Dagur - 12.12.1989, Blaðsíða 4

4 - DAGUR - Þriðjudagur 12. desember 1989
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 24222
ÁSKRIFT KR. 1000 Á MÁNUÐI
LAUSASÖLUVERÐ 90 KR.
GRUNNVERÐ DÁLKSENTIMETRA 660 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
ANDRÉS PÉTURSSON (íþróttir),
KARL JÓNSSON (Sauöárkróki vs. 95-35960),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, ÓSKAR ÞÓR HALLDÓRSSON,
STEFÁN SÆMUNDSSON, VILBORG GUNNARSDÓTTIR,
LJÓSMYNDARI: KRISTJÁN LOGASON
PRÓFARKALESTUR: SVAVAR OTTESEN
ÚTLITSHÖNNUN: RlKARÐUR B. JÓNASSON
AUGLÝSINGASTJÓRI: FRÍMANN FRlMANNSSON
DREIFINGARSTJÓRI:
HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SIMFAX: 96-27639
Gífurlegt áfall
Útflutningsverðmæti sjávarafurða okkar á
þessu ári er áætlað um 55 milljarðar króna,
sem er um það bil 71% af þjóðartekjum. í
fyrra nam útflutningsverðmæti loðnuaflans
nákvæmlega 10 prósentum af þeirri tölu eða
fimm og hálfum milljarði króna. Af þessu má
glögglega sjá hvílíkt áfall það er fyrir þjóðar-
búið að loðnuvertíðin hefur gersamlega
brugðist það sem af er.
Loðnuvertíðin stendur frá 1. ágúst til loka
mars. Heildarkvóti loðnuvertíðarinnar er 662
þúsund lestir að þessu sinni og var reiknað
með að þar af myndu 250 til 300 þúsund lestir
veiðast á haustvertíðinni. Framleiðsluverð-
mæti þess magns er um það bil tveir milljarð-
ar króna. Þau verðmæti eru nú þegar því sem
næst glötuð, því lítil von er til þess hægt verði
að veiða leyfilegt magn á vetrarvertíðinni. Þar
að auki ríkir mikil óvissa um afdrif loðnu-
stofnsins og í raun veit enginn hvort loðnan
muni sýna sig eftir áramótin. Getgátur eru
uppi um það að hún haldi sig enn í köldum sjó
út af Vestfjörðum, þar sem ekki hefur verið
hægt að leita vegna hafíss. Sumir fiski-
fræðingar hafa einnig haldið því fram að hluti
loðnustofnsins hafi hrakist með straumum
suður með austurströnd Grænlands og geti
því hugsanlega skilað sér á íslandsmið
seinna í vetur. En um þetta ríkir sem fyrr seg-
ir alger óvissa. Fæstir hafa þorað að hugsa þá
hugsun til enda hvaða afleiðingar það hefði ef
loðnuvertíðin brygðist með öllu. Það verður
ekki gert hér þótt sjálfsagt sé að minna á að
bein tengsl eru milli lífríkis loðnunnar og
þorsksins og hvarf loðnunnar dregur því úr
þorskgengd og þorskveiðum.
Hvarf loðnustofnsins hefur þegar valdið
útgerðinni, loðnubræðslunni og mjölseljend-
um gífurlegu tjóni og engum getur dulist
hvað í húfi er ef loðnan gefur sig alls ekki.
Hvarf loðnunnar kemur ekki síður illa við
loðnusjómennina og fjölskyldur þeirra. Sem
fyrr segir má veiða loðnu frá 1. ágúst til loka
mars en venjulega veiðist hún ekki fyrr en
undir lok september. Loðnusjómenn geta því
ekki verið að nema 6-7 mánuði á ári og á þeim
tíma verða þeir flestir að ná árstekjum sínum.
Nú þegar hefur helmingur þess tíma liðið án
þess að nokkuð veiddist. Sjómenn á loðnu-
skipunum eru um 650 talsins. Þeir, ásamt
400-500 manns sem starfa hjá fiskimjölsverk-
smiðjunum, eiga það nú á hættu að verða
atvinnulausir áður en langt um líður.
Hvar sem á málið er litið er það mjög alvar-
legt. Ljóst er að sjómennirnir fá fyrsta skell-
inn en fyrr eða síðar mun veiðibresturinn
bitna á þjóðfélaginu öllu. BB.
Hrímbakur EA 306 leggst að Austurbakka á laugardaginn og vígir formlega fyrsta áfanga Fiskibafnarinnar á Akur-
eyri.
Fyrsti áfangi Fiskihafnarinnar á Akureyri
var vígður á laugardaginn:
Verður framvegis kallaður Austurbakki
- heildarkostnaður við Fiskihöfnina orðinn
rúmar 108,5 milljónir króna
Fyrsti áfangi Fiskihafnarinnar
á Akureyri, var formlega vígð-
ur síðastliðinn laugardag. Um
er að ræða austurbakka hafn-
arinnar og í máli Gunnars Ara-
sonar formanns hafnarstjórnar
við þetta tækifæri, kom fram
að þessi fyrsti hluti verður
framvegis nefndur Austur-
bakki. Fjölmargir gestir voru
viðstaddir athöfnina sem fór
fram í fallegu veðri. Hrímbak-
ur EA togari Útgerðarfélags
Akureyringa hf. lagðist að
bryg&ju <>g vígði Austurbakka
formlega en áður hafði Gunn-
ar Arason afbent Guðmundi
Sigurbjörnssyni hafnarstjóra,
lykilinn að höfninni og var lyk-
iilinn eins og tískur í laginu.
í tilefni dagsins og að um þess-
ar mundir eru 100 ár síðan fyrsta
bryggjan í eigu hafnarsjóðs, sem
var suður úr Strandgötu á nióts
við Grundargötu, var tekin í
notkun, afhenti Gunnar Arason
kvennadeild og sjóbjörgunar-
deild Slysavarnarfélags Islands
Akureyri kr. 100 þús. hvorri
deild, frá hafnarstjórn.
Eftir að Gunnar Arason hafði
flutt stutta tölu, gerði Guðmund-
ur Sigurbjörnsson hafnarstjóri
grein fyrir framkvæmdum. í máli
Guðmundar kom m.a. fram að
framkvæmdir viö Fiskihöfnina
hófust sumarið 1987, þegar Slipp-
kanturinn var lengdur til austurs
uni 23 m og svokallaður brúsi var
settur við enda stálþilsins.
Ástæðan fyrir því að lenging
Slippkantsins telst með fram-
kvæmdum við Fiskihöfnina,
sagði Guðmundur vera þá að
hann veitir skjól í norðanátt og
kemur í veg fyrir að norðanöld-
una leiði inn í Fiskihöfina. Fram-
kvæmdakostnaður árið 1987, var
tæpar 10 milljón kr.
í janúar 1988 hófst síðan vinna
við sjálfa Fiskihöfnina, með því
að keyrður var út tæplega 20.000
rúmmmetra grjótgarður, sem
afmarkar höfnina að austanverðu
og lauk því verki í byrjun maí.
Jafnframt þessu var mokað upp
sandgarði u.þ.b. 60 m vestan
grjótgarðsins. Þessi sandgarður
var um 14.500 rúmmetrar og var
hann jafnframt notaður sem
vinnuplan við rekstur stálþilsins
en rekstur þess hófst um miðjan
júlí. Lengd stálþilsins er alls 209
m og var rekstri þess og stögun
lokið um miðjan október. Það
sem eftir var ársins, var hafnar-
kraninn notaður við að dýpka
höfnina og var efnið sem hann
mokaði upp notað til uppfylling-
ar á milli stálþilsins og grjót-
garðsins. Framkvæmdakostnaður
árið 1988 var rúmar 47,5 milljón-
ir kr.
Guðmundur sagði ennfremur, að í
á árinu ’89 hefði síðan verið haldið |
áfram með framkvæmdir og m.a.
steyptur 210 m langur kantur
ofan á stálþilið. Þá voru reist 4
masturshús og eru þau undirstöð-
ur fyrir Ijósamöstrin og hýsa auk
þess rafmagnstöflur og vatnsinn-
tök. Úr húsunum greinast síðan
vatns- og raflagnir út í brunna út
við viðlegukantinn en þar eru 3
rafmagnsbrunnar og 6 vatns-
brunnar, sem afgreitt er úr vatn
og rafniagn til skipa.
Snjóbræðslukerfi var lagt í 10
m breitt svæði meðfram viðlegu-
kantinum, seni er um 180 ni lang-
ur en síöan var steypt 15 m breið
þekja, alls um 2700 fni. Utan á
stálþilinu eru stigar með 15 m
niillibili og eru þeir upplýstir.
Þessi lýsing ásamt snjóbræðslu-
kerfinu er hvort tveggja nýjung í
hafnargerð á Akurcyri. Áfram
hefur verið haldið að dýpka með
hafnarkrananum og er nú heild-
ardýpkun orðin um 60 þús. rúm-
metrar. Skip Dýpkunarfélagsins
mokaði í sutnar upp úr innsigl-
ingunni, um 13.700 rúmmetrum.
Frárennslis- og niðurfallslagnir
hafa vcrið lagðar nú í haust í
svæðið austan mastranna og ekið
hefur verið í svæðið burðarlagi.
Næsta sumar er svo gert ráð fyrir
að setja á það bundið slitlag. Um
síðustu mánaðamót var fram-
kvæmdakostnaður ársins 1989
orðinn rúm 51 milljón króna og
þá var heildarframkvænidakostn-
aður við Fiskihöfnina orðinn
rúmar 108,5 milljónir króna.
Guðniundur sagði þetta aðeins
fyrsta áfanga í byggingu Fiski-
hafnarinnar en síðari áfangar fela
m.a. í sér tæplega 200 m viðlegu-
kant að vestanveröu og hugsan-
lega allt að 130 m viðlegukant að
sunnanverðu. Þá er gert ráð fyrir
því að gömlu verbúðirnar víki
ásamt smábátadokkinni og sú
aðstaða flytjist út í Sandgerðis-
bót.
Það sem næst er á döfinni í
framkvæmdum hafnarinnar, er
að lokið verður við brúsann og
unnið verður að áframhaldandi
dýpkun Fiskihafnarinnar í
vestur. Á næsta ári verður lögð
aðaláhersla á að leggja bundið
slitlag á lutfnarsvæðið og fegra
umhverfið auk þess að búa í hag-
inn fyrir framtíðina. Árið 1990 er
gert ráð fyrir að byggja 70 m
langan viðlegukant norðan Sverr-
isbryggjunnar og er gert ráð fyrir
að þegar hann verður tilbúinn,
flytjist öll vöruafgreiðsla af svæði
Fiskihafnarinnar og að hún verði
eingöngu Fiskihöfn. -KK
Þeir voru að vonum ánægðir á þessum tímamótum, hafnarstjórnarmennirnir og
hafnarstjóri. F.v. Sigurður Oddsson, Hilmir Helgason, Guðmundur Sigur-
björnsson hafnarstjóri, með lykilinn að Fiskihöfninni, Gunnar Arason for-
niaður hafnastjórnar, Vilhelm Þorsteinsson og Einar Sveinn Ólafsson.
Myndir: KK