Dagblaðið Vísir - DV - 23.08.1995, Blaðsíða 4

4
MIÐVIKUDAGUR 23. ÁGÚST 1995
Fréttir dv
Þrír gerðu athugasemd við stækkun álversins í Straumsvík:
Ekki gert ráð fyrir
vothreinsibúnaði
sem er nauðsynlegur til að draga úr mengun brennisteinstvíoxíðs í útblæstri
liki pessu mun aiverið I Straumsvik lita Ut et at stækkun pess verður. Nýi kerskálinn mun verða mjög nærri
Reykjanesbrautinni.
Stækkun álversins 1 Straumsvik:
Nýr skáli samhliða
þeim sem fyrir eru
Þrír aðilar gerðu athugasemdir til
Skipulags ríkisins vegna fyrirhug-
aðrar stækkunar álversins í Straum-
svik en frestur til slíks rann út síð-
astliðinn mánudag. Þetta eru þing-
flokkur Kvennalistans, Hjörleifur
Guttormsson alþingismaður og um-
hverfisnefnd Bessastaðahrepps.
„Þessi athugasemd sem við send-
um nú er til Skipulags ríkisins sem
hefur fyrst og fremst með skipulags-
framkvæmdir að gera. Aftur á móti
eru okkar aðalathugasemdir varð-
andi mengunarþáttinn. Það er Holl-
ustuvernd ríkisins sem hefur með
það að gera og hægt að skfla athuga-
semdum við þann þátt til 15. sept-
ember,“ sagði Kristín Halldórsdóttir,
þingkona Kvennalistans, í samtali
við DV.
Hún segir að þingflokkur Kvenna-
hstans leggi áherslu á að farið verði
eftir ýtrustu kröfum um varnir gegn
hvers konar mengun. Hún segir að
samkvæmt því umhverfismati sem
unnið hefur verið og í tillögum að
starfsleyfi sem sem nú liggja fyrir
hollustuvernd sé ekki gert ráð fyrir
jafn ítarlegum kröfum varðandi
brennisteinstvíoxíð í útblásturslofti
og gerðar eru í Noregi og fleiri lönd-
um. Þar af leiðandi sé ekki gert ráð
fyrir vothreinsibúnaði sem sé nauð-
synlegur til að draga úr mengun
brennisteinstvíoxíös.
„Við gerum athugasemdir við þá
þætti sem gætu hugsanlega snert
okkur hér. Þar er um að ræða loft-
mengun og hávaða. Við skiptum okk-
ur ekkert af því hvemig ísal tryggir
aö hvort tveggja verði, bara að það
sé tryggt," sagði Bjöm J. Bjömsson,
formaður umhverfisnefndar Bessa-
staöahrepps.
Ekki náðist í Hjörleif Guttormsson
alþingismann en hann gerir svipaðar
athugasemdir og þingflokkur
Kvennalistans varðandi brenni-
steinstvíoxíð og vothreinsibúnað.
„Það verður haldinn nýr fundur
um málið næstkomandi mánudag.
Síðan á ég von á því að ákvörðun um
framhaldið varðandi stækkunina
verði tekin fljótlega eftir það,“-sagði
Rannveig Rist, verkfræðingur hjá
ísal, um hvernig mál stæðu varðandi
stækkun álversins í Straumsvík.
Ef af stækkuninni verður eru menn
að tala um að stækka álverið um
helming. Það verður gert með þeim
hætti að lengja nokkuð kerskálana
tvo sem fyrir eru en bæta síðan við
þriðja skálanum. Hann verður á milli
Reykjanesbrautar og skála 2, sam-
hliða honum. Öll rör og hreinsivirki
verða á milli skálanna þannig að frá
veginum séð verður bara slétt hhð
skálans og sjónmengun því eins lítil
og verða má.
í athugasemdum sínum tekur þing-
flokkur Kvennalistans undir þá hug-
mynd sem komið hefur fram aö skál-
arnir verði málaðir í litum sem falla
eins vel að umhverfinu og frekast er
unnt.
Fiðrildið kóngasvarmi er með allt
að tólf cm vænghaf. Þröstur Erlings-
son, aðstoðarmaður á Náttúrufræði-
stofnun, heldur á fiðrildinu.
Fiðrildi fjúka
til íslands
- frá Suður-Evrópu
í síðustu viku náðist nokkuð
merkilegt fiðrildi á Djúpuvík á
Ströndum. Hafði það sést þar sér-
staklega á nóttunni og sótti mikið í
blómin. Heitir það kóngasvarmi,
kemur frá Suður-Evrópu og er grátt,
með tólf cm vænghaf. Jóna Ingibjörg
Bjarnadóttir og Helga Jónsdóttir
fönguöu fiðrildið, settu það í krukku,
frystu og sendu Náttúrufræðistofnun
íslands.
„Þetta er stórt og mikið fiðrildi sem
berst hingað síðsumars af og til. En
ekki í eins miklum mæh og núna.
Ég hef heyrt um fimm dæmi. Þetta
kemur frá Suður-Evrópu. Suðaust-
anáttin er hlý og nær alla leið yfir
hafið og skapar góð skilyrði," segir
Erling Ólafsson skordýrafræðingur.
Segir hann htlar líkur á að þvílíkt
fiðrildi lifi hér á landi.
Árneshreppur:
Gottfiskirí
Regma Thorarensen, DV, Selfossi:
Fiskirí er mun betra í Árneshreppi
á Ströndum í ár heldur en var á síð-
asta ári. Tíu bátar róa frá Norður-
firði, aðkomubátar að mestu sem
fiska yfir sumartímann og leggja upp
hjá Guðsteini Gíslasyni.
Oft vantar fólk þegar mikið aflast
því bændur eru nú í heyskap.
í dag mælir Dagfari
Atvinnulausir úr felum
Atvinnulausum fjölgaði í júlí. Það
er nýtt á íslandi yfir hábjargræðis-
tímann og von að menn spyrji:
Hvað er að gerast?
Félagsmálaráðherra hefur boðað
þá stefnu að meina útlendingum
að fá atvinnuleyfi og láta íslenskt
vinnuafl hafa forgang. Það er góð
og gild stefna ef ekki væru þau
vandræði að íslendingar eru ekki
fúsir til hvaða starfa sem er og
neita að ganga í sum störf sem eru
fyrir neðan þeirra virðingu. Helst
mun það vera fyrir neðan virðingu
íslenskra launamanna að starfa í
fiski, enda er fiskvinnsla lítt að
okkar skapi og hefur ekki annað í
för með sér en að bjarga verðmæt-
um. Það hentar okkur Islendingum
ekki. Við vhjum ekki bjarga verð-
mætum. Við viljum bara vinna við
að sóa þeim. Þess vegna er stefna
félagsmálaráðherra varhugaverð,
ef engir útlendingar fá atvinnu-
leyfi, því þá minnka verðmætin
sem við, hinir íslensku launamenn,
getum sóað.
En ekki er allt sem sýnist og enda
þótt tölur um fjölda atvinnulausra
hafi hækkað er það mat fram-
kvæmdastjóra Vinnuveitendasam-
bandsins að þessi hækkun þýöi
ekki endilega hækkun. Þórarinn
V. Þórarinsson er einmitt útlærður
og marghertur í aö útskýra flókna
hluti á einfaldan hátt og Þórarinn
segir „að nú eru hópar sem líta á
sig og skrá sig atvinnulausa, sem
ekki gerðu það áður. Þar má
nefna", segir Þórarinn, „og þaö er
ekkert leyndarmál að það er mjög
áberandi að ungar konur með börn
skrá sig atvinnulausar eftir barns-
burð. Þeim hefur fjölgað mjög mik-
ið. Einnig hefur þeim íjölgað sem
nú mega skrá sig en áður var það
skilyrði til að fá sig skráðan at-
vinnulausan að vera í stéttarfé-
lagi“.
Þama er skýringin komin. At-
vinnulausum hefur ekki fjölgað.
Það era bara fleiri sem skrá sig!
Þeir sem nú skrá sig í fyrsta skipti
og hafa þó áður verið atvinnulausir
era þess vegna ekki nýtt vandamál
eða merki um að atvinnulausum
hafi íjölgað. Þeir eru bara komnir
úr felum.
Hitt er sömuleiðis alvarleg mis-
notkun á kerfinu að nú eru ungar
konur farnar að skrá sig eftir
bamsburð. Þetta hafa þær aldrei
leyft sér áöur. Þórarinn segir að
þeim hafi fjölgað sem eru ungar og
eigi böm og láti skrá sig. Atvinnu-
leysiö stafar sem sagt ekki af því
að fleiri era atvinnulausir, heldur
því að ungum mæðrum hefur fjölg-
að. Það eru fleiri mæður sem eiga
börn! Atvinnuleysið er með öðrum
orðum vaxandi vegna fleiri bam-
eigna.
Þetta hefur auðvitað ekkert með
atvinnumarkaðinn að gera og segir
ekkert til um atvinnutækifærin.
Þetta er hins vegar skráning um
flölda barneigna og spurning hvort
leyfa eigi ungum mæðram að skrá
sig eftir barnsburð af því að þær
hafa ekki gert það áður í sama
mæli og er misnotkun á kerfinu.
Þær eru beinlínis að eiga börn til
að geta skráð sig atvinnulausar.
Þá má vefengja réttmæti talna
um atvinnulausa þegar fólk, sem
er utan stéttarfélaga, skráir sig at-
vinnulaust. Það fólk var ekki at-
vinnulaust samkvæmt gömlu taln-
ingunni af því að enginn er at-
vinnulaus ef hann er ekki í stéttar-
félagi. Og enginn er í stéttarfélagi
nema hann hafi atvinnu. Þar af
leiðandi er það ómark þegar þetta
fólk kemur aftan að Vinnuveit-
endasambandinu og Alþýðusam-
bandinu og er að abbast upp á
vinnumarkaðinn með því að segj-
ast núna fyrst vera atvinnulaust.
Það hefur í rauninni engan rétt til
þess og vafasamt að túlka vaxandi
atvinnuleysi með skráningu fólks
sem skráir sig þótt það sé ekki í
stéttarfélagi.
Atvinnuleysið hefur því ekki far-
iö versnandi, nema síður sé, vegna
þess að ef maður dregur barneigna-
fólkið frá og stéttleysingjana frá
hafa tölurnar ekki hækkað því
þetta fólk var allt atvinnulaust fyr-
ir eða þá er að eiga börn án þess
að hafa skráð sig áður en það átti
bömin.
Niðurstaðan er því sú aö atvinnu-
leysið hefur ekki aukist og engin
ástæða til að taka mark á nýrri
skráningu, sem er svindl hjá fólki
sem hefur verið atvinnulaust fram
að þessu og eru hópar sem líta á
sig sem atvinnulausa þótt þeir hafi
alltaf verið atvinnulausir. Svoleiðis
tölur eru ekki marktækar. Þaö er
ekkert leyndarmál, að mati Þórar-
ins V. Þórarinssonar.
Dagfari