Dagur - 22.12.1990, Blaðsíða 12

12 - DAGUR - Laugardagur 22. desember 1990
Dagskrá sjónvarps og útvarpsf dagana 23.-27. desember
Að vanda eru ýmsar skraut-
fjaðrir í jóladagskrá sjón-
varpsstöðvanna og ætlum
við að líta á nokkrar þeirra.
Við rennum yfir dagskrána
frá sunnudegi til fímmtudags
og lítum á kvikmyndir, tón-
Iistarþætti og aðra dagskrár-
liði sem líklegir eru til að
vekja athygli áhorfenda. SS
Þorláksmessa
Sjónvarpið kl. 15.30:
Borís Pasternak
Þetta er nýleg sovésk-bresk sjón-
varpsmynd um ævi og ritstörf
Boris Pasternaks. Hann var einn
þekktasti rithöfundur Sovétríkj-
anna og skáldsaga hans um
Sívagó lækni er sígilt bókmennta-
verk. Líkt og fleiri rithöfundar
þar eystra var hann kúgaður af
Stalín og síðar Krjúsjeff. Skáld-
sagan um Sívagó var bönnuð í
Sovétríkjunum en Pasternak var
tilnefndur til bókmenntaverð-
launa Nóbels 1958. Með tilkomu
glasnost fengu verk hans loks
uppreisn æru í heimalandinu, en
sjónvarpsmyndin sýnir okkur
viðburðaríka ævi hans undir járn-
hæl ógnarstjórnar. Alexander
Smirnov fer með hlutverk Past-
ernaks.
Stöð 2 kl. 13.20:
Alvöru ævintýri
Hugljúft ævintýri sem segir frá
músafjölskyldu í Rússlandi sem
er að flytjast búferlum til Banda-
ríkjanna. Þegar skipið, sem fjöl-
skyldan ferðast með, nálgast
fyrirheitna landið fellur Vífill,
yngsti fjölskyldumeðlimurinn,
fyrir borð og er talið að hann hafi
drukknað. Vífill bjargast hins
vegar í land og þá byrjar ævin-
týraleg leit hans að fjölskyldunni.
Aðfangadagur
Sjónvarpið
kl. 12.50-16.30:
Afþreying fyrir
yngstu kynslóðina
Að vanda býður Sjónvarpið upp
á samfellt barnaefni eftir hádegi á
aðfangadag. Fyrst verður loka-
þáttur Jóladagatalsins sýndur, þá
kemur Töfraglugginn og sænsk
jólasaga um Mörtu og jólin.
Aðalsteinn Bergdal túlkar hinar
bráðskemmtilegu vísur Jóhannes-
ar úr Kötlum um jólasveinana
þrettán og þá verða fluttar tvær
erlendar jólasögur sem Anna Þ.
Guðjónsdóttir myndskreytti. Af
öðrum liðum má nefna þátt um
Dindil og Agnarögn og jóla-
ævintýrið Engillinn sem rataði
ekki heim.
Um kvöldið verður hefðbund-
in dagskrá en kl. 23 verða fluttir
erlendir jólasöngvar og meðal
flytjenda eru Placido Domingo
og Ileana Cotrubas.
Stöð 2 kl. 13.45:
Lísa í Undralandi
Barnaefni Stöðvar 2 hefst kl. 9 á
aðfangadag en eftir hádegi verð-
ur sýnd kvikmynd um ævintýri
Lísu í Undralandi. Lísa er úti í
garði þegar hún sér hvíta kanínu
á hlaupum. Hún stekkur á fætur
og hleypur á eftir kanínunni sem
fer ofan í holu. Það skiptir eng-
um togum að Lísa fer á eftir kan-
ínunni ofan í holuna og hrapar
lengi, en lendir að endingu mjúk-
lega í hrúgu af laufblöðum. Þá
hefjast ævintýrin fyrir alvöru.
Joladagur
Sjónvarpið kl. 21.20:
Harðlífur í
heimi hér
Þetta er sviðsett heimildamynd
eftir Viðar Víkingsson um
Guðmund biskup góða (1161-
1237), byggð á handriti Viðars og
Guðrúnar Nordal. í helstu hlut-
verkum eru Árni Pétur Guðjóns-
son, Eggert Þorleifsson og Guð-
rún Kristín Magnúsdóttir.
Sjónvarpið kl. 22.00:
Pelli sígurvegarí
Dönsk óskarsverðlaunamynd frá
1988 sem Bille August leikstýrir.
Myndin gerist í Danmörku í lok
nítjándu aldar og fjallar um feðg-
ana Lassa og Pella, sem er átta
ára. Þeir flýja örbirgð og atvinnu-
leysi í Svíþjóð en í Danmörku
bíða þeirra litlu skárri kjör. Pelli
lætur sig þó dreyma um betri
framtíð. Með aðalhlutverk fara
Max von Sydow og Pelle Hvene-
gaard.
Stöð 2 kl. 21.25:
Cavalleria Rusticana
Hér fáum við að sjá stórsöngvar-
ann Kristján Jóhannsson í essinu
sínu. Hann syngur aðalhlutverk-
ið í þessum magnaða einþáttungi
eftir Pietro Mascagni. Óperan
var tekin upp í borginni Siena á
Ítalíu í ágústmánuði síðastliðn-
um og lofuðu ítalskir gagnrýn-
endur frammistöðu Kristjáns í
hinu erfiða hlutverki Turuddi.
Hér er stórkostlegt tækifæri til að
sjá okkar fremsta söngvara í
glæsilegri uppfærslu.
2. joiadagur
Rás 1 kl. 10.25:
Erum við betri
um jóiin?
Þessi þáttur kemur frá Ríkis-
útvarpinu á Akureyri. Þeirri
spurningu er velt upp hvort
mannfólkið sé betra um jólin en á
öðrum stundum. Erum við betri
hvert við annað, elskum við
náungann meira og er veröldin
friðsælli staður að búa í um jólin
en á öðrum tíma árs? Þátttakend-
ur eru Guðrún Sigurðardóttir fé-
lagsráðgjafi, Jón Björnsson sál-
fræðingur og Pétur Pétursson
læknir. Umsjónarmaður er Erna
Indriðadóttir.
Sjónvarpið kl. 21.30:
Ormur umrenningur
Leiksmiðjan Kaþarsis spinnur
hér út frá íslenska þjóðsagna-
minninu um kirkjuprestinn f
Skálholti. Sagan er um baráttu
góðs og ills. í leikhópnum eru
Bára Lyngdal Magnúsdóttir, Ell-
ert Ingimundarson, Skúli Gauta-
son, Sigurður Skúlason og Kári
Halldór, sem jafnframt er leik-
stjóri. Tónlist er eftir Árna Harð-
arson.
Stöð 2 kl. 15.30:
Pavarotti
Á annan í jólum fáum við að sjá
tónleika sem stórsöngvarinn
Pavarotti hélt í tilefni heims-
meistarakeppninnar í knatt-
spyrnu á Ítalíu. Þessi dáði söngv-
ari syngur alls sextán verk á 90
mínútum og á efnisskránni eru
verk eftir helstu tónskáld óperu-
sögunnar.
27. desember
Sjónvarpið kl. 21.40:
Island-Svíþjóð
Rétt er að minna íþróttaáhuga-
menn á beina útsendingu frá
seinni hálfleik handknattleiks-
viðureignar íslendinga og Svía í
Laugardalshöll. Þar fá íslensku
strákarnir tækifæri til að reyna sig
á móti sænsku heimsmeisturun-
um. Laugardaginn 29. desember
kl. 16.45 verður síðan bein
útsending frá leik íslendinga og
Dana.
Sjónvarpið kl. 22.15:
Þar sem syndin
er falleg
Egg leikhúsið spinnur út frá
íslensku þjóðsagnaminni. í hópn-
um eru Viðar Eggertsson, Ingrid
Jónsdóttir, ÞórTúliníus, Kristján
Franklín Magnús og leikstjórinn
Hávar Sigurjónsson. Leikmynd-
ina gerði Guttormur Magnússon
og tónlistina samdi Lárus
Grímsson. Á föstudaginn verður
síðan þriðja verkefnið í flokki
þjóðsagnaspuna á dagskrá en þá
túlkar leikhópurinn Frú Emelía
söguna um kölska og konuna úr
þjóðsagnasafni Jóns Árnasonar.