Dagur - 23.12.1986, Blaðsíða 3
23. desember 1986 - DAGUR - 3
Jólin eru að koma. Pessi orð læðast um
eins og þýður andardráttur. Stundum eru
þau sögð á hærrí tónum. Það er jafnvel
kallað. Eru ekki jólin alveg að koma?
Mamma, hvað er langt til jóia? Sérstakur
ljómi kemur í augu barnanna að minnsta
kosti þeirra er eiga við eðlilegar aðstæður
að búa oggeta vænst þess að jólahald verði
heima með gleði og friði. Hvers vegna
þessi eftirvænting? Hvers vegna þessi gleði
og tilhlökkun?
Því verður ekki neitað að jóiin eru
óvenjulega stór dagur, eins konar sól með
fylgitungium. Jóladagurinn er talinn fæð-
ingardagur Jesú, eina barnsins, sem vott-
fest er, að sé Guðsson. Þó að við skiljum
það ekki hvernig slíkt getur verið þar sem
þetta barn var þó fætt af mannlegrí konu.
Þessi niðurstaða færir okkur þó sanninn
um það að kristin trú á ein Guðlegan upp-
runa.
Þetta jólabarn uppvaxið hefur kennt
okkur hvernig Guð er og til hvers hann ætl-
ast afokkur mönnunum sem um hann höf-
um fengið fræðslu. „Guð er kærleikur,“
segir Jesús. Hann elskar okkur mennina og
vill að við elskum hvert annað eins oggóð
systkini. Guð er svo góður í okkar garð að
hann fyrirgefur okkur mistök í góðri
breytni og við getum talað við hann í bæn-
um okkar.
Það var Jesús sem kenndi mönnum
„Faðirvorið“ iykilbænina til Guðs ogþegar
við tölum við Guð þá gerum við það ínafni
Jesú. Við eigum Jesú. Hann var okkurgef-
inn á jólum. Hann er stærsta gjöfin sem
gefin hefur verið vegna þess boðskapar
sem hann hefur flutt okkur mönnunum.
Boðskapinn um kærleikann.
Það er ekki undarlegt að við fögnum og
segjum: „Jólin eru að koma. “ Ég læt hug-
ann reika til bernskujólanna í sveitinni
heima. Það var ekki mikið um skreytingar
en allt var hreint og fágað. Lítið heima-
smíðað jólatré stóð uppi á borði. Það var
blátt með sex álmum og toppljósi. Stór
lampi hékk í dyrum milli svefnhúss og bað-
stofu sem einnig var sofið í. Þegar búið var
að kveikja á lampa og jólatréi þá var bjart-
ara Ijós á lampanum. En það voru kerta-
Ijósin á jólatrénu sem áttu alla okkai
athygli ef til vill vegna þess að sungið var:
„Jesús þú ert vort jólaljós. “ Það var ekki
farið í kirkju á aðfangadag. Það var lesinn
húslestur heima og viðeigandi sálmar
sungnir. Allir reyndu að syngja með og ég
held að aldrei hafi hugur eins fylgst með
inntaki sálmanna ogþá. Það var sál og hug-
ur sem söng. Eftir þessa athöfn, helgi-
athöfn, sem allir tóku þátt í eftir bestu
getu, var úthlutað gjöfum og kortum.
Gjafirnar voru oftast kerti og spil og ein-
hver skjólgóð flík. Stundum bárust að
gjafir, fallegar gjafir sem aðeins voru til
þess að horfa á bæði þá og síðar. Þær sýndu
að sjálfsögðu vinarhug gefandans. Ekki
máttum við spila á spilin fyrr en á annan.
Hvorki við börnin né fullorðna fólkið vor-
um aðalinntak jólanna né það sem jólin
snérust um heldur Jesús. Við vorum að
fagna fæðingu Hans og áttum að reyna að
skynja Hann sem mest og best. Ég minnist
þess enn eftir öll þessi ár hvernig ég reyndi
að sjá Hann í kertaljósinu mínu sem ég
hafði sjálfur kveikt. Það tókstað vísu ekki.
En þegar ég hélt líka á jólakorti þar sem á
var gullin mynd af Honum og foreldrum
Hans þá fannst mér Hann hjá mér. Þá
fannst mér öllu máli skipta að eiga aðeins
innra með sér fallegar hugsanir og væntum-
þykju og velvilja til fólksins á heimilinu.
Eg var ekki einn um þessar hugsanir heldur
allir að mér virtist. Við töluðum saman á
lægri nótum en venjulega og af meiri inni-
leik. Það var einhver hjá okkur sem við
höfðum boðið inn og bárum virðingu fyrir
á óvenjulegan hátt. Ef mér varð á að gera
eitthvað á jólum sem ekki mátti varð ég
verulega hryggur. Mér fannst ég vera að
missa eitthvað sem ég mátti ekki missa.
Þegar ég hugsa nú til baka og ber saman
jólin þá og nú verður mér Ijóst hve fáar og
smáar okkar jólagjafir voru hvort sem litið
er á þærfrá sjónarhóli gefandans eða þiggj-
andans miðað við þær sem í dag eru
gefnar.
Ef til vill er þetta þó kjarni málsins; þess-
ar gagnkvæmu gjafir glöddu alla aðila en
skyggðu ekki á þá jólagjöf sem Jesús var.
Þegar ég var háttaður með kertaljósið
mitt við rúmstokkinn dvaldi hugurinn við
Jesú, jólaljósið, en ekki gjafirnar. Það var
svo gott að eiga hann bæði fyrir sig og með
pabba og mömmu og systkinum, já með
öllum. Hann var trygging þess að Guð væri
hjá mér, hjá okkur og vekti yfir okkur svo
að ekkert illt gæti hent. Það kom eins og af
sjálfu sér:
Vertu yfir og allt um kring
með eilífri blessun þinni.
Sitji Guðs englar saman í hring
sænginni yfir minni.
Með þetta öryggi í huga slökkti ég kerta-
Ijósið mitt.
Ég óttast að börn í dag fari á mis
margt afþessu sem þó er svo dýrmætt. Nú
eru það gjafirnar, margar og dýrar, sem
hugurinn snýst um á aðfangadagskvöld og
líka þegar lagst er á koddann. Við sem
gefendur og þiggjendur erum orðin aðal-
atriðið. Finnum til sælukenndar af að
gleðja börnin með gjöfunum okkar en
gleymum okkar sameiginlegu gjöf, Jesú,
sem er aðalatriðið. Gjafirnar sem við gef-
um innpakkaðar eru hverfular og gleymast
fljótt en ef við munum eftir Jesú og okkur
tekst að gefa börnunum mynd hans í hug
og hjarta, þá höfum við gefið þeim gjöf til
framtíðarinnar sem á eftirað verða þeim til
styrktar og blessunar um ókomin ár og
okkur sjálfum til fagnaðar því hvað gleður
okkur meira en gæfa okkar eigin barna.
Guð gefi að okkur takist um þessi jól
gefa börnunum slíka gjöfog okkur sjálfum
einnig.
Gleðileg jól.
■Mj/ý
l!
Gíeðúeg jóC
og farsí2& fwmondi ár
Þökkum viðskiptin á árinu
sem er að líða.
X
f
/
*
/
'Ælvörubœr't1
▼*/ HÚSRARNIAVFRSI l JN
HUSGAGNAVERSLUN
TRYGGVABRAUT 24 PÓSTHOLF 266 602 AKUREYRI SlMI (96)21410
G(eðileg jóí og
farsceít fwmandi ár.
Þökkum viðskiptin.
d7
Óska viðskiptavinum mínum
GCeðiCegra jóCa og
farsceídar á komandi ári.
Þakka viðskiptin á árinu
. sem er að líða.
Sendum öllum viðskiptavinum
okkar svo og öllum
landsmönnum okkar bestu
jóCa- og nýárskveðjur
Þökkum viðskiptin.
%
AKUREYRI
á/
Allt fyrir bílinn!
Látið yfirfara bílinn fyrir veturinn.
Vandið valið - Við vöndum verkin.
Gleðileg jól
Þökkum viðskiptin á árinu
sem er að líða.
/
\
þÓRSNAMAR HF.
við Tryggvabraut Akureyri.
Sími 22700.