Dagur - 12.12.1989, Blaðsíða 18

18 - DAGUR - Þriðjudagur 12. desember 1989
Fúsi froskagleypir:
Mikki refur í leðurjakka
Leikklúbburinn Saga: Fúsi froskagleypir
Höfundur: Ole Lund Kirkcgaard
Þýðing: Olga Guðrún Árnadóttir
Söngtextar: Olafur Haukur Símonarson
Lög: Jóhann Morávek, Arnar Tryggva-
son og Friðþjófur I. Sigurðsson
Leikmynd: Friðþjófur I. Sigurðsson
Búningar: Steinunn Ólafsdóttir
Lýsing: Ingvar Björnsson
Leikstjórn: Jakob B. Grctarsson og
Steinunn Olafsdóttir
Síðastliðinn laugardag frumsýndi
Leikklúbburinn Saga barna-
leikritið Fúsi froskagleypir og var
önnur sýning á sunnudag. Næsta
sýning verður í kvöld kl. 20.
Þetta er sannkallaður ærslaleikur
og virtust ungir sem eldri
skemmta sér konunglega á frum-
sýningunni.
Margir kannast ábyggilega við
söguna unt pörupiltinn Fúsa
froskagleypi eftir Ole Lund Kirke-
gaard en í leikritinu er sagan
rakin í helstu atriðum og söngv-
um bætt við. Aðalpersónurnar
eru tveir ungir drengir, sögumað-
ur (ég) og Jakob. Þeir lifa í
stöðugum ótta við stóra slánann
Fúsa, sem gleypti víst einu sinni
lifandi frosk og var nefndur eftir
þeim atburði. Fúsi ráfar um og
reykir sígarettur og hefur það eitt
að markmiði að kvelja litlu strák-
ana. „Hvílík pína að vera bara
putti, ponsulítill vöðvalinur
gutti. “
En þegar vöðvaflið þrýtur er
vitið nærtækast og það notfærir
sögumaður sér óspart. Hvað eftir
annað leikur hann á Fúsa og
kemur honum f klærnar á
smiðnum, sem gerir sér það helst
til dundurs að kneyfa öl og
flengja óþekktarorma. Fyrri hluti
leikritsins einkennist af óttanum,
ótta drengjanna við Fúsa og ótta
Fúsa við smiðinn. Eftir hlé kem-
ur sirkus til bæjarins með ærslum
og látum sem ekki verða rakin
hér.
Leikritið er skrifað og flutt fyr-
ir börn, það er greinilegt á öllu.
Hér er ekki um eiginlega persónu-
sköpun að ræða heldur er teflt
fram nokkrum týpum. Leikend-
urnir undirstrika þær með ofleik
og ýktri túlkun. Fúsi er eins og
persóna í Pétri og úlfinum, hann
hefur sitt eigið hljóðfæri. Þegar
drungalegt stef hans heyrist vita
börnin að Fúsi er að koma og það
eykur spcnnuna. Hann er eins og
Mikki refur í leðurjakka. Hann
urrar og geiflar sig. „Þú ert það
sem þeir vilja að þú sért,“ syngur
hann og reynir svo sannarlega að
standa undir nafni sem þrjótur.
Þessi týpa vakti mikla lukku
meðal yngri áhorfenda og má þá
segja að tilgangurinn helgi með-
alið.
Með stanslausu hóstakjöltri er
Fúsi látinn koma þeim boðskap á
framfæri að reykingar séu óholl-
ar. Ágætur boðskapur. Á hinn
bóginn virðist öldrykkja smiðsins
bara gera honunt gott, en þar er
önnur skemmtileg týpa á ferð-
inni. Einstaklega álappalegt gerfi
hjálpar til við að gera skopfígúru
úr þessum harðjaxli. Al' öðrum
einhliða týpum má nefna Benna,
litla strákinn sem stígur ekki í
vitið, fallbyssukónginn drjúga,
Bardínó, sem er sýndarmennsk-
an uppmáluð og töframanninn
ítalska með ítölsku frasana.
Aðalpersónurnar sýna frekar á
sér fleiri hliðar, sérstaklega sögu-
maðurinn. Hann er lítill og
þenkjandi strákpatti sem vill láta
gott af sér leiða en getur sig varla
hrært fyrir Fúsa. Þótt tilvera
strákanna virðist dapurleg vegna
ofsókna fantsins þá kemur það í
Ijós í lokin að gamanið hafði ver-
ið óttanum yfirsterkara. Þegar
Fúsi er ráðinn í sirkusinn verða
strákarnir hryggir því þeir sjá á
eftir góðum leikfélaga, ekki ógn-
valdi.
Frumsýningin var býsna
skrautleg. Leikendur hikstuðu,
hrösuðu og misstu minnið en
þeim tókst þó að klóra sig út úr
vandræðum. í Leikklúbbnum
Sögu eru nokkrir sviðsvanir jaxl-
ar og einnig yngri og óreyndari
bœkur
Púkablístran
- og fleiri sögur af í
Sæmundi fróða I
Hjá bókaútgáfunni Iðunni er
komin út fyrsta bókin í nýjum
flokki barnabóka, sem nefnist
Sagnasjóður íslenskra barna og á
að gegna því mikilvæga hlutverki
að flytja börnum sígilt og vandað
lestrarefni við þeirra hæfi. Þessi
fyrsta bók nefnist Púkablístran
og fleiri sögur af Sæmundi fróða
og það er Njörður P. Njarðvík
sem hefur endursagt sögurnar af
galdrameistaranum Sæmundi og
viðskiptum hans við púka og ill-
þýði. Gunnar Karlsson myndlist-
armaður hefur teiknað frábærar
myndir með hverri sögu.
Hér segir frá Sæmundi, vist
hans í Svartaskóla, heimferðinni
til íslands, púkablístrunni, vatns-
burði Kölska og öðrum viðskipt-
um þeirra Sæmundar. Þetta eru
sögur sem skemmt hafa íslensk-
um börnum um aldir og þær
mega ekki falla í gleymsku, því
Litlu „strákarnir“: Benni (Heiðrún Fríniannsdóttir), söguniaður (Hanna
Vigdís Jóhannsdóttir) og Jakob (Andrea Margrét Þorvaldsdóttir).
f/ leiklist /jj
Smiðurinn (Hlynur Hallsson) tekur hér í hnakkadrambið á Fúsa (Viðar Ein-
arsson). Myndirnar eru frá æfingu og þarna vantar t.d. skeggið á smiðinn.
Myndir: KL
krakkar. Strákar virðast af skorn-
um skammti og því voru stelpur í
hlutverkum sögumanns, Jakobs,
Benna og Golíats. Dæmið gekk
ágætlega upp nteð sögumanninn
og Benna en það er kannski ekki
sannfærandi að láta stelpu túlka
kraftakarlinn Golíat. Samt sem
áður féll þessi ráðstöfun þokka-
lega að blæ sýningarinnar sem
var galsafenginn og nokkuð
kæruleysislegur.
Hanna Vigdís Jóhannesdóttir
(sögumaður) stóð sig afar vel sem
hnellinn strákur og Viðar Einars-
son lifði sig inn í hlutverk Fúsa.
Þá var Hlynur Hallsson mjög
öruggur í hlutverki smiðsins og
fleiri leikendur áttu góða punkta.
Hljómsveitin var mjög góð og
söngvarnir lyftu sýningunni upp.
Búningarnir voru með miklum
ágætum. Leikmyndin einkennd-
ist af teikningum í anda mynd-
anna í bókinni um Fúsa en sviðið
var hálf varasamt. Lýsingin tókst
ágætlega og þegar á heildina er
litið hafa leikstjórarnir soðið
nokkuð lystugan graut sem geng-
ur ágætlega í börnin, a.nt.k. vildi
dóttir mín sjá leikritið aftur og
það án tafar. SS
að íslenskar þjóðsögur eru
ómetanlegur fjársjóður sem
hvert barn ætti að eiga aðgang
að.
ÁRNI GRÉTAR FINNSSON
SKJPmL
MÐ
MÁII?
LJÓÐ
Skiptír það
máli?
Bókaútgáfan Skuggsjá, Hafnar-
firði, hefur gefið út ljóðabókina
Skiptir það máli? eftir Árna
Grétar Finnsson.
Skiptir það máli? er önnur
ljóðabókin sem Árni Grétar
Finnsson sendir frá sér. í bókinni
eru eingöngu frumort ljóð. Ljóð-
in eru í senn margbreytileg að
efni og framsetningu, en víða má
greina ákveðinn tón, sem sér-
kennir höfundinn. Eiríkur Smith
myndskreytti bókina.
Skiptir það máli? er 104 bls. að
stærð. Kápu hannaði og prentaði
Prisma.
RÁÐ
SEM DUGA
Á ANNAD ÞÚSUND LEIDIR
OG I.AUSNIR TIL HJÁLPAR
VID UPPELDI BARNA
ÓHLÝÐS'l. HEIMTUFREKJA, MATfL.XDXI.
MORG UNÓL UND, SÖLDVR, ÓSANNSÖCLI,
Ráð sem duga
Bókaútgáfan Iðunn hefur sent frá
sér bókina Ráð sem duga, bók
sem fjallar um hegðun og uppeldi
barna og veitir ráðleggingar við
hundruðum vandamála þar að
lútandi. Höfundar bókarinnar,
sem eru sálfræðingur, uppeldis-
ráðgjafi og kennari, búa allir yfir
mikilli reynslu á sviði uppeldis-
mála.
í bókinni eru gefin svör við
fjölmörgum spurningum sem
kunna að vákna þegar vanda ber
að höndum við barnauppeldi og
benda á hvernig leysa megi
vandamálið á farsælan hátt. Hér
er að finna ráð sem duga þegar
börn naga neglur, ganga í svefni,
eru ofvirk, hrekkja, horfa of mik-
ið á sjónvarp, vilja ekki fara að
sofa, eru fingralöng, krota á
veggi, þola ekki að tapa, kunna
ekki að sigra, vilja ekki læra
heima, eru myrkfælin, sjúga
þumalfingurinn, pissa undir . . .
í stuttu máli sagt, hér er að finna
ráð og leiðir til að ráða bót á
flestum vandamálum sem upp
koma við uppeldi barna.
Kristinn R. Þórisson þýddi.