Dagur - 19.06.1992, Blaðsíða 16

Höfum opnað nýja og
glæsilega garðstofu
Bjóðum úrval af pizzum og ísréttum
Akureyri:
128 nemendur braut-
skráðir frá MA
Meðaleinkunn á stúdentprófi var 7,22
Tryggvi Gíslason skólameistari MA nælir gyltri uglu í jakkaboðung Finns Friðrikssonar nýstúdents, en merkið er
næst æðsta heiðursmerki skólans. Mynd: Goiii.
Menntaskólinn á Akureyri:
Hvorki hægt að kenna dönsku né stærð-
fræði næsta haust vegna skorts á kennunim
- engir réttindalausir kennarar ráðnir að skólanum næsta haust
128 nemendur brautskráðust
frá Menntaskólanum á Akur-
eyri 17. júní. Meðaleinkunn á
stúdentsprófi var 7,22 og hefur
ekki verið hærri í áratugi.
Bestum námsárangri náði
Finnur Friðriksson sem hlaut
meðaleinkunnina 9,51.
628 nemendur hófu nám á
liðnu hausti og þar af voru stúlk-
ur um 60%. 208 nemendur voru á
fyrsta ári, 170 á öðru og 127 á
þriðja ári. Flestir voru nemendur
frá Akureyri, 331 talsins eða
52,7%. 453 nemendur, eða
72,13% komu af Norðurlandi
eystra.
Tryggvi Gíslason, skólameist-
ari, sagði í ræðu sinni við braut-
skráninguna að skólastarfið hefði
gengið vel í vetur, kennarar skól-
ans unnið mikið og gott starf og
árangur nemenda orðið góður
þótt auðvitað væri hann misjafn
eins og við hefði verið að búast.
Tryggvi sagðist í samtali við
Dag vera mjög ánægður með
árangur nýútskrifaðra stúdenta.
„Ef stúdentahópurinn frá upp-
hafi er helmingaður og litið á
betri helminginn þá hefur aldrei
verið hærri meðaleinkunn en ein-
mitt í ár. Það eru 43% braut-
skráðra nemenda með yfir
Veiðitími
grásleppu
framlengdur
- viðauki við reglugerð
um hrognkelsaveiðar
öðlast þegar gildi
Nýverið fór Landssamband
smábátaeigenda þess á leit við
sjávarútvegsráðuneytið að það
breyti reglugerð um hrogn-
kelsaveiðar þannig að veiði-
tími verði framlengdur. Sjáv-
arútvegsráðuneytið hefur
orðið við þessari málaleitan.
í bréfi Landssambands smá-
bátaeigenda til sjávarútvegsráðu-
neytis segir, að nú stefni allt í að
ekki takist að veiða upp í samn-
inga um sölu grásleppuhrogna,
nauðsynlegt sé því að gera allt
sem hægt er til að standa við þá
samninga. Tilgreint er að fyrir
liggi afstaða vísindamanns frá
Hafrannsóknarstofnun um að hin
dræma veiði á þessari vertíð sé
ekki vegna ofveiði á undanförn-
um árum.
í svari sjávarútvegsráðuneytis
frá 15. júní sl. segir: „Þrátt fyrir
ákvæði 6. gr. er heimilt á árinu
1992 að stunda grásleppuveiðar á
svæðum A,B, og C til og með 8.
ágúst, á svæði D til 23. júlí og á
svæðum E og F til og með 7. júlí.
Á svæði B innan línu, sem dregin
er úr Krossanesvita í Lambanes
er heimilt að stunda veiðar til og
með 22. ágúst. - Reglugerð þessi
er sett samkvæmt lögum nr. 38
15. maí 1990, um stjórn fiskveiða
til þess að öðlast þegar gildi og
birtist til eftirbreytni öllum þeim,
sem hlut eiga að máli.“ ój
7,25, eða með fyrstu einkunn,
sem er mjög gott og óvanalegt.“
Eins og fyrr segir hlaut Finnur
Friðriksson hæstu meðaleinkunn-
ina, 9,51. Finn kannast flestir við
eftir að hann gerði garðinn fræg-
an með liði skólans í spurninga-
keppni framhaldsskólanna en lið-
ið varð fyrst allra til að vinna
keppnina tvö ár í röð. Tryggvi
sagði að Finnur væri afburða-
námsmaður og vissulega væri
eftirsjá af honum úr skólanum.
„Hins vegar er gleðilegt að geta
brautskráð svona mann og sent
hann út í lífið," sagði Tryggvi.
JHB
Tryggvi Gíslason, skólameist-
ari Menntaskólans á Akureyri,
sagði í ræðu sinni við skólaslit
á þjóðhátíðardaginn að við
blasti að hvorki yrði unnt að
kenna lögboðna dönsku né
stærðfræði næsta haust þar
sem menntaðir kennarar fengj-
ust ekki vegna lélegra kjara.
Tryggvi segist enga kennara
ráða fyrir næsta skólaár sem
ekki hafí réttindi.
Tryggvi sagði í ræðu sinni að
sífellt væri leitað nýrra leiða í
skóla- og menntamálum og margt
gott verið gert og reynt síðustu 50
árin. Síðan sagði hann: „Ekki
hefur þó á þessum tíma tekist að
fullgera neitt og eru flestir skólar
landsins meira og minna hálfkar-
'aðir og búa sumir við þröngan
kost endar er það mfn skoðun að
skóla- og menntastefnu vanti - og
hafi lengi vantað á íslandi. Mis-
jafnt gengi nemenda stafar meðal
annars af því að stefnu í skóla- og
í menntamálum vantar.“
Tryggvi sagði að umræða um
skólamál hefði um langt skeið
mótast af talinu um peninga og
fjármál en skóla og menntun
varðaði minnst peninga og
fjármál. Afrakstur eða afurðir
skólakennslu yrðu aldrei metnar
til fjár eins og sum önnur verk
þótt árangur af skólastarfínu
blasti við og segði víða til sín.
Tryggvi talaði um kjör kennara-
stéttarinnar og sagði þá m.a: „En
ef viðhorf til starfs kennarans
verður áfram eins og það hefur
verið um hríð óttast ég að enn
erfiðara verði að fá kennara til
starfa og kennurum fækki að
miklum mun og skólamenntun
hnigni. Nú blasir til að mynda við
að vegna lélegra kjara kennara
fást menntaðir kennarar ekki
lengur í dönsku og stærðfræði svo
að í haust verður hvorki unnt að
kenna þá dönsku sem lögboðin er
né heldur þá stærðfræði af því að
menntaða kennara vantar. Þar
með sparast að vísu fé en
menntunina vantar. Þetta eru
staðreyndir sem ég mun í næstu
viku tilkynna hinu háa ráðuneyti
menntamála."
Tryggvi sagði í samtali við Dag
að ,á hverju einasta hausti réðu
skólastjórar í nánast öllum skól-
um landsins fólk til kennslu sem
væri réttindalaust. Þriðjungur
kennara í grunnskólum og fram-
haldsskólum landsins væri rétt-
indalaus á meðan slíkt hefði ver-
ið svo gott sem óþekkt í ná-
grannalöndum okkar áratugum
saman.
„Ég hef ákveðið að ráða enga
kennara sem ekki hafa réttindi og
láta reyna á hvað þá gerist. Nú er
beðið um að spara og þá er sjálf-
sagt að spara í þeim greinum sem
ekki fást kennarar í. Þegar vandi,
eins og aukið atvinnuleysi og erf-
iðleikar í fjármálum, steðjar að
öðrum þjóðum hefur ein megin-
leiðin verið sú að auka menntun
og það hefur borið árangur í ná-
grannalöndum okkar. Hérna aft-
ur á móti er fyrst skorið niður í
skólamálum og kennslu þannig
að í stað þess að draga úr áhrifum
vandans eru áhrifin mögnuð."
Tryggvi sagði ljóst að vegna
niðurskurðar yrði Menntaskólinn
á Akureyri að segja upp fjórum
af fimmtín kennurum, eða 8%.
JHB
„Sandgerðismálið“:
Fógeti bíður fyrirmæla
- drengurinn enn hjá móður sinni
Drengur sem strauk frá fóstur-
foreldrum sínum til móður
sinnar þegar hann var á Akur-
eyri á mánudag er enn hjá móð-
ur sinni í Eyjafjarðarsveit.
Óvíst er hvort hann dvelur þar
áfram en slíkt væri ekki í sam-
ræmi við ákvarðanir barna-
verndarnefndar sem hafði falið
fólki á Húsavík forsjá
drengsins. Atbeina fógeta var
leitað til að fínna drenginn en
fulltrúi fógeta segir að beðið sé
fyrirmæla frá barnaverndaryf-
irvöldum.
Að sögn Björns Rögnvaldsson-
ar, fulltrúa bæjarfógetans á Akur-
eyri og sýslumannsins í Eyjafjarð-
arsýslu, kom til kasta bæjarfógeta
við leit að drengnum eftir að hann
strauk á mánudag. Ekki var vitað
um örlög drengsins eftir að hann
hvarf á Akureyri en hann fannst
hjá móður sinni á þriðjudags-
morgun. „Við aðstoðuðum Fé-
lagsmálastofnun við að leita - það
var gert og barnið fannst,“ sagði
Björn Rögnvaldsson í samtali við
Dag.
Barnaverndarnefnd Akureyrar
leitaði aðstoðar fógeta til að finna
barnið enda hefur hún ekki vald
til að knýja fram ákvarðanir yfir-
valda ef með þarf. Til þess þarf
atbeini fógeta eða sýslumanns að
koma til en einnig er aðstoðar lög-
reglu leitað. Björn Rögnvaldsson
vildi ekki tjá sig um hvort málið
væri í biðstöðu en sagðist ekki vita
betur en að drengurinn væri hjá
móður sinni í Eyjafjarðarsveit.
Ekki vildi Björn segja hvort
drengurinn yrði áfram hjá móður
siniii. „Við bíðum bara eftir fyrir-
mælum frá Félagsmálastofnun; að
öðru leyti vil ég ekkert um þetta
mál segja,“ sagði Björn Rögn-
valdsson að lokum.
Guðrún Sigurðardóttir, deild-
Slökkvilið Akureyrar var kall-
að út í gærmorgun kl. 7,30.
Reykur var í íbúð að Hafnar-
stræti 86.
Hafnarstræti 86 er gamalt
timburhús er áður gekk undir
nafninu Verslun Eyjafjörður. Er
arstjóri á Félagsmálastofnun,
sagði að um væri að ræða móður
sem svipt hefði verið forsjá barns
síns. Á Félagsmálastofnun Akur-
eyrar vinna starfsmenn fyrir
Félagsmálaráð Akureyrar sem
einnig er Barnaverndarnefnd
Akureyrar. Barnaverndarnefndir
starfa í öllum sveitarfélögum
landsins og framfylgja lögum um
vernd barna og ungmenna undir
yfirstjórn Barnaverndarráðs.
„Við höfum þagnarskyldu um
einstök barnaverndarmál og ég vil
ekki láta hafa neitt eftir mér um
þetta mál,“ sagði Guðrún Sigurð-
ardóttir í samtali við Dag. GT
slökkviliðið bar að var húsráð-
andi sofandi og reyk lagði frá
potti á eldavélarhellu. Reykurinn
hafði borist upp á næstu hæð
hússins. Húsið var reykhreinsað
og skemmdir eru taldar óveruleg-
ar. ój
Akureyri:
Útkall hjá slökkviliðinu