Dagblaðið Vísir - DV - 22.11.1994, Blaðsíða 16

Dagblaðið Vísir - DV - 22.11.1994, Blaðsíða 16
16 ÞRIÐJUDAGUR 22. NÓVEMBER 1994 Menning Sharon Stone og Sylvester Stallone á háskastund þegar allt er að fara að springa í loft upp. SAM-bíóin - Sérfræðingurinn: * Sprengjum eins og nágranninn Þaö er ekkert nýtt að hugmyndafátæktin sé ein af helstu meinsemdunum sem hrjá menn vestur í Holly- wood, aö minnsta kosti þá sem ráða því hvaða hand- rit verða að bíómyndum og hver ekki. Ef manni dettur sjálfum ekkert í hug er best að gera bara eins og ná- granninn eða þá endurgera einhverja franska mynd. Ekki þarf nema aö líta á úrval kvikmyndahúsanna í Reykjavík til að fá staðfestingu á þessu því þar er verið sýna hvorki fleiri né færri en þrjár stórmyndir sem allar ganga út á sprengjur og sprengjusérfræð- inga. Nýjasta myndin í þeim flokki til að berast hingað er Sérfræðingurinn með þeim Sylvester Stallone og Sharon Stone í aðalhlutverkunum. Stallone leikur Ray Quick, sprengjusérfræðing og fyrrum CIA-gaur, sem fór í sjálfskipaða útlegð og sprengjuvarða einangrun eftir að hann varð óvart valdur að dauða saklausrar ungrar stúlku í einni af sendifórum sínum á vegum CIA, fyrir mörgum, mörg- um árum. Stone leikur May Munro, dularfulla þokka- dís, sem tekst að draga Quick út úr skelinni og ganga frá þremur þorpurum sem myrtu foreldra hennar tutt- ugu árum áður. En ekki er allt sem sýnist í þeim efn- um því Ned nokkur Trent (Woods), fyrrum sprengjufé- lagi Quicks í CIA, er í liði með bófunum. Uppgjör er óumflýjanlegt því það var Trent að kenna að litla sak- lausa stúlkan lét lifið forðum daga. Sérfræðingurinn fer afskaplega hægt af stað. Löng- um tíma er varið í að byggja upp samband þeirra Quicks og Munro fyrir tilstilli símtala og segulbands- upptaka, samband sem sífellt verður nánara, þótt þau hafi aldrei hist. Ekki svo vitlaust, nema hvað þau Stall- one og Stone eru ekki menn til að bera alein uppi langa Kvikmyndir Guðlaugur Bergmundsson kafla í senn, sérstaklega ekki Stallone sem er áreiðan- lega með verstu leikurum. Þar á ofan bætist afskap- lega stirðbusalega skrifað handrit sem er fullt af göml- um karlaklisjum frá upphafi til enda. Eyjólfur hress- ist þó heldur síðasta hálftímann eða svo en það dugar ekki. Stjörnurnar standa ekki undir nafni en aukaleikar- arnir stela senunni. James Woods er góður eins og alltaf en hlutverkið vont, Eric Roberts er prýðilegur sem fordekraður bófasonur og Rod gamli Steiger stendur fyrir sínu í hlutverki bófapabba. Vonandi verður þetta svo síðasta sprengjumyndin í bráð. Sérfræðingurinn (The Specialist). Handrit: Alexandra Seros. Leikstjóri: Luis Llosa. Leikendur: Sylvester Stallone, Sharon Stone, James Woods, Eric Roberts, Rod Steiger, Mario Ernesto Sanchez. Toni Morrison Leitinað upprunanum Toni Morrison, sem margir telja merkasta rithöfund í hópi bandarí- skra blökkumanna síðan Ralph Ellison leið, varð fyrst þeirra til að hljóta sænska Nóbelinn. Það var á síðasta ári (ekki 1994 eins og stend- ur bæði framan og innan á kápu- síðu þessarar bókar). Morrison, sem fæddist árið 1931, hóf feril sinn sem skáldsagnahöf- undur árið 1970 með The Bluest Eyes um blökkustúlku sem sér þá einu leið út úr eymd lífs síns að hún verði bláeygð. Sula, sem er jafnvel enn harmrænni frásögn af ungri stúlku og fjölskyldu hennar, fylgdi í kjölfarið árið 1974. Það var svo með þeirri sögu sem nú hefur verið þýdd á íslensku, Song of Solomon eða Söngur Salómons, sem Morri- son steig fram á sviðið sem full- þrpskaður skáldsagnahöfundur. Þetta er saga bandarískrar fjöl- skyldu. Ekki síst saga nokkurra kvenna þótt gerandinn í sögunni sé karlmaður sem var fyrsta svarta barnið sem fékk að fæðast á sjúkra- húsi hvíta fólksins. Það kom ekki til af góðu: Móðirin, Rut, varð vitni af því þegar karlmaður framdi sjálfsmorð með því að stökkva fram af sjúkrahússbyggingunni. Henni varð svo mikið um að barnið fæddist fyr- ir tímann. Sagan hefst þannig í senn á dauða og fæðingu. Fjölskylda drengins er tiltölulega vel efnum búin. En heimilisfaðirinn, Macon Dead, ríkir sem harðstjóri yfir konu sinni, dætrunum Kórintu og _Lenu og svo syninum unga. Móðirin bætti sér upp ástlaust hjónaband með því að hafa drenginn á brjósti árum saman. Þegar það kemst.á al- manna vitorð fær hann nafn sem hann losnar aldrei við: Milkman (Mjólk- urmaðurinn). Á unglingsárum kemst Milkman að því að hann á nákomnar frænkur: sérkennilega föðursystur, Pítatus, dóttur hennar, Rebu, og dótturdóttur- ina Hagar sem verður ástmeyhans. Fyrir Milkman er lífið fyrst og síðast kvöl. Það batnar ekkert þegar hann kemst á fullorðinsár: „Fjölskyldan er að gera mig vitlausan. Pabbi vill að mér líki við sig og hati mömmu. Mamma vill að ég hugsi eins og hún og hati pabba. Kórinta vill ekki tala við mig. Lena vill mig út. Og Hagar vill mig hlekkjaðan við rúmið sitt," segir hann eitt sinn við vin simii Gítar, sem reyndar á í blóðugu einkastríði við hvíta manninn. Og Gítar svarar honum: „Þau vilja líf þitt, maður." En Milkman er ekki reiðubúinn að gefa þeim líf sitt. Hann finnur sig knúinn til að finna uppruna sinn, rætur ættarinnar. Sú leit berst til af- skekktra byggða í Suðurríkjunum þar sem söngurinn um Salómon reyn- ist vera eins konar dulmál sem hann þarf að leysa til að sannleikurinn ljúkist upp fyrir honum. Úlfur Hjörvar hefur snúið þessari sterku og áhrifamiklu skáldsögu á íslensku. Hann er reyndar orðinn hagvanur í smiðju Morrison því önnur skáldsaga hennar kom út í þýðingu hans fyrir nokkrum árum. Það er ekki auðvelt verk, en virðist hafa tekist prýðilega. SÖNGUR SALOMONS. Höfundur: Toni Morrison. Forlagiö, 1994. Bókmenntir Elías Snæland Jónsson BROSUM í umferðinni - 0g attk gengur betur! yUMFEROAR RÁD MATUR & KÖKUR fÆÆÆÆÆÆÆÆÆÆÆÆÆÆÆÆÆÆÆÆÆÆÆÆÆÆÆÆÆÆ. 20 síðna aukablað um mat og kökur fyrir jólin fylgir DV á morgun. Blaðið verður fjölbreytt og efnismikið að vanda. Fjallað verður um matartilbúning fyrir jólin, kökuuppskriftir og jólasiði.