Dagur - 19.06.1992, Blaðsíða 5

Föstudagur 19. júní 1992 - DAGUR - 5
Hið nýja og glæsilega farþegaskip þeirra Vestmannaeyinga, vakti mikla Hægt er að flytja 70 fólksbíla á bílaþilfari Herjólfs og þar af 14-16 bíla á sér-
athygli á hringferðinni kringum landið og er talið að hátt í 30 þúsund manns stöku hengidekki.
Iiafí skoðað skipið í ferðinni.
M/S Herjólfur á hringferð í kringum landið:
Glæsflegt skip sem vakið hefiir athygli
M/S Herjólfur er búinn siglingatækjum af nýjustu og bestu gerð og vinnuað-
staðan í brúnni er eins og best verður á kosið. Myndir: Golli
M/S Herjólfur, hið nýja og
glæsilega farþegaskip Vest-
mannaeyinga hefur vakið
mikla athygli á ferð sinni í
kringum landið. Vikuferð
skipsins í kringum landið lýkur
í dag þegar komið verður til
Eyja en þar hófst ferðin sl.
föstudag. Er reiknað með að
hátt í 30 þús. manns hafi skoð-
að skipið á áfangastöðunum 7 í
ferðinni. Komið var við í Þor-
lákshöfn, Reykjavík, Akra-
nesi, Isafirði, Sauðárkróki,
Akureyri og Eskifirði.
Ástæðan fyrir því að farið var í
hringferð á Herjólfi er m.a. sú að
aðstaðan fyrir skipið í Vestmanna-
eyjum og Þorlákshöfn er ekki til-
búin, auk þess sem ferðin þótti
kjörin til þess að þjálfa áhafnar-
meðlimi. Strax og ákveðið var að
fara í hringferðina varð vart við
mikinn áhuga Vestmannaeyinga
og margra annarra að fá að sigla
með hringinn og því var ákveðið
að gefa farþegum kost á að ferð-
ast með skipinu. Farmiðar í ferð-
ina seldust upp á skömmum
tíma.
Siglt norður fyrir
heimsskautsbaug
Á leiðinni frá Sauðárkróki til
Akureyrar á þriðjudag, var siglt
hringinn í kringum Grímsey og
fengu allir um borð skjal til stað-
festingar á því að þeir hafi siglt
norður fyrir heimsskautsbaug. Á
leiðinni inn Eyjafjörðinn komu
Hríseyjarferjurnar Sævar og Sæ-
fari til móts við Herjólf og fylgdu
skipinu áleiðis til Akureyrar.
Á blaðamannafundi sem hald-
inn var um borð í Herjólfi við
Torfunefsbryggju á Akureyri á
þjóðhátíðardaginn kom fram að
Vestmannaeyingar binda miklar
vonir við nýja skipið og vonast
m.a. eftir því að ferðamanna-
straumur til Eyja eigi eftir að
aukast til muna. Á síðasta ári
komu um 135 þúsund gestir til
Eyja, um 80 þús. með flugi og 55
þús. með Herjólfi. Kom fram á
fundinum að víða erlendis, þar
sem nýjar ferjur hafa verið tekn-
ar í notkun, hafi ferðmanna-
straumur aukist um allt að 40%.
Gera Eyjamenn sér vonir um að
ná þeirri fjölgun og ekki síst í
Ijósi þess mikla áhuga sem lands-
rnenn hafa sýnt á Vestmannaeyj-
um og nýja skipinu.
Grímur Gíslason, stjórnar-
maður í Herjólfi hf. og nefndar-
maður í smíðanefnd, sagði að
skipið hafi reynst mjög vel í alla
staði. Herjólfur er 70,5 metrar á
lengd og 16 metrar á breidd.
Djúprista skipsins er 4 metrar og
stærð þess 2222 brúttótonn. Skip-
ið er með bílaþilfari sem hægt er
að keyra í gegnum, þar sem hægt
verður að flytja 70 fólksbíla eða
39 fólksbíla og 5 vöruvagna. Þar
af verða 14-16 bílar á hengidekki
á bílaþilfari.
Ganghraði skipsins
17 mílur
Hámarks farþegafjöldi er 480
farþegar en í skipinu eru 82
legupláss fyrir farþega, 19
tveggja manna klefar, 3 fjögurra
manna klefar og hópklefi þar sem
eru 32 kojur í 5 afmörkuðum
hólfum.
Aðalvélar skipsins eru tvær
2700 kw Man B&W Alpha og er
það búið tveimur skrúfum.
Ljósavélar eru þrjár af Catarpill-
argerð. Skipið er búið veltiugg-
um til þess að minnka hreyfingar
og gera ferðir þægilegri fyrir far-
þega. f>á eru í skipinu siglinga-
tæki af nýjustu og bestu gerð.
Ganghraði Herjólfs er um 17 míl-
ur og áætlað að siglingatíminn til
Þorlákshafnar verði um tvær og
hálf klst. eða einni klst. skemmri
en með gamla Herjólfi.
í skipinu eru þrír farþegasalir,
í þeim stærsta verður aðal veit-
ingasalan en í efri sal verða seldir
drykkir og léttari veitingar. Þá er
í skipinu sjónvarpssalur sem í eru
5 sjónvörp, sérstakt sjónvarps-
herbergi fyrir börnin og sérstakt
barnaleikherbergi.
Fjölmargar kynningar
um borð
Auk þess sem skipið var til sýnis
á hringferðinni voru ýmsar kynn-
ingar um borð. Ólafur Lárusson,
frá atvinnumálanefnd Vestmann-
aeyja, kynnti verkefni þar sem
Vestmannaeyjar eru auglýstar
sem þjónustubær sjáv-
arútvegsins. Þar sameinast fyrir-
tæki undir einu merki og bjóða
þjónustu við skip og báta allan
sólarhringinn. Sigmar Georgsson
frá íþróttafélaginu Þór kynnti i
þjóðhátíð Vestmannaeyinga sem ■
haldin verður í byrjun ágúst. Þar |
verður að venju mikið um dýrðir
og ein 50 dagskráratriði í boði.
Hátíðin, sem stendur í þrjá daga,
hefst með söng og endar með
söng og er reiknað með að um 8-
10 þús. manns verði í Herjólfsdal
um þjóðhátíðardagana.
Edda Angantýsdóttir kynnti
Fiska- og náttúrgripasafnið í
Vestmannaeyjum sem er hið eina
sinnar tegundar hér á landi. Þar
eru til sýnis flestar fisktegundir
sem finnast hér við land og þar
hafa verið gerðar athyglisverðar
tilraunir í samvinnu við Hafrann-
sóknarstofnun. Auk þess er þar
eitt stærsta steinasafn landsins.
Páll Helgason, ferðamálafröm-
uður þeirra Eyjamanna, kynnti
PH Tours og Ferðaþjónustu
Vestmannaeyja. Páll hefur verið
í fararbroddi í ferðaþjónstu í
Eyjum og eins og hann orðaði
það sjálfur, byggt upp öfluga
þjónustu úr engu. Því til staðfest-
ingar má nefna að Páll var valinn
Ferðamálafrömuður íslands
1990. Með Páli starfa synir hans
og bjóða þeir upp á alls kyns
ferðir bæði á sjó og landi.
Auk alls þessa voru Hekla og
Jöfur með bílasýningar um borð,
kynnt var Gevalia kaffi frá
Rydenskaffi hf., Emmessís og
heilsudrykkurinn Garpur og öl
og gos frá Ölgerðinni Egill
Skallagrímsson hf. Voru allir
aðilar sammála um að viðtökurn-
ar í ferðinni hafi verið hreint
ótrúlegar. -KK
Markaðstorg
í Alþýðuhúsinu á Akureyri
föstudag 19. júní kl. 16.00-18.00.
Þátttakendur á ráðstefnu um atvinnusköpun kvenna
kynna vörur sínar, starfsemi og hugmyndir á mark-
aðstorgi sem er opið öllum átímabilinu 16.00-18.00
á föstudag.
Komiö og kynnið ykkur það sem konur eru að
skapa.
Áhugahópur um atvinnusköpun kvenna
á Norðurlandi eystra.
FÖSTUDAG OG
LAUGARDAG
RÚNAR ÞÓR
í KJALLARANUM
SfíuNN