Dagur - 20.03.1986, Blaðsíða 13

20. mars 1986 - DAGUR - 13
JþróttÍL
Umsjón: Kristján Kristjánsson
„Til að ná árangri
þarf að æfa allt árið“
- segir Daníel Hilmarsson, skíðamaður

Mynd: RS
Fyrir skömmu birtist í Degi
viötal við Björn Olgeirsson frá
Húsavík en Björn var fyrir
fáum árum einn besti skíða-
maður landsins. Björnyar þá í
landsliðinu á skíðum. I viðtal-
inu um daginn lét Björn í Ijós
sína skoðun á landsliðsmálum
Skíðasambandsins og einnig á
svokallaðri krakkaskíða-
mennsku. Björn talaði m.a.
um að sér fyndist ekkert með
skíðalandslið að gera, að það
ætti ekki að vera að ota skíða-
fólki til útlanda til þess að
keppa við ofjarla sína.
En hvert er álit þess manns
sem verið hefur meira og minna
erlendis við æfingar og keppni
sem landsliðsmaður í vetur,
Daníels Hilmarssonar frá
Dalvík. Er ekkert með skíða-
landslið að gera Daníel?
„Ég er búinn að lesa þessa
grein þar sem talað er við Björn
Olgeirsson og ég er ekki sammála
honum hvað skíðalandsliðið
varðar. Ef ekkert skíðalandslið
er og við höfum engan skíða-
þjálfara og æfum ekki og keppum
á erlendri grundu þá stöðnum við
í íþróttinni. Öllu því sem maður
lærir í samskiptum sínum t.d. við
Svía og Finna sem eru mjög
framarlega í greininni er svo aft-
ur hægt að miðla til þeirra yngri
hér heima. Það er því líka mikil-
vægt vegna hinna yngri að halda
úti landsliði.
Björn talar um að ná upp ein-
hverjum standard hér á landi,
mín skoðun er sú að ein leiðin til
þess sé í gegnum landsliðið. Samt
getur það verið að það vanti
meiri tengsl á milli landsliðsþj álf-
ara og þjálfaranna heima í héruð-
um.
Ég er búinn að vera í landslið-
inu síðan Hafsteinn Sigurðsson
byrjaði sem landsliðsþj álfari og
fóru tveir fyrstu veturnir í að
bæta minn stíl. Það er ekki fyrr
en fyrst núna að ég er farinn að
reikna með árangri.
Vitleysan sem við gerðum þeg-
ar við vorum að byrja að keppa
erlendis var að taka þátt í of
sterkum mótum. Til að það náist
einhver árangur þarf að æfa allt
árið og það er mín skoðun að
skíðaráðin í landinu ættu að gera
meira af því að fara með hópa í
Kerlingafjöll á sumrin. Þar er
mjög gott að æfa og nægur snjór
yfir sumarmánuðina.
- En er eitthvert vit í því að
vera bara með einn mann í lands-
liðinu?
„Nei alls ekki. Við vorum þrír
sem vorum valdir í landsliðið en
ég var sá eini sem gaf kost á mér
í þetta. Þeir Guðmundur
Jóhannsson og Árni Þór Árnason
voru einnig valdir."
- Björn talaði einnig um
krakkaskíðamennsku að það ætti
ekki að vera að láta þessa yngstu
vera að keppa eins og gert er hér
á landi. Hvert er álit þitt á því?
„Ég er sammála Birni í því
atriði. Það á ekki að láta þessa litlu
krakka vera að keppa. Það eru til
dæmi um það sem Björn talar um
að foreldrarnir séu að keppa í
gegnum krakkana og það er ekk-
ert vit,“ sagði Daníel.
Daníel Hilmarsson skíðamaður frá Dalvík.
Hið sigursæla lið Eikarinnar. Hvað gera þær fyrir sunnan um helgina?
Eikin og Óöinn sigmðu
á Trimmmótinu í blaki
Trimmmót Akureyrar í blaki
var haldið á laugardag. Keppt
var bæði í karla- og kvenna-
flokki. Alls mættu 8 kvennalið
til leiks og 5 karlalið. í kvenna-
flokki var keppt í tveimur riðl-
um en í karlaflokki voru öll lið-
in í sama riðli.
í kvennaflokki voru þessi lið:
Eik a og b, Súlur a og b frá Siglu-
firði, Völsungur a og b, KA og
Óðinn. í karlaflokki voru þessi
lið: Óðinn a og b, Skautar a og b
og lið Hirnunnar á Siglufirði.
í kvennaflokki sigraði a lið
Eikarinnar örugglega þær sigr-
uðu í öllum sínum leikjum og
töpuðu ekki hrinu í mótinu. í
öðru sæti varð a lið Súlunnar og b
lið Eikarinnar hafnaði í þriðja
sæti.
í karlaflokki sigraði a lið Óðins
örugglega þeir léku sama leikinn
og Eikin og unnu alla sína leiki
og töpuðu ekki hrinu. í öðru sæti
varð b lið Skauta og a lið Skauta
lenti í þriðja sæti.
Blaklið Eikarinnar er að fara
til Reykjavíkur um helgina til að
spila úrslitaleikina á Islandsmót-
inu í blaki í 1. flokki. Á föstu-
dagskvöld kl. 20 leika þær gegn
HK í Seljaskóla og á laugardag
gegn Víkingi í Hagaskóla kl. 10
f.h.
Stelpurnar í Eikinni eiga góða
möguleika á að ná sér í Islands-
meistaratitil fyrir sunnan um
helgina og vonandi tekst þeim
það.
Getraunakeppni
fjölmiðla
Aston ViIIa-Birmingham 1 1 1 1 X 1 1
Ipswich-W.B.A. 1 X 1 1 1 1 2
Luton-Everton 2 X 1 2 1 2 2
Man. United-Man. City 1 1 1 1 1 X 1
Newcastle-Tottenham X X X 2 1 2 ' I
Q.P.R.-Watford 1 1 1 1 X 2 1
Southampton-Chelsea l 1 2 2 1 2 1
West Ham-Sheff. Wed. 1 X 1 1 1 1 1
Fulham-Crystal Palace X X X X 2 2 X
Sheff. United-Norwich 2 2 X 2 X X 2
Stoke-Portsmouth X 2 X 2 X X 2
Wimbledon-Blackburn 1 1 1 1 1 1 1

Hermannsmótið
um helgina
Árlegt Hermannsmót í alpagrein-
um fer fram á Akureyri 21.-23.
mars n.k. Þetta mót átti að vera
alþjóðlegt FIS mót en vegna
ónógrar þátttöku erlendra kepp-
enda verður svo ekki að þessu
sinni og hefur alþjóðamótinu ver-
ið aflýst.
Hermannsmótið verður hins
vegar haldið á hefðbundinn hátt
og telst eitt af bikarmótum SKÍ.
Fararstjórafundur og útdráttur í
mótið verður í Dynheimum
föstudaginn 21. mars kl. 20.30 og
verður það opinn fundur.
Á laugardag verður keppt í
svigi karla og stórsvigi kvenna og
hefst fyrsta umferð kl. 10.00.
Á sunnudag hefst keppnin með
svigi kvenna kl. 10 oe stórsvisi
karla kl. 10.30
Verðlaunaafhending verður að
móti loknu í Hlíðarfjalli.
Akureyringar
getspakir
Af þeim sex tólfum sem fram
komu hjá Isl. getraunum um
helgina komu tvær frá Akur-
eyri. Vinningur fyrir hverja
tólfu er kr. 132.625.-
Alls komu fram 85 ellefur af
þeim áttu Akureyringar 25. vinn-
ingur fyrir hverja er kr. 4.012,-
Óvenju margir útisigrar kornu
upp eða sex leikir með merkinu
tveir. Það þarf því ekki teninginn
til þess að úrslit verði nokkuð
óvænt. Nú virðist loks vera farið
að vora í Englandi því síðustu
tvær vikur hafa allir leikir verið
leiknir.
Aðalfundur íþrótta-
félagsins Þórs
- haldin í kvöld -
Aðalfundur íþróttafélagsins
Þórs verður haldinn í kvöld 20.
mars kl. 20 í starfsmannasal
KEA, Sunnuhiíð (gengið inn
að sunnan).
Dagskrá:
1. Venjuleg aðalfundarstörf.
2. Önnur mál.
Stjórnin sem setið hefur síð-
asta starfsár undir formennsku
Benedikts Guðmundssonar
mun öll hætta í kvöld. Verður
því nýr formaður kjörinn í kvöld
ásarnt öðrum stjórnarmönnum.
Ekki hefur heyrst þver verður
kjörinn en félagar Þórs geta
komist að því og haft þar áhrif
um leið með því að mæta á
fundinn í kvöld.
Úll stjómin hættir
Bcnedikt Guðniundsson, formað-
ur Þórs.