Dagur - 20.04.1991, Blaðsíða 11
Laugardagur 20. apríl 1991 - DAGUR - 11
menningarmál
Sæluvika Skagfirðinga
- kórsöngur og leiklist í öndvegi
Hilmir Jóhannesson í hlutverki sínu í eigin verki, Tímamótaverki, sem sýnt
var í Sæluviku Skagfírðinga.
Sæluvika Skagfirðinga stóð
yfir dagana 7. til 14. þessa
mánaðar. Sæluvika hefur verið
haldin í Skagafirði síðan elstu
menn muna og gera Skagfirð-
ingar sér dagamun og skreppa í
leikhús eða sækja aðrar uppá-
komur. Þó sæluvikan sé ekki
sá stórviðburður sem áður var,
þegar minna var um skemmt-
anir, er hún skemmtileg til-
breyting frá hefðbundinni
afþreyingu.
Leiklist hefur jafnan verið fast-
ur liður í dagskrá Sæluvikunnar
og var einnig svo að þessu sinni.
Leikfélag Sauðárkróks setti upp
leikritið Tímamótaverk eftir
Hilmi Jóhannesson og var
aðsókn mjög góð enda er leikrit-
ið í mjög léttum dúr. Ungmenna-
félagið Mývetningur sýndi Bless-
að barnalán eftir Kjartan Ragn-
arsson. Aðsókn var ekki rnikil og
virtust heimamenn ragir við að
fara á sýningu hjá Mývetningum.
Nokkrar bíósýningar voru í
Sæluviku en jafnan er reynt að
hafa áhugaverðar myndir til sýn-
ingar. Að þessu sinni bar hæst
íslensku kvikmyndina Ryð í leik-
stjórn Lárusar Ýmis Óskarsson-
ar. Sem kunnugt er framleiðir
Propaganda films, fyrirtæki Sig-
urjóns Sighvatssonar, myndina.
Aðsókn var ágæt að flestum sýn-
ingum í Sæluvikunni.
Stórtónleikar í Sæluviku
Laugardaginn 13. apríl héldu
kórarnir Heimir og Rökkurkór-
inn söngskemmtun í Miðgarði í
Varmahlíð. Ýveir gestakórar
sungu með heimakórunum en
það voru Karlakórinn Söngbræð-
ur í Borgarfirði og RARIK-kór-
inn frá Reykjavík.
Karlakórinn Heimir byrjaði
söngdagskrána og sungu kórfé-
lagar sex lög. Greinilegt var að
kórinn er í mjög góðu formi og
strax eftir fyrsta lag, Sprett eftir
Sveinbjörn Sveinbjörnsson,
klöppuðu áheyrendur kórfélög-
um lof í lófa. Öll lög Heimisfé-
laga vöktu hrifningu þó sérstak-
lega seinasta lagið, Granada, en í
því lagi söng Pétur Péturson ein-
söng. Einnig vakti fjórsöngur
Sigfúsar Pétuj-ssonar, Kolbeins
Konráðssonar, Péturs Pétursson-
ar og Þorle|fs Konráðssonar
mikla hrifningu áheyranda.
Greinilegt ér að Karlakórinn
Heimir hefur sjaldan verið betri.
Að margra áliti eru undirleikarar
kórsins þau Richard og Jacqueline
Simm mikil himnasending fyrir
kórinn en Richard er lærður ein-
leikari og greinilega mjög fær
píanóleikari. Éinnig mátti heyra
á kórfélögum að Stefán Gíslason
stjórnandi kóriáns eigi ekki síður
en þeir sjálfir þakkir skildar fyrir
þann árangur sem kórinn hefur
náð.
Skemmtilegir gestakórar
Karl^kórinn Söngbræður úr
Borgarfirði flutti átta lög á stór-
tónleikunum í Miðgarði. Lagaval
Söngbræðra var skemmtilegt og
flutningur oftast góður þó eiga
Söngbræður nokkuð í land með
að ná þeim árangri sem félagar
þeirra í Heimi hafa náð.
Theodora Porsteinsdóttir söng
einsöng með Söngbræðrum í lag-
inu Svanasöngur á heiði. Vakti
hún mikla hrifningu áheyrenda
með mjög fallegum og góðum
söng. Greinilegt er að þar er á
ferðinni söngkona sem vert er að
gefa gaum í framtíðinni.
Stjórnandi Söngbræðra er
Sigurður Guðmundsson og
undirleikari Ingibjörg Þorsteins-
dóttir.
RARIK-kórinn flutti sjö lög
undir stjórn Violetu Smid. Lögin
sem kórinn flutti voru úr öllum
áttum og þar á meðal eitt þjóðlag
frá Tékkóslóvakíu og var það
flutt á þýsku. Kórinn er mjög
góður og samhæfður enda klöpp-
uðu áhorfendur kórnum lof í lófa
að loknum söng hans. Sérstak-
lega eru fallegar kvenraddir í
kórnum sem njóta sín vel í laga-
vali kórsins.
Seinasti kórinn sem kom fram
var Rökkurkórinn úr Skagafirði.
Oft hefur verið sagt um Rökkur-
kórinn að hann sé mikill stemmn-
ingarkór og eigi auðvelt með að
fá áheyrendur á sitt band. Svo fór
einnig á tónleikunum þann 13.
apríl í Miðgarði. Kórinn söng lög
í léttari kantinum sem áheyrend-
ur könnuðust vel við t.d. lag
Geirmundar Valtýssonar, Ég syng
þennan söng, við ljóð Guðbrands
P. Guðbrandssonar.
Mikill áhugi á söng
í lok tónleikanna sungu blönd-
uðu kórarnir saman og síðan
karlakórarnir. Karlakórarnir
náðu nokkuð vel saman þó að
ekki hefði gefist tími til að æfa
saman. í lokalagi tónleikanna,
Hermannakórnum, var kraftur-
inn slíkur að þeir fimm hundruð
áheyrendur sem í salnum voru
sátu heillaðir eftir.
Athygli vakti að áheyrendur
voru á öllum aldri, ekki síður
ungt fólk heldur en aldið. Svo
virðist að sönglistin sé síður en
svo á undanhaldi í Skagafirði ef
marka má fjölda áheyrenda sem
settu ekki fyrir sig að standa því
ekki voru sæti fyrir alla í salnum.
í ávarpi Porvalds G. Óskars-
sonar, formanns Karlakórsins
Heimis, kom fram að mikil ásókn
er meðal kóra að fá að koma og
syngja með heimakórunum á
tónleikum sem haldnir eru í Mið-
garði.
Tímamótaverk
Leikfélag Sauðárkróks sýndi
leikritið Tímamótaverk eftir
Hilrni Jóhannesson í Sæluviku
Skagfirðinga. Hilmir samdi
leikritið sérstaklega fyrir leikfé-
1 lagið í tilefni fimmtíu ára afmælis
félagsins, að því leyti er verkið
tímamótaverk.
Um leikritið má segja margt
gott þó óneitanlega séu á því
nokkrir gallar. Persónusköpun
Hilmis er að mörgu leyti stór-
kostleg. Persónurnar eru mjög
trúverðugar og kannast allir við
einhvern sem Hilmir gæti hafa
haft í huga við persónusköpunina
og sennilega ætlast Hilmir til
þess.
Leikritið gerist hjá leikfélaginu
sjálfu þ.e.a.s. á Sauðárkróki og lýs-
ir aðalfundi félagsins þar sem
verið er að undirbúa fimmtíu ára
afmæli þess. Formaður félagsins,
Baldur, leikinn af Þorleifi H.
Óskarssyni er hinn mesti vand-
ræðamaður, drykkfelldur og
heldur við gjaldkera félagsins
sem leikin er af Ágústu Ingólfs-
dóttur. Einnig er hann grunaður
um að fara frjálslega með sjóði
félagsins. Konu Baldurs leikur
Elsa Jónsdóttir en hún leikstýrir
einnig verkinu. Anna kaffikerl-
ing og Dóra meðstjórnandi eru
leiknar af Helgu Hannesdóttur
og Sólveigu Jónasdóttur.
Fjórir ungir leikarar, í hlut-
verki ungliða leikfélagsins, setja
mikinn svip á sýninguna. Skúli B.
Gunnarsson á góða spretti og
verður að telja rappatriði hans
með eftirminnilegustu senunt
verksins. Að öðrum ólöstuðum
stóðu Hilmir í hlutverki Ella leik-
tjaldasmiðs og Skúli í hlutverki
Gunna verulega upp úr hvað leik
varðar. Segja má að tilþrif vanti
hjá flestum nema þeim félögun-
um. kg
Skúli Gunnarsson og Páll Friðriksson í hlutverkum klæðskiptinga í Tímamótaverki Hilmis Jóhannessonar.
RARIK-kórinn frá Reykjavík söng sem gestakór á stórtónleikum fjögurra kóra í Miðgaröi. Við
píanóið situr Violeta Smid stjórnandi kórsins.
Karlakórinn Heimir syngur undir stjórn Stefáns Gíslasonar á söngskemmtun í Miðgarði.