Dagur - 22.12.1990, Blaðsíða 17

t
Laugardagur 22. desember 1990 - DAGUR - 17
efst í huga
Jólatrén okkar og þeirra
Og hvaö skyldi nú einum nýfluttum höfuöstað-
arbúa vera efst í huga þegar hann situr viö
tölvuna langt noröur í landi í síöustu viku fyrir
jól? Ætli það sé nokkuð frábrugöið því sem
öörum landsmönnum er efst í huga á þessum
stystu dögum ársins? Vitaskuld eru það jólin
og allt tilstandið í kringum þau sem yfirskyggir
aöra atburöi.
Aö þessu sinni eru jólin kennd við launafólk
vegna þess að jóladagarnir raöa sér þannig
aö úr þeim næst hámarksnýting. Áður fyrr
hétu svona jól stórubrandajól og mun þaö
nafn dregið af orðinu brandur í merkingunni
„logandi raftur". Sem aftur leiðir hugann aö
Ijósadýrðinni í kringum jólatilstandið. Hún
eykst frá ári til árs og þótt Ijósin séu kærkomin
í svartasta skammdeginu fer ekki hjá því að
maður þykist merkja dulítinn kauþmannaþef
af sumum Ijósaskreytingunum.
Nú er svo komið að hér á landi fyrirfinnst
vart svo aumt pláss að það skarti ekki af
jólatré sem einhverjir bæjarstjórar f norrænum
vinabæjum hafa sent til að lífga upp á tilver-
una hjá okkur hér á hjaranum. Vitaskuld er
stærð trjánna í réttu hlutfalli við íbúafjölda
hvers bæjar. Jólatréð sem á hverju ári berst
frá Ósló og er sett upp á Austurvelli í Reykja-
vík er ekki bara stærsta tréð heldur einnig það
sem mestrar athygli nýtur í fjölmiðlum allra
landsmanna.
Hér um árið þegar vinstrimönnum tókst um
skeið að stugga Sjálfstæðisflokknum frá völd-
um í borgarstjórn Reykjavíkur var haft á orði
að erfiðasta ágreiningsefni nýja meirihlutans
heföi verið að koma sér saman um það hver
skyldi verða forseti borgarstjórnar. Ástæðan
var sú að sá sem því virðulega embætti
gegndi höndlaði einnig það hnoss að fá að
kveikja á norska jólatrénu.
Þetta kom mér i hug þegar ég sá í Morgun-
blaðinu á dögunum fréttamynd sem sýndi
hvar Davíð Oddsson borgarstjóri var að
kveikja á Ijósum prýddri jólabjöllu sem hangir
yfir höfði borgarbúa skáhallt norður af Morg-
unblaðshöllinni. Þarna fékk karlanginn örlitla
sárabót fyrir að hafa þurft að horfa á Magnús
L. kveikja á stóra trénu í sviðsljósi fjölmiðl-
anna nokkrum dögum áður.
Og um síðustu helgi fékk Steingrímur J.
Sigfússon að snúa lykli í hengilás og opna
nýju Múlagöngin. Það er hins vegar haft fyrir
satt að ekki verði klippt á borðann og kampa-
vínið teygað fyrr en svo stutt sé til kosninga að
hljóðið í skærunum endurómi ennþá í hlustum
háttvirtra kjósenda þegar þeir kjósa á þing í
vor.
Mér flaug í hug að nú væru þessir tveir
stjórnmálamenn búnir að tryggja sig gegn því
að fara í jólaköttinn um þessi jól. Þeir hafa
fengið sínar jólagjafir sem þeir vonast til að
nægi til að fleyta þeim inn á þing í vor. Það er
líka svo gott útsýni yfir norska jólatréð úr
Alþingishúsinu. Kannski er þaö þess vegna
sem þeir sækja það svo fast margir hverjir að
komast á þing.
Við sem erum flutt úr nágrenni Austurvallar
eða höfum jafnvel aldrei búið þar verðum að
láta okkur nægja lágreistari tré. Við verðum
líka að láta okkur lynda að sjónvarpið sér ekki
ástæöu til að sýna alþjóð þegar við kveikjum
okkar eigin jólaljós.
Það verður samt vonandi ekki til að spilla
jólagleðinni fyrir okkur.
Þröstur Haraldsson.
Og svo hvetur þú hann til að
æfa keppnisíþrótt.
\
Bæjarbúar!
Þökkum ykkur veittan stuðning við söfnun
mæðrastyrksnefndar.
Við sendum ykkur gleðilegar jóla- og nýárs-
óskir.
MÆÐRASTYRKSNEFND AKUREYRAR.
Sendum viðskiptavinum, svo og
landsmönnum öllum bestu óskir um
gleðileg jól og
farsœlt komandi ár
Sparisjóður Akureyrar
og Arnarneshrepps
Brekkugötu 1, sími 24340.
—4
Félagar í Sjómannafélagi Eyjafjarðar
Félagsfundur
verður haldinn föstudaginn 28. desember n.k. kl.
13.00 að Skipagötu 14, 4. hæð.
Fundarefni:
Atkvæðagreiðsla um nýgerðan kjarasamning.
Lífeyrissjóðsmál.
Önnur mál.
Áríðandi að sem flestir mæti.
Stjórnin.
Harmonikuunnendur
Dansleikur
verður í Lóni
v/Hrísalund, laugardaginn 29. desember kl.
22.00-03.00.
Félagar úr Harmonikufélagi Þingeyinga ieika með
okkur fyrir dansi.
Aílir velkomnir.
Félag harmonikuunnenda Eyjafirði.
AKUREYRARBÆR
Gæsluvellir
Opnunartími gæsluvalla Akureyrarbæjar verður
sem hér segir milli jóla og nýárs:
Eyrarvöllur 27. og 28. des. kl. 14-17.
Lundarvöllur 27. og 28. des. kl 14-17.
Borgarvöllur 27. des. kl. 14-17.
Bugðuvöllur 28. des. kl. 14-17.
Aðrir vellir bæjarins verða lokaðir þessa daga.
Dagvistardeild.