeir Þorgeirs-
son rithöfundur var að leita réttar
síns hjá Mannréttindadómstól Evr-
ópu sendi dómsmálaráðuneytið
ráðuneytisstjórann, lagaprófessor
o.fl. til að standa í málaþrasi gegn
rithöfundinum - íslenskur almenn-
ingur borgaði brúsann.
Hvað snertir aðgerðina á litla
drengnum, sem rætt var um í upp-
hafi, er það svo að bresk einka-
sjúkrahús eru fjárhagslega tryggð
gegn óhöppum sem þessum. Ef
ekkert er gert í málinu merkir það
eingöngu að breskt tryggingarfélag
sleppur við að greiða háar skaða-
bætur. Þá sitja ungu hjónin uppi
bótalaus með skaðaða drénginn
sinn.
Og þá er spurningin: Hvað ætlar
utanríkisráðuneytið að gera í þessu
máh? Hvaða hjálp ætlar það að
veita? Hér er hvorki um að ræða
togara né dæmdan mann heldur
íslenskt alþýðufólk. Hvað skyldi
alþýðuforinginn mikh í utanríkis-
ráðuneytinu ætla sér að gera til
hjálpar?
h;rn9?I VU i ;;o Bflio “,5íeI-?
Fjöldi bilasala, bíla-
umboöa og einstaklinga
auglýsa fjölbreytt úrval
bíla af öllum geróum og
í öllum veröflokkum meö
góðum árangri í DV-BÍLAR
á laugardögum.
Athugió aó auglýsingar í
DV-BÍLAR þurfa aó berast
í síðasta lagi fyrir kl. 17.00
á fimmtudögum.
Smáauglýsingadeildin er
hins vegar opin alla daga
frá kl. 09.00 tiI 22.00 nema
laugardaga frá kl. 09.001 i I
14.00 og sunnudaga frá
kl. 18.00 til 22.00.
Smáauglýsing í
HELGARBLAÐ veróuraó
berast fyrir kl. 17.00
á föstudögum.
Auglýsingadeild