Dagur - 16.03.1996, Blaðsíða 9

Laugardagur 16. mars 1996 - DAGUR - 9
hestur var aftur sonur Nökkva frá
Hólmi í Homafirði. Sá hestur þótti
„mikill kyngæðingur" eins og Þor-
kell orðar það. Einnig nefnir Þor-
kell kynbótahesta í eigu Sveins
Guðmundssonar á Sauðárkróki og
einnig Náttfara frá Ytra-Dalsgerði í
Eyjafirði. Sennilega hefur hins veg-
ar Hrafn frá Holtsmúla í Skagafirði,
nú orðinn 28 vetra, skilað mestum
framförum í ræktunarstarfi hérlend-
is, að mati Þorkels. „Það er gæð-
ingur gæðinganna," segir hann.
Aðspurður um eftirminnilega
samtíðarmenn í hrossarækt á Norð-
urlandi nefnir Þorkell sérstaklega
Svein Guðmundsson á Sauðárkróki.
„Allir landsmenn viðurkenna að
Sveinn hefur verið heppinn með sín
hross og hefur spunnið mjög vel úr
þeim. Aðra þekkta Norðlendinga
vil ég ekki nefna nú til að gæta
■jafnræðis," bætir hann við.
Hrossin eru of mörg
Að mati Þorkels hefur harkan í
hestamennsku hérlendis aukist
mjög með auknum peningum sem
eru umleikis í hestaviðskiptum.
„Útflutningur á hestum byrjaði af
fullum krafti þegar fór að ganga
verr í hefðbundnum búskap. Þá
fóru menn úti í það að fjölga hross-
um sínum og það heldur hressilega.
Og þetta hefur vissulega haft áhrif
á hrossadóma. Við ráðunautar höf-
unt alltaf lagt okkur fram við að
meta hrossin faglega og svo er
vissulega ennþá. En það glymur í
nálægð að dómar verði verðstýr-
andi,“ segir Þorkell. Hann segir að
ráðunautar verði að vera starfi sínu
vaxnir og megi aldrei láta rugla sig
af áðurgreindum ástæðum.
Fyrir nær 20 árum setti Þorkell
fram þá skoðun sína að hross í
landinu væru of mörg og eins ekki
rétt fram talin. Væru 15% fleiri en
skattskýrslur segðu og þegar bú-
fjártalning var gerð í landinu árið
1989 hefði þessi tala reynst rétt. I
dag eru hrossin í landinu talin vera
80 til 90 þúsund, „...og ég tel þa$
vera alltof margt. I hrossarækl
dagsins í dag eiga menn að leggja
höfuðkapp á að vera með góðar
hryssur til undaneldis - en af stóð-
hestum er nóg til. Menn hafa lagt
meiri áherslu á magn en gæði og
slíkt er hrossarækt til bölvunar og
það þynnir út þá framfaraöldu sem
annars er t íslenskri hrossarækt,“
segir hann.
Nóg til af stóðhestum
Þorkell segir ennfremur að hross-
um í landinu mætti að meinalausu
fækka um þriðjung - bæði með til-
liti til hrossaræktar, markaðar og
landnýtingar. Er mat Þorkels að
jafnvel þurfi að setja beitarhámark
á hverja jörð; það gæti orðið
hrossaræktinni og landvemd til
tekna. „Ég vil fá hross en góð og í
hrossaræktinni vil ég að menn beini
kastljósi að hryssunum. Taki þær til
bæna. Nóg er til af stóðhestum,"
segir Þorkell.
„Þegar hestar em dæmdir þá
hefur maður oft í huga hvaða eigin-
leika maður metur helst í fari sam-
ferðamanna sinna. Þar met ég helst
vinnugleði og góða skapgerð. Dá-
samlegt er að vinna með mönnum
sem hafa þessa eiginleika - og mik-
ilsvert er að hestar hafi þetta
einnig," sagði Þorkell Bjamason,
aðspurður um kynni sín af mönnum
á löngum ferli í starfi hrossaræktar-
ráðunautar. Hann lætur af starfi
þann 1. júlí næstkomandi og býst
liann þá við að fara í ýmis verkefni
heima, sem setið hafa á hakanum
um langa hríð.
Verð brekkudómari
„Á hrossamótum um langt skeið
hef ég verið dómari, en ætla nú að
skipta um stöðu. Verða brekku-
dómari, sitja í brekkunni með al-
mennum áhorfendum og leggja þar
mitt mat á hrossin. I því starfi er ég
nýgræðingur en hlakka til að takast
á við það, enda tel ég mig hafa
sæmilega undirstöðumenntun,“
sagði Þorkell Bjamason. -sbs.
Útiveran og félags-
skapurinn heilla mest
í dag eru 40 ár liðin frá því
Stangveiðifélagið Flúðir á Akur-
eyri var stofnað. Dagur átti af
þessu tilefni stutt spjall við for-
mann félagsins, Sigurð Ring-
sted, sem jafnframt er einn af
stofnendum félagsins. Sigurður
hefur verið formaður síðan 1971
en auk hans eru átta aðrir félag-
ar sem hafa verið í félaginu frá
því það var stofnað.
Á síðasta aðalfundi voru skráð-
ir félagar 98. Sigurður segir að á
afmælisárinu hafi verið ákveðið
að bjóða inngöngu í félagið án
inngöngugjalds en annars er gjald-
ið tuttugu þúsund. Margir hafa
nýtt sér þetta tilboð því þegar hafa
borist 24 beiðnir um inngöngu.
Félagsmenn í Flúðum eru á öllum
aldri, þeir elstu að nálgast áttrætt
og yngstu allt niður í 18 ára. Karl-
ar eru í miklum meirihluta en þó
em þrjár koriur félagar.
„Við stofnuðum félagið á sínum
tíma vegna þess að við komumst
ekki í neinar ár nema vera með fé-
lagsskap og taka þær á leigu
Dansað með
brotna stöng
Veiðisögurnar eru órjúfanleg-
ur hluti veiðimennskunnar og
eins og allir sannir veiðimenn
kann Sigurður margar slíkar.
Við látum hér eina létta sögu
' JTjóta með til 'gamáns:
Ég fer stundum að veiða
með manni sem er fatlaður og
við förum á staði þar sem er
létt að veiða á. Við vorum
kornnir á stað þar sem þurfti
að vaða yfír ána og hann beið
því í bílnum á meðan ég óð yf-
ir. Þegar ég var komin yfir sá
ég að ég hal'ði tekið vitlausa
stöng og stöngin sem ég var
með var krakkastöng. Ég setti
hana samt saman og byrjaði að
veiða og mjög fljótlega beit á
hjá mér. I viðbragðinu brotn-
aði stöngin í miðjunni og
framparturinn rann út í á. Ég
hljóp á eftir og náði stönginni
og gat vafið línunni utan um
hendumar á mér. Þannig gekk
ég fram og aftur með bakkan-
um því ég gat ekkert halað inn
þar sem ég var ekki með neitt
hjól. Afturparturinn á stöng-
inni var á jörðinni. Svona
dansaði ég góða stund og sá
sem beið í bflnum hélt ég væri
orðinn vitlaus. Hann skyldi
ekkert í þessunt stríðsdansi
mínum. En ég náði fískinum.
Þeir eru ófáir fískarnir sem hafa bitið á agnið hjá Sigurði Ringsted en hann
er formaður Stangveiðifélagins Flúðir og einn af stofnendum félagsins.
Mynd: BG
segir Sigurður. Þegar félagið var
stofnað tók það Selá í Vopnafirði
á leigu og hafði aðgang að henni
frarn til 1969. Um tíma var félagið
einnig með hluta af Hofsá í
Vopnafirði og á þeim árum segir
Sigurður að félagið hafa verið
mjög vel sett. Þegar þeir misstu
árnar í Vopnafirði tóku þeir
Fnjóská á leigu og hafa leigt hana
allt til dagsins í dag. Einnig var
félagið með Laxá á Refasveit við
Blönduós í níu ár en missti hana
fyrir tveimur árum.
Fékk mest 31 lax
Litlar líkur eru á því að menn séu
í einhverju félagi í fjóra áratugi án
þess að hafa eitthvað gagn eða
gaman af og því er Sigurður
spurður hvað það sé við stang-
veiðina sem heilli hann mest?
„Áður, þegar ég var ungur og
frískur, sá ég ekkert nema veiðina
en nú er það ekki síður útivistin
og félagsskapurinn. Mér er alveg
sama hvort ég veiði eitthvað eða
ekki þó auðvitað sé alltaf gaman
að fá fisk. Ég er t.d. eiginlega al-
veg hættur að veiða nema á flugu
en áður barðist ég við maðkinn
hlaupandi milli veiðistaða. Ég hef
fengið allt upp í 31 lax á einum
degi en þá var ég líka alveg búinn
og engin ánægja á eftir,“ segir
hann.
Vinsældir stangveiði eru sífellt
að aukast og Sigurður segir að
áhugamönnum um stangveiði hafi
ekki aðeins tjölgað heldur sé hóp-
urinn orðinn breiðari. „Áður voru
þetta eiginlega bara forréttinda-
klíkur og menn sem höfðu nóga
peninga sem stunduðu þetta."
Hóf í haust
Ekki stendur til að halda upp á af-
mælið um þessa helgi heldur hafa
stangveiðifélagamir í Flúðum
ákveðið að bíða með hátíðarhöld
fram á haust. „Oft er mikið að
gera hjá fólki á vorin og því var
tekin sú ákvörðun að halda frekar
veglegt hóf í haust,“ segir Sigurð-
ur. Þá er jafnframt ætlunin að
veita verðlaun fyrir stærstu fiska
sumarsins en þau verðlaun eru
annars veitt á aðalfundi ár hvert.
AI
Guðmundur Gunnarsson með veiði
dagsins sem hann veiddi í Laxá á
Refasveit við Blönduós.
Félagar í Flúðum á góðri stundu. Frá vinstri: Óli Sæmundsson, Stefán Stef-
ánsson, Guðjón Ágúst Árnason, Sigþór Gunnarsson og Einar Jónsson.
Þak yfir höfuöið
Af hverju að kaupa
notaða íbúð þegar þú
getur fengið nýja á
sambærilegu verði?
Viö höfum réttu fasteignina fyrir þig,
raöhús af mörgum stæröum sem
hægt er aö aðlaga að þínum óskum.
Margra ára reynsla, vönduð vinnubrögð og
hagkvæmt verð.
Við byggjum réttu íbúðina fyrír þig.
Trésmíðaverkstæði
Sveins Heiðars ehf.
Skipagötu 16 • Sími 461 2366
Fax 461 2368 - Opíð kl. 13-17.00