Þjóðviljinn - 19.04.1984, Blaðsíða 18

18 SÍÐA — ÞJÓÐVILJíNN ' Fimmtudagur 19. apríl 1984
f ram og
Páskar í
Galilea 16 árum áður
ert Kristur fœddist
ísak hlakkaði til páskanna. Þá var
alltaf haldin hátíð hjá fólkinu hans. Þau
bjuggu í tjöldum úti á sléttunum og
færðu sig til svo að kindurnar þeirra
hefðu alltaf nóg af grasi að bíta. Þau
áttu stóra hjörð af kindum og oftast
feykinógum mat. En síðustu 5 mánuði
höfðu allar kindurnar verið með lömb í
sér og þá mátti ekki slátra þeim. ísak
hafði því ekki bragðað nýtt kjöt lengi
og engan nýjan mat. En nú voru lömb-
in byrjuð að fæðast og um páskana var
slátrað fyrsta lambinu, týnd fyrstu
blómin og fyrstu ávextirnir af trjánum.
Já, páskarnir voru mikil hátíð.
Þýskaland árið 1527
eftir Krist
Eiríkur vaknaði eldsnemma á páska-
dagsmorgun. Nú var hann orðinn nógu
stór til að stjórna leitinni í skóginum.
Áður hafði mamma alltaf farið með
þeim, svo að þau villtust ekki. Hún
hjálpaði þeim ekkert að finna páska-
eggin, hún var bara að tína blóm. Og
þegar þau fundu hreiður, kom hún til
að minna þau á að fara varlega og að
taka aðeins tvö egg úr hverju hreiðri.
Nú átti Eiríkur að sjá um allt þetta,
passa litlu krakkana, finna hreiður og
gæta eggjanna. Allt í einu fannst hon-
um að hann væri orðinn fullorðinn. Æ,
nei vonandi ekki alveg strax. Það var
allt of erfitt og leiðinlegt.
Mamma sagði honum frá borginni
þar sem hún bjó, þegar hún var lítil
stúlka. Þar var enginn skógur svo að
páskahérinn kom með egg handa öllum
krökkum í borginni og faldi þau úti í
garði.
Páskar - yndislegur tími. Blóm-
skraut í húsinu, hérakjöt í matinn og ný
egg úr skóginum. Vorið var loksins
komið.
ísland árið 1984
Elín mundi ekki strax, hvað átti að
gerast í dag. En það var örugglega
eitthvað skemmtilegt, eitthvað sem
eHed li»
Þýskaland árið 1527.
2000 ár
hún hafði hlakkað til. Það var eins og
hundrað fiðrildi væru að fljúga um inni
í maganum á henni.
Páskar - páskaegg.
Já, einmitt. Og þau ætluðu að vera á
skíðum í allan dag. Frábært.
Elín settist upp í rúminu. Páskaeggið
stóð á borðinu við rúmið en Elín hafði
lofað að snerta það ekki fyrr en eftir
morgunmat. f fyrra borðaði hún heilt
egg um leið og hún vaknaði og var svo
með niðurgang allan páskadaginn. Þá
er nú ekkert gaman að fara á skíði.
Oh, verst að geta ekki bara fengið
sér súrmjólk og byrjað svo á egginu.
Pabbi og mamma vildu endilega að allir
borðuðu saman páskamorgunverð.
Þau voru búin að skreyta borðið og
kaupa fullt af góðum mat. Hvenær
skyldu þau vakna - örugglega ekki
nærri því strax. Hún þarf örugglega að
bíða í marga klukkutíma eftir því að fá
að borða eggið sitt.
Hún tók eggið og skoðaði það... það
gerði kannski ekkert til að borða bara
skrautið utan á því... hún mátti nú al-
veg kíkja á málsháttinn...
Klukkutíma seinna kom pabbi til að
bjóða Elínu góðan dag og gleðilega
páska. í rúminu lá 5 ára gömul stúlka,
steinsofandi - hún var öll útötuð í súkk-
ulaði og með sælubros á vör.
Hún hafði ekki einu sinni borðað
helminginn af egginu!
Sagan af
honum Albert
Eins og þið kannski vitið, þá skuldum við íslendingar helling
af peningum í útlöndum. Aumingja Albert Guðmundsson, sem
er fjármálaráðherra núna og passar peningana fyrir okkur,
hann fær aldrei frið fyrir öskureiðum bankastjórum, sem
heimta borgun og það strax. Albert er þess vegna á stöðugum
þeytingi út um allan heim til þess að segja köllunum hvað við
eigum bágt hérna á íslandi. Állur fiskur er að verða búinn úr
sjónum og við getum bara alls ekki borgað.
Svo kom hann í vinnuna um daginn og hvað sá hann? Hrúgur
af seðlum á skrifborðinu sínu og miði ofan á. Þar stóð:
Við fundutn þorsk á Vestfjarðamiðum.
Nú getur þú borgað styuldir.
Kveðja,
Sjómenn.
Nú Albert dró upp listann yfir þá allra reiðustu. Þeir reyndust
vera 12, frá 12 löndum. Hann ákvað að borga svolítið á hverjum
stað. Þá þurfti hann að vita hvaða peningar eru notaðir í hvaða
landi fyrir sig. Skrifstofumaðurinn sem náði í listann fyrir hann
hafði ruglað öllu saman svo Albert varð að raða öllu upp á nýtt.
Getur þú hjálpað kallgreyinu?
Listi yfir
ríki og
gjaldmiðla:
1. Danmörk
2. Spánn
3. England
4. Finnland
5. Ítalía
6. Grikkland
7. Indland
8. Mexico
9. Bandaríkin
10. Sovétríkin
11. Holland
12. Japan
1. Líra
2. Dollar
3. Pesetar
4. Gyllini
5. Rúblur
6. Finnmörk
7. Drachma
8. Pesos
9. Pund
10. Rupiur
11. Yen
12. Krónur
ll'Zl ‘h-TI ‘g-oi ‘Z-6
‘8-8 ‘01 -L ‘Z.-9 ‘IS
‘9-h ‘6-e ‘£-Z ‘zi-i
:Joas
Skrýtlur
Þetta gerðist í heimavistar-
skóla. Skólanefndin var þang-
að komin til að líta eftir skóla-
starfinu, og skólastjórann
langaði til að sýna hvað nem-
endurnir gætu.
„Jæja, Guðjón, hver orti
Passíusálmana?“
Drengurinn svarar í mesta
fáti: „Eg segir ykkur alveg
satt. Það var ekki ég.“
Þá reis skólanefndarfor-
maðurinn úr sæti sínu og
mælti: „Kallið aftur á dreng-
inn. Mér líst ekki vel á hann,
og það má mikið vera ef hann
hefur ekki gert það þó að
hann þræti.“
„Mamma, við erum í skóla-
leik“, sagði Sigga litla.
„Þá vona ég, að þú kunnir
að hegða þér sæmilega,“ sagði
mamma hennar.
„Ég þarf ekkert að hegða
mér vel, ég er kennarinn.“