Dagblaðið Vísir - DV - 03.09.1993, Blaðsíða 4

Dagblaðið Vísir - DV - 03.09.1993, Blaðsíða 4
FÖSTUDAGUR 3. SEPTEMBER 1993 Fréttir „Svartir dagar" framundan í atvinnumálum Akureyringa: III manns Ottastað verði án atvinnu í vetur Varnarbarátta og aftur varaarbar- átta er það orð sem aftur og aftur kemur upp þegar rætt er við for- svarsmenn í atvinnulífinu á Akur- eyri um atvinnuástandið í bænum og horfur næstu mánaða á vinnu- markaðnum. Menn eru almennt sammála um að þessi barátta, sem snýr fyrst og fremst aö því að halda þremur stórum fyrirtækjum gang- andi, verði að bera árangur eigi at- vinnuleysið ekki að fara í 12-13% fyrir áramót. Þessi fyrirtæki eru nið- ursuðuverksmiðjan, sem rekstrarfé- lagið Strýta leigir til 15. september af þrotabúi K. Jónssonar, skinnaiðn- aðurinn, sem rekinn er við svipaðar aðstæður, og síðast en ekki síst horfa menn með ugg til þess ef ekki tekst að koma rekstri Slippstöðvarinnar Odda í gott horf og leysa geysileg fjárhagsvandræði fyrirtækisins. I þessum þremur fyrirtækjum starfa í dag hátt í 400 manhs. Atvinnuleysiö mun aukast „Það eru dökkar blikur á lofti, svo mikið er víst, og þótt allt fari á besta veg með þessi þrjú fyrirtæki þá tel ég nokkuð víst að atvinnuleysi hér á næstu mánuðum muni verða meira en það var á sama tíma í fyrra," seg- ir Björn Snæbjörnsson, formaður Atvínnuleysi einstaklinga á Akureyri 500 Verkalýðsfélagsins Einingar. „Fari hins vegar allt á versta veg, þá get ég alveg tekið undir með þeim sem óttast 12-13% atvinnuleysi á næstu mánuðum. Það þýðir að hátt í 1000 manns verða án atvinnu og þetta eru hrikalegar tölur," segir Björn. Bjöm segir að það sé á fleiri sviðum sem útlitið sé dökkt. Hann bendir á að greinilegt sé að í þjónustugreinum sé samdráttur og hann óttast að í vet- ur muni byggjngariðnaðurinn á Ak- ureyri eiga í miklum erfiðleikum því ekki séu fyrirsjáanlegar miklar bygg- ingaframkvæmdir. „Allt þýðir þetta minnkandi tekjur fyrir bæjarfélagið og því minna fé til framkvæmda á vegum bæjarins," segir Björn. Engin ný atvinnutækifæri Þau orð Heimis Ingimarssonar, formanhs atvinnumálanefndar Ak- ureyrarbæjar, sem hann viðhafði í DV á dögunum, að hann óttaðist allt að 12% atvinnuleysi í bænum í vetur Fréttaljós Gylfi Kristjánsson „verði ekkert að gert" hafa vakið mikla athygh og ugg, en þeir sem DV hefur rætt við síðan eru sam- mála Heimi hvað þetta varðar. Það er hins vegar sama hvar borið er niður, menn hafa engin svör á reið- um höndum um hvað hægt sé að gera til að bæta ástandið, allir tala um varnarbaráttu til þess þó aö halda í horfinu. Forsvarsmaður í stóru iðnaðarfyr- irtæki á Akureyri segir að þetta sé einn alvarlegasti hluturinn í öllu málinu. „Þótt einhverjh" séu til sem hafi fjármagn og gætu farið út í ný- sköpun í atvinnulífinu gerist það ekki við þessar aðstæður. Bæjarsjóð- ur hefur ekki bolmagn til að gera meira en hann hefur gert og menn hætta ekki því sem þeir hafa með því að reyna eitthvað nýtt. Þess í stað er alltaf talað um að halda því sem fyrir er og þetta þýðir einfaldlega að doði og vonleysi ná yfirhöndinni." Hrikalegar tölur Ef bornar eru saman tölur um fjölda atvinnuleysisdaga á Akureyri í einstökum mánuðum í ár og síðustu tvö árin blasir hrikaleg staðreynd við, og það virðist ekkert lát vera á. í júlí sl. voru skráðir 8088 atvinnu- leysisdagar á Akureyri, í júh á síð- asta ári voru þeir 5765 og í júlí árið 1991 voru dagarnir 4855. í mars á þessu ári voru atvinnuleysisdagar 11756, í sama mánuði á síðasta ári 7248 og í mars árið 1991 voru atvinnu- leysisdagar 4834. Munurinn er enn meiri ef litið er til janúarmánaðar. í ár voru í þessum mánuði 11174 at- vinnuleysissdagar, 6722 á síðasta ári og árið 1991 voru þeir 6344. Á meðfylgjandi töflu má sjá fjölda atvinnulausra í einstökum mánuð- um í ár og síðustu tvö árin. Þar blasa ógnvekjandi staðreyndir við en al- varlegast er þó að allra mati það sem framundan er. Eða eins og Heimir Ingimarsson, formaður arvinnu- málanefndar, orðaði það: „Útlitið er því miður rosalegt. Menn velta því fyrir sér fram og til baka hvað sé til varnar, en möguleikarnir eru því miður ekki margir." Gengið gegn vilja húsafriðunarnefhdar: Barist um ein- f alt eða tvöf alt glerílðnó Agreiningur er milli húsafriðunar- nefhdar ríkisins og endurbyggingar- nefhdar Iðnó um hvort serja eigi ein- falt eöa tvöfalt gler í gluggana á Iðnó en endurbætur standa nú yflr á hús- inu. Á borgarráðsfundi var ágrein- ingur nefndanna kynntur og kom þá fram að endurbyggingarnefndin hygðist ganga þvert á vih'a húsafrið- unarnefndar og setja tvöfalt gler í gluggana. Fyrirhugað er að hefja srníði glugganna á næstu dögum. í greinargerð Hjörleifs B. Kvaran, framkvæmdastjóra Lögfræði- og stjórnsýsludeildar borgarinnar, seg- ir meðal annars að Iðnó sé sam- kvæmt lögum friðað að ytra útliti og innra skipulagi. Óheimilt sé að gera breytingar á friöuðu húsi án leyfis húsafriðunarnefndar. Húsafriðunar- nefnd hafi hafhaö beiöni endurbygg- ingarnefndar um aö sett verði tvöfalt gler í glugga hússins. Endurbygging- arnefndin hafi hins vegar samþykkt að láta setja tvöfalt gler í gluggana í trássi við húsafriðunarnefnd. Guðmundur L. . Hafsteinsson, starfsmaður húsafriðunarnefndar, segir að máhð sé á umræðustigi en meðan niðurstaða sé ekki fengin sé ekki ástæða til að fjalla um málið í fjöfiniðlum. Nefndin hafi sent endur- byggingarnefndinni bréf um máhð fyrir nokkrum dögum en svar hafi ekki borist enn. Hann eigi von á að nefndirnar leysi máhð en vlll ekki rjá sig frekar um það að svo stöddu. - Til hvaða ráða getið þið gripið þeg- ar um svona lagabrot er aö ræða? „Það er best að segja ekkert um það á þessu stigi. Við höfum ekki kannað það sérstaklega. Það verður þá bara gert þegar þar að kemur. Ég veit ekki til þess að svona ágreiningur hafi komið upp áður," segir Guð- mundur. -GHS Framkvæmdir standa yfir f Einholti 4 á vegum Seölabankans en þar er mynt- og bókasafn bankans til húsa. Að sðgn Stefáns Þórarinssonar f rekstrardelld Seðlabankans verður byggð 400 fermetra léttbyggð þakhœð ofan á safnið fyrir um 50 milljónir króna. Heyrst hafði aö hæðin væri byggð til áð Jóhannes Nordal, fráfarandi seðlabanka- stjóri, gæti sinnt þar sérverkefnum fyrir bankann en Stefán sagði allar slíkar fréttir vera út í bláinn. „Á þakhæðinni er hugsuð aðstaða fyrir notendur safnanna og tölvuskráningu sem taka á upp. Jóhannes fær aðstöðu annars staðar f húsinu," sagði Stefán. -bjb/DV-mynd ÞÖK Akureyri: Minni ásókn í beina flugið til Evrópu - þótt talsvert sé bókað í ferðir SL til' Dublin Gylfi Kristjárason, DV, Akuieyii: Bæði Samvinnuferðir-Landsýn og Úrval-Útsýn bjóða Akureyringum og öðrum Norðlendingum upp á beinar flugferðir frá Akureyri til Dublin og Edinborgar í næsta mánuði eins og vérið hefur undanfarin ár. Aðsókn í þessar ferðir virðist minni en undanfarin ár, en þó vekur athygli að ásókn í ferðir Samvinnu- ferða-Landsýnar er allnokkur. „Sennilega er þetta eitthvað minna en í fyrra en við erum þó búin að sejja upp í tvær ferðir af þremur til Dublin, 130 sæti í hverja ferð. Við eigum laus sæti í helgarferð í lok október og það hefur verið rætt um að bæta við dagsferð til Dublin og jafhvel aukaferð í.nóvember," segir Ásdís Árnadóttir hjá SL á Akureyri. „Ásóknin í ferðir okkar til Edin- borgar er ekkert í líkingu við það sem var í fyrra," segir Anna Guðmunds- dóttir hjá Úrvah-Útsýn á Akureyri, en það fyrirtæki er með ferðir til Edinborgar og Manchester í Eng- landi. Alls er Úrval-Útsýn með um 600 sæta framboö í þessum ferðum og sagði Anna að ekki væri hægt að segja á þessu stigi hver heildarút- koman yrði, það réðist mikið af óstaðfestum bókunum ýmissa hópa. í fyrra fóru um 1400 manns í beinar ferðir frá Akureyri til Bretlandseyja. Svo virðist þrátt fyrir aukið framboð á ferðum nú að færri hyggist fara í þessar svokölluðu „verslunarferðir" og kemur það ekki á óvart ef horft er til atvinnuástandsins í bænum. Það vekur fremur athygh hversu vel er þó bókað í ferðir SL til Dublin.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.