Dagur - 08.12.1992, Blaðsíða 1

Glerárkirkja á Akureyri var vígð við hátíðlega athöfn sl. sunnudag eins og nánar er sagt frá i
inu í dag.
máli og myndum í blað-
Mynd: Robyn
Gífurlegt snjóflóð féll í Garðsdal norðan Ólafs^arðar:
Tók með sér aðveituæð ásamt steyptum
uppistöðum sem eldspýtur væru
Gífurlegt snjóflóð féll frammi
á Garðsdal vestan Ólafsfjarðar
um sjöleytið á laugardags-
kvöldið. Flóðið tók sundur
aðveituleiðslu þar sem hún
liggur yfir Garðsá að borholu
frammi á miðjum dalnum sem
Hólar nefnist. Snjóflóðið hrifs-
aði einnig með sér steyptar
uppistöður sem báru leiðsluna
yfir ána. Magnið og krafturinn
var slíkur að snjórinn þeyttist
langt upp i hlíðina andspænis.
Til þess að komast niður að
endunum á aðveituæðinni
þurfti að moka um 3000 rúm-
metrum af snjó.
Ekki varð vart við að snjóflóð
féllu á öðrum stöðum á Ólafsfirði
um helgina. Um fjórðungur vatns-
notkunar Ólafsfjarðarbæjar fer
um þessa aðveituæð en flutnings-
geta hennar er 23 sekúndulítrar.
Leiðslan var úr einangruðu stál-
röri og hvarf algjörlega ásamt
steyptum uppistöðum þannig að
nú sést hvorki tangur né tetur af
rörum né uppistöðum. Stálrörið
tengdist plaströrum til endanna
og hafa tengingarnar slitnað af
þannig að endarnir stóðu út í
loftið þegar að var komið.
í gær var verið að flytja rör
fram á Garðsdal til að sjóða við
plaströrin og verður Ieiðslan
hengd neðan í járnbrú sem þarna
liggur yfir ána skammt frá. Vonir
stóðu til að aðveituæðin kæmist í
gagnið fyrir nóttina. Enginn
vatnsskortur var í Ólafsfirði sam-
fara þessu tjóni, en þrýstingurinn
á bæjarkerfinu lækkaði þó
nokkuð.
Tveir aðilar fengu vatn beint úr
þessari aðveituæð, bærinn Garð-
ur og laxeldisstöðin Laxós hf., en
með snarræði tókst að koma í veg
fyrir tjón í stöðinni með því að
stöðin fékk vatn úr Laugarengi,
en þaðan er vatninu dælt til kaup-
staðarins. Laxós hf. átti einnig
leiðslu frammi á Garðsdal,
nokkru neðar en sjálf aðveituæð-
in, sem einnig fór í snjóflóðinu,
en ekki hafði í gær unnist tími til
að kanna þær skemmdir frekar.
Ekki reyndist þörf á að tempra
vatnsnotkun á Ólafsfirði að
undanskilinni sundlauginni sem
þegar var aftengd. GG
Pavro-vírus í hundum:
Bólusetning hefst í næstu viku
- segir Elfa Ágústsdóttir, dýralæknir á
Akureyri
„Pavro-vírus í hundum fór eins
og eldur í sinu um Evrópu árið
1978. í Skandinavíu herjaði
vírusinn nokkru síðar. Þessi
vírus strádrepur hundana og
nú er hann kominn til
íslands,“ segir Elfa Ágústs-
dóttir, dýralæknir á Akureyri.
Að sögn Elfu hefur vírusinn
orðið tveimur hundum að fjör-
tjóni í Reykjavík. Pavro-vírusinn
ræðst á meltingarkerfið og hund-
arnir veikjast hrottalega af niður-
gangi og jafnvel uppköstum, sem
leiðir til dauða. Bóluefni er til við
veikinni og víðast í Evrópu eru
hundar bólusettir gegn þessu fári.
„Nú verður sérhver hundeig-
andi að einangra hund sinn. Ekki
er ráðlegt að fara með hundinn
inn á svæði þar sem hundar hafa
verið mikið á ferðinni. Búið er að
panta bóluefni erlendis frá sem
kemur til landsins í lok vikunnar.
Bólusetja þarf hvern hund tvisvar
með fjögurra vikna millibili. Sex
til níu vikur þarf til mótefna-
myndunar og síðan þarf að bólu-
setja hundinn ár hvert. Auglýst
verður þá bólusetning hefst á
Akureyri í næstu viku,“ segir
Elfa Ágústsdóttir. ój
Norðurland vestra:
Miklir íjármunir tapast
- vegna nemenda sem stunda nám annarsstaðar
Af þeim 742 nemendum frá
Norðurlandi vestra sem stunda
nám á framhaldsskólastigi eru
365 nemendur í heimakjör-
dæmi. Því stunda 377 nemend-
ur nám sitt í öðrum kjördæm-
um, flestir í Reykjavík og á
Norðurlandi eystra. Með þessu
móti tapast miklar tekjur úr
kjördæminu, segir Jón F.
Hjartarson skólameistari Fjöl-
brautaskóla Norðurlands
vestra.
Jón telur það mikilvægt atriði,
bæði atvinnulega séð og fyrir
vöxt og viðgang Fjölbrautaskól-
ans á Sauðárkróki, að þetta vægi
breytist. 365.000,- kr. vegna
uppihalds brottfluttra nemenda
af Norðurlandi og að rúmar 45
kennarastöður og rúmar 76 millj-
ónir í kennaralaun tapast af
Norðurlandi öllu. Af þeim 377
nemendum sem stunda nám ann-
ars staðar eru 143 í Reykjavík o
123 á Norðurlandi eystra.
Norðurlandi vestra eru 79
aðkomunemendur. Að sögn Jóns
tapast rúmar 147 milljónir króna
á ársgrundvelli vegna brottfluttra
nemenda af Norðurlandi vestra.
Hann tók fram að þessar tölur
gefi vísbendingar, séu ekki „heil-
agar“.
„Svona veikist landsbyggðin og
það sem verra er að aðaláform
um stækkun skóla er í Reykja-
vík. Og annað sem er ógnvekj-
andi er að það gengur mjög hægt
að fá fjármuni til uppbyggingar
hérna“, sagði Jón. Mikil aðsókn
er að Fjölbrautaskólanum á
Sauðárkróki og hefur skólinn
sprengt utan af sér allt húsnæði,
bæði á heimavist og í kennslu-
rými. Hefur ítrekað verið sótt um
stækkun á heimavist til ráðuneyt-
is, en ekkert svar fengist. „Ég hef
á tilfinningunni að maður tali fyr-
ir daufum eyrum þegar maður er
að benda á þetta“, sagði Jón.
Hann sagðist gera sér ljóst að
ekki takist að endurheimta alla
þá sem burt fara. Jón tók fram að
eðlilegt sé að hluti nemenda sæki
úr kjördæminu, vegna eðlis þess
náms sem þeir stunda, en gera
megi miklu betur til að halda í
nemendur. sþ
Flugfélag Norðurlands:
Grænlandsflugið hefst í dag
- flogið vikulega á milli Keflavíkur
og Kulusuk
í dag hefst áætlunarflug
Flugfélags Norðurlands milli
íslands og Grænlands. Metro
Fairchild vél FN fer frá Akur-
eyri kl. 11 til Keflavíkur og
þaðan verður flogið til Kulusuk,
sem er eyja austur af
Ammassalik. Vélin fer síðan
aftur frá Keflavík til Akureyr-
ar kl. 18.30.
Flugfélag Norðurlands gerði
samning um að fljúga áætlunar-
flug fyrir Grönlandsfly einu sinni
í viku fram til febrúarloka milli
Keflavíkur og Kulusuk. Að þeim
tíma liðnum mun Grönlandsfly
taka við þessari áætlunarleið, en
Grönlandsfly er grænlenskt
flugfélag sem var stofnað 1960 og
hefur auk innanlandsflugs haldið
uppi áætlunarflugi til íslands og
Danmerkur.
Að sögn Friðriks Adolfssonar
hjá Flugfélagi Norðurlands mun
félagið nota hina hraðskreiðu
Metro vél í þetta áætlunarflug og
verður vélin í 15 sæta útgáfu í
fluginu, en annars tekur hún 19
farþega. Flogið verður á þriðju-
dögum í vetur, eða fram í lok
febrúar eins og áður segir. SS
Útgerðarfélag
Húsavíkur:
Stjómin viD sam-
eininguviðHöföa
Aðalfundur Útgerðarfélags
Húsavíkur hf. var haldinn
sl. laugardag.
Á fundinum kynnti stjórn
félagsins hugmyndir um að
sameina félagið útgerðarfélag-
inu Höfða hf. Stjórninni var
veitt heimild til að skoða þessi
mál nánar. Ef mönnum lýst
sameining fýsilegur kostur
mun tillaga verða lögð fram á
næsta aðalfundi. Hann gæti
orðið í byrjun næsta árs, eða
eftir um það bil tvo mánuði,
að sögn Þráins Gunnarssonar,
starfsmannshjáHöfðahf. IM
Húnaþing:
Tveir teknir
á stolnum bíl
-aðeins 14ára gamlir
Lögreglan á Blönduósi
stöðvaði tvo 14 ára unglinga
á stolnum bfl um hádegi á
mánudag. Piltarnir voru frá
Unglingaheimili ríkisins.
Lögreglan hafði afskipti af
piltunum eftir að tilkynnt var
um undarlegt ökulag þeirra.
Þeir reyndust vera 14 ára
gamlir og höfðu stolið bíl í
Reykjavík. Þeir skildu þann
bíl eftir í Borgarnesi og stálu
þar öðrum bíl sem þeir keyrðu
á norður. Piltarnir voru sendir
suður með lögreglubíl eftir
yfirheyrslur. Þeir fara aftur til
Unglingaheimilisins. sþ
Húsavík:
Tveir ölvaðir
við akstur
Tveir ökumenn á Húsavík
voru teknir vegna gruns um
ölvun við akstur aðfaranótt
sunnudags.
Rólegt var um helgina og
önnur afskipti þurfti lögregla
ekki að hafa af umferðarmál-
um. Eitthvað var um að ýta
þyrfti bílum og gefa þeim
straum, ekkert sem orð var á
gerandi að sögn lögreglu.
Leiðindafærð var víða í bæn-
um sökum krapa og bleytu.
IM