Dagblaðið Vísir - DV - 17.01.1992, Blaðsíða 4

4
FÖSTUDAGUR 17. JANÚAR 1992.
Fréttir
Hentar ekki að tala um hækkun iðgjalda bifreiðatrygginga núna:
Kemur örugglega ósk um
hækkun síðar á árinu
„Það er ekki talið henta að tala um
hækkun á bifreiðatryggingum þegar
menn eru að keppa um viðskiptavin-
ina. En það kemur örugglega fram
ósk um hækkun síðar á árinu ef það
er eitthvað að marka þaö sem for-
ráðamenn tryggingafélaganna hafa
verið að halda fram skipti eftir skipti
í fjölmiðlum að það sé svona mikið
tap á tryggingunum.
- segir Ragnar Ragnarsson hjá Tryggingaeftirliti rikisins
Það þarf að fara fram afkomuat-
hugun á bifreiðatryggingum í heild.
Það verður sú athugun sem ræður
grunniðgjaldinu," segir Ragnar
Ragnarsson hjá Tryggingaeftirliti
ríkisins.
„Fimm stærstu tryggingafélögin,
sem hafa boðið upp á bifreiðatrygg-
ingar til dagsins í dag, hafa kvartað
undan því að iðgjöldin væru lág. Því
er ekki að neita þau hafa hækkað
ansi mikið á undanfömum árum.
Það sem mest hefur verið kvartað
undan er slysatryggingin, aðrar
greinar hafa staðið undir sér.
Ökutækjatryggingamar em fjórar
greinar: ábyrgðartrygging ökutækja
sem greiðir fyrir tjón sem trygginga-
taki veldur öörum, framrúðutrygg-
ing og kaskótrygging sem bætir tjón
á eigin ökutæki sé viökomandi í
órétti. Þessar tryggingar lækkuðu
síðast þegar verð á bifreiðatrygging-
um var ákveðið. Fjórði hðurinn er
svo slysatrygging ökumanns og eig-
enda. Þetta er grein sem er tiltölulega
ný. Hún var tekin fyrst upp 1988 með
nýjum umferðarlögum. Menn van-
mátu í byrjun slysatíðnina og tjón-
þungann, bæði hvað varðar íjölda
tjóna og þær upphæðir sem þurfti
að greiða í bætur. Þessi trygging hef-
ur hækkað ár frá ári og þaö er hún
sem tryggingafélögin hafa verið að
tala um síðasta hálfa árið að hafi
verið alltof lágt iðgjald fyrir eða bæt-
urnar alltof háar.“
-J.Mar
Hvað kostar að tryggja
hjá Skandia íslandi?
MIVIC Pajero árg.1992
Tímabil 01.03.1992 -01.03.1993
Afsláttur af ábyrgöartryggingu: 70%
Afsláttur af kaskótryggingu: 50%
Sjálfsábyrgð 46.000
Reykjavík Ábyrgðartr. 26.284 Slysatr. ökum. 4.016 Framrúðutr. 2.408 Kaskótr. 23.860 Höfn í Hornafirði Ábyrgðartr. 18.398 Slysatr. ökum. 4.016 Framrúðutr. 2.408 Kaskótr. 21.475
Samtals: 56.568 Samtals: 46.297
MIVIC Galant 1600 árg.1992
Tímabil 01.03.1992 -01.03.1993
Afsláttur af ábyrgðartryggingu: 70%
Afsláttur af kaskótryggingu: 50%
Sjálfsábyrgð 46.000
Reykjavík Ábyrgðartr. 25.983 Slysatr. ökum. 4.710 Framrúðutr. 2.679 Kaskótr. 24.302 Höfn í Hornafirði Ábyrgðartr. 18.188 Slysatr. ökum. 4.710 Framrúðutr. 2.679 Kaskótr. 21.872
Samtals: 57.674 Samtals: 47.449
Toyota Corolla 1300 árg. 1992
Tímabil 01.03.1992 -01.03.1993
Afsláttur af ábyrgðartryggingu: 55%
Afsláttur af kaskótryggingu: 40%
Sjálfsábyrgð 46.000
Reykjavík Ábyrgðartr. 29.283 Slysatr. ökum. 4.508 Framrúðutr. 2.214 Kaskótr. 20.888 Höfn í Hornafirði Ábyrgðartr. 20.498 Slysatr. ökum. 4.508 Framrúðutr. 2.214 Kaskótr. 18.799
Samtals: 56.893 Samtals: 46.019
Skandia ísland var fengið til að reikna út hvað það kostaði aö tryggja þrjár tegundir af bilum hjá fyrirtækinu. í
öllum dæmunum aka eigendur bifreiðanna 10-15 þúsund kílómetra á ári. Þeir eru allir komnir yfir þrítugt og borga
því lægri iðgjöld en yngri ökumenn. Þess ber að geta að láni eigendurnir bifreiðar sínar ökumönnum yngri en 30
ára, til dæmis börnum sfnum, hækkar tryggingin um 10 prósent. Ef eigendur gefa rangar upplýsingar um notkun
bílsins má beita lagaákvæði um að þeir borgi 21 þúsund krónur i sjálfsábyrgð lendi billinn í óhappi. Auk þess má
geta þess að félagar í FÍB fá 10 prósent afslátt af þeim upphæðum sem tilgreindar eru í töflunni. Önnur trygginga-
félög hafa ekki enn gefið upp hvað felst í þeirra tryggingapökkum. Af þeim sökum er ekki hægt i dag að bera
saman bifreiðatryggingar á milli félaga.
Helmingur allra tryggingaviðskipta á íslandi eru bifreiðatryggingar:
Stöndum betur að vígi en önnur trygg jngafélög
- segirGísliLárusson,forstjóriSkandiaísland
„FÍB leitaði eftir samstarfi við okk-
ur fyrir áramót. Það er að mínu
mati staðfesting á því aö við bjóðum
hagstæðustu kjörin í bifreiðatrygg-
ingum í dag. Það er ekkert smámál
fyrir tryggingafélög að gera samning
við félagasamtök sem eru hagsmuna-
samtök 7000 bifreiðaeigenda sem
hafa kynnt sér þau kjör sem eru á
markaðnum og hafa séð fram á að
okkar skilmálar eru sambærilegir
við þau kjör sem best gerast á mark-
aðnum,“ segir Gísli Lárusson, fram-
kvæmdasljóri Skandia ísland. Fyrir
skömmu var undirritaður samning-
ur á miili Skandia íslands og Félags
íslenskra bifreiðaeigenda um 10 pró-
sent aukaafslátt til handa félags-
mönnum á bifreiöatryggingum
ásamt öllum öðrum einkatrygging-
um.
- Ekki fara allir yfir til ykkar?
„Þaö verður bara að koma í ljós.
En ef maður er að bjóða bifreiða-
tryggingar þá hlýtur það aö skipta
máh aö geta tengst hópi eins og FÍB.
Það kemur fram í úttektum, sem
gerðar hafa verið, að Skandia býður
lægstu iðgjöld á markaðnum í dag.
Fyrir 30 ára og eldri bjóðrnn við 10
til 26 prósent lægri iðgjöld en aðrir
gera.“
- Nú hefur manni ekki heyrst þaö á
tryggjngafélögunum að bifreiðtrygg-
ingar séu sérstaklega eftirsóknar-
verðar?
„Af hverju sækjast tryggingafélög-
in þá eftir þeim ef það er tap á þeim?
Helmingur allra tryggingaviöskipta
á íslandi eru bifreiðatryggingar. Þær
halda þvi uppi umfangsmikilli starf-
semi. Við stöndum betur aö vígi en
hin tryggingafélögin að því leyti aö
við glímum ekki viö fortíðarvanda
eins og þau. Auk þess sem Skandia
ísland gerir hlutina öðruvísi og notar
aðrar aðferðir. Viö viljum til dæmis
ekki fá viðskiptavinina hingað inn
heldur viljum við afgreiða þá í gegn-
um síma til að flýta fyrir lúutunum.
Það sem við erum að gera er að rjúfa
einokun á þessum markaði. Neyt-
endur hafa ekki haft neitt val um
bifreiðatryggingar og það er það sem
við erum að brjóta upp.“
-J.Mar
Ef tjónum fjölgar
hækkar tryggingin
- segir Axel Gíslason, forstjóri Vátryggingafélags íslands
„Ég tel aö margir sem eru í þessum
hópi séu þegar með betri kjör hjá
okkur en þama er verið aö bjóða.
Við erum til dæmis með fjölskyldu-
tryggingu sem nær yfir allar almenn-
ar tryggingar fjölskyldunnar, svo
sem heimilis-, húseigenda-, slysa- og
ábyrgðartryggingu. Þeir bíleigendur,
sem tryggja einn bíl hjá okkur, fá 25
prósent afslátt af öllum þessum
tryggingum, ef þeir eru með tvo bíla
fá þeir 30 prósent afslátt. Við höfum
boðið þessar tryggingar í nokkur ár,“
segir Axel Gíslason, forstjóri Vá-
tryggingafélags íslands, þegar hann
var spurður hvort VÍS myndi bjóða
bifreiðaeigendum aukaafslátt í kjöl-
far samnings Scandia íslands og Fé-
lags íslenskra bifreiðaeigenda.
- Það hefur komið fram að bifreiða-
tryggingar þurfi að hækka um 30
prósent til að standa undir sér?
„Það er einungis einn þáttur bif-
reiðatrygginga sem hefur ekki staöið
undir sér og þaö er slysatrygging
ökumanna. Hún hefur ekki staðið
undir sér í mörg ár. Slysatrygging
ökumanns er hins vegar ekki nema
einn hður af mörgum í bifreiðatrygg-
ingum þar sem ábyrgðartryggingar
eru veigamestu þættimir."
- Stendur þá til að hækka þennan
þátt tryggingarinnar?
„Við höfum boðað aö við munum
kynna nýjungar okkar í bílatrygg-
ingum ekki síðar en 26. janúar. Við
gerum ráð fyrir að bifreiðatrygging-
ar okkar verði samkeppnisfærar við
það sem önnur tryggingafélög bjóða.
Viö værum ekki jafn stórt trygginga-
félag og raun ber vitni ef við gætum
ekki boðið samkeppnisfært verð.
Viðskiptavinir okkar munu geta
treyst því að sú vátryggingarvernd,
sem þeir fá hjá okkur, verði áfram 1
fararbroddi og á samkeppnisfæru
verði."
- Verður hækkun á grunniðgjaldi
slysatryggingar ökumanns og eig-
anda ekki bara frestað um nokkra
mánuði?
„Ég held að það sé ekki hægt að
svara því með ööru en því að þegar
til lengri tima er litið þá taki trygg-
ingariðgjöldin miö af þeim tjónum
sem greiða þarf. Ef tjónunum heldur
áfram að fjölga munu iðgjöldin taka
mið af því og hækka hjá öllum trygg-
ingafélögunum.“
-J.Mar
Neytendasamtökin:
Væntum meiri viðbragða
„Við erum að bíða eftir að VÍS
upplýsi hvað þeir bjóða neyendum
upp á í sambandi við bifreiðatrygg-
ingar. Það er raunar allt of skammur
tími sem fólk fær til að meta þetta
því bifreiðatryggingum verður að
segja upp fyrir mánaðamót," segir
Sólrún Halldórsdóttir hjá Neytenda-
samtökunum.
„Eins og staðan er í dag eru þær
tryggingar, sem Skandia ísland býð-
ur upp á, þær hagstæðustu á mark-
aðnum. Það er hins vegar ekki vitað
á þessari stundu hvort önnur vá-
tryggingafélög koma fram með hlið-
stæð tilboð.
Fólk hefur ekki mikið haft sam-
band við Neytendasamtökin vegna
þessa. Það er eins og það þori ekki
að slá til. Ég hélt að það kæmu fram
meiri viðbrögð,“ segir Sólrún.
-J.Mar
Akureyri:
pjorn ac >1
Cyffi KrátjánEson, DV, A low íyn;
Tveir menn á tvítugsaldri hafa
verið handteknir á Akureyri vegna
innbrota á skiðasvæðinu í Hlíöar-
fjalli en þar stálu þeir um 40 þús-
und krónum í peningum.
Mennirnir fóru þangað tvívegis
og var þriöji aðili meö þeim í annað
skiptið. Þeir fóru inn í skúra við
lyftur í íjallinu og stálu peningum
sem komið höföu inn fyrir lyftu-
gjöld. Allir mennirnir hafa oft áður
komið við sögu hjá lögreglunni og
eru síbrotamenn.