Dagblaðið Vísir - DV - 31.05.1995, Síða 3
MIÐVIKUDAGUR 31. MAÍ1995
3
Nú, þegar skólunum er aö Ijúka, er mikió um skólaferðalög nemenda eldri
bekkja grunnskólanna. Þessar hressu stúlkur, sem eru úr 8. bekk Síðu-
skóla á Akureyri, voru staddar á Húsavík á leið að Vestmannsvatni og
hádegismaturinn var að sjálfsögðu pylsur, samlokur og gos. DV-mynd gk
Tölvuþjófnaöir frá áramötmn:
75 tölvum stolið
- tæpur helmingur þeirra hefur fundist
Samtals hefur 75 tölvum veriö
stolið frá áramótum samkvæmt
upplýsingum frá Rannsóknarlög-
reglu ríkisins. Tekist hefur að hafa
uppi á 32 tölvum aftur eða ríflega
40 prósentum þeirra.
Að sögn Harðar Jóhannessonar
yfirlögregluþjóns er mest um
tölvuþjófnaði úr fyrirtækjum. Hin-
ir og þessir virðast stela tölvum en
allt bendi til að þær séu notaðar
sem gjaldmiðill á fíkniefnamark-
aðnum og því ekki óeðlilegt að
álykta sem svo að þær séu seldar
úr landi.
-PP
Fréttir
*
Utskýringar sakamanns sem lenti 1 klónum á lögreglunni:
Fékk hassbelti
vegna bakveiki
- ræktaði einnig hass - dæmdur í sex mánaða fangelsi
Bóas Dagbjartur Bergsteinsson, 36
ára Reykvíkingur, hefur verið
dæmdur í 6 mánaða fangelsi fyrir
margháttuð fikniefnamisferli á árun-
um 1992-1994 þrátt fyrir að hann neit-
aði nánast öllum sakargiftum eins
og hann hefur gjarnan gert við með-
ferð' mála sinna hjá lögreglu- og
dómsyfirvöldum á síðustu árum.
Stærsta ákæruefnið á hendur Bóasi
var að hafa haft tæpt kíló af hassi
innan klæða á líkama sínum, í
nokkru sem hann nefndi stoðbelti,
vegna bakveiki sinnar. Hann kvaðst
við yfirheyrslur ekki hafa vitað til
þess að hassplötur hafði verið í belt-
inu þó þær hafi fundist þar. Fyrst
sagði hann hjá lögreglu að fólk í
Amsterdam heíði sett beltið á hann
ytra daginn áður vegna bakveiki
hans. Á seinni stigum málsins kom
í ljós að lögreglumenn og tollverðir
leituðu á honum við komuna til
Keflavíkurflugvallar en þá fundu
þeir hvorki fikniefni né „stoðbelti"
þó hann hafi verið herháttaður í
Leifsstöð.
Degi síðar stöðvaði lögreglan Bóas
í leigubíl og leitaði á honum en þá
kom beltið í ljós. Síðar bar Bóas að
fólk í Heimahverfi hefði verið svo
elskulegt að setja á hann beltið enda
hefði hann verið bakveikur.
Hjörtur 0. Aðalsteinsson héraðs-
dómari komst að þeirri niðurstöðu
að skýringar Bóasar hefðu verið
ótrúverðugar og sakfelldi hann af
þessu ákæruatriði. Bóas var jafn-
framt dæmdur fyrir önnur minni
fíkniefnabrot en honum var einnig
gefið að sök að hafa ræktað 21
kannabisplöntu að bænum Felli í
Biskupstungum.
Þegar lögreglan á Selfossi knúði
þar dyra hjá Bóasi á Felli í septem-
ber síðastliðnum tók hann plastpoka
úr vasa sínum og lét falla á gólfið.
Síðar kom í ljós að í honum voru
nokkur grömm af hassi. Bóas kvaðst
hafa verið eina klukkustund á staðn-
um og vökvað skrælnaðar plöntur í
íbúðinni sem hann sagðist ekki vita
hverrar tegundar væru - hér var um
að ræða hassplöntur. Umráðamenn
hússins sögðust hafa leigt honum
húsið og ekki vitað til annars en að
Bóas ætlaði að mála myndir á staðn-
um.
Héraðsdómur dæmdi upptækt
1.030 grömm af hassi vegnar þessara
mála, 21 kannabisjurt, 5 grömm af
amfetamíni og ýmis áhöld. Dómur-
inn taldi hins vegar lagastoð skorta
til að gera bókina Indoor Marijuana
Horticulture upptæka en hún fannst
forðumaðFelli. -Ótt
Nú er rétti tíminn
í ár er sérlega hagstætt að fjárfesta í atvinnutækjum.
Það er vegna sérstakra laga um flýtifyrningar
atvinnutækja sem keypt eru árin 1994 og 1995. Þau
má fyrna allt að tvöfaldri venjulegri fyrningu, næstu
þrjú rekstrarár eftir að þau eru keypt. Fjárfesting í ár
er því heillaráð.
Við gefum þér góð ráð
Við hjá Glitni sérhæfum okkur í fjármögnun hvers kyns
atvinnutækja. Við getum bent þér á leiðir þar sem þú
losnar við að binda rekstrarfé í tækinu og þar sem
fyrirgreiðsla þín í viðskiptabankanum helst óskert.
Þú kannt eflaust að meta að geta fengið 100%
fjármögnun en njóta samt staðgreiðsluafsláttar hjá
seljanda tækisins.
Skjót afgreiðsla
Fjármögnun með Kjörleiðum Glitnis er
fljótleg. Þegar nauðsynleg gögn liggja
fyrir af þinni hálfu, er umsókn þín
afgreidd á skjótan hátt.
Glttntrhf
DÓTTURFYRIRTÆKI ÍSLANDSBANKA
Ármúla 7, 155 Reykjavík Sími 560 88 00 og 560 88 20. Myndsími 560 88 10.
Út er komið upplýsingarit um
Kjörleiðir Glitnis. Þar er á
einfaldan hátt fjallað um
ólíkar gerðir fjármögnunar.
Hringdu og fáðu eintak eða
líttu inn og spjallaðu við
ráðgjafa okkar.