Dagblaðið Vísir - DV - 20.09.1990, Síða 9

FIMMTUDAGUR 20. SEPTEMBER 1990.
9
Utlönd
Tilraunir til að koma á friði í Kambódíu fara út um þufur:
Fundarmenn fóru heim
án þess að ræðast við
- bardagar hafa þegar blossað upp milli stjómarhers og skæruliða

Khieu Samphan, leiðtogi Rauðu kmeranna i Kambód- Hun Sen, forsætisráherra Kambódiu, hitti aldrei and-
íu, ætlar að láta reyna á liðsstyrk sinn áður en hann stæðinga sina að máli í Bangkok þótt allir væru saman
sest aftur að samningaborðinu.
Simamynd Reuter komnir í borginni við friðarviðræðna. Símamynd Reuter
Tilraunir til að koma á friði í
Kambódíu hafa farið út um þúfur og
er nú búist við að aukin harka færist
í átökin í landinu. Fulltrúar stríðsað-
ila voru komnir saman í Bangkok í
Thailandi í nafni nýs þjóðarráðs til
að ræða friöaráætlun Sameinuðu
þjóðanna fyrir landið.
Áætlun SÞ var aldrei rædd því full-
trúarnir biðu á hótelum sínum í
Bangkok meðan þeir reyndu að ná
samkomulagi um hver ætti að skipa
forsæti þjóðarráðsins. Vonir stóðu til
að Noradom Shianouk prins yrði í
forsæti en hann kom ekki til fundar-
ins og hefur ekki viljað taka þátt í
störfum þjóðarráðsins. Aö Shianouk
fjarverandi gátu deiluðailar hvorki
komið sér saman um eitt né neitt og
fóru heim í fússi í gær.
Við heimfórina fóru heitingar milh
manna og spáðu leiðtogar allra fylk-
inga því að nú yrði barist af hörku í
landinu næstu vikur. Allir aðilár
komu nauðugir til fundarins þar sem
stórveldin í Oryggisráði Sameinuðu
þjóðanna knúðu á um að friður yrði
saminn. Friðarvilji yirðist hins vegar
enginn'vera meðal heimamanna.
„Þrátt fyrir að fundurinn færi út
um þúfur nú þá stöndum við samt
ekki í sömu sporum og í upphafi,"
sagði einn embættismaður eftir við-
ræðuslitin í gær. „Það er hins vegar
ljóst að áður en næsta skref verður
stigið í friðarátt ætla allir aðilar að
sýna hvað þeir geta á vígvellinum."
Þegar eftir aö ljóst var að engar
viðræður færu fram tilkynntu Rauðu
kmerarnir aö stjórnarherinn hefði
hafið sókn gegn skæruliðum við
landamæri Thailands. Hun Sen for-
sætisráðherra sagði aftur. á móti að
stjórnarherinn væri vel á verði því
Rauðu kmerarnir væru aldrei árás-
argjamari en nú.
Búist er við að átök verði hörð á
milli Rauðu kmeranna og stjórnar-
hersins jafnvel næstu vikur. Þessir
aðilar hafa langmestu herliði á að
skipa en aðrir hópar skæruliða eru
illa staddir eftir að Bandaríkjamenn
hættu að styðja þá fyrr á árinu.
Stjónin nýtur stuðnings Víetnama
og Sovétmanna en Rauðu kmerarnir
eru studdir af Kínverjum.
Vitað er að Sovétmenn hafa mikinn
hug á að hætta stuðningi við stjórn
Kambódíu og draga sig endanlega út
úr öllum átökum á svæðinu. Þetta
er aðalástæðan fyrir því að stjórnin
hefur yfirleittljáð máls á því að ræða
við hópa skæruliða í landinu.
Vilji Kínverja hefur ekki komiö
eins skýrt fram þótt þeir hafi staðið
að samþykktinni í Öryggisráðinu þar
sem áætlunin um frið í Kambódíu
varð til. Sagt er að Rauðu kmerarnir
standi betur að vígi nú en þeir hafa
lengi gert og era ekkert áíjáðir í að
leysa deiluna um yfirráðin yfir
Kambódíu við samningaborðið.
Enn er beið eftir viðbrögðum stór-
veldanna við niðurstöðunni í Bang-
kok. Þau hafa um það að velja að
láta deiluaðila eiga sig um stund eða
að reyna á ný að þvinga þá að samn-
ingaborðinu. Stjómin í Thailandi
hefur hins vegar sagt að ekki komi
til greina að þessir aðilar efni aftur
til fundar í Bangkok.
Thailendingum er mjög í mun að
friður komist á í nágrannaríkinu
Kambódíu en þeir voru nú eftir að
friðartilraunin fóra út um þúfur sak-
aðir um hlutdrægni. Sagt var að
mönnum stjómarinnar í Kambódíu
hafi verið hampað um of. Áður hafa
Thailendingar verið sakaðir um aö
styðja Rauðu kmerana. Thailending-
ar óttast því að deiluaðilar ætli sér
að draga þá inn í stríðið.
Chatichai Choonhavan, forsætis-
ráðherra Thailands, sagði eftir fund-
inn augljóst að þessir aðilar ætluðu
sér að deila áfram. „Meðan ekki
verður breyting þar á ætlum við ekki
að standa fyrir fundahöldum fyrir
þá,“ sagði forsætisráðherrann.
Reuter
Njósnir:
Samvinna milli
ísraelaogDana
Danskir leyniþjónustumenn
eru í bók fyrrum ísraelska njósn-
arans Victors Ostrovsky sakaðir
um nána samvinnu við ísraelsku
leyniþjónustuna, Mossad, varð-
andi umsóknir araba um vega-
bréfsáritanir. Þetta kom fram í
danska blaðinu Berhngske Tid-
ende í morgun.
í bók Ostrovskys segir að allar
umsóknir með arabískum nöfn-
um, sem dönskum yfirvöldum
berast, séu sendar til Tel Aviv í
ísrael. Þar eru umsóknirnar
keyrðar í tölvum Mossads.
í frétt blaðsins segir að sam-
bandið milli ísraelsku leyniþjón-
ustunnar og þeirrar dönsku sé
svo náið að það sé ósæmilegt.
Ritzau
EFTA- og EB-viðræðurnar:
Uppljóstranir um
kröfulista EFTA
Svíþjóð lætur undan Evrópu-
bandalaginu, EB, og fellur frá
mörgum af kröfum sínum í samn-
ingaviöræðunum um Evrópskt
efnahagssvæði, EES. Þetta fullyrð-
ir Svíinn Per Gahrton sem er sér-
fræðingur sænska umhverfis-
verndarflokksins í málefnum Evr-
ópubandalagsins. Gahrton kveöst
hafa undir höndum leynilegt skjal
um málið og sakar hann utanríkis-
viðskiptaráðherra Svíþjóðar, Anitu
Gradin, um að hafa farið á bak við
sænska þingið í þessu máli.
Gahrton segir skjalið dagsett 12.
júní síðastliðinn og á því séu allar
kröfur EFTA-ríkjanna um undan-
þágur. Gerði Gahrton grein fyrir
innihaldinu í sænska dagblaðinu
Dagens Nyheter í gær. Segir hann
það sanna aö Svíþjóð, og öll hin
EFTA-löndin, hafi fallið frá mörg-
um af fyrri kröfum sínum. Saman-
borið við fyrri undanþágulista
sænsku stjómarinnar frá því í
maí, sem Gahrton komst einnig
yfir, er nýi listinn miklu styttri.
Svíar setja nú aðeins fram átta
kröfur miðað við þrjátíu og tvær á
fyrri listanum. Það sem strokað
hefur verið út eru meðal annars
kröfur varðandi eiturefni, raftæki,
gallaðar byggingar, leikfóng,
skattaeftirlit, bankakaup erlendra
aðila, samtryggingar, félagslegar
tryggingar, meðákvörðunarrétt og
kjarnorkumál.
Skjalið sýnir einnig að Svíþjóð
og Finnland setja nú fram fæstar
kröfur af EFTA-löndunum. Lengst-
ur er listi Sviss eöa 16 atriði, Noreg-
ur er með 14, Liechtenstein 11, ís-
land 10 og Austurríki 9.
Gahrton veltir því fyrir sér
hvernig hægt hefur verið að falla
frá að minnsta kosti 24 atriðum á
lista Svíþjóðar frá 8. maí til 12. júní
þrátt fyrir að samningaviðræðurn-
ar við EB hafi ekki hafist fyrr en
20. júní.
Anita Gradin vill ekki tjá sig um
skjalið en segir það rangt að hún
hafi ekki veitt þingmönnum allar
upplýsingar sem hún hafi getað.
Helsti samningamaður Svía í viö-
ræðunum við EB vildi í gær ekki
svara því hvort fyrrnefndur kröfu-
listi væri til grundvallar viðræðun-
um. Fulltrúi Svisslendinga kvaðst
ekki kannast við listann. tt

STOR
GLÆSILEG
HUSGÖGN
TIL SÝNIS UM HELGINA
Opið til kl. 17 á laugardag
Frá kl. 14-17 á sunnudag
Opið í kvöld og annað kvöld til kl. 18
TMHÚSGÖGN
SÍÐUMÚLA 30 SÍMÍ 686822