Dagur - 30.12.1989, Blaðsíða 9

Laugardagur 30. desember 1989 - DAGUR - 9
Mimiisverðir atburðir á árinu 1989
- leitað álits nokkurra valinkunnra einstaklinga
Björn Pálsson.
Björn Pálsson, bóndi
og fyrrv. alþingismaður:
Gorbatsjov er
mikill happafugl
„Ég held að telja verði Gorb-
atsjov mann ársins. Hann hef-
ur gjörbreytt ástandinu í heim-
inum.
Ég tel að ekki hafi komið fram
meiri happafugl á síðari árum.
Hitt er svo annað mál að ég
þekki hann ekki persónulega.
Pað er ótvírætt að Gorbatsjov
hefur verið í forystu fyrir lýðræð-
isbreytingum í Austur-Evrópu á
árinu.
Hér heima kemur það helst
upp í kollinn að frammámenn
okkar, Vigdís forseti, Steingrím-
ur og Jón Hannibalsson virðast
hafa rnikinn áhuga á að stjórna
öllum heiminum og þeir telja að
þeir séu hæfir til þess þótt þeir
reynist óhæfir til að stjórna land-
inu. Það er gott að hafa svona
mikið sjálfsálit.
Forsetinn er diplómatískur
eins og honum ber að vera, Jón
Baldvin orðdjarfur og svo Stein-
grímur. Hann fór nú til ísrael að
kenna þarlendum fjármál.
Vigís var upptekin af ferðlög-
um á árinu og það varð til þess að
Magnús greyið Thoroddsen
keypti vínið. Fyrir vikið var hann
rekinn úr embætti. Þetta hafðist
upp úr flakkinu í Vigdísi." óþh
Þorsteinn Þorvaldsson.
Þorsteinn Þorvaldsson,
sparisjóðsstjóri Ólafsfirði:
Frábær árangur
KA-manna
„Atburðirnir í Rúmeníu og
hreyfingar í Austantjaldsríkj-
um á árinu standa upp úr á
erlendum vettvangi. Þá eru
breytingar r frjálsræðisátt í
Sovétríkjunum athyglisverðar.
Árið hefur verið viðburðaríkt í
atvinnulífinu hér heima og hafa
miklir erfiðleikar sett sitt mark á
alla umræðu um atvinnumál.
Fiskveiðikvóti hefur verið
skertur, sem hefur komið illa við
sjávarútveginn. Þá hafa verið
miklar þrengingar í fiskeldi og
loðdýrarækt.
Almennt virðist sem fyrirtæki
reyni að bregðast við þessum
vanda með samvinnu og eða sam-
einingu.
Af vettvangi íþrótta kemur
upp í hugann góður árangur
handboltalandsliðsins í B-keppn-
inni í Frakklandi og sá frábæri
árangur KA-manna að verða
íslandsmeistarar í knattspyrnu.
Þetta var sögulegur viðburður
fyrir landsbyggðina og ætti að
verða hvetjandi í að byggja upp
gervigasvöll á Norðurlandi.
Hér í Ólafsfirði er árið sérstak-
lega minnisstætt fyrir stöðuga.og
góða atvinnu allt árið. Þetta voru
mikil umskipti frá fyrra ári. Þessi
bætta staða í atvinnumálunum er
að einhverju leyti afleiðing af
sameiningu frystihúsanna og
betri stýringu á hráefninu.“ óþh
Steingrímur Hermannsson.
Steingrímur Hermannsson
forsætisráðherra:
„Björgunaraðgerðir
ríkisstjórnarinnar
tókust vel“
„Af vettvangi stjórnmálanna
hér heima fyrir finnst mér
ánægjulegast að þær aðgerðir
sem gripið var til, og nefna
mætti endurreisnar- eða björg-
unaraðgerðir, hafa tekist
nokkuð vel. Staðan er þannig
nú að ekki vantar nema herslu-
muninn til að efnahagslíf þjóð-
arinnar komist upp úr þeirri
lægð sem það hefur verið í.
Þá er mér einnig eftirminnileg
sú tilraun sem gerð var til að
styrkja ríkisstjórnina. Hún tókst,
og þetta tvennt var mikilvægast
fyrir stjórnarflokkana á árinu
1989.
Ég er bjartsýnn á efnahagsmál
ársins 1990 ef þeir samningar tak-
ast sem nú er verið að gera, verði
þeir gerðir á þeim nótum sem
samningsaðilar eru á um þessar
mundir. Ég er þó óhress með
ýmsar hækkanir, t.d. þá hækkun
sem Rafmagnsveita Reykjavíkur
boðar, slíkar hækkanir eru
hættulegar í stöðunni. En ef
samningar aðila vinnumarkaðar-
ins verða hóflegir og tekst að
hafa hemil á verðhækkunum tel
ég að staða efnahagsmála lands-
ins verði í góðri stöðu þegar fer
að líða fram á árið.
Um persónuleg málefni mín og
fjölskyídunnar er ekki mikið að
segja, öllum hefur liðið vel og
fjölskyldan stækkaði; sonur okk-
ar gekk í hjónaband og fleira
ánægjulegt gerðist, en ég veit
ekki hvort ástæða er til að taka
þar eitt fram yfir annað,“ segir
Steingrímur Hermannsson, for-
sætisráðherra. EHB
Auöur Eiríksdóttir.
Auður Eiríksdóttir,
oddviti Saurbæjarhrepps:
íþróttahúsið
á Hrafnagili
„Af erlendum vettvangi eru
mér minnisstæðastir þeir
atburðir sem hafa verið að ger-
ast núna í austantjaldsríkjun-
um. Þeir hljóta að vekja menn
til umhugsunar. Þá hefur mér
ekki líkað að hafa Bandaríkja-
menn í Panama, mér er illa við
þessi læti þeirra þar þótt ég sé
ekki hrifin af Noriega. En
þessu er sjálfsagt lokið þar,“
sagði Auður Eiríksdóttir,
oddviti Saurbæjarhrepps.
Þegar hún leit yfir atburði
innanlands sagðist hún hafa vilj-
að sjá meiri árangur af störfum
stjórnarinnar og hún kvaðst
óhress yfir því hve stjórninni
gengi illa að ná tökum á verð-
bólgunni og lækka raunvexti.
Sömuleiðis nefndi hún atvinnu-
mál:
„Mér finnst þróun atvínnu-
mála, sérstaklega hér á Norður-
landi, hörmuleg og afstaða
stjórnvalda í þeim efnum jafnvel
neikvæð, sérstaklega í sambandi
við skipasmíðastöðvar á land-
inu,“ sagði Auður.
Minnisstæðasti atburður ársins
er hins vegar að mati Auðar
bygging íþróttahússins á Hrafna-
gili. „Vígsla íþróttahússins er
mér efst í huga og að þessi árang-
ur skyldi nást. Það er mikið afrek
hjá hreppum með um 1300 íbúa
að koma upp íþróttamannvirki
upp á 150 milljónir. Ólafsfjarðar-
göngin eru líka mjög jákvætt
framtak, sérstaklega fyrir fólkið
sem þar býr. Það eru líka gleðileg
tíðindi að ný ferja muni ganga til
Hríseyjar og Grímseyjar. Mér
finnst að Grímseyingar hafi búið
við óöryggi þar sem þeir hafa
þurft að stóla á flugið en- nýja
ferjan bætir samgöngúrnar til
muna,“ sagði Auður. SS
Björn Þórleifsson.
Björn Þórleifsson, oddviti
og skólastjóri, Svarfaðardal:
„Fjórtán hundruð
flöskur víns...“
„Opnun Evrópu, eins og ég
vFIdi kalla það, er það merki-
legasta sem gerst hefur á árinu.
Ef maður lítur sér nær rná
segja að svipaðir hlutir hafi verið
að gerast hér í Eyjafirði. Sem
sveitarstjórnarmanni finnst mér
merkilegt hvað samvinnu- og
sameiningarhugur sveitarfélaga
er mikill. Nú eru stóru sveitarfé-
lögin á svæðinu að ganga inn í
héraðsnefnd og mér virðist því
vera í augsýn nýr og sterkur
Eyjafjörður.
Öneitanlega hefur siðferði ver-
ið mikið í sviðsljósinu, ekki síst
vegna brennivínsmáls Magnúsar
Thoroddsen. Af því tilefni gerði
ég þessa vísu:
Draumur sérhvers drykkjusvíns
sem deyr á hindsins börum.
Fjórtán hundruð flöskur víns
fengnar á vildarkjörum.
óþh
Pétur Þorsteinsson.
Pétur Þorsteinsson,
skólastjóri, Kópaskeri:
„Dapurlegt ástand
í atvmnumálum á
landsbyggðinni
efst í huga“
„Af innlendum vettvangi er
mér tvímælalaust efst í huga
dapurlegt ástand í atvinnumál-
um á landsbyggðinni, gjald-
þrot og vaxandi atvinnuleysi.
Af erlendum vettvangi er það
náttúrlega atburðirnir í A-
Evrópu, lýðræðisþróunin og
fall Berlínarmúrsins sem
standa upp úr. Manni eru þá
ekki síst ofarlega í huga síðustu
atburðir í Rúmeníu,“ segir
Pétur Þorsteinsson, skólastjóri
á Kópaskeri.
„Það er engin spurning að á
síðasta ársfjórðungi hefur gerst
meira í alþjóðamálum en á síð-
ustu áratugum. Manni finnst það
ákaflega gaman að sjá söguna
líða svona hratt og að sama skapi
fer þessi þróun mjög friðsamlega
fram miðað við hversu djúpstæð-
ar breytingar eru að verða þarna.
Ég man nú ákaflega lítið eftir
veðurfari á árinu enda lítill úti-
vistarmaður. Mér finnst einhvern
veginn að það hafi verið mjög
gott. Lffið hér á staðnum hefur
mótast dálítið af því sem ég
nefndi fyrst en mannlífið að öðru
leyti verið farsælt og Ijúft að
vanda. Mannlífið hefur ótrúlega
lítið dregist niður vegna ástands-
ins í atvinnumálunum og mér
finnst eiginlega með ólíkindum
hve menn eru þrátt fyrir allt
bjartsýnir á framtíðina." JÓH
Jón F. Hjartarson.
Jón F. Hjartarson, skóla-
meistari á Sauðákróki:
Fjárveitingar til
bóknámshússins
„Mér er náttúrlega minnis-
stæðast þegar ég sá fjárlögin,
en í þeim sást að fjárveitingar
voru nokkrar til bóknámshúss-
ins. Eftir þessu hef ég beðið
um all langa hríð.
í annan stað eru mér minnis-
stæðar þessar stórkostlegu breyt-
ingar sem eru að gerast í Austur-
Evrópu. Það er gaman að vita til
þess að Berlínarmúrinn skuli
vera brotinn. Égget varla hugsað
mér meiri tíðindi. Þetta síðasta
með að Ceucescu og kona hans
skyldu vera tekin af lífi fylgir
manni sjálfsagt eins og skugginn
alla tfð.
Það sem mér er efst í huga fyrir
næsta ár er það að nú standa yfir
samningaviðræður við ríkið um
byggingu bóknámshússins. Hvað
sem allri kreppu líður þá kemur
að því að bóknámshúsið verður
vígt. Það gæti jafnvel komið til
þess að framkvæmdir hæfust á
næsta ári, að það yrði tekinn
grunnur. En hversu vel fjárveit-
ingarnar duga veit maður ekki.
Menn þykjast vita að kreppan
taki senn enda og upp úr því ætti
ástandið í efnahagslífinu að
batna á ný. Maður er bjartsýnn
jafnvel í svartasta skammdeg-
inu.“