Dagur - 03.04.1993, Page 5

Laugardagur 3. apríl 1993 - DAGUR - 5
Fréttir
Beðið staðfestingar ráðuneytis á reglugerð um skilti á Akureyri:
Leiðbeiningakort verða leyfð en raönerki bönnuð
Af gefnu tilefni ákvað bæjar-
stjórn Akureyrar að láta semja
reglugerð um auglýsingaskilti í
lögsögu Akureyrar, en notkun
alls kyns auglýsingaskilta hefur
færst mjög í vöxt á síðustu
árum, og dæmi eru til þess að
þau hafi valdið umferðar-
óhöppum vegna þess að öku-
menn hafa ekki gætt að sér við
lestur þeirra. í sumum tilfell-
um hafa þau skyggt á gangandi
vegfarendur og því getað orðið
þeim skeinuhætt. Reglugerðin
er nú til afgreiðslu hjá félags-
málaráðuneytinu og búist við
staðfestingu á henni innan
tíðar.
Markmið reglugerðarinnar er
að skilti falli sem best að bæjar-
myndinni; að ákveða stærð
skilta, stjórna uppsetningu þeirra
og staðsetningu; að þau skilti sem
leyfð verða séu fróðleg og gagn-
leg fyrir borgarana; að staðsetn-
ing og útlit fari ekki í bága við
umferðaröryggi og að fullt tillit sé
tekið til nágranna, þ-.e. nábýiis
eða grenndarréttar. Bannað
verður að setja upp auglýsinga-
skilti nema á þar tilgreindum
stöðum og lætur byggingafulltrúi
hanna skiltastanda fyrir auglýs-
ingaskilti og skal útlit þeirra
samræmt. Heimilt verður að fela
félagasamtökum og/eða einkaað-
ilum uppsetningu og rekstur
skiltastanda t.d. með útboði.
Rekstraraðilar mega ekki jafn-
framt vera auglýsendur á skilta-
stöndum. Ratmerki verða bönn-
uð en þó skal heimilt að setja upp
leiðbeiningakort af bænum, ein-
stökum bæjarhlutum eða hverf-
um en heimilt verður að setja
Akureyringar fá
nýja sjúkrabifreið
Globus hf., umboðsaðili Ford á
Islandi, afhenti á dögunum
Rauða kross deildinni á Akureyri
nýja og fullkomna sjúkrabifreið.
Bifreiðin er af gerðinni Ford
Econoline E-350 með 185 hest-
afla 7,3 lítra díesel vél. Bifreið-
inni var breytt hér á landi til
sjúkraflutninga og önnuðust bif-
reiðasmiðirnir Óskar Halldórs-
son og Gunnlaugur Einarsson
breytingarnar á henni. Bifreiðin
er útbúin fullkomnustu tækjum
til sjúkraflutninga og er hún
einnig fjórhjóladrifin og sá fyrir-
tækið Fjallbílar Stál og Stanzar
um þá vinnu. (Fréttatilkynning)
Myndin var tekin við afhendingu bifreiðarinnar. Frá vinstri: Tómas Búi
Böðvarsson, slökkviliðsstjóri á Akureyri, Úlfar Hauksson, formaður Rauða
kross deildarinnar á Akureyri, Birgir Bjarnfinnsson, sölumaður, og Hannes
Strange, sölustjóri bíladeildar Glóbus.
upp viðburðarskilti með leyfi
byggingafulltrúa en í leyfi fyrir
þeim skal tilgreina tímamörk.
Um þjónustuskilti á íþróttaleik-
völlum munu gilda sömu reglur
og um þjónustuskilti almennt en
íþrótta- og tómstundaráð hefur
yfirumsjón með auglýsingum á
íþróttaleikvöllum.
Sé reglugerð um skilti brotin
getur byggingafulltrúi eða bygg-
inganefnd beitt ákvæðum 9. kafla
byggingareglugerðar (nr. 1771/
1992). Þau skilti sem þegar hafa
leyfi og eru með þeim hætti að
sækja hefði þurft um leyfi skv.
reglunum skuli halda því í 1 ár
frá gildistöku. Þau skilti sem sett
hafa verið upp án leyfis skal fjar-
lægja innan þriggja mánaða frá
gildistöku.
Baldur Dýrfjörð bæjarlögmað-
ur segir að reglur þessar hafi ver-
ið sendar til dómsmála- og
umhverfisráðuneytis til staðfest-
ingar í septembermánuði sl. en
þar sem þetta varðar skipulag
fjallar umhverfisráðuneyti um
reglurnar en einnig mun dóms-
málaráðuneyti hafa umsögn
vegna umferðarmála. Staðfesting
berst svo væntanlega frá félags-
málaráðuneyti. Reglurnnar
munu þrengja mjög hag þeirra
sem t.d. hafa auglýst á umferðar-
eyjum og nánast leggja þann sið
af.
„Það voru teknar myndir af
öllum skiltum í haust þegar unnið
var að samningu reglugerðarinn-
ar og í sumum tilfellum hvarf lág-
vaxið fólk og börn bak við skilti á
gatnamótum og voru því skiltin
orðin hættuleg umferðaröryggi.
Einnig voru þess dæmi að skiltin
fuku inn á götur,“ sagði Baldur
Dýrfjörð bæjarlögmaður. GG
Blönduós:
Hillebrandtshús verður endurgert
- aldur hússins enn óviss
í næsta mánuði verða væntan-
lega lagðar fram teikningar og
tillögur að endurgerð Hille-
brandtshússins á Blönduósi
fyrir Húsafriðunarnefnd. Ekki
hefur fengist úr því skorið hve
gamalt húsið er. Hjörleifur
Stefánsson arkitekt hefur tekið
við hlutverki Leifs Blumen-
stein byggingafræðings, sem
ráðgjafi um endurgerðina.
Á síðasta ári fengust 200 þús-
und kr. frá Húsafriðunarsjóði og
voru þær ætlaðar til að vinna til-
lögur og teikningar að endur-
gerð, að sögn Ófeigs Gestssonar,
bæjarstjóra á Blönduósi. í upp-
hafi var Leifur Blumenstein ráð-
gjafi um endurgerð hússins, en
nú hefur Blönduósbær ráðið
Hjörleif Stefánsson í hans stað.
Kemur fram gagnrýni vegna
þessa í fundargerð safnanefndar
frá 19. mars sl. og að manna-
skiptin hafi ekki verið rökstudd.
Ófeigur Gestsson vildi fátt um
það segja, annað en að dæmið
hafi ekki gengið upp. Leifur
Blumenstein vildi heldur ekkert
láta hafa eftir sér um málið og
kvaðst ekkert vita um það ennþá.
Safnanefnd Blönduóssbæjar er
einhuga um að húsið verði endur-
gert. Hjörleifur mun einnig gera
tillögur um nýtingu hússins. Að
sögn Ófeigs er tillögugerðin nú
komin vel á veg og verður lögð
fvrir Húsafriðunarnefnd í næsta
mánuði. Hann segir framkvæmda-
hraða fara eftir fjárveitingum úr
Húsafriðunarsjóði, ekki sé áætl-
að fé frá bænum til endurbygg-
ingarinnar á þessu stigi málsins.
Ekkert afgerandi hefur enn
komið fram um aldur hússins, en
enn er reiknað með að það sé byggt
árið 1733 og því hugsanlega elsta
timburhús landsins. Hrefna
Róbertsdóttir, safnvörður á
Árbæjarsafni, er enn að vinna að
rannsókn málsins og bíður eftir
upplýsingum þar að lútandi.
Hjörleifur Stefánsson sagði á
fundi safnanefndar nýverið að
húsið sé fyrsta verslunarhúsið á
Blönduós og beri því að varðveit-
ast. Ófeigur tók undir þessi sjón-
armið og sagði húsið væri mjög
gamalt og yrði því varðveitt,
hvort sem það var byggt 1733 eða
eitthvað síðar. sþ
Flugleiðir:
Reykingar bannaðar á
styttrí leiðum milli landa
Frá og með 1. apríl síðastlið-
inn er bannað að reykja í flug-
vélum Flugleiða á leiðum til
Skandinavíu og Bretlandseyja.
Einnig verða reykingar bann-
Fuilvinnsla, um borð í fiski
skipum borgar sig ekki
Kostnaður við breytingar á 30
frystiskipum í því skyni að
hægt verði að fullnýta afla
þcirra svarar engan veginn
kostnaði og myndi rekstrar-
afkoma skipanna versna um
670 til 940 milljónir króna á ári
næstu fimm árin ef í breytingar
yrði ráðist. Stofnkostnaður
vegna breytinganna á þeim 30
frystiskipum sem ný hag-
kvæmniathugun nær til er á
bilinu 2,8 til 4,1 milljarður
króna eftir því hvaða fúllvinnslu-
aðferð yrði valin, er niðurstaða
skýrslu sem VSÓ-Iðntækni
hefur gert fyrir Landssamband
íslenskra útvegsmanna og
frystitogaraútgerðir.
Ástæða þess að ráðist var í
þessa viðamiklu athugun á
rekstrarafkomu 30 frystiskipa í
flotanum var sú að þann 14. ágúst
1992 gaf sjávarútvegsráðherra út
reglugerð um leyfi til fullvinnslu
botnfiskafla um borð í veiðiskip-
um, en í þeim reglum kemur
fram að á næstu árum munu
útgerðir frystiskipa þurfa að
koma upp aðstöðu til fullnýtingar
afla um borð.
í skýrslu VSÓ - Iðntækni kem-
ur fram að fara verður varlega í
að reka útgerðina út í miklar
fjárfestingar því breytingar, sem
gera þyrfti á frystiskipum, yrðu
mjög kostnaðarsamar. Slík fjár-
festing myndi aðeins auka rekstr-
arkostnað útgerðarinnar og fyrir
liggur að fjárfestingin myndi ekki
borga sig upp miðað við núver-
andi aðstæður á markaði.
„Vilji stjórnvöld hafa áhrif á
og flýta fyrir því að árangur náist
á þessu sviði þarf að auka mjög
framlög til rannsóknar- og þróun-
arstarfs og leysa vandamálin sem
upp kunna að koma í samstarfi
atvinnugreina. Óvéfengjanleg
reynsla erlendis frá er að slík
framlög skila sér margfalt til
baka,“ segir í skýrslunni. ój
aðar í vélum félagsins á leiðuin
innan Norðurlandanna - til
dæmis á milli Kaupmanna-
hafnar og Stokkhólms eða
Stokkhólms og Óslóar. Bann
þetta byggir á reglugerð sem
samgönguráðuneytið hefur
sett um reykingar í millilanda-
flugi en reykingar hafa verið
bannaðar í innanlandsflugi hér
á landi þrjú undanfarin ár.
Margrét Hauksdóttir hjá kynn-
ingardeild Flugleiða sagði í sam-
tali við Dag að þeim sem reyktu í
flugvélum færi stöðugt fækkandi
og að mikill meirihluti farþega
væri fylgjandi því að reykingar í
farþegarými legðust alveg af.
Sem dæmi um reykingaþörf í
millilandaflugi nefndi hún að oft
nægðu fjórar sætaraðir aftast í
vélum Flugleiða af gerðinni Boe-
ing 737 fyrir þá sem kjósi að
reykja í millilandaflugi. Gera
verði ráð fyrir að einhverjir far-
þegar telji sig verða fyrir óþæg-
indum vegna þessa reykinga-
banns en í því sambandi sé vert
að minna á að þær flugleiðir sem
um er að ræða séu aðeins um
tvær og hálf klukkustund í flugi.
Þess megi einnig geta að margir
reykingamenn séu andvígir því
að reykt sé í farþegarýmum flug-
véla og reyki ekki meðan á flug-
ferðum standi.
Að svo komnu máli verða
reykingar ekki bannaðar á öðrum
leiðum Flugleiða - það er til mið-
og suðurhluta Evrópu og til
Bandaríkjanna. Margrét Hauks-
dóttir sagði að í framtíðinni verði
reykingar eflaust bannaðar á
fleiri flugleiðum og jafnvel í öllu
farþegaflugi, bæði Flugleiða og
annarra flugfélaga. Nokkur
flugfélög hafi þegar bannað reyk-
ingar um borð í vélum sínum á
öllum flugleiðum og önnur tak-
markað reykingar við lengstu
leiðir. Þá megi einnig geta þess
að ICAO - alþjóðasamtök flug-
félaga hafa nýlega sent frá sér
ályktun þess efnis að frá og með
júlí 1996 verði allar reykingar í
farþegaflugi bannaðar. ÞI