Dagblaðið Vísir - DV - 05.03.1991, Side 4

4
ÞRIÐJUDAGUR .5. MARS 1991.
Fréttir
Skoðanakönnun DV:
Ríkisstjórnin rétt mer að
halda meirihlutanum
Ríkisstjómin rétt mer þaö að halda
meirihlutafylgi meðal landsmanna
samkvæmt skoðanakönnun DV, sem
var gerð um helgina. Ríkisstjórnin
hefur þar með haft meirihlutafylgi
síðan í desember. Áður hafði hún
verið í minnihluta um langan aldur.
Úrtakið í skoðanakönnuninni voru
600 manns, og var jafnt skipt milli
kynja og jafnt milli höfuðborgar-
Með og á móti ríkisstjórninni
- Þeir sem tóku afstöðu -
Fylgjandi
47,8%
Andvígir
Afstaðan til ríkisstjórnarinnar
svæöisins og landsbyggðarinnar.
Spurt var: Ert þú fylgjandi eða and-
víg(ur) ríkisstjórninni?
Af öllu úrtakinu sögðust 42,3 pró-
sent vera fylgjandi ríkisstjórninni.
38,8 prósent kváðust vera andvíg rík-
isstjórninni. 15,3 prósent voru óá-
kveðin, og 3,5 prósent vildu ekki
svara.
Miðað við könnun DV fyrir mánuði
hefur fylgi ríkisstjórnarinnar
minnkað um 0,2 prósentustig. And-
staðan hefur aukist um 0,1 prósentu-
stig. Hinum óákveðnu hefur fækkað
um 1,4 prósentustig og þeim sem
svara ekki fjölgaö um 1,3 prósentu-
stig.
Ef aðeins eru teknir þeir sem taka
afstöðu nú fylgja 52,2 prósent ríkis-
stjórninni en 47,8 prósent eru henni
andvíg. Þetta er strangt til tekið inn-
an skekkjumarka því aö frávik í
þessari könnun eru 3^4 prósentustig
í plús eða mínus.
Hið merkilega kemur út úr þessari
könnun eins og áður hefur verið
raunin að stjórnin er i meirihluta,
I skoðanakönnunum DV að undanförnu hefur sú staða komið fram að ríkis-
stjórnin nýtur fylgis meirihluta kjósenda en engu að síður segist meirihluti
kjósenda ætla að greiða Sjálfstæðisflokknum atkvæði sitt. Þeir geta því
glaðst, hvor á sinn hátt, þeir Steingrímur Hermannsson forsætisráðherra
og Þorsteinn Pálsson, formaður Sjálfstæðisflokksins.
þótt fylgi stjórnarflokkanna gefi ekki
tilefni til að ætla það þegar litið er á
fylgi flokkanna eitt sér. Lausnin felst
sem fyrr í því að ríkisstjórnin á til-
tölulega mikið fylgi meðal þeirra sem
eru óákveðnir um flokk. —-
-HH
%
45
35
25
15
D Desember
□ Febrúar
m nú
Niðurstöður skoðanakönnunarinnar urðu þessar.
Til samanburðar eru niðurstöður fyrri DV-kannana (í %):
mars júní ágúst okt. des. jan. apr. ág. okt des febr. ni
Jandi 29,5 18,7 23,8 23,7 28,0 25,8 30,3 32,8 34,5 44,3 42,5 42,3
4gir 0,0 60,5 56,0 60,0 50,0 53,3 50,3 42,8 41,3 36,4 38,7 38,8
Öákveðnir 20,0 18,7 16,2 14,0 20,5 17,2 14,8 23,2 22,7 16,8 16,7 15,3
Svaraekki 0,5 2,2 4,0 2,3 1,5 3,7 4,5 1,2 1,5 2,5 2,7 3,5
Fylgjandi Andvígir Óákveðnir Svaraekki
Ef aðeins eru teknir þeir sem tóku afstöðu verða niðurstöðurnar þessar (í %):
mars júní ágúst okt. des. jan. apr. ág. okt des febr. nú
, Fylgjandi 37,1 23,6 30,0 28,3 35,9 32,6 37,6 43,4 45,5 55,0 52,4 52,2
Andvígir 62,9 76,4 70,0 71,7 64,1 67,4 62,4 56,6 54,5 45,0 47,6 47,8
llmmælifólks
„Ráðherrarnir eru að gera skömm
af sér núna,“ sagði karl á Suður-
landi. „Ríkisstjórnin hefur gert
margt, bæði gott og slæmt, þannig
að ég er bæði með henni og á móti,“
sagði kona á Suðurlandi, „Er á móti
sumum í ríkisstjórninni en sumir
ráðherranna eru ágætir," sagði kona
á Suðurlandi.
„Mér finnst sjálfsagt að gefa þess-
ari ríkisstjóm hvíld,“ sagði karl í
Reykjavík. „Fáum ekkert betri ríkis-
stjóm og því styð ég hana,“ sagði
kona í Reykjavík. „Þetta er besta
stjórn sem við höfum haft í 20 ár,“
sagði kona á Norðurlandi. „Ég er
frekar ánægð með þessa ríkisstjórn.
Hún hefur unnið ágætlega," sagði
kona á Suðurnesjum. „Þessi ríkis-
stjórn er alls ekki aðlaðandi, einkum
vegnu stefnu hennar í skattamál-
um,“ sagöi karl í Reykjavík. „Maður
veit hvað maður hefur en ekki hvað
maður fær,“ sagði karl á Austur-
landi. -kaa
í dag mælir Dagfari
Alafoss - Ólaf oss
Dagfari er dálítið gleyminn á töl-
ur, einkum ef núllin eru mjög
mörg. Þess vegna man hann ekki í
svipinn hvað ullarverksmiðjan
Álafoss er búin að tapa mörgum
milljörðum á því að senda ullar-
trefla í gámum til Rússlands á und-
anfomum ámm. Þessi straumur
fjármagns í gegnum fyrirtækið,
sem réttara væri aö kalla foss,
byggist á viðskiptaviti félags-
hyggjumanna sem stjórna landinu
í þeirri trú að gróði sé af hinu illa.
Trú sína sýna þeir í verkunum með
því að tapa öllu sem þeir koma
nálægt og til þess að geta tapað sem
mestu á sem lengstum tíma hafa
þeir fundið upp nýtt nafn á tapinu;
þeir kalla það gróða. Dagfari hefur
verið að skemmta sér við það í góða
veðrinu að skoöa hvernig farið er
að þessu.
Fáir hafa átt meira bágt að und-
anfómu en hermenn Saddams
Hussein, íbúar Súdans og SÍS. Áður
en félagshyggjumenn ráðast í að
tapa á heimsmælikvarða hafa þeir
verið að æfa sig í því að tapa á inn-
anlandsmarkaði. Ekkert gat betur
hentað í þessu skyni en að slá jarð-
neskum leifum SÍS á Akureyri
saman viö rústir Álafoss og dæla í
þetta opinberu fé til að senda ull-
artrefla í gámum til Rússlands.
Öruggari leið til að tapa er ekki til.
En af því að þetta eru öfugir bis-
nessmenn verður gróðinn að vera
tap og tapið gróði og því þarf að
rugla spilið fyrir fólkinu sem borg-
ar brúsann með staðgreiðslu fyrsta
hvers mánaðar. Það gerðu þeir með
því að tapa svo rosalega mörgum
milljörðum undir eins að upp frá
því hafa þeir stöðugt verið að tapa
svolítið minna og samkvæmt síð-
ustu tölum var gróðinn kominn
upp í einnar milljón króna tap á
dag og heldur meira þegar unnið
var á vöktum.
Þegar búið var að breyta stað-
greiðslufé almennings í ullartrefla
í gámum á leið til Rússlands og
Álafoss farinn að græða verulega á
því að tapa gerðust þau gleðilegu
tíðindi að Ólafur Ragnar Grímsson
lét til leiðast að taka aö sér að koma
sínu viti í fjármál þjóðarinnar. Og
af því að hann er félagshyggjumað-
ur í æðra veldi en þarf samt ekkert
á hyggjuviti annarra manna að
halda er eiginlega réttara að segja
aö hann sé Ólafshyggjumaður, sá
eini sem til er í heiminum. Af Ólafs-
hyggjuviti sínu sá Ólafur að bragði
að sniðugt væri að reka ríkissjóð-
inn eins og Álafoss og af því að
honum er annt um að halda nafni
sínu á lofti og auk þess maður orð-
hagur kallar hann ríkissjóðinn
gjaman Ólafoss og rekur hann með
sama hætti og hinn fossinn.
Á blaðamannafundi fyrir nokkr-
um dögum gaf Ólafur Ragnar
blaðamönnum skýrslu um það
hvernig skýrslu hann ætlaði að
gefa Alþingi um það hvemig hann
færi að því aö reka Ólafoss eins og
Álafoss. Það var skemmtileg
skýrsla. Á árinu 1990 tapaði ríkis-
sjóöurinn/Ólafoss 4,4 milljörðum
króna en græddi samt. Þetta er ein-
falt mál og sést best á því að árið
áður tapaði Ólafoss 7,6 milljörðum
króna og telst þessi mismunur milli
ára auðvitað gróði. Úr því aö Ála-
foss gat grætt á þvi að tapa í upp-
hafi nógu stórt með því aö senda
ullartrefla í gámum til Rússlands
sá Ólafur að ríkissjóður færi létt
með að tapa svo mörgum milljörð-
um strax að upp frá því hlyti hann
alltaf að vera að græða með því aö
tapa minna. Þess vegna var Olafur
svona hress og glaður á blaða-
mannafundinum þegar hann sagöi
pressunni á undan Alþingi að ríkis-
sjóðurinn Ólafoss hefði stórgrætt á
síðasta ári með því að tapa bara 4,4
milljörðum.
En Ólafshyggjan ríður ekki við
einteyming. Höfundur hennar og
einkaleyfishafi upplýsti á blaða-
mannafundinum, til þess að það
kæmi ekki flatt upp á Alþingi, að í
fyrsta skipti í íslandssögunni hefði
þjóðin á sl. ári eytt minna fé en
heimilt var á fjárlögum. Alþingi
hafði að vísu heimilað Ólafi að tapa
bara 2,8 milljörðum og tapið fór upp
í 4,4 milljarða sem var hreinn gróði
afþví Ólafoss tapaði 7,6 milljörðum
árið áður. Þetta útskýrði Ólafur
þannig að hann hefði allt árið verið
að fá viðbótarleyfi til að tapa en í
jólaannríkinu komst hann ekki yflr
að tapa síðustu krónunum sem
hann mátti tapa og þannig eignað-
ist Ólafoss afgang þótt hann tapaði
4,4 milljörðum.
Dagfari