Dagur - 12.10.1990, Side 6

6 - DAGUR - Föstudagur 12. október 1990
í landi vandamálanna
Dagur heimsækir Sofiu, höfuðborg Búlgaríu

Það er ekki hlaupið að því fyrir bifreiðaeigendur að afla eldsneytis á farar-
tæki sín. Þessi röð náði lengra en augað eygði og endaði við litla bensínstöð
þar sem ekkert bensín var til. En menn bíða og vona.
Höfuðstöðvar kommúnistaflokksins. Efst á spírunni var rauður stjörnulaga
rúmbín - tákn flokksins - sem var tekinn niður eftir að almenningur safnað-
ist saman við húsið.
Um alla borg mátti sjá konur með sópa. Og sumum fannst afskaplega gaman
að láta mynda sig.
Eins og komið hefur fram hélt
knattspyrnulið KA til Búlgaríu
í síðustu viku og lék þar gegn
CSKA Sofia í Evrópukeppni
meistaraliða í knattspyrnu.
Blaðamaður Dags slóst með í
för og fylgdist með gengi KA-
liðsins auk þess sem hann
skoðaði sig um í Sofiu, höfuð-
borg Búlgaríu. Til þess gafst
góður tími, það er aðeins flog-
ið tvisvar í viku frá landinu og
því dvaldi hópurinn þar í 5
daga í góðu yfirlæti - betra en
flestir íbúar Sofluborgar eiga
að venjast.
Það var aldimmt orðið þegar
við lentum flugvellinum í Sofiu-
borg mánudaginn 1. október
enda klukkan að verða 8 að
kvöldi tij. Ferðalagið var frekar
langt og þreytandi, við flugum frá
Keflavík til Kaupmannahafnar
þar sem setið var og beðið í tvo
tíma. Þaðan var flogið til Búda-
pest í Ungverjalandi og loks
áfram til Sofiu. Samtals tók þetta
10 klukkustundir.
Á leið til lendingar vakti það
athygli margra í hópnum hversu
lítið ljós lagði upp af borginni
þegar flogið var yfir hana og
reyndar hélt ég að við værum yfir
úthverfi eða dreifðri byggð af
einhverju tagi. Svo reyndist þó
ekki vera heldur var skýringin á
ljósleysinu gífurlegur orku- og
rafmagnsskortur, auk þess sem
trjágróður í borginni er geysilega
mikill og deyfir ljós það sem legg-
ur upp af henni.
Teknir „toIlar“
við komuna
Eftir þreytandi ferðalag kveið
maður þeirri raun að komast inn
í landið en af því hafði maður
heyrt misjafnar sögur. Áhyggj-
urnar reyndust þó nokkurn veg-
inn ástæðulausar. Þegar við
skeiðuðum í átt að illúðlegum
embættismönnum ríkisins birtist
kunnuglegt andlit að baki þeirra,
einn af forráðamönnum CSKA
var mættur á svæðið og eftir að
hann hafði átt orð við landa sína
fengum við meira að segja að
valsa framhjá röðinni og í gegn-
um vegabréfaeftirlitið án nokk-
urra vandræða. Farangurinn lét
hins vegar á sér standa og þegar
hann loksins birtist var ástæðan
augljós. Farið hafði verið vand-
lega í gegnum flestar töskurnar
og hafði t.d. verið sprautað úr
tannkremstúpunum hjá nokkr-
um. Þá virðast tollverðir í Búlg-
aríu hafa þann sið að innheimta
„tolla“ upp á sitt eindæmi og þar
sem þess er kostur. Einn leik-
manna liðsins hafði geymt pen-
inga í tösku sinni en þeir voru
horfnir.
Forsmekkinn að bílaflota
borgarbúa fengum við strax og
komið var út úr flugstöðinni. Þar
beið Trabantbifreið með „taxa“-
merki á þakinu og allt í kringum
hann voru bifreiðar af austur-evr-
ópskri tegund. Okkur var hins
vegar skutlað upp í rútu og ekið á
hótel Vitosha þar sem sem við
áttum eftir að eyða næstu dögum
í góðu yfirlæti.
Hótel þetta mun vera það
besta í Búlgaríu að sögn þeirra
sem til þekkja. Það var nokkuð
glæsilegt en eftir því sem á dvöl-
ina leið varð það sífellt glæsilegra
í hugum íslendinganna - ekki síst
eftir að við komum á annað hótel
sem við gistum á seinni hluta
ferðarinnar. Það hafði fjögurra
stjörnu gæðastimpil en það veit
sá sem allt veit að eftir að hafa
dvalist þar í tvo sólarhringa vildi
ég ekki reyna að gista á tveggja
stjörnu hóteli.
Miður vinsamlegir
áhorfendur
Flestir úr hópnum höfðu hugann
að mestu leyti við leikinn sem
framundan var og lítill tími gafst
til að skoða borgina fyrstu dag-
ana. Farið var á æfingu strax á
þriðjudagsmorgninum og kom þá
nýtt áhyggjuefni til sögunnar -
veðrið. Hitamælar borgarinnar
stóðu í 24 gráðum þann daginn
og þegar við bættist sól sem gerði
heiðarlegar tilraunir til að brjót-
ast í gegnum mengunarskýin
varð það býsna ófýsilegur kostur
að leika knattspyrnu. KA-menn
báru sig þó vel og tóku tvær léttar
æfingar þann daginn, aðra á æf-
ingasvæði CSKA í útjaðri borg-
arinnar og hina á Norodnia Arm-
iia-leikvanginum um kvöldið.
Þegar mætt var til leiks á mið-
vikudeginum voru móttökurnar
með nokkru öðru sniði en menn
eiga að venjast á Islandi. Þar er
erlendum liðum gjarnan klappað
lof í lófa þegar þau ganga inn á
leikvanginn en þarna var annað
uppi á teningnum. Um leið og
KÁ-menn birtust upphófu áhorf-
endur ægileg baul og létu öllum
illum látum og manni varð ljóst
að þetta yrðu erfiðar tvær
stundir. Sprengjur sprungu af
minnsta tilefni og það verður að
viðurkennast að litla sveitamanns-
hjartað sló á stundum hraðar en
það á að venjast.
Um leikinn sjálfan hefur verið
fjallað hér í blaðinu og óþarfi að
ræða hann frekar. KÁ-menn
féllu en gerðu það með sæmd og
að leik loknum hröðuðu menn
sér heim á hótel og tóku til við að
tvista.
Bjuggum í „gerviveröld“
Eftir því sem á dvölina á hótel
Vitosha leið varð okkur ljóst að
við bjuggum í einangraðri gervi-
veröld. Áðbúnaður á hóteli þessu
var svo gersamlega úr takti við
það sem finna mátti utan veggja
þess. Við höfðum allt til alls og
þurftum engu að kvíða nema
e.t.v. eldspýtnaleysi. Skortur á
ýmsum nauðsynjavörum er geysi-
legur í Sofiu um þessar mundir
en við gátum andað rólega - með
dollara upp á vasann eru mönn-
um flestir. vegir færir í þessu fyrr-
um „sæluríki" kommúnismans.
Á hótelinu voru dollarasjoppur
þar sem fá mátti ýmsan munaðar-
varning á verði sem okkur fannst
ekkert sérlega hátt en venjulegur
Búlgari hefði ekki látið sig
dreyma um enda hefði honum
aldrei verið hleypt inn á hótelið.
Einungis útlendingum er þar
heimilaður aðgangur og lesendur
geta velt fyrir sér af hverju það
stafar.
Niðurníðslan áberandi
Þegar menn ferðast um borgina
er þar margt frábrugðið því sem
maður á að venjast. í fyrsta lagi
er mengunin gífurleg. Oftast er
þarna blankalogn og við slíkar
aðstæður liggur þykk mengun-
arslæða yfir öllu. Borgin er í
sjálfu sér ekki sóðaleg enda
gamlar konur með strákústa á
hverju strái og því sjaldgæft að
sjá rusl á víðavangi.
Það sem stingur hins vegar
strax í augun er niðurníðslan á
nánast öllu sem fyrir augu ber.
Bílarnir eru margir gamlir og úr
sér gengnir og bón virðist vera
aigerlega óþekkt fyrirbæri.
Reyndar er bílaeign langt frá því
að vera almenn og þeir sem eru í
hópi hinna stoltu bifreiðaeigenda
aka nær undatekningalaust um á
Wartburg, Trabant, Lödu eða
Volgu.
Margar reisulegar og glæsileg-
ar byggingar er að finna um alla
borg en þær eru flestar farnar að
alllli MMniitt*.
HHH
HÓTEL KEA
Laugardagskvöldið 13. október:
Hljómsveitin
KVARTETT
leikur fyrir dansi
Níels Ragnarsson leikur fyrir matar-
gesti föstudags- og laugardagskvöld
★
Sýnishorn af matseðli
Reyktur lax lagður í rjómapiparsósu
★
Hreindýrasteik með Waldorfsalati og púrtvínssoðinni peru
★
Léttsteikt villigæsabringa með appelsínusósu
★
Heit bláberjabolla með vanilluís
★
Sunnudagsveisla
í Súlnabergi
Sveppasúpa, ofnsteikt lambalæri og/eða reykt grísalæri,
þú velur sósuna, salatið...
Erum farin að taka á móti bókunum fyrir
Austurlenskt kvöld sem verður þann 20. október.
mw
li
Borðapantanir
fyrir matargesti
í síma 22200.
Hótel KEA
fyrir vel heppnnöa veislu
3