Dagur - 16.03.1996, Blaðsíða 13

Laugardagur 16. mars 1996 - DAGUR - 13
POPP
Bowie kemur
Nú er það víst alveg komið á
hreint að poppgoðið mikla til nær
þriggja áratuga, David Bowie,
kemur hingað til lands í sumar og
heldur tónleika í Laugardalshöll á
vegum Listahátíðar í Reykjavík
1996. Verða tónleikamir eftir því
sem næst verður komist, laugar-
daginn 22. júní, þegar hátíðin mun
væntanlega standa sem hæst. Áð-
ur hefur verið sagt frá því að ör-
uggt'er að Björk verður með tón-
leika á hátíðinni og þá væntanlega
líka í Laugardalshöllinni og að
bresku poppstjömurnar í Pulp
mxmi að öllum líkindum koma
fram á henni. David Bowie hefur
að imdanförnu verið á tónleika-
ferðalagi um Evrópu og gengið
bara bærilega eftir fregnum að
dæma. Hingað til lands mun hann
að sögn koma með fríðu föruneyti,
um það bil 20 til 30 manns, þannig
að það verður væntanlega mikið
um dýrðir. Hann er vissulega ekki
sama stjarnan og áður eins og á
„Ziggy Stardust" tímabilinu t.d.
fyrir rúmum tveimur áratugum,
en er samt ennþá mjög vinsæll og
virtur, enda tvímælalaust einn af
helstu og margbrotnustu hetjum
rokksögunnar. Væri of langt mál
að fara að rekja feril Bowie hér í
smáatriðum, en lýsingin á honum
sem „einum af margbrotnustu
hetjum rokksins", jafnframt sem
einum af meiri áhrifavöldum þess,
segir margt um hversu merkilegan
mann er að ræða. í svo ólíkum
tónlistarstefnum sem glys eða
„Spacerokki", pönki/nýbylgju,
nýrómantísku poppbylgjunni og
síðan í framsæknu harðrokki (sem
meðlimur í hljómsveitinni Tin
Machine) hefur Bowie hrærst á
sínum litríka ferli og alltaf þótt
marka spor með einhverjum hætti.
Tónleikar kappans hafa löngum
líka verið tilkomumiklir og átt
sinn þátt í velgengni hans. Verður
væntanlega engin undantekning á
því í Laugardalshöllinni í sumar.
The Cure með Robert Smith fremstan í flokki, sendir brátt frá sér lang-
þráða nýja plötu. Myndin er frá pönk- og nýbylgjutímabilinu þegar
sveitin var á þeirri línu.
MACNÚS <SE1R GUÐMUNDSSON
Punktar
KKákreik
KK blessaður, sem var svo óheppinn
fyrir áramótin að lenda í bílslysi m.a.
er nú skriðinn saman og byrjaður að
spila urn Suður- og Vesturland. Ef
það gengur vel, verður hann á ferð-
inni hér fyrir norðan í framhaldinu,
t.d. á Akureyri og Húsavík, við tón-
leikahald. Væri mikill fengur að
kappanum hingað, en með í för er
einvalalið, systir hans og mágur, El-
len Kristjáns og Eyþór Gunnarsson,
Guðmundur Pétursson o.fl.
Diana hefur áhrif
í poppinu
Hún Diana prinsessa af Wales, sem
venjulega er í fréttum bresku slúður-
blaðanna út af nánast öllu sem hún
tekur sér fyrir hendur, er nú líka
komin á síður popppressunnar þar-
lendis. Ekki þó vegna þess að hún
ætli eða sé að hasla sér völi á þeim
vígstöðvum, heldur af öðrum ástæð-
um. Þannig er nefnilega þannig að
tveir tæknigaurar, Green og Conn-
ery, hafa sett saman danssmell, sem
byggður er á hinu fræga viðtali sem
Diana veitti í fyrra í þættinum Panor-
ama og lét flest flakka um sig og
Kalla prins. Hefur lagið, sem kallast
I'm A Free Spirit, nú þegar náð vin-
sældum í klúbbum og það bæði í
London og New York. Engin við-
brögð hafa komið frá prinsessunni í
sambandi við þetta uppátæki svo vit-
að sé.
„Undirheimar“ gera
ánývartviðsig
Ein af athyglisverðari sveitum dans-
bylgjunnar, hin sýrða Underworld, er
nú rétt búin að senda frá sér sína aðra
alvöru plötu. Nefnist hún Second To-
ughest In The Infants og hafa gagn-
rýnendur lofað hana óspart og telja
að hér sé á ferðinni ein af þeim
plötum sem standa muni upp úr þeg-
ar árið 1996 verður gert upp. Und-
erworld á sér nokkum hóp dyggra
aðdáenda hérlendis eftir að hafa
heimsótt ísland fyrir tveimur árum
eða svo.
David Bowie hefur nú samþykkt að koma fram á Listahátíð í sumar.
Ný plata The
Cure í nánd
Tiltölulega lítið hefur farið fyrir
einni af helstu og farsælustu
poppsveitum Bretlands á undan-
fömum árum, The Cure, síðustu
árin. Ymsar tónleikaútgáfur og
safnplötur hafa að vísu litið dags-
ins ljós frá henni, en fjögur ár eru
hins vegar síðan síðasta hljóðvers-
platan, Wish, kom út. Hefur bið
eftir nýrri plötu því verið fulllöng
fyrir aðdáendur Cure, en Wish var
í alla staði vel heppnuð og færði
sveitinni til að mynda mikla vel-
gengni í Bandaríkjunum. Það sér
nú aftur á móti fyrir endann á
þeirri bið nú, því Robert Smith
söngvari og félagar hans eru um
þessar mundir að klára upptökur
og hljóðblöndun á nýrri plötu,
sem koma á út 8. maí næstkom-
andi. Hefur platan hlotið nafnið
Wild Mood Seings og verður að
sögn hin vænsta að vöxtum, eða
með einum 15-16 lögum. Herma
kuxmugir að um nokkuð fjöl-
breytta plötu verði að ræða, sem
bæði muni sýna poppaðri og rokk-
aðri hliðar hljómsveitarinnar.
Verður forvitnilegt að heyra þessa
blöndu, en eins og margir tónlist-
arunnendur vita, hefur Cure borið
víða niður á nær tveggja áratuga
ferli sínum, m.a. í pönki/nýbylgju
og melódísku poppi.
Leikhúí:
sveifla
„Skárr’en
ekkert“
Þrátt fyrir að leikritið Konur
skelfa eftir Hlín Agnarsdóttur
hafi ekki verið sýnt hér norðan
heiða (hvað sem svo síðar kann
að gerast) hefur orðspor þess og
umtalið í kring um það auðvitað
ekki farið framhjá neinum hér,
né um hvað verkið fjallar. Hér á
þessum stað verður reyndar ekk-
ert frekar fjallað um þetta leikrit,
enda ekki ástæða til, nema hvað
að í því er heilmikið af tónlist.
sem nú er komin út á plötu. Á
þar í hlut sú bráðskemmtilega
sveit Skárr'en ekkert, sem eins
og sjálfsagt flestir vita, átti heið-
urinn af stórum hluta af tónlist-
inni í kvikmyndinni Ein stór fjöl-
skylda á síðasta ári. Voru menn
ekki á eitt sáttir um gæði og gildi
myndarinnar, en flestir voru
hins vegar sammála um að plat-
an með tónlistinni úr henni væri
hin ágætasta og þá ekki hvað síst
vegna hinnar léttleikandi lat-
nesku sveiflu Skárr'en ekkert.
Hljómsveitin Skárr'en ekkert hefur nú sent frá sér sína fyrstu plötu.
Myndin er frá skemmtun ónefnds stjómmálaflokks hér í bæ, þar
sem sveitin tróð upp viðstöddum til mikillar gleði. (Mynd: MGG)
Má t.d. nefna að titillag myndar-
innar í flutningi Skárr'en ekkert,
náði töluverðum vinsældum í
útvarpi. En nú er sem sagt ný-
komin út plata með sveitinni
með tónlistinni úr leikritinu
Konur skelfa og eru það að-
standendur leikritsins, Alheims-
leikhúsið, sem stendur að útgáf-
unni. Ef einhver skyldi síðan
ekki vita það, þá má að lokum
geta þess að einn af meðlimum
Skárr'en ekkert, Guðmundur
Steingrímsson nikkuþenjari, er
sonur ekki ómerkari manns en
Steingríms Hermannssonar, fyxr-
um forsætisráðherra og núver-
andi seðlabankastjóra.
Nú í lok febrúar síðastliðinn, var
loks kveðinn upp dómur yfir
rappstjörnunni Snoop Doggy
Dogg, í morðmáli gegn honum,
sem staðið hefur yfir í um tvö ár.
Var Snoop ásamt lífverði sínum,
McKinley Lee, gefið að sök að hafa
25. ágúst 1993 elt uppi og myrt
meðlim glæpagengis nokkurs, sem
þeim tveimur hafði með
einhverjum hætti lent saman við.
Úrskurður kviðdóms í Los Ange-
les varð hins vegar sá, að þeir
Snoop og Lee væru saklausir um
morð og að þeir hefðu ekki lagt á
ráðin um að fremja glæpinn, né
reynt að eyðileggja meint sönnun-
argögn, sem vera áttu í jeppabif-
reið Snoops. Mun þessi úrskurður
m.a. hafa fallið vegna þess að lög-
reglurannsókninni var ábótavant
og ýmislegt skorti til að hægt væri
að dæma Snoop og félaga fyrir
morð af 1. eða 2. gráðu. Málinu er
hins vegar ekki lokið, því kvið-
dómurinn víaði ekki frá öllum
Rapparinn Snoop Doggy Dogg er
frjáls maður, a.m.k. um stund.
ákærum á hendur Snoop, en hann
var líka, að því er virðist „til vara",
ákærður um einhvers konar 3.
gráðu og þar með minna saknæmt
morð af ásettu ráði. Er ekki svo
auðvelt að skýra þetta nánar, en
öll kurl eru sem sagt enn ekki
komin til grafar í þessu máli. Með-
an svo er gengur rapparinn Snoop
laus gegn hárri tryggingu.