Dagur - 22.12.1990, Blaðsíða 5
Laugardagur 22. desember 1990 - DAGUR - 5
Átakasena í Ættarmótinu. Klerkurinn með brjóstmynd af höfðingja ættarinnar í fanginu og aðrir í ættinni virðast
ekki ýkja ánægðir á svip.
Ragnhildur Gísladóttir, Björn Björnsson og Jón St. Kristjánsson í hlutverk-
um sínum.
Jólaverkefni Leikfélags Akur-
eyrar nefnist Ættarmótið og er
eftir Böðvar Guðmundsson.
Undirtiíill verksins er - þjóð-
legur farsi með söngvum, og
má því búast við fjörugri sýn-
ingu þar sem skopskyn Böðv-
ars fær að njóta sín. Leikritið
verður frumsýnt 27. desember
kl. 20.30 og verða sýningar alls
Qórar fyrir áramót.
Böðvar Guðmundsson vann
leikgerð að verkinu Fátækt fólk
sem Leikfélag Akureyrar sýndi á
síðasta leikári. Þegar Böðvar
kom til að sjá þessa sýningu færði
hann leikfélaginu Ættarmótið að
gjöf. Nýir íslenskir farsar eru
ekki á hverju strái og voru leik-
félagsmenn því mjög ánægðir
með þessa óvæntu og höfðing-
legu gjöf.
Ættarmótið sýnir ansi skraut-
lega ætt sem kemur saman í
félagsheimili til að skemmta sér.
Þetta er fólk úr ýmsum áttum og
stéttum og víst leynist misjafn
sauður í mörgu fé. Skondin atvik
og óvæntar uppákomur setja svip
sinn á þetta ættarmót og kemur
ættingi frá Vesturheimi þar mjög
við sögu. Ættarmótið er ramm-
íslenskur ærslaleikur fyrir alla
fjölskylduna.
Leikstjóri er Þráinn Karlsson,
leikmynd og búninga hannaði
Gylfi Gíslason og Ingvar Björns-
son hannaði lýsingu. Tónlist og
söngvar skipa veglegan sess í
verkinu og er Jakob Frímann
Magnússon höfundur tónlistar-
innar. Kunnir tónlistarmenn eru
einnig í aðalhlutverkum, þau
Ragnhildur Gísladóttir og Val-
geir Skagfjörð. Fleiri hljóðfæra-
leikarar koma einnig við sögu.
Aðrir leikendur eru Björn
Björnsson, Jón Stefán Kristjáns-
son, Þórey Aðalsteinsdóttir,
Sunna Borg, Björn Ingi Hilmars-
son, Rósa Rut Þórisdóttir, Árni
Valur Viggósson, Nanna Ingi-
björg Jónsdóttir, Marinó Þor-
stejnsson, Kristjana N. Jónsdótt-
ir, systurnar ungu Þórdís og
Guðrún Silja Steinarsdætur sem
Nikkan þanin og ættjarðarlög sungin. Eins og aðrar myndir á síðunni er þessi mynd tekin á æfíngu og gefur því ekki
rétta mynd af endanlegri uppsetningu. Myndir: Golli
Valgeir Skagfjörð gerir hosur sínar grænar fyrir Ragnhildi Gísladóttur.
Það er engu líkara en að presturinn í ættinni sé að hefja sig til flugs.
Myndir: Golli
Leikfélag Akureyrar frumsýnir Ættarmótið:
spila einnig á fiðlu, Arnar
Tryggvason, Kristján Pétur Sig-
urðsson, Haraldur Davíðsson,
Jóhann Jóhannsson, Svavar Þór
Guðjónsson og Hörður Kristins-
son.
Ættarmótið verður frumsýnt
fimmtudaginn 27. desember kl.
20.30. Næstu sýningar verða
föstudag og laugardag á sama
tíma og fjórða sýningin sunnu-
daginn 30. desember kl. 17.
Þráðurinn verður tekinn upp á
nýju ári. SS
Þjóðlegur farsi með söngvum
- ærslaleikur Böðvars
frumsýndur 27. desember