Dagblaðið Vísir - DV - 04.02.1992, Side 5

ÞRIÐJUDAGUR 4. FEBRÚAR 1992.
5
Fréttir
Niðurskurðarhugmyndir 1 grunnskólunum:
Stórt skref aftur á bak
- segir skólastj óri Laugamesskóla
„Okkur líst afar illa á allar þær
hugmyndir sem komið hafa frá
menntamálaráðuneytinu varðandi
fyrirhugaðan niðurskurð í skólamál-
um, enda er hver þeirra stórt skref
aftur á bak,“ 'sagði Jón Freyr Þórar-
insson, skólastjóri í Laugarnesskóla,
viö DV.
Niðurskurðaráætlanir mennta-
málaráðherra hafa vakið mikil við-
brögð meðal nemenda, foreldra og
skólayfirvalda í grunnskólakerfinu.
Fýrirhugað er að skera niður sem
svarar 180 milljónum króna á fjár-
lagaárinu 1992. Hugmyndir þær, sem
komnar eru frá ráðuneytinu, eru að
fækka kennslustundum, fjölga í
bekkjum og aka nemendum milli
skólahverfa.
Jón Freyr sagði að skólastjórar og
kennarar hefðu þegar áhyggjur af
því hve kennslustundir í skólunum
væru fáar, miðað við það sem verið
hefði hér, svo og miðað við önnur
lönd.
„Við erum orðin langt á eftir,“
sagði hann. „Ef við tökum Svíþjóð
sem dæmi þá er skólavikan hjá okk-
ur 2-6 stundum styttri en þar. í
Bandaríkjunum er skóladagurinn
miklu lengri heldur en hér, svo og í
Bretlandi.
Samkvæmt töflu yfir stundafjölda,
eins og hann var hér 1974, þá munar
þetta heilum skóladegi frá þeim tíma.
Þá voru 10 ára börn með 6 stundum
meira á viku heldur en þau myndu
verða með þessari nýju breytingu.
Frá þessum tíma hefur verið skorið
í tvígang en svolitlu af því hefur ver-
ið skilað aftur. En nú á að ganga
lengra en nokkru sinni fyrr.“
Jón Freyr sagði það hafa verið
rætt í hópi skólastjóra að beina því
til ráðuneytisins að það ákveði í
hvaða greinum eigi að draga úr
kennslu. Ráðuneytið ætti að vera
ábyrgt fyrir þeim óvinsælu aðgerð-
um sem það mælti fyrir um.
„Við erum ekki heilög fyrir því að
það megi ekki hagræða hjá okkur
eins og annars staðar," sagði Jón
Freyr. „En ef farið er að draga úr
tímafjölda, svo ekki sé nú talaö um
ef farið verður að fjölga í bekkjum,
þá er þjónustan orðin miklum mun
verri heldur en áður. Hugmyndin um
að aka bömunum á milli hverfa er
óframkvæmanleg. En þeim dettur
þetta samt í hug.
Hér háttar þannig til að foreldrar
þurfa yfirleitt að vinna báðir úti. Það
er því enginn til að taka á móti flest-
um barnanna þegar þau koma heim
úr skólanum. Ef skóladagurinn verð-
ur styttur lengist enn sá tími sem
bamið þarf að vera einsamalt."
-JSS
Stjórn Foreldrafélags Langholtsskóla kom saman til fundar í gær þar sem rætt var meðal annars um frekari funda-
höld vegna fyrirhugaðs niðurskurðar í grunnskólunum. F.v. Aðalbjörg Þorvarðardóttir, Gunnhildur Snorradóttir,
Sigrún Sólmundsdóttir og Ingibjörg Bergmundsdóttir. DV-mynd GVA
Niöurskurður í framhaldsskólunum:
Þýðir fækkun nemenda
- segir Sölvi Sveinsson aöstoöarskólameistari
„Það er í rauninni ósköp lítið hægt
að skera niður núna, nema þrengja
þær reglur sem hafa verið í fram-
kvæmd, eins og varðandi p-áfangana,
það er utanskólaáfangana. Þar höf-
um við fækkað tímum nokkuð. Nið-
urskurðurinn kemur svo af fullum
þunga í haust, þá í formi færri nem-
enda,“ sagði Sölvi Sveinsson, aðstoð-
arskólameistari í Fjölbrautaskólan-
um í Ármúla.
Menntamálaráðuneytið hefur fyr-
irskipað niðurskurð í framhaldsskól-
unum á fjárlagaárinu 1992. Skal
hann vera sem svarar 120 milljónum
króna. Þeir skólameistarar sem DV
hefur rætt við segjast lítið geta tjáð
sig um hvar niðurskurðurinn komi
niður þar sem ekki sé búið að leggja
línumar enn. Hans fari ekki að gæta
að marki fyrr en í haust en þá verði
menn að beita hnífnum samkvæmt
fyrirmælunum.
Sölvi sagði að fyrirhugaður niður-
skurður myndi örugglega þýða
fækkun nemenda sem leiddi til minni
vinnu í skólanum. Þessi samdráttur
kæmi fyrst fram á yfirvinnu áður en ■
farið yrði að segja upp fólki.
„En ég vil ræða mínar hugmyndir
við kennarana fyrst áður en ég fer
að viðra þær viö almenning úti í bæ
eins og þar stendur," sagði hann.
„Við ætlun að reyna að hafa niður-
skurðartillögumar tilbúnar um
miðjan febrúar."
„Mér finnst ekki óeðlilegt að ætlast
til þess að ráðuneytið gefi okkur ein-
hveijar vísbendingar um hvar þessi
niðurskurður á að koma niður,"
sagði Kristján Bersi Ólafsson, skóla-
meistari í Flensborgarskóla í Hafnar-
firði. „Það er ákveðið að skera en
síðan er sagt: „Okkur kemur það
ekkert við hvar er skorið, það eigið
þið aö sjá um.“ Þetta finnst mér varla
forsvaranleg afstaða hjá stjómmála-
mönnum sem taka ákvaröanir um
niðurskurð."
Kristján Bersi sagði að ýmsir
möguleikar kæmu til greina. Þeir
ættu það allir sammerkt að þeir
væru vondir. „Við vorum kannski
svolítið grimmari í því núna að
skipta ekki upp í fleiri hópa heldur
en nauðsynlegt reyndist. Kennslu-
magn er því heldur minna núna
heldur en verið hefur á vorönnum.
En við höfum ekki gengið hart fram.“
Sverrir Einarsson, konnrektor í
Menntaskólanum við Hamrahlíð,
sagði að deildir skólans væra með
fyrirhugaöan niðurskurð til um-
ræðu. Þær ættu aö skila áliti eftir
hálfan mánuð. Á grundvelli þess yrði
síðan tekin ákvörðun um aðgerðir.
-JSS
Niðurskurðurinn:
Það vill enginn bera ábyrgðina
- segir formaður Foreldrafélags Langholtsskóla
„Það hefur komið glögglega fram
að það veit enginn hvaö á aö gera.
Þetta er orðið eins og bolti sem menn
velta á milli sín. Það vill enginn bera
ábyrgðina á því sem verður gert,“
sagði Aðalbjörg Þorvarðardóftir, for-
maður Foreldrafélags Langholts-
skóla.
Fyrirhugaður niðurskuröur hefur
vakiö mikil viðbrögö. Fundur var
haldinn um málið í Réttarholtsskóla
um helgina. Þá er fyrirhugað opið
hús í Hvassaleitisskóla, svo og
hverfafundur á næstunni. Foreldra-
félögin íhuga einnig að mótmæla
sameiginlega niðurskúrðarhug-
myndunum.
Aðalbjörg sagði að foreldrar vildu
alls ekki láta skerða skólagöngu
bama sinna meira en orðið væri nú.
Þetta væri búið að gera í tvígang síð-
an 1974 en nú væri nóg komið.
„Manni finnst svolítið óhugnanlegt
að það skuli vera hægt að skerða
hvað eftir annað án þess að það gangi
til baka. Þess vegna er svo mikilvægt
að hafa í frammi mótmæli núna
þannig að menn sjái að foreldrar telji
að þeim komi þetta við.“
-JSS
Loðnufrysting getur hafist eftir 2 til 3 vikur:
Sölusamningar við
Japana standa yfir
- búistviðlítillisemengriloðnuhrognasölu
Það styttist óðum í að loðnufryst-
ing geti hafist en þaö fer eftir hrogna-
fyllingu hennar hvenær frystingin
hefst.
Að sögn Jóns Magnúsar Kristjáns-
sonar hjá Sölumiðstöð hraðfirysti-
húsanna ætti loðnufrysting að geta
hafist eftir 2 til 3 vikur.
Um þessar mundir standa yfir
samningar við Japana um kaup á
frystri loðnu. Að sögn Jóns Magnús-
ar era taldar góðar horfur á sölu á
umtalsverðu magni að þessu sinni.
í fyrra seldi Sölumiðstöðin aðeins
130 lestir af frystri loðnu til Japana.
Bæði var lítill áhugi þar á kaupum
þá og verðið'var lágt. Nú hafa gengis-
mál snúist á þann veg að jenið hefur
hækkað og því fæst sæmilegt verð
fyrir frysta loðnu austur þar.
Jón Magnús segir hins vegar lak-
ara útlit með sölu loðnuhrogna af
þessu sinni. Miklar birgðir eru til í
Japan, eða um 3 þúsund lestir, en
ársneysla loðnuhrogna þar er um 5
þúsund lestir. Það er því líklegt að
lítið sem ekkert verði selt af loðnu-
hrognumtilJapaníár. -S.dór
ERTU MEÐ SKALLA?
HÁRVANDAMÁL?
B Fáðu aftur þitt eigið hár sem vex eðlilega
B Sársaukalaus meðferð
B Meðferðin er stutt (1 dagur)
B Skv. ströngustu kröfum bandarískra og þýskra staðla
B Framkvæmd undir eftirliti og stjórn sérmenntaðra
lækna
Persónuleg þjónusta í algerum trúnaði.
Sérfræðingar frá Inter Clinic verða hjá okkur
8. og 9. febr. nk.
Leitið upplýsinga hjá
RAKARASTOFAN
NEÐSTUTRÖÐ 8
Pósthólf 111, 202 Kópavogi
Simi 91-641923
Kvöldsimi 91-642319
ÍBO#
hársnyrting
Grettisgötu 9
Sími 12274