Dagur - 13.07.1988, Blaðsíða 1

71. árgangur Akureyri, miðvikudagur 13. júlí 1988 129. tölublað
#*SS,L£"X
youflME
Beint frá Ítalíu
Skyrtur - Buxur
HERRADEILD
Gránufélagsgötu 4
Akureyri • Sími 23599
Einkaleyfi
Flugleiða
afnumið?
Bæjarstjórn Akureyrar sam-
þykkti í gær þrjár tillögur
vegna flugsamgangna á flug-
leiðinni milli Akureyrar og
Reykjavíkur og einkaleyfl
Flugleiða á þeirri leið. Ríkir
einhugur í bæjarstjórninni um
að krefjast úrbóta í flugmálum
og að kannað verði til hlítar
hvaða valkostir séu fyrir hendi.
í tillögu frá Gísla Braga Hjart-
arsyni, Jóni Kr. Sólnes, Heimi
Ingimarssyni og Úlfhildi Rögn-
valdsdóttur beinir bæjarstjórn
þeim tilmælum til samgöngu-
ráðuneytisins að nú þegar fari
fram könnun á því hvort ekki sé
heppilegt að taka upp nýja skip-
an mála á flugleiðinni Ak,-
Reykjav.-Ak. þegar núverandi
flugrekstrarleyfi Flugleiða á leið-
inni rennur út. Gerð verði úttekt
á þeirri þjónustu sem nú er veitt
og kannað hvort gefa eigi fleiri
flugrekstraraðilum kost á að
þjóna þessum markaði. í því
sambandi verði sérstaklega tekið
tillit til atvinnumála á Akureyri.
EHB
Loðnuvertíð
formlega hafin:
Minna vitað um
ástandiö
en oft áður
Búast má við að íslenskir
útgerðarmenn sýni loðnuveið-
um meiri áhuga nú en í upphafí
síðustu vertíðar. Loðnuveiðar
hófust þá mjög seint bæði
vegna lélegs verðs á loðnuaf-
urðum og vegna þess hve loðn-
an var vestarlega og stóð
djúpt. Að sögn Hjálmars VU-
hjálmssonar fiskifræðings er
minna vitað um stærð og stað-
setningu loðnustofnsins nú en
oft áður.
Loðnuveiðar íslendinga máttu
hefjast síðastliðinn sunnudag.
Gefinn hefur verið út sameigin-
legur kvóti íslendinga og Norð-
manna fyrir fyrri hluta vertíðar-
innar, alls 500 þúsund lestir.
Hlutur íslendinga er tæpar 400
þúsund lestir. Verð á mjöli og
lýsi er nú mjög gott.
Þessi úthlutun er byggð á
athugunum sem gerðar voru í
ágúst á síðasta ári á þeirri loðnu
sem nú er til veiða. Venjulega
hefur verið farið í annan leiðang-
ur síðar um haustið og síðan aft-
ur um veturinn, en vegna hafíss
mistókust þeir leiðangrar algjör-
lega. Að sögn Hjálmars benda
athuganirnar frá í ágúst til þess
að ástandið sé nokkuð gott en sú
niðurstaða er ekki jafn örugg og
oft áður.
í ágúst næstkomandi verður
farið í leiðangur til rannsókna á
þeirri loðnu sem veidd verður á
næstu vertfð. Frekari upplýsingar
um ástand veiðistofnsins nú fást
hins vegar ekki fyrr en að aflokn-
um haustleiðangrinum sem er á
dagskrá í byrjun október. ET
Skófluslagur í sandkassa á Egilsstöðum.
Mynd: ET
Hitaveita Egilsstaða og Fella:
Rennslismælar
í stað hemla
Um síðustu mánaðamót var
tekið upp nýtt sölufyrirkomu-
lag hjá Hitaveitu Egilsstaða og
Fella. Frá þeim tíma verður
heitt vatn selt eftir rennslis-
mæli í stað hemla áður en það
kemur til með að minnka
neysluna á milli ára um 20-
22% að sögn Björns Sveins-
sonar hitaveitustjóra.
„Þessi breyting kemur ekki til
með að hækka hitunarkostnað
hér almennt. En þó fer ekki hjá
því að hjá þeim sem eru með
lélegan stjórnbúnað á ofnakerf-
um og hafa notað vatn ótæpilega,
hækki hitunarkostnaður ef þeir
ekki gera neitt til þess að bæta
sína nýtingu," sagði Björn enn-
fremur.
„Við höfum orðið varir við það
að í sumum húsum er óeðlilega
mikið rennsli í gegn og verður
eigendum þeirra leiðbeint við
að koma þeim málum í viðunandi
horf.“
Að undanförnu hefur verið tal-
að um að víða á landinu sé hag-
kvæmara að kynda með olíu í
stað hitaveitu eða rafmagns en að
sögn Björns er því ekki þannig
varið á Egilsstöðum. „Það var
gerður samanburður á hita-
veitu, olíu og rafmagni til húshit-
unar í mars siðastliðnum og þá var
hitaveitan ódýrasti kosturinn.
Heitt vatn er ódýrara en olían og
niðurgreitt rafmagn en þó er olí-
an ódýrari en niðurgreidda raf-
magnið,“ sagði Björn Sveinsson.
-KK
Átaksverkefni á Seyðisfirði:
Hlutafélag um skipa-
kaup í burðaiiiðnum
- ísfisktogari efstur á óskalistanum
Á Seyðisfiröi hefur verið stofn-
að félag sem hefur það hlut-
verk að vinna að söfnun hluta-
íjár og stofnun hlutafélags um
kaup á fískiskipi til staðarins.
Verkefni þetta er Iiður í svo-
kölluðu átaksverkefni sem
Seyðisfjörður stendur að
ásamt Egilsstöðum í samvinnu
við Iðnþróunarfélag Austur-
Þjóðhagsstofnun spáir
25% verðbólgu á árinu
og um 11 milljarða kr. viðskiptahalla
-og um
Samkvæmt endurskoðaðri
þjóðhagsspá fyrir árið 1988,
sem Þjóðhagsstofnun hefur
sent frá sér, má búast við
25% verðbólgu á þessu ári.
Einnig er reiknað með að
viðskiptahallinn á árinu verði
um 11 milljarðar. Þjóðhags-
stofnun spáir því að kaup-
máttur atvinnutekna á mann
verði því sem næst óbreyttur
á milli áranna 1987 og 1988.
Hins vegar mun kaupmáttur
ráðstöfunartekna rýrna um
1% vegna meiri skattheimtu.
Þjóðhagsstofnun endurskoð-
aði þjóðhagsspána, sem gefin
var út í mars síðastliðnum,
meðal annars í ljósi efnahagsað-
gerða ríkisstjórnarinnar í maí
síðastliðnum og framvindu
efnahagsmála það sem af er
árinu.
Verðlagshorfur hafa versnað
til muna að undanförnu og nú
er talið að verðbólgan geti num-
ið allt að 25% frá upphafi til
loka þessa árs. í þjóðhags-
spánni í mars var gert ráð fyrir
16% verðbólgu á ársgrundvelli.
Reiknað er með því að halli á
viðskiptum við önnur lönd verði
um 11 milljarðar króna. Til
samanburðar var viðskiptahall-
inn rúmlega 7 milljarðar króna á
síðasta ári.
Ekki er þó allt svart í spánni
og talið er að landsframleiðsla
aukist um 0,2% á þessu ári.
Þetta eru betri horfur en reikn-
að var með í fyrri spám stofnun-
arinnar. Þannig var gert ráð fyr-
ir nálægt 1% samdrætti lands-
framleiðslu í marsspánni. Þar
munar mestu um að sjávarafli
landsmanna er meiri en búist
var við, og því er spáð að verð-
mæti útfluttra sjávarafurða
verði á árinu 1988 meiri en
nokkru sinni fyrr.
Afkoma útflutnings- og sam-
keppnisgreina verður samt
áfram erfið, þótt spáð sé lægra
raungengi krónunnar á þessu
ári, en áður var reiknað með.
Áætlað er að botnfiskveiðar og
vinnsla séu rekin með töluverð-
um halla um þessar mundir.
Þórður Friðjónsson forstjóri
Þjóðhagsstofnunar sagði að á
þessum tölum væri ljóst að
íslendingar yrðu að ná betra
jafnvægi í þjóðarbúskapnum.
Bilið milli inn- og útflutnings
væri allt of mikið og væri þetta
því mikilvægasta verkefni í efna-
hagsmálum þjóðarinnar á næstu
mánuðum. AP
lands. Stefnt er að niðurstöðu í
málinu fyrir haustið.
Undirbúningsfélagið var stofn-
að á fjölmennum fundi sem hald-
inn var í byrjun júní. Kosin var
fimm manna stjórn og í henni
eiga sæti tveir fulltrúar atvinnu-
rekenda, einn frá bæjarstjórn og
annar frá verkalýðsfélaginu og
loks er ætlunin að í stjórninni
verði einn fulltrúi almennings
t.d. sjómanna.
Magnús Stefánsson er í for-
svari fyrir svokölluðum útgerðar-
hópi sem starfað hefur í tengslum
við átaksverkefnið. Að hans sögn
voru undirtektir á stofnfundinum
góðar. Hugur flestra stendur til
þess að keyptur verði ísfisktogari
og sagðist Magnús vera hæfilega
bjartsýnn á að það tækist. „Við
útilokum enga möguleika,“ sagoi
hann aðspurður hvort ekki kæmi
allt eins til greina að kaupa
loðnuskip eða frystitogara.
Sem viðmiðun er stefnt að því
að safnað verði 30-50 milljón
króna hlutafé og er þá miðað við
að það samsvari 20-30% af kaup-
verði skips. Hlutverk undirbún-
ingsfélagsins er að leita eftir
hlutafjárloforðum, hjá einstakl-
ingum, fyrirtækjum, og opinber-
um aðilum. Fyrir liggur viljayfir-
lýsing bæjaryfirvalda um þátttöku
í fyrirtækinu og hafa menn miðað
við að hlutafé skiptist í þriðjunga
milli áðurnefndra aðila.
Leitað hefur verið til Lands-
bankans og Byggðastofnunar um
lán til hugsanlegra hluthafa.
Landsbankinn tók vel í hug-
myndina en vildi þó skoða hvert
dæmi fyrir sig, en innan Byggða-
stofnunar eru menn á báðum átt-
um um réttmæti þess að kaupa
skip frá einu byggðarlagi til að
styrkja annað. ET