Þjóðviljinn - 19.04.1984, Blaðsíða 12

12 SÍÐA — ÞJÓÐYILJINN Fimmtadagur 19. aprfl 1984
Iþróttir Víðir Sigurðsson
„Okkur gengur ágætlega
hérna hvað knattspyrnuna
varðar og stelpurnar í liðinu
hafa tekið okkur mjög vel.
Hins vegar hef ur fátt staðist
af því sem okkur var lofað
áður en við fórum út og f jár-
hagslega séð stöndum við
illa að vígi en við ætlum að
reyna að þrauka hér út
sumarið," sögðu Magnea
Magnúsdóttir og Brynja
Guðjónsdóttir landsliðs-
konur í knattspyrnu í samtali
við Þjóðviljann
Fátt hefur
staðist af
því sem lofað
var, en...
Magnea Magnúsdóttlr.
Brynja Guðjónsdóttlr
Rætt við Magneu
Magnúsdóttur
og Brynju
Guðjónsdóttur
sem leika
með Svíþjóðar-
meisturunum
í knattspyrnu
,yið ætlum að reyna að þrauka“
Þær Magnea og Brynja héldu til
Svíþjóðar um áramótin og gengu til
liðs við sjálfa Svíþjóðarmeistar-
ana, Öxabáck, sem hafa aðsetur í
Skene, litlum bæ skammt frá
Gautaborg. Öxabáck leikur í suð-
urriðli sænsku 1. deildarinnar, en
deildin er tvískipt og leika 12 lið í
hvorum hluta. Tvö efstu í hvorum
riðli komast í úrslit og leika um
meistaratitilinn að sjálfri deilda-
keppninni lokinni.
„Þjálfari félagsins lofaði því að
við fengjum á bilinu 18-25 þúsund
íslenskar krónur á mánuði í laun
fyrir vinnu sem félagið sæi okkur
fyrir, og það útvegaði okkur hús-
næði, galla og skó. Þetta reyndist
síðan allt á misskilningi byggt, fé-
lagið hafði aldrei lofað slíku, það
greiddi fyrir okkur húsaleigu fyrsta
mánuðinn en síðan ekki söguna
meir. Við erum í skóla fyrir útlend-
inga og verðum í honum út ágúst.
Sænska ríkið greiðir okkur laun á
meðan en þau eru aðeins um 8.000.
krónur íslenskar á mánuði og það
er erfitt að lifa af slíku, þótt fram-
færslukostnaður hér sé eitthvað
minni en heima. Við þurfum t.d.
að greiða tæpar 3.000 íslenskar
krónur hvor á mánuði í húsaleigu,
fyrir utan rafmagn og hita. Eiríkur
Þorsteinsson, fyrrum leikmaður
með Víkingi sem býr hér skammt
frá og Sigurður Hannesson, sem
þjálfaði okkur heima, hafa verið
okkur mjög hjálplegir í sam-
skiptum okkar við félagið og við
erum að vonast til að það útvegi
okkur minni íbúð, svona gengur
þetta ekki til lengdar, “ sögðu
Magnea og Brynja.
Samkeppnin um sæti í liði Öxa-
báck er mjög hörð, um 20 stúlkur
berjast um þau og ekkert er gefið
eftir. Magnea hefur að undanförnu
leikið sem vinstri bakvörður, lék
ávallt á miðjunni með Breiðabliki
og landsliðinu, og gerir sér góðr
vonir um að vera í byrjunarliðinu
þegar 1. deildarkeppnin hefst nú á
mánudaginn. Brynja hefur einnig'
talsvert leikið með en ekki í fastri
stöðu, hefur ýmist verið í framlínu
eða vörn en síðarnendu stöðuna
hefur hún leikið hingað til. Brynju
hefur tekist að skora í tveimur
leikjum, tvö gegn Öster fyrir
skömmu í 4-1 sigri og nú um síðustu
helgi eitt í 12-1 sigri í öðrum æf-
ingaleik.
„Þetta er mun erfiðara en við
bjuggumst við, æfingarnar eru stíf-
ar, mikil átök, og sumar stelpurnar
bókstaflega skríða að þeim lokn-
um,“ sögðu íslensku landsliðskon-
urnar.
Nokkrar breytingar hafa orðið á
liði Öxabáck síðan í fyrra, átta nýj-
ar stúlkur hafa bæst í hópinn, að
þeim Magneu og Brynju meðtöld-
um, en tvær úr meistaraliðinu eru
farnar. Þrátt fyrir að liðið sé Sví-
þjóðarmeistari, er aðeins ein
stúlka úr því með fast sæti í sænska
landsliðinu en þrjár aðrar eru í
landsliðshópnum. Svíþjóð á góða
möguleika á Evrópumeistaratitlin-
um, vann á dögunum ítali 3-2 á
útivelli í undanúrslitunum og dugir
jafntefli heima í síðari leiknum
þann 28. aprfl. Þetta er gott dæmi
um styrkleika sænskra kvenna-
knattspyrnu sem er einhver sú
besta í heimi. Takist þeim Magneu
og Brynju að halda velli og leika að
staðaldri með Öxabáck á komandi
keppnistímabili hlýtur það að telj-
ast vel af sér vikið og íslenskri
kvennaknattspyrnu til tekna.
-VS
Mikið um dýrðir í Englandi um páskana:
Liverpool gæti stung-
ið af og Wolves fallið
Körfustrákar í
V.-Þvskalandi
íslenska unglingalandsliðið í
körfuknattlcik eyðir páskunum
í Vestur-Þýskalandi þar sem
það tekur þátt í Evrópukeppn-
inni fyrir pilta fædda 1965-67.
Liðið leikur á geysisterkum
riðli og á vart sigurmögulcika,
nema helst gegn Skotum. Leikið
verður við V.-Þjóðverja á laug-
ardag, Tékka á páskadag, ísra-
eli á annan í páskum og loks við
Skota á miðvikudag.
Skíðamót íslands 1984 er hafíð.
Mótið var sett í íþróttahöllinni
glæsilegu á Akureyri í gærkvöldi og
nú í morgun kl. 9 hófst keppni í
stórsvigi karla og kvenna.
Kl. 11 byrjar skíðaganga. Keppt
verður í flokkum stúlkna 16-18 ára
3.5 km, kvenna 19 ára og eldri 5
km, pilta 17-19 ára 10 km og karla
20 ára og eldri 15 km. Dagskránni í
dag lýkur með fararstjórafundi kl.
17.
Á morgun, föstudaginn langa,
verður byrjað kl. 11 með boðgöngu
karla og kvenna en skíðaþing
veður haldið kl. 15.
Svig karla og kvenna er síðan á
dagskrá kl. 9 á laugardagsmorgun-
inn. Skíðastökkið tekur síðan við
kl. 13.
Þróttur vann
í Reykjavíkurmótinu í knattspyrnu
var háður einn leikur í fyrrakvöld.
Þróttur vann öruggan sigur á Ar-
manni 4-0.
Akureyri er miðpunktur tilverunnar
hjá skíðamönnum um páskana.
Mótinu lýkur á sunnudag. Kl. 10
fer fram flokkssvig karla og kvenna
en kl. 11 hefst keppni í þeim flokk-
um skíðagöngunnar sem eftir
verða. Það eru 5 km ganga 16-18
ára stúlkna, 7,5 km ganga kvenna
19 ára og eldri, 15 km ganga 17-19
ára pilta og 30 km ganga karla 20
ára og eldri. Mótsslit verða síðan
kl. 20 um kvöldið í Sjallanum en á
þeim landsfræga skemmtistað
verða kvöldvökur og dansleikir þá
daga sem mótið stendur yfir.
Aftur skellur
hjá piltunum
íslenska piltalandsliðið í blaki beið
öðru sinni 0-3 ósigur í landsleik við
Færeyjar þegar þjóðirnar mættust
í Digranesi í Kópavogi seint í fyrra-
kvöld. Sem í fyrsta leiknum var
sigur færeysku piltanna mjög
sannfærandi, hrinurnar enduðu
15-10, 15-10 og 15-12.
Þegar páskar ganga í garð er
mikið um dýrðir hjá enskum
knattspyrnumönnum, og ekki síst
hjá þeim sem vellina stunda. Tvær
heilar umferðir eru leiknar í öllum
deildum ensku knattspyrnunnar,
og að þeim loknum mun hvert lið
aðeins eiga eftir að leika fjóra leiki,
örfá fleiri. Eftirtaldir leikir eru á
dagskrá um páskana í 1. deild:
18. apríl:
Leicester-Liverpool
Laugardagur:
Arsenal-Tottenham
Aston Villa-Watford
Liverpool-WBA
Luton-Notts County
Manch.Utd-Coventry
Norwich-Stoke
Nottm. For-Birmingham
QPR-Leicester
Southampton-West Ham
Sunderland-Everton
Wolves-lpswich
Annarí páskum:
Birmingham-Aston Vilia
Everton-Wolves
Ipswich-Norwich
Stoke-QPR
WBA-Sunderland
Þriðjudagur:
Watford-Southampton
Búið er að leika fjóra leiki sem
tilheyrðu páskahrotunni, þeim var
flýtt af ýmsum ástæðum. Staða
efstu og neðstu liða fyrir þessa mik-
ilvægu leiki er þessi:
Liverpool.....35 20 9 5 59-26 69
Manch.Utd.....36 19 11 6 64-34 68
Nottm.For.....36 18 7 11 61-40 61
Q.P.R.........36 18 6 12 56-31 60
Ronnie Whelan og félagar í Li-
verpool gætu farið langt með að
innbyrða meistartitilinn um
páskana.
Southampton...34 17 8 9 44-33 59
WestHam........36 17 7 12 58-46 58
WBA............35 12 7 16 40-52 43
Sunderland.....36 10 12 14 35-47 42
Stoke..........36 11 8 17 35-58 41
Ipswich........36 10 7 19 43-53 37
NottsCo........35 9 9 17 42-60 36
Wolves.........35 5 9 21 26-67 24
Eins og sést á þessu, gæti ýmis-
legt ráðist um páskana. Vinni Li-
verpool t.d. báða sína leiki, blasir
meistaratitillinn við liðinu eina
ferðina enn. Wolves verður fallið í
2. deild á mánudagskvöld, tapist
leikirnir gegn Ipswich og Everton.
Þegar þessir leikir verða um garð
gengnir, eiga Liverpool og Manch.
Utd. eftir að leika fimm leiki hvort.
Þeir eru eftirtaldir:
Liverpool: Ipswich, Coventry og
Norwich á heimavelli, Birming-
ham og Notts County á útivelli.
Manch.Utd: West Ham og
Ipswich á heimavelli, Everton,
Nottm.For. og Tottenham á úti-
velli.
Prógramm Liverpool er mun
léttara á pappírunum þannig að
flest bendir til þess að meistaratit-
illinn hafni á Anfield eina ferðina
énn. Allt getur þó gerst, og það
þarf aðeins ein eða tvenn óvænt
úrslit um páskana til að gera ómark
úr öllum spádómum.
Neðstu lið munu eiga eftirtalda
leiki eftir að páskum afstöðnum:
WBA: Southampton, Arsenal og
Luton heima, QPR og Wolves úti.
Sunderland: Birmingham og
QPR heima, Ipswich og Leicester
úti.
Stoke: Southampton og Wolves
heima, Nottm.For. og Luton úti.
Ipswich: Aston Villa og Sunder-
land heima, Liverpool og Man.
Utd. úti.
NottsCo: Liverpool, QPR, Wol-
ves og Southampton heima,
A.Villa og Sunderland úti.
Wolves: Leicester og WBA
heima, Watford, Stoke og Notts
Co. úti.
Skíðamót íslands
komið í gang
-vs