Þjóðviljinn - 08.10.1983, Síða 4

4 SÍÐA - ÞJÓÐVlUlNN’ Helgih 8.-9. októbér 1983
kortið
Lækjartorg á fyrstu árum aldarinnar.
Bærinn fánum skrýddur, en ekki vitum við í
tilefni afhverju, kannski konungskomunni
1907. A miðju torgi er Thomsensbrunnur,
en hús Thomsensverslunar til hægri.
íslandsbanki og söluturninn til vinstri. Þá
sér lengst til hægri á brúna yfir lækinn fyrir
framan stjórnarráðshúsið og hlið á henni.
srra
Sá sem giftist vegna ástar,
nýtur hamingju um nœtur en
þjáistá daginn.
Rússneskt máltæki.
„Hitinn
úr hófi
keyrir“
Kvæði Jónasar Hallgrímssonar
um annes og eyjar eru sígild og ekki
of oft kveðin. Hér verða því rifjuð
upp tvö þeirra um Hornbjarg og
Suðursveit.
Hornbjarg
Yst á Hornströndum heitir
Hornbjarg og Kópatjörn.
Peir vita það fyrir vestan,
þar verpir hvítur örn.
Um sumarnótt, er sveimar
sól yfir norðurslóð
og þoka sígur um sjóinn,
hann situr rauður sem blóð.
Og örninn lítur ekki
oná hið dimma haf
og horfir í himinljómann.
Hafskipið sökkur í kaf.
Suðursveit
Suðursveit er þó betri
en Seltjarnarnesið var.
Taðan er töluvert meiri
og tunglið rétt eins og þar.
Hitinn úr hófi keyrir,
en honum uni ég þó.
Börnin hér bograst í skuggann
og blaðra sem hvolpa. í mó.
Og bæjardyraburstin
bér um, hvað margt sé féð:
Sex þúsund sauðarleggi
er Sigfús minn búinn með.
Þingmaður
í ellefu ár
nú leigu-
bílstjóri
Spjallað við Steingrím
Aðalsteinsson
Sennilega eru ekki margir fyrrverandi
alþingismenn sem eru leigubílstjórar á
götum Reykjavíkur. Þá er miklu frekarað
finnaíráðuneytum,
framkvæmdastofnunum eða
fógetastörfum. Einnerþósásemekur
leigubíl, og hann var alþingismaður í 11 ár
og forseti efri deildar í heilt kjörtímabil. Þetta
er Steingrímur Aðalsteinsson leigubílstjóri
hjá Hreyflí, fyrrverandi þingmaður
Sósíalistaflokksins og frægur maður úr
verkalýðsbaráttunni á Akureyri á
kreppuárunum. Steingrímur ók blaðmanni
og Ijósmyndara niður í bæ á fimmtudag og
tækifærið var notað til að spjalla við hann
um leigbílaakstur, þingmennsku og verka-
lýðsmál.
- Hvað ertu búinn að vera lengi í leigu-
bílaakstri, Steingrímur?
- Ég fluttist til Reykjavíkur 1949 og byrj-
aði þá strax að aka.
- Og hvernig er að aka núna miðað við
þá?
- Það er erfitt um allan samanburð. Gatn-
akerfið er miklu betra núna en bílafjöldinn
margfaldur og þrengslin því mjög erfið á
götunum t.d. á eftirmiðdögum á föstu-
dögum. Það eru hálfgerð vandræði að kom-
ast leiðar sinnar.
- Hvað um tekjuhliðina?
- Það er nú það. Menn halda að leigubíla-
akstur sé einhver uppgripavinna og er því
ákaflega mikil ásókn í hann. En það er nú
síður en svo nema með óhæfilegri vinnu. Ef
maður ætlaði að vinna 8 tíma á dag gæti
maður ekki lifað. Áður fyrr var ekki eins
mikil pressa á manni, hægt var að slá slöku
við stöku sinnum. Nú er vinnudagurinn lág-
mark tólf tímar. Ég er vanur að fara út um
7-leytið og aka fram að kvöldmat. En aðal-
uppgripin eru samt í næturakstrinum.
- Hvað ertu orðinn gamall?
- Ég varð áttræður í janúar síðastliðinn.
- Þið hafið engan lífeyrissjóð?
- Hann var stofnaður seint og er því mjög
fjárvana. Ég gekk ekki í hann því að ég er í
lífeyrissjóði alþingismanna og fæ einhverj-
ar greiðslur úr honum.
- Þykir ekkert einkennilegt að fyrrver-
andi alþingismaður sé leigubílstjóri?
- Égveitekki,þaðera.m.k. ekkihaftorð
á því.
- Laun alþingismanna voru ekki há þegar
þú varst á þingi miðað við það sem nú er.
- Nei, við fengum bara dagpeninga með-
an á þingtímanum stóð. Sá orðskviður gekk
um þingið að þeir væru bara fyrir eftirmið-
dagskaffi á Hótel Borg en bitlingarnir væru
til að lifa á.
- Fékkst þú ekki bitlinga?
- Ég hafði aldrei neitt af þeim að segja
enda sóttist ég ekki eftir þeim.
- Finnst þér æskilegt að þingmenn hafi
föst laun allt árið eins og nú er?
- Já, ég tel í raun og veru að það sé rétt að
því tilskildu að þeir haldi ekki öðrum
Íaunuðum störfum.
- Getur það ekki stuðlað að því að þing-
menn líti á starfið sem ævistarf?
- Þeir gerðu það áður hvort sem var.
- Hvað var eftirminnilegast meðan þú
sast á þingi?
- Ég tel mig lánsaman að hafa tekið þátt í
undirbúningi lýðveidisstofnunarinnar og
svo var gaman að vera með á nýsköpunarár-
unum. A öðrum tímum vorum við í stjórn-
arandstöðu og komum litlu fram. Það var
þreytandi.
Steingrímur: Sóttist aldrei eftir bitlingum. Ljósm.: eik.
- Hvernig líst þér á pólitíkina í dag?
- Ég öfunda ekki þá menn sem standa í
pólitískri baráttu í dag, hvorki okkar menn
né aðra.
- Af hverju ekki?
- Af því að það er svo erfitt að koma
nokkru góðu til leiðar. Það er sorglegt að
horfa upp á að stór hluti verkalýðshreyfing-
arinnar skuli styðja andstæðinginn við
kosningar.
- Það hefði líklega verið brugðist öðru vísi
við hér áður ef samningsrétturinn hefði ver-
ið afnuminn?
- Ég er ansi hræddur um að það hefði
kviknað í mörgum og þeir hefðu lagt niður
vinnu. Lífsstíllinn er bara sá núna að fólk
getur ekki leyft sér að hætta að vinna. Það
er svo yfirhlaðið skuldum.
- Ætlarðu að halda lengi áfram að aka?
- Ætli ég hætti ekki núna um áramótin.
- Og hvað tekur þá við?
- Ekki neitt nema hanga heima við. Ég
hef enga vinnu til að hlaupa í.
- Þú ætlar ekki að skrifa ævisögu þína?
- Það mun ég alls ekki gera.
- Hvers vegna ekki?
- Það ber hvort tveggja til að ég er minn-
islítill og hef ekki skrifað neitt hjá mér, sem
hefur borið við um árin, og svo finnst mér
það hálfgert snobb að gefa út sína eigin
ævisögu. Mér finnst hins vegar gaman að
lesa ævisögur annarra manna.
- Að lokum, Steingrímur. Hvernig leggst
framtíðin í þig?
- Ég hef aldrei verið spámaður, en hinu
treysti ég að verkalýðshreyfingin muni rísa
upp og hrinda þeim álögum sem hún býr nú
við.
-GFr
KeyHjauiit
Lslýartarg