Dagblaðið Vísir - DV - 23.07.1990, Blaðsíða 2
2
MÁNUDAGUR 23. JÚLÍ 1990.
Fréttir
DV
Lögreglurassía og Tunglið svipt vínveitinga- og skemmtanaleyfi:
Munum höfða skaðabótamál
vegna lokunar Tunglsins
- töpuðum tæpri miUjón, segir aðstandandi listahátíðar næturlífsins
„Það verður höfðað skaðabótamál
á hendur þeim sem reka skemmti-
staðinn Tunghð. Viö töpuöum tæpri
milljón á því að þeir voru bæði svipt-
ir vínveitinga- og skemmtanaleyfi nú
um helgina. Tapið liggur fyrst og
fremst í því að eftir að lögreglan lok-
aði staðnum, skömmu eftir miðnætti
aðfaranótt sunnudags, urðum við að
endurgreiða gestum miða sína,“ seg-
ir Jökull Tómasson, einn af aðstand-
endum listahátíöar næturlífsins.
Að sögn lögreglunnar var Tunglið
svipt vínveitinga- og skemmtanaleyfi
vegna ítrekaðra brota á lögum um
sölu veitinga- og áfengis, svo og van-
efnda á endurbótum á húsnæðinu.
Skömmu eftir miðnætti á fóstudag
fóru 5-6 lögregluþjónar inn á
skemmtistaðinn og vísuðu öllum
gestum hans út en þar stóð þá yíir
dansleikur.
„Það er eins og yfirvöld hafi gert
allt sem í þeirra valdi stóð til að eyði-
leggja listahátíðina fyrir okkur. Á
fimmtudaginn, þegar meðlimir
breska næturklúbbsins Brain Club
komu til landsins, var gerð mikil leit
aö eiturlyfjum hjá hópnum. Síðan
svipti heilbrigðiseftirlitið Tunglið
leyfi til skemmtanahalds þann sama
dag en með þeim formerkjum að ef
gerðar yrðu vissar umbætur, sem
aöallega fólust 1 því aö þrífa betur
og lagfæra eitthvert smotterí, yrði
hægt að opna húsið aftur.
Á föstudag töldum viö okkur vera
búna aö uppfylla öll þau skilyrði sem
sett voru.
Það var svo klukkan 16.00 á föstu-
dag sem húsið var endanlega svipt
vínveitingaleyfi og þá var ekki nema
klukkutími uns öllum opinberum
skrifstofum yrði lokaö. Það var allt
sett á fullt til að fá leyfið og á endan-
um höfðum viö fengið leyfi heilbrigð-
is- og lögregluyfirvalda til að hafa
húsiö opið. Hins vegar náðum við
ekki í starfsmann vínveitingaeftir-
litsins til að biðja hann að taka húsið
út á nýjan leik og á því strandaði.
Viö ákváöum samt sem áður að
halda okkar striki og halda fyrir-
hugaða tónleika í húsinu þó svo að
barirnir yrðu lokaðir. Skömmu eftir
miðnætti opnuðum viö einn bar en
hann var eingöngu opinn fyrir ensku
listamennina. Stuttu síðar kom
starfsmaður vínveitingaeftirlitsins á
staðinn og hann kallaði á 20-30 lög-
regluþjóna til að ryðja húsiö. Við
endurgreiddum öllum gestum staö-
arins og auk þess fengu þeir í sára-
bætur aðgöngumiða að Casablanca
en þar var diskótek.
í kjölfar þessa teljum við okkur
eiga skildar skaðabætur af hendi
rekstraraðila Tunglsins. Þeir leigðu
okkur staðinn með þeim skilyrðum
að vínveitinga- og skemmtanaleyfl
væru til staðar. Það er því samnings-
brot af þeirra hálfu að hafa ekki stað-
ið við sinn hlut.
Við fengum svo inni í Hollywood á
laugardagskvöldið en lögreglan kom
á staðinn til að athuga hvort ekki
væri allt í lagi og reyndist svo vera
og létu þeir okkur í friði í það skipt-
ið,“ segir Jökull
Ekki náðist í Þorleif Bjömsson,
handhafa vínveitinga- og skemmt-
analeyfis Tunglsins, vegna þessa
máls.
-J.Mar
2000 m2 gróðurhús
fyrir Héraðsskóga
- áætlað að framleiða þar 5-6 miUjónir plantna á ári
Sigrún Björgvinsdóttir, DV, Egilsstöðum:
„Ef tekst að ná tveimur uppskemm
á ári má reikna með að hægt verði
að framleiða 5-6 milljón plöntur ár-
lega,“ sagði Helgi Gíslason, verkefn-
isstjóri Héraösskóga, á fundi Félags
skógarbænda á Fljótsdalshéraði sem
haldinn var 16. júlí.
Til umræðu var undirbúningur að
stofnun hlutafélags um byggingu
stórrar gróðrarstöðvar til að fram-
leiða lerkiplöntur fyrir Héraðsskóga.
Skiptar skoðanir hafa verið um hvort
gróðurhúsið ætti aö rísa á Hallorms-
stað eða á Mið-Héraði en heita vatnið
norðan Fellabæjar mun hafa ráðið
úrslitum. Nú hefur verið ákveðið að
gróðurhúsið verði byggt þar.
Það verður 2000 m2 að stærö og
áætlaður kostnaður á hvem fer-
metra er 10.000 krónur eða um 30
milljónir. Inni í þeirri upphæð er
rekstrarkostnaður fyrsta árið eða
þar til stöðin fer að gefa af sér. Fram-
kvæmdir hefjast í haust og er áform-
að að ljúka húsinu fyrir vorið svo sáð
veröi á eðlilegum tíma.
Á fundinum var kosin þriggja
manna nefnd til að undirbúa stofn-
fund hlutafélagsins.
Hryggur gerður,
hryggur burt
í fyrrasumar var flutt möl í miklu
magni og byggður upp mikill hrygg-
ur fyrir neðan Suðurlandsbraut. Nú
er veriö að flytja þessa sömu möl í
burtu.
Skýringin er sú að mold er þarna
undir og til þess að þurfa ekki að rífa
allt upp og flytja moldina í burtu er
mölin látin liggja ofan á til þess að
þjappa henni niður og ná fram sigi.
Gatnamálastjóri segir þetta mun
ódýrara en jarðvegsskipti. Nú er
hluti malarinnar fluttur i burtu.
Meiningin er að færa Suðurlands-
brautina lítið eitt norðar. Hún verður
tvöföldmeöeyjuámifli. -pj
í fyrra var mölin flutt hingað og búinn til mikill hryggur. Nú er mölin flutt burt.
DV-mynd GVA
Loftbelgur sveif yfir höfuðborgarsvæðið í gær og fylgdist margt manna með
farinu. Var ferðin farin I tiiefni af ferðamálaári Evrópu 1990 og eru það öll
lönd EFTA og EB sem taka þótt. DV-mynd GVA
Flug loftbelgs vekur athygli
- flogiö 1 tilefni af feröamálaári
Það var óvenjuleg sjón sem íbúar
á höfuðborgarsvæðinu urðu vitni að
á laugardag. Var þar kominn loft-
belgur, fagurlega skreyttur, sem
sveif yflr þá sem á horföu. Þrír menn
voru með í för; bandaríski flugmað-
urinn William Speadbury og tveir
farþegar. Ætlunin haföi verið að
samgönguráðherra, Steingrímur J.
Sigfússon, væri þeirra á meðal. Töf
á flugtaki, sem varð vegna þess
hversu lágskýjað var um morguninn,
varð þess valdandi að hann gat ekki
verið með í för seinna um daginn.
Belgurinn fór á loft í Hafnarfirði
og flaug í norðurátt, yfir Garðabæ,
Kópavog og síðan til Reykjavíkur.
Var flogið í um 2000 feta hæð, eða
rúmlega 600 metrum. Flugmaðurinn
reyndi lendingu og snerti jörð á
Miklatúni. Það þótti hins vegar of
mikill vindur þar og loftbelgurinn
tókst á loft aftur. Hann lenti að lok-
um á túninu við Höföa eftir um hálf-
tíma flug. Mikill mannfjöldi fylgdist
með ferðalagi belgsins og voru dæmi
þess að böm á hjólum, sem fylgdu
honum eftir, rötuðu ekki heim að
ferð lokinni.
Tilefni ferðalagsins er ferðamálaár
Evrópu 1990 sem öll lönd EFTA og
EB, alls 18, taka þátt í. Ferö loft-
belgsins og áhafnar hans hófst í
Brussel 27. maí síðastliðinn og mun
standa yfir þar til í lok september.
ísland mun vera nyrsti viðkomustað-
urinn í ferðinni. Annað loftfar sömu
tegundar er einnig á ferð og var statt
í Berlín á laugardagskvöld þegar tón-
leikar Pink Floyd fóm fram við
Brandenborgarhliöið.
Hingað kom belgurinn með Nor-
rænu á fimmtudag. Ferðinni er heitið
norður til Akureyrar í dag, mánu-
dag, og er ætlunin að hefja loftbelg-
inn til flugs í kvöld. Veðurspá hefur
þó úrslitaáhrif um hvemig til tekst.
Áhöfnin mun yfirgefa landið nú í
vikunni og halda til Hollands þar
sem loftbelgimir tveir munu mætast.
-tlt
Rafknúnar
getnaðar-
varnir
„Ekki í kvöld, ástin mín, batt-
eríin eru að verða búin,“ gæti
orðið algengt koddahjal í framtíð-
inni. í Bandaríkjunum er nú ver-
iö að þróa nýstárlega gerð raf-
knúinna getnaðarvarna. Virðast
tilraunir lofa góðu á öpum en
getnaðarvörnin hefur ekki enn
verið reynd á mönnum.
Örsmá rafknúin tæki hafa verið
grædd í legháls nokkurra apa-
ynja og gefa þau frá sér lágan
rafstraum. Þegar sæðisfmmurn-
ar reyna að komast fram hjá tæk-
inu fá þær rafstuð sem nægir til
að lama þær svo för þeirra verður
ekki lengri og í sumum tilvikum
drepur straumurinn sæöisfrum-
urnar.
Tækið, og sá straumur sem það
gefur, á ekki að valda neinum
óþægindum, hvorki fyrir karldý-
rið né kvendýrið.
Að sögn dr. Stephens Kaali, sem
stjórnað hefur tilraunum þess-
um, munu líða nokkur ár uns
konur geta farið að nota þessa
getnaðarvörn því að enn hefur
ekki fundist nothæf lefö sem þær
geta notaö til aö kveikja á tækinu
eða slökkva á því. Þá aðgerð verð-
ur enn sem komið er að fram-
kvæmda á tilraunastofum. Jafn-
framt á eftir að finna trygga leið
til að konur geti fylgst með því
hvort tækið sé að verða raf-
magnslaust, því ef svo er þjónar
það ekki hlutverki sínu sem
skyldi. -J.Mar
í