Dagur - 13.12.1989, Qupperneq 6
6 - DAGUR - Miðvikudagur 13. desember 1989
Jólaskemmtun
Brekkukots
Það var líf og fjör í Húsi aldr-
aðra síðastliðinn sunnudag en
þá hélt skóladagheimilið
Brekkukot sína árlegu jóla-
skemmtun. Krakkarnir á
Brekkukoti voru sjálfir í aðal-
hlutverkum en foreldrar og
aðrir ættingjar fylgdust með
skemmtiatriðum þeirra. Að
sjálfsögðu létu jólasveinarnir
líka sjá sig.
Öll börnin á Brekkukoti tóku
virkan þátt í jólaskemmtuninni.
Einn hópurinn teiknaði myndir
af jólasveinunum og las upp
kvæði Jóhannesar úr Kötlum. F>á
var leikþáttur um kiðlingana níu,
sem tekur mið af ævintýrinu um
kiðlingana sjö. Geitamamma
þurfti að skreppa út en þá kom
úlfurinn og át alla kiðlingana
nema einn. Framhaldið þekkja
flestir.
Nokkrir galvaskir strákar
stofnuðu hljómsveit og tróðu upp
við mikil fagnaðarlæti. Peir „spil-
uðu“ norræn lög úr ýmsum áttum
á heimasmíðuð hljóðfæri. Pað
var hátíðleg stund þegar Lúsíurn-
ar komu í salinn í hvítum kjólum
með kerti í hönd og sungu.
Einnig var vel heppnuð danssýn-
ing, tvö skref til hægri og tvö
skref til vinstri o.s.frv.
Atriði barnanna voru mjög vel
útfærð og greinilegt að þau hafa
lagt mikla vinnu í undirbúning
ásamt starfsfólkinu á Brekku-
koti. Loks var slegið upp heil-
miklu jólaballi þar sem allir döns-
uðu í kringum jólatréð og sungu
af hjartans lyst.
Skyndilega ruddust Hurða-
skellir og Ketkrókur inn og þá fór
nú kliður um salinn. Þeir komu
nefnilega ekki tómhentir. Þetta
reyndust bráðhressir jólasveinar
og héldu þeir uppi mikilli
stemmningu við jólatréð uns
skemmtuninni var slitið og þeir
kvöddu með miklum hurðaskell-
um. SS
Þetta er úlfurinn í leikritinu um
kiðlingana.
Það var dansað í kringunt jólatréð og sungið af hjartans lyst.
Lúsíurnar voru afskaplega hátíðlegar.
Jólasveinamyndir krakkauna á Brekkukoti.
Vinkonurnar Linda og Auður. Myndir: ss
/------------
LÚLSÍuhátíð
bœkur
í Akureyrarkirkju
miðvikudaginn 13. desember og laugardaginn
16. desember kl. 20.30 báða dagana.
Miðaverð aðeins kr. 500,-
Karlakór Akureyrar.
Karlakórlnn Geyslr.
V____________________________________/
íspan auglýsir:
Spegla-blómasúlur
Spegla-flísar
Speglar í römmum
Speglar meö
myndum
Smellurammar
Speglar skornir
eftir yðar óskum
Plexygler
ISPAN HF.
Norðurgötu 55
Símar: 96-22688 og 96-22333.
Tvær harð-
spjaldabækur
frá Erni og
Örlygi
Hjá Erni og Örlygi eru komnar
út tvær harðspjaldabækur fyrir
litlu börnin. Þær nefnast Tíu litl-
ar mýs og Tíu litlir hvuttar.
Kristján frá Djúpalæk þýðir
textann í bundnu máli sem hon-
um einum er lagið.
Will Durant:
Siðaskiptin
- 1. bindi
Bókaútgáfa Menningarsjóðs hef-
ur gefið út nýtt bindi úr hinu
mikla ritverki bandaríska sagn-
fræðingsins og heimspekingsins
Will Durant sem hann kallar
sögu siðmenningar, og út kom í
tíu bindum á árunum 1935-75.
Þetta bindi, sem nú kemur út í
íslenskri þýðingu Björns Jóns-
sonar, skólastjóra, fjallar um
tímabilið 1300-1517, og er fyrii
hluti.
Höfundur þessarar bókar er
Bandaríkjamaðurinn Will
Durant (1885-1985). Að loknu
námi var hann tungumálakennari
í heimahögum sínum í New Jers-
ey, síðar í New York. Árið 1917
lauk hann doktorsprófi í heim-
speki.
Árið 1927 sneri Durant sér
alfarið að því að semja risavaxið
verk um sögu mannkynsins undir
heitinu „The Story of Civilizat-
ion“. Tii að kynnast söguslóðum
með eigin augum fór hann m.a.
tvívegis í hnattferð. Fyrsta
bindið, um frumsögu austrænna
þjóða, birtist árið 1935, en ellefta
og síðasta bindi, um frönsku bylt-
inguna og Napoleon, kom út
1975.
Nú kemur út upphaf þess hluta
verksins, sem fjallar um siða-
skiptin. Sá hluti greinir frá tíma-
bilinu 1300-1517, frá John Wyclif
til Marteins Lúthers. Á þessu
tímabili „urðu straumhvörf sem
settu svip á vestræna siðmenn-
ingu og áttu þátt í mótun þeirrar
heimsmyndar sem blasir við okk-
ur á líðandi stund," segir þýðandi
þessa bindis, Björn Jónsson,
skólastjóri, í formálsorðum.
Siðaskiptin 1. bindi, er 230 bls.
að stærð, og er bókin prýdd all-
mörgum myndum. Á kápu er
mynd af enska siðbótarfrömuðin-
um John Wyclif.
Skólaskop
Hjá Almenna bókafélaginu er
komin út bókin Skólaskop -
Gamansögur af kennurum og
nemendum -en efninu hafa tveir
kennarar, Guðjón Ingi Ein'ksson
og Jón Sigurjónsson, safnað.
I Skólaskopi er að finna kafla
úr ritgerðum nemenda, föst og
laus skot sem kennarar hafa orð-
ið fyrir í tímum og gullvægar
samræður lærifeðra og náms-
manna. í bókinni eru bæði nýjar
frásagnir og aðrar sem heita má
að séu orðnar sígildar.
Eftirfarandi saga gefur nokkra
hugmynd um efni bókarinnar:
Á skyndiprófi í íslandssögu í 7.
bekk Grundarskóla áttu nemend-
ur að skilgreina nokkur hugtök.
þar á mcðal orðið landráðamað-
ur. Ein útskýringin var: „Land-
ráðamaður er gamalt orð sem er
lítið notað nú á dögum, en á
nútímamáli mcrkir landráðamað-
ur það sama og forsætisráð-
herra."
bókin er myndskrcytl af Hjör-
dísi Ólafsdóttur.
ALVEG SKÍNANDI
n