Dagur - 25.11.1992, Page 5
Miðvikudagur 25. nóvember 1992 - DAGUR - 5
Hringferð meðfram annesjunum
- segir Aðalsteinn Svanur Sigfósson, myndlistarmaður,
sem nú sýnir myndaseríu á Súlnabergi
Náttúrufyrirbæri - stórbrotið
landslag - í bakgrunninum er
sjórinn. Hringferð um landið
sem á sér bæði upphaf og endi
í ákveðnum fyrirmyndum.
Þannig birtast myndir Aðal-
steins Svans Sigfússonar,
myndlistarmanns, sem hann
sýnir á Súlnabergi á jarðhæð
Hótel KEA um þessar mundir.
Aðalsteinn nýtir fyrirmyndir
sínar úr landslaginu á
skemmtilegan hátt. Hann legg-
ur mikla áherslu á einn tiltek-
inn hlut - tiltekið fyrirbæri og
notar síðan umhverfi þess sem
bakgrunn mynda sinna. Aðal-
steinn Svanur er Eyfirðingur,
ættaður frá Rauðuvík á
Árskógsströnd. Hann hefur
lagt stund á myndlist á undan-
förnum árum jafnframt því að
starfa við skógrækt, sem hann
segir vera annað áhugamál sitt.
Við settumst niður með morg-
unkaffið á Súlnabergi á dögunum
- undir myndum Aðalsteins
Svans og því lá beint við að inna
hann eftir hver væri kveikjan að
þessum verkum. Hann kvaðst
hafa hugsað þessa seríu sem eins-
konar hringferð um landið, raun-
ar hringferð á sjó umhverfis það
og myndirnar eigi að sýna það
sem fyrir augun ber á slíkri ferð.
Því noti hann ákveðnar fyrir-
myndir og tefli þeim sterkt fram í
myndfletinum.
Lögun myndanna verkur einnig
athygli. Þær afmarkast ekki af
hinum hefðbundna ramma. Sum-
ar línur eru bogadregnar - aðrar
tenntar eins og myndflöturinn sé
sagaður með útsögunarsög. Þrátt
fyrir það má hvarvetna finna
ákveðna samsvörun með inni-
haldi myndanna og útlínum
myndflatarins. Aðalsteinn Svan-
ur kvaðst hafa sagað út spóna-
plöturnar sem hann hefur málað
á. Þetta væri fyrst og fremst leik-
ur að formum en um leið tilraun
til að gefa þeim meira líf og láta
útlínurnar leggja áherslu á sjálft
myndefnið.
Aðalsteinn Svanur kvaðst ekki
hafa hugsað sér að halda áfram á
þessari sömu braut og hann hefur
markað með þeim myndum sem
hann sýnir nú. Þær væru aðeins
ákveðin sería og hann myndi aft-
ur breyta um stíl. Hann kvaðst
hafa lagt meiri vinnu í þessar
myndir en mörg fyrri málverka
sinna - verið að vinna sig nokkuð
frá „nýja málverkinu" svo-
nefnda, sem verið hafi ríkjandi í
myndlistinni um hríð. Þótt hann
leitaði nú nýrra forma myndi
hann halda áfram að leggja meiri
vinnu í hverja mynd. Hann ræddi
um sveiflur í myndlistinni - hin
einfaldari vinnubrögð væru nú á
undanhaldi og myndlistarménn
leituðu meira til aðferða gömlu
meistaranna. Um tíma hefðu
margir myndlistarmenn talið að
málverkið væri dautt. Það væri
dýr iist og því aðeins fyrir fáa
útvalda. Því hefði verið leitað
annarra leiða - leiða sem unnt
væri að ná til fjöldans með. Ef til
vill tengdist þetta öðrum tísku-
sveiflum í mannlífinu - einkum
þeim pólitísku sveiflum sem urðu
á uppgangstímum 68 kynslóðar-
innar.
Aðalsteinn Svanur hóf ekki að
mála fyrr en um tvítugsaldur en
kvaðst hafa teiknað nokkuð sem
barn og unglingur. Hann stund-
aði nám í tvö ár við Myndlista-
skólann á Akureyri og síðan við
Myndlista- og handíðaskólann í
Reykjavík. Eftir það kom hann
norður. Sagði að heimahagarnir
hefðu togað í sig þótt hann sakni
annars margs úr höfuðborginni.
Jafnframt myndlistinni starfar
Aðalsteinn Svanur við skógrækt
hjá Skógræktarfélagi Eyfirðinga
- sagðist ætíð hafa kunnað vel við
sig innanum tré og gróður þótt
hann sé alinn upp í algjörlega
skóglausri sveit. Og skógurinn
hefur einnig orðið honum að yrk-
isefni. Hann kvað trjástofna vera
góðan efnivið í skúlptúra og þar
hefur hann skapað myndir með
sagarblaði - einkum hin mismun-
andi andlit manna.
Aðalsteinn Svanur Sigfússon
hefur haldið nokkrar málverka-
sýningar. Hann fór að sýna
skömmu eftir að hann hóf að
mála og hefur bæði haldið einka-
sýningar og tekið þátt í sýningum
með öðrum myndlistamönnum.
Aðspurður um næstu sýningu
sagði hann að einhver bið yrði
eftir henni - hann væri að byrja
að skyssa fyrir næstu verkefni.
Vegna annarra verkefna þá nýtti
hann vetrarmánuðina frá áramót-
um og frameftir vetri fyrst og
fremst til að starfa við myndlist-
ina. Hann kvaðst vilja efna vel til
næstu myndlistarsýningar og því
ekki vera viss um hvenær af
henni yrði - eftir ef til vill tvö ár.
Ef vel tækist til myndi hann efna
til stórrar sýningar. ÞI
Lesendahornið
Bekkur á biðstöð fær lítínn Mð
Lesandi á Akureyri hringdi...
...óg vildi koma á framfæri þakk-
Vilja eignast
íslenska pennavini
Sænsk kona, Annica H:son Sken-
berg að nafni, óskar eftir að kom-
ast í bréfasamband við íslend-
inga, með íslandsferð í huga.
Annica er um fertugt. Hún er
ógift og hefur m.a. unnið við
blaðamennsku. Hún talar og
skrifar ensku, auk sænsku að
sjálfsögðu. Hún vill gjarnan
komast í bréfasamband við
„einhleypa konu eða mann - það
er þó ekki skilyrði að viðkomandi
sé einhleyp/ur“, segir í bréfi
hennar til blaðsins.
Fyrir þá sem áhuga kunna að
hafa er utanáskriftin þessi:
Annica H:son Skenberg
Alamedan 25
37131 Karlskrona
Sverige
Sascha Koch, 23ja ára karlmað-
ur, búsettur í Þýskalandi, óskar
eftir að eignast pennavini hér á
landi.
í bréfi, sem hann sendi Degi,
segir m.a.:
„Ég skrifa ykkur af því að mig
langar mjög mikið til að finna og
eignast marga pennavini á ís-
landi. Ég vona að þið getið hjálp-
að mér til þess. Kannski gætuð
þið birt heimilsfang mitt í blað-
inu?
Dagur verður að sjálfsögðu við
þeirri frómu ósk. Utanáskriftin
er:
Sascha Koch
Hochstr. 33
W-6251 Guckingen
Germany
læti til Akureyrarbæjar fyrir að
hafa sett upp bekk við biðskýli
strætisvagna við spennistöðina
við Þingvallastræti. Éftir að sam-
band hafi verið haft við bæjar-
starfsmenn hafi þeir brugðist
skjótt við óskum um að setja upp
bekk þarna en sá bekkur hafi
ekki fengið að vera lengi því
hann hafi horfið fáeinum dögum
síðar. Aftur var settur upp bekk-
Ein hundfúl í Innbænum á
Akureyri hringdi.
„Mér virðist að hundur sé í öðru
hverju húsi hérna í Innbænum og
óþrifnaður og hávaðinn af þeim
er óþolandi. Hundar sjást hér oft
lausir þrátt fyrir að slíkt sé bann-
að og hér gengur fólk um sem er
hrætt við hunda. Mér finnst full
ástæða til fyrir Innbæjarsamtökin
ur og í þetta sinnið gengið svo frá
að ómögulegt er fyrir óprúttna
aðila að fjarlægja hann. Lesandi
vildi þó benda á að ekki fær
bekkurinn góði alfarið frið því
þegar hafa verið brotnar slár í
honum. Vildi lesandinn eindreg-
ið hvetja fólk til að sjá bekkinn í
friði og nota hann í stað þess að
skemma.“
að beita sér í þessu máli, ekki
síður en þau beittu sér um árið
með góðum árangri fyrir bættri
umgengni í Innbænum. Fólk er
mjög ánægt með bætta um-
gengni, en síðan er hundum leyft
að ganga hér skítandi og mígandi
um allt. Þetta ástand er óviðun-
andi og ég hvet forráðamenn Inn-
bæjarsamtakanna til að beita sér
í þessu máli.“
Lesendur athugið!
Lesendur eru hvattir til að láta álit sitt í Ijós í lesendaþætti
blaðsins.
Tekið er við lesendabréfum á ritstjórnarskrifstofum Dags á
Akureyri, Húsavík og Sauðárkróki. Æskilegt er að bréfin séu
vélrituð. Einnig geta lesendur hringt til að koma skoðunum sín-
um á framfæri.
Af gefnu tilefni skal það tekið fram að fullt nafn, heimilis-
fang, kennitala og símanúmer þarf að fylgja með bréfunum,
jafnvel þótt viðkomandi kjósi að skrifa undir dulnefni. Það
sama gildir ef lesendur kjósa að nota símann. Einnig skal það
tekið fram að ef bréfritari eða sá sem hringir er að deila á
ákveðna persónu eða persónur, verður hann að koma fram und-
ir fullu nafni. Að öðrum kosti verður bréfið ekki birt. Ritstjóri
Geltandi og skítandi
hundar í Irnibænum
Þetta verk er ekki á sýningu Aðalsteins Svans á Súlnabergi en myndin var
tekin á vinnustofu hans fyrir nokkru.
Kynntu þér möguleika
myndstækkarans frá Kodak
Mynd úr honum er tilvalin jólagjöf, sem er
tilbúin á aðeins 5 mínútum.
^Pediö*myndir^
Skipagötu 16 • Sími 23520.
ss=Ji•
ÍAuglýsing
um veitingu leyfis til áætlunarflugs
innanlands
Samkvæmt auglýsingu nr. 523 frá 3. nóvember
1989 um leyfi til áætlunarflugs innanlands munu sér-
leyfi til áætlunarstaða, þar sem árlegur meðalfjöldi
farþega árin 1990 og 1991 var hærri en 12 þúsund
farþegar, breytast í almenn áætlunarleyfi frá og með
1. janúar 1993.
Ráðuneytið lýsir hér með eftir umsóknum flugrek-
enda um leyfi til áætlunarflugs á flugleiðinni Reykja-
vík-Egilsstaðir-Reykjavík. Leyfið verður veitt með
eftirfarandi skilyrðum:
1) Sætaframboð skal eigi vera meira en 10%
af heildarsætaframboði á umræddri flug-
leið í vetraráætlun og sumaráætlun sam-
kvæmt mati ráðuneytisins.
2) Heildarfarþegaflutningar skulu ekki nema
meira en 10% af heildarflutningum í áætl-
unar- og leiguflugi á sömu tímabilum.
Með umsókninni skulu fylgja:
★ Drög að ársáætlun á viðkomandi flugleið
★ Upplýsingar um þær flugvélar, sem áætlað
er að nota til flugsins
★ Gögn um fjárhagsstöðu flugrekanda
★ Önnur gögn sem umsækjandi telur máli
skipta.
Umsóknum, skv. ofanrituðu, skal skila til samgöngu-
ráðuneytisins eigi síðar en 30. nóvember nk.
Samgönguráðuneytið, 19. nóvember 1992.