Dagur - 03.02.1995, Blaðsíða 8

8 - DAGUR - Föstudagur 3. febrúar 1995
Heimir Ingimarsson, bæjarfulltrúi Alþýðubandalagsins á Akureyri, um niðurstöðu ÚA-málsins:
Heíði ekki neitað meirihluta-
viðræðum við framsóknarmenn
„Framsóknarmenn afgreiddu þetta mál með Alþýðuflokknum, létu krata beygja sig og gáfu þar
með eftir þá hagsmuni sem þeir börðust fyrir í byrjun án þess að kanna neinar aðrar leiðir til
lausnar málsins,“ segir Heimir Ingimarsson.
Heimir Ingimarsson, annar bæjarfulltrúa
Alþýöubandalagsins, staðfestir í samtali
við Dag að hann hafi verið afar ósáttur við
aö framsóknarmenn skyldu ekki reyna til
þrautar aó ná meirihluta í bæjarstjóm um
flutning höfuðstöðva íslenskra sjávaraf-
urða hf. til Akureyrar. Hann játar því að
hann hefði verið tilbúinn í vióræður við
framsóknarmenn um meirihluta um þetta
mál, en Heimir lýsti því yfir í Degi í síð-
ustu viku að hann vildi fá höfuðstöðvar
Islenskra sjávarafurða hf. fluttar norður og
sölumál ÚA yrðu flutt frá SH til ÍS að
vissum skilyrðum uppfylltum. Hinn bæj-
arfulltrúi Alþýðubandalagsins, Sigríður
Stefánsdóttir, hefur hins vegar eindregið
talað fyrir SH-leiðinni innan Alþýðu-
bandalagsins á Akureyri. Dagur ræddi við
Heimi í gær um þetta mál.
„Þessu máli var slegið upp þannig í byrj-
un að það skipti fólkinu í bænum strax í
tvær fylkingar. Það geróist vegna tengingar
flumings íslenskra sjávarafurða hf. til Akur-
eyrar við sölu nánast allra hlutabréfa bæjar-
ins til KEA. Þetta skipti bæjarbúum upp í
fylkingar og umræðan var allt of lengi á
þessum hlutabréfanótum, jafnvel eftir aó
búið var að draga til baka allar hugmyndir
um sölu bréfanna. Þau fyrirtæki sem sendu
inn tilboð í hlutabréf Akureyrarbæjar í ÚA
liðkuðu síður en svo fyrir því að fá IS til
Akureyrar.
Auóvitað átti strax að setja málið upp
sem klárt hagsmunadæmi þar sem hægt
væri að reikna sig á jákvæða niðurstöðu fyr-
ir bæjarfélagið í atvinnulegu tilliti.
Skýrslur Andra Teitssonar og Nýsis hf.
báru þess nokkum keim aó þær væru pant-
aðar hvor af sínum málsaðilanum. Síðan var
okkur ætlað aó vinna úr þessum tveim
skýrslum og draga fram eitthvert meóaltal
úr þeim, varðandi afurðaverð og fleira.
Klögumálin gengu á víxl um að þessi væri
aó segja ósatt og hinn væri að segja ósatt.
Viö í Alþýðubandalaginu settum okkar
færustu menn í það að meta þessar skýrslur
og þeir komust að því að meö því að fá
ákveðnar tryggingar frá Islenskum sjávaraf-
urðum hf. fyrir lágmörkun þeirrar áhættu
sem Útgerðarfélagið tæki með því að flytja
afuróasöluna frá SH til IS, þá væri málið í
góðum farvegi. En þetta atriói var aldrei
rætt. A lokaspretti málsins snérist það ekki
um þá atvinnuhagsmuni sem menn sáu í
upphafi þess, heldur snérist það um pólitísk
valdaátök í bæjarstjómarmcirihlutanum.“
Átök í Alþýðubandalaginu
Innan Alþýðubandalagsins á Akureyri urðu
mikil átök um þetta mál og þar voru skoö-
anir mjög skiptar. Heimir var spurður um
það hvort ekki hafi verió nokkur leið aó ná
sameiginlegri niðurstööu Alþýðubandalags-
ins í málinu.
„Það er ljóst að það var meiningarmunur
milli okkar Sigríðar í þessu máli og hann
umtalsverður. Vissulega stóóum við frammi
fyrir því aó það væri hugsanlegt að hvor
bæjarfulltrúi fyrir sig færi í sína áttina í
þessu máli.“
- Þú lýstir því yfir í Degi í síðustu viku
að þú vœrir því hlynntur að höfuðstöðvar IS
yrðu fluttar norður og sölumál UA fœrðust
jafnframt yfir til IS. Ertu ennþá jafn ákveðið
á þessari skoðun. “
„Já, það er ég og ég hef frekar styrkst í
þessari skoóun minni. Eg sagði að ég vildi
sjá skýrslur Andra og Nýsis áður en ég tæki
endanlega afstöðu. Eg lagðist yfir þær og
eins og ég sagói áðan fóru einnig yfir þessar
skýrslur þeir menn sem ég met mest í mín-
um flokki sem sérfróða um mál af þessu
tagi. Þeir fullvissuðu sig um að vilji væri af
hálfu forráðamanna íslenskra sjávarafurða
hf. til viðræðna vió bæjaryfirvöld á Akur-
eyri um að setja tryggingar fyrir því að lág-
marka þá áhættu sem Útgerðarfélagió kynni
að taka við þessa yfirfærslu, nokkuð sem
var vopn andstæóinga ÍS í þessu máli. Jafn-
framt kom það fram að Akureyrarbær gæti
hafið slíkar viðræður með því fororði að ef
menn mætu tryggingamar ekki nægar eða
áhættuna of mikla gætu þeir eftir sem áður
valið SH-leiðina.
Eg hef barist í atvinnumálum Akureyrar-
bæjar í átta ár og get ekki verið þekktur fyr-
ir að láta einhverja aðra hagsmuni en at-
vinnulega framtíðarhagsmuni Akureyrar
lýsa mér leið í þessu máli.“
Framsókn lét krata beygja sig
- Hefðurðu þá verið tilbúinn til þess að
mynda nýjan meirihluta með framsóknar-
mönnum um þetta mál?
„Það kom aldrei til. Framsóknarflokkur-
inn mat óbreytta meirihlutaaðstöðu sína
meira en allt annaó í þessu máli og þar með
talda framtíðar atvinnuhagsmuni Akureyr-
inga. Framsóknarmenn afgreiddu þetta mál
með Alþýðuflokknum, létu krata beygja sig
og gáfu þar með eftir þá hagsmuni sem þeir
börðust fyrir í byrjun án þess að kanna nein-
ar aórar leiðir til lausnar málsins. Það kom
því aldrei til þess aó ég færi að kljúfa Al-
þýðubandalagið í þessu máli. Hins vegar tel
ég að ég myndi hafa haft verulegt fylgi inn-
an flokksins til þess að láta brjóta á þessu
máli. Af öllu því fólki sem hefur haft sam-
band við mig út af málinu og þeim undir-
tektum sem hafa verið á fundum í flokknum
við þessari hugmynd, þá tel ég aó ég hefði
ekki skaðað flokkinn til frambúðar með því
aó hafa aðra skoðun en Sigríður.“
- Ef framsóknarmenn hefðu haft sam-
band við þig og óskað eftir viðrœðum um
myndun nýs meirihluta þar sem þú yrðir
sjötti maður, hefðirðu verið tilbúinn til við-
rœðna um slíkt?
„Já, ég býst vió því að ég hefði ekki neit-
að slíkum viðræðum ef eftir hefði verið leit-
að og mikill vilji hefði staðið til þess innan
Alþýðubandalagsins. En auðvitað hefði ég
átt erfitt með að sjá slíkt leiða til samstarfs.“
Ósáttur við framsóknarmenn
- Þú ert með öðrum orðum að segja að þú
sért ósáttur við að framsóknarmenn skyldu
ekki á láta á það reyna að ná meirihluta um
IS-leiðina í bœjarstjórn?
,Já, mér fmnst það mjög dapurt af þeim.
Allt tal þeirra um hversu góður kostur ís-
lenskar sjávarafurðir hf. séu og flutningur
þeirra hingað noróur, umfram Sölumiðstöð
hraðfrystihúsanna og það sem hún hefur
verið að bjóða, er einfaldlega marklaust,
vegna þess að meirihlutasamstarf það sem
þeir eru í núna vigtar í þeirra huga greini-
lega miklu þyngra. Þeir einfaldlega fóma
þessu máli fyrir áframhaldandi meirihluta-
samtarf í bæjarstjóm.“
/
Skulda SH og IS kaffi og pönnukökur
Heimir segir að vissulega hafi margir haft
samband vió sig eftir að hann spilaði út sín-
um spilum í málinu í viðtali við Dag í síð-
ustu viku. Hann staðfestir að hann hafi rætt
málið við Olaf Ragnar Grímsson og Stein-
grím J. Sigfússon, en þeir hafi ekki þrýst á
sig að breyta sinni afstöðu.
„Eg vil taka það skýrt fram að í þessu
máli er ég ekki aó taka afstöóu gegn þeim
öflum sem ráða Sölumiðstöð hraðfrystihús-
anna. Innan hennar eru ráðandi meðal ann-
arra flokksbræður mínir og systur. Eg hef
fyrst og fremst metið þetta mál út frá at-
vinnuhagsmunalegu sjónarmiði Akureyrar
til lengri tíma litið. Ég skulda þessum sölu-
samtökum, SH og IS, nákvæmlega það
sama, einungis kaffi og pönnukökur. Pólitík
er víðs fjarri í afstöðu minni í þessu máli.“
SH tilbúin að kanna stofnun fisk-
réttaverksmiðju á Akureyri
Yfirlýsing Heimis Ingimarssonar í Degi í
síðustu viku þess efnis að hann kysi frekar
IS-leiðina vakti mikla athygli. Heimir stað-
festir aó í kjölfar þessarar fréttar blaðsins
hafi Jón Ingvarsson, stjómarformaður SH,
haft samband við sig og spurt sig hvort
Sölumiðstöðin gæti gert eitthvað meira en
hún hafi áður boðið til þess að hann gæti
sætt sig við þá niðurstöðu að sölumál ÚA
yrðu í óbreyttum farvegi. „Ég sagði Jóni að
það gæti vel verið, ég væri fyrst og fremst
að hugsa um atvinnumál Akureyrar til
lengri tíma litið. í framhaldi af þessu sam-
tali sendi Jón Ingvarsson mér persónulega
bréf,“ sagði Heimir
Um er að ræða tvö bréf, bæði dagsett 31.
janúar og undirrituð af Jóni Ingvarssyni. í
ööru bréfinu ítrekar Jón að aðalskrifstofa
SH verði á Akureyri og í Reykjavík og
verði samþykktum SH og starfsemi breytt í
þá veru og hún löguð að því. Þá tekur Jón
fram í bréfinu að yfirstjóm aðalskrifstof-
unnar á Akureyri verói í höndum eins af
framkvæmdastjórum félagsins sem búsettur
verði á Akureyri.
I hinu bréfinu ræðir Jón um möguleika á
frekari atvinnuuppbyggingu á Akureyri og
þá sér í lagi frekari fullvinnslu á sjávaraf-
urðum. Jón tekur fram að þegar Akureyri
verði orðin að útflutningshöfn aukist mögu-
leikar á útflutningi ferskra sjávarafurða.
Hann segir einnig aó ÚA sem leiðandi fyrir-
tæki á sviði altækrar gæðastjómunar og fyr-
irtæki sem geti tryggt rétta meðferð afla frá
veiði til útflutnings sé öðrum fyrirtækjum
hæfara til að takast á við aukna fullvinnslu.
Þess vegna lýsi SH fullum vilja til þess að
vinna áfram markvisst að þessum verkefn-
um með Útgerðarfélaginu. Síóast en ekki
síst lýsir Jón Ingvarsson í þessu bréfi yfir
vilja Sölumiðstöðvarinnar til að láta fara
fram frekari könnun á mögulegri fram-
leiðslu á tilbúnum réttum, sbr. svokallaða
„Cook, chill, ready meals“-skýrslu til at-
vinnumálanefndar Akureyrar frá Iðnþróun-
arfélagi Eyjafjarðar, dags. 3. nóvember
1994, „eða könnun á annarri frekari full-
vinnslu sjávarafurða til að reyna skapa fleiri
störf í matvælaframleiðslu á Akureyri.“
Þetta síðastnefnda er mál sem hefur ver-
ið á borði atvinnumálanefndar Akureyrar
frá því sl. vor og getur aó mati Heimis verið
stórt atvinnuspursmál fyrir bæinn.
Heimir segist vera mjög ánægóur með
þetta viðbótarútspil Sölumióstöðvarinnar,
sem hafi komið til í framhaldi af afstöðu
hans í þessu mál, og hann hafi enga ástæðu
til að ætla aó Sölumiðstöðin standi ekki við.
„Út af þessum bréfum vil ég segja það
að ég er ekkert óhress með þessa SH-lend-
ingu og ég er ekki að fjandskapast vió það
fyrirtæki með því að telja flutning höfuð-
stöðva Islenskra sjávarafuróa hf. betri kost.
Mér finnst afar vænt um þessi bréf Jóns
Ingvarssonar. Þar er skýlaust kveðið á um
að útibú Sölumiðstöðvarinnar á Akureyri
verður valdastofnun út af fyrir sig. Síðan er
viljayfirlýsingin um þessa fiskiréttaverk-
smiðju mjög mikils virði. Þama gætum við
verið að tala um 100-200 ný störf fyrir utan
hráefnissölu bæði úr sjávarafurðageiranum
og landbúnaðargeiranum. Þetta tengist mjög
rækilega þeim hugmyndum sem Eimskipa-
félagið hefur sett fram, að stytta siglinga-
tímann frá Akureyri til Evrópu um helming,
eða niður í fimm til sex daga. Það opnar á
þann möguleika aó hægt sé að reka svona
verksmiðju með góðum árangri hér. Það eru
því í þessu dæmi ýmsir áhugaverðir hlutir
þrátt fyrir þessa niðurstöðu og ég er því
þegar á heildina er litið sáttur við hana.“
Vonandi aðeins byrjunin
„Ég vil segja að lokum að ég vona það inni-
lega að úr þessu máli öllu spilist á farsælan
hátt fyrir atvinnulífió á Akureyri, Útgerðar-
félagið og alla sem hlut eiga að máli. Ég
vonast til þess aó sú umræða sem verið hef-
ur hér sé byrjunin á því að snúa straumnum
við sem verið hefur frá landsbyggðinni til
Reykjavíkur á undanfömum árum og ára-
tugum og þetta mál megi leiða til þess að
fleiri aðilar sem lifað hafa góðu lífi á undir-
stöðuframleiðslu þjóðarinnar átti sig á því
að landsbyggðin verði líka að lifa til þess að
geta haldið áfram að framleiða vöru fyrir
söluaðilana syðra,“ sagði Heimir Ingimars-
son. óþh