Þjóðviljinn - 24.03.1985, Blaðsíða 4

Á BEININU
I \/fin-
prófið
Alfreð Þorsteinsson,
formaður lyfjaeftirlitsnefndar
Iþróttasambands íslands, og
ÓlafurSigurgeirsson
formaður nýstofnaðs
kraftlyftingasambands (að
mati ISÍformaður
kraftlyftinganefndar Lyftinga-
sambands íslands) eru báðir
á beininu í dag. Lyfjanotkun
íslenskra kraftlyftingamanna
og stofnun
kraftlyftingasambandsins eru
í brennidepli - allt bendir til að
Jón Páll Sigmarsson verði
dæmdur í tveggja ára
keppnisbann fyrir að mæta
ekki til lyfjaprófs sem Ólafur
neitaði að boða hann í.
Ólafur Sigurgeirsson
„Lyfjanotkun þekkist
ekki nú á dögum“
Alfreð Þorsteinsson
„Próf er eini
mœlikvarðinn"
Ert þú að halda hlífiskildi yfir Jóni Páli .
Sigmarssyni og neyslu ólöglegra lyfja hér-
lendis?
Nei! Jón Páll er besta dæmi um
heilbrigðan íþróttamann sem nær með
svita sínum settum markmiðum.
Óheilbrigt líferni eða skyndiárangur er
ekki að hans skapi.
Nota íslenskir kraftlyftingamenn
ólögleg lyf?
Nei! íslenskir kraftlyftingamenn þurfa
ekki að sanna hreinleika sinn með lyfja-
prófum. Þau hafa margoft verið tekin og
jafnan reynst neikvæð. Þeir sanna mál sitt
með góðri heilsu og afbragðs andlegu og
líkamlegu heilbrigði.
Hvers vegna neitaðir þú að boða Jón Pál
Sigmarsson í lyfjapróf?
Þar sem Jón Páll gekk við heimkomu
sína erlendis frá inní nýstofnað kraft-
iyftingasamband, sem stóð utan við ÍSÍ,
taldi ég að besti þrýstingur á ÍSÍ um að
stofnað yrði fyrir okkur sérsamband væri
að hundsa lögsögu þeirra.
Jón Páll var boðaður áður en hið nýja
kraftlyftingasamband var stofnað. Heyrði
hann þá ekki undir ISÍ á þeim tíma?
Sú boðun fór í póstkassa Lyftingasam-
bands íslands og barst Jóni Páli aldrei,
hún tókst ekki. Jón Páll hefur sjálfur
aldrei verið boðaður í lyfjapróf. ÍSI sam-
þykkti forföll hans og þau voru þar með
lögleg, og síðan var sent nýtt boð þegar
hann kom heim. Ég skil ekki hvers vegna
ÍSÍ ætlar að hanga á þessu fyrra boði sem
aldrei barst.
Hvers vegna rufu kraftlyftingamenn sig
frá lyftingasambandinu einmitt á þessum
tima, eftir að boðað hafði verið til lyfja-
prófs?
Það var langur aðdragandi að stofnun
sérstaks kraftlyftingasambands. Ágrein-
ingur hafði verið í gangi í allmörg ár og
hann Ieiddi til þess að uppúr sauð á fundi
LSÍ þann 28. febrúar. Lyftingamenn voru
í meirihluta í stjórn LSÍ og ákváðu að
hætta afskiptum af kraftlyftingum. ÍSÍ var
strax tilkynnt um þessa ákvörðun okkar
en viðbrögðin voru engin. Fyrirhugað
íslandsmót þann 2. mars gerði það að
verkum að nauðsynlegt var að stofna
kraftlyftingasambandið strax, til bráða-
birgða.
Var klofningurinn ekki til kominn
vegna lyfiaprófsins?
Torfi Olafsson var búinn að skila inn
sínu þvagsýni. Jón Páll var staddur í við-
skiptaerindum erlendis. Áttum við að
giska á að Jón Páll vildi eða vildi ekki láta
taka af sér lyfjapróf og gátum við þá farið
að grípa til aðgerða til að losa um hann?
Alfreð Þoi steinsson segir að þið hafið
frestað íslandsmóti 1982 þar sem þar átti
að lyfjaprófa, þrír hefðu hætt við þátttöku
í Sweden Cup þar sem þar átti að lyfja-
prófa, og að nú séuð þið að reyna að losa
ykkur útúr ÍSÍ til að losna við lyfjapróf.
Er þetta rétt?
Þetta er fullkomlega í stfl við Alfreð
Þorsteinsson - hann er fullur grunsemda í
okkar garð. íslandsmótinu 1982 var frest-
að þar sem íþróttahúsið var tekið af okkur
á síðustu stundu. Þá féll faðir formanns
LSÍ frá og í heild hefur þetta mál verið
skýrt fullkomlega af hálfu lyftingasam-
bandsins. Þetta með Sweden Cup - ÍSÍ
vildi tryggja að árangur lyftingamanna
sem valdir yrðu fyrir Ólympíuleika næðist
á lyfjaprófuðu móti. Nokkrum mánuðum
fyrir mótið var tilkynnt um þrjá íslenska
keppendur en í millitíðinni hættu tveir
þeirra að æfa lyftingar og einn varð fyrir
meiðslum og fór síðan yfir í kraftlyftingar.
Við erum ekki að losa okkur útúr ÍSÍ til að
losna við lyfjapróf. Okkar heitasta ósk
hefur lengi verið að stofnað verði sérstakt
samband fyrir okkur innan ÍSÍ og því grip-
um við til þessa neyðarúrræðis. Við getum
sannað alla okkar viðleitni í því sambandi.
Hvernig?
Hermann Guðmundsson framkvæmda-
stjóri ÍSÍ og fleiri fara varla að neita því að
við höfum margoft rætt við þá. Þeir vilja
hins vegar hafa okkur innan LSÍ, það er
ódýrara fyrir þá.
Um hvað snýst þetta mál í raun og veru
- um lyfjanotkun íslenskra íþróttamanna
og þá kraftlyftingamanna, eða um laga-
lega hlið við stofnun kraftlyftingasam-
bandsins?
Lyfjanotkun íslenskra íþróttamanna
þekkist ekki nú á dögum - ég er
sannfærður um það. Eina deilan sem er í
gangi nú er um það hvort stjórnarskráin
íslenska - borin saman við íþróttalög -
veiti okkur rétt til að starfa óbundnir að
árangri okkar íþróttar.
Nú eruð þið komnir útúr ISI að ykkar
mati. Eigið þið þangað afturkvæmt?
Svona mál getur skilið eftir sig sár og
tortryggni sem erfitt verður að græða.
Næst á dagskrá hjá okkur er að halda
veglegt íslandsmót - kraftlyftingasam-
bandið mun halda það eitt og óstutt!
Þú segir orðrétt í greinargerð sem barst
okkur í hendur að Alfreð Þorsteinsson og
hans hyski muni fara útúr þessu máli með
öngulinn í rassinum. Ertu fullviss um
það?
Ekki í minnsta vafa - íþróttadómstóll
ÍSÍ hlýtur að vera hlutlaus og skoðar þá
væntanlega málið frá lögfræðilegu sjónar-
miði, óháð vilja stjórnar ÍSÍ. Það er mikil
skömm fyrir Álfreð Þorsteinsson að hafa
staðið að málatilbúnaði sem skerðir æru
Jóns Páls Sigmarssonar jafnmikið og orð-
ið er.
-VS
Nota íslenskir kraftlyftingamenn
ólögleg lyf?
Um það get ég ekki fullyrt, það er erfitt
að segja til um það með vissu nema að þeir
mæti til lyfjaprófs. Grundvallaratriðið er
að þeir gangist undir próf, það er eini
mælikvarðinn sem hægt er að nota. Með-
an þeir mæta ekki eru efasemdir uppi.
Torfi Ólafsson kraftlyftingamaður var
meðal þeirra sem gengust undir lyfjapróf-
ið í síðasta mánuði. Er hann þá sá fyrsti?
Ég er ekki alveg klár á hverjir eru í
ólympískum lyftingum og hverjir í
kraftlyftingum. En engir hafa komið fyrr
til okkarsem kraftlyftingamenn, þeir hafa
einhverjir komið meðan þeir voru í ólym-
pískum lyftingum.
Er Ólafur Sigurgeirsson að halda hlífi-
skildi yfir Jóni Páli Sigmarssyni og neyslu
ólöglegra lyfja hérlendis?
Það vona ég svo sannarlega ekki. Ég
vona að það sem Ólafur Sigurgeirsson er
að gera séu mistök og að hann átti sig ekki
á hversu alvarlegt mál er að neita að gang-
ast undir lyfjapróf.
Nær lögsaga ÍSÍ ótvírætt yfir Jóni Páli í
þessu máli?
Tvímælalaust. í fyrsta lagi þá var Jón
Páll kallaður inn áður en
kraftlyftingasambandið var stofnað, á því
er enginn vafi. í öðru lagi er kraftlyftinga-
sambandið sem slíkt ólöglegt að mati ÍSÍ.
Lyftingasamband íslands er eini aðilinn
sem fer með mál lyftingamanna hér á
landi. ÍSÍ hefur lögsögu yfir LSÍ og þar
með lögsögu yfir íslenskum kraftlyftinga-
mönnum.
En á ekki kraftiyftingasamband rétt á
sér?
Ég skal ekki leggja dóm á það, en rök
eru fyrir því að greinarnar tvær séu að-
skildar og ég er ekki á móti því, svo fram-
arlega sem löglega er staðið að málum.
Lyftingasambandið getur ekki afsalað sér
afskiptum af kraftlyftingamönnum einn
góðan veðurdag, lög þess banna það. Við
vitum að innan LSI eru skiptar skoðanir
og þar hefur verið viðhöfð ákveðin verka-
skipting - Ólafur Sigurgeirsson hefur ver-
ið formaður kraftlyftinganefndar LSÍ. Ég
er ekki á móti nýju sambandi ef það er
löglega stofnað - en þarna brýtur Ólafur
Sigurgeirsson, sem er titlaður lögmaður,
ölljög.
Ólafur segir að kraftlyftingamennirnir
Torfi og Jón Páll hafi verið vaidir sérstak-
lega til lyfjaprófsins á mcðan útdráttur
hafi verið látinn ráða um fulltrúa annarra
íþróttagreina. Er þetta rétt?
Þetta er alrangt. Sömu grundvallarat-
riði voru lögð til hliðsjónar þegar íþrótta-
mennirnir voru valdir. Ég get ekki upplýst
nákvæmlega hvernig að þessu er staðið en
það er á hreinu að sömu reglur giltu þarna
um iyftingamenn og aðra íþróttamenn.
Um hvað snýst þetta mál í raun og veru
- um lyijanotkun íslenskra íþróttamanna,
og þá kraftlyftingamanna, eða um laga-
lega hlið stofnunar kraftlyftingasam-
bands?
Það er svo víðsfjarri að þetta mál snúist
um stofnun kraftlyftingasambands - það
kemur þessu máli ekkert við, nema þá á
síðari stigum þess. Þegar íþróttamennirn-
ir 13 voru valdir fyrir lyfjaprófið var ekk-
ert kraftlyftingasamband til. Þeir voru
boðaðir 19.-20. febrúar en sambandið
varð til síðar.
Var kraftlyftingasambandið stofnað til
að hylma yfir Jón Pál Sigmarsson eða
aðra kraftlyftingamenn?
Ég vil ekki leggj a dóm á það. Ég veit að
hugmyndir voru uppi um aðskilnað. Það
er umræða um þetta í gangi, ég ætla ekki
að segja til um það - en það hittist nú
svona á....
Ólafur segir að þú munir fara með
öngulinn í rassinum útúr þessu máli. Er
hætta á því?
Við skulum spyrja að leikslokum.
Svona gífuryrði dæma sig sjálf og ég ætla
ekki að fara niður á þetta plan. Ég vil taka
fram að þetta er hvorki prívatmál mitt né
lyfjanefndar ÍSÍ. Nefndin er að fram-
kvæma ákveðna stefnu sem öll íþrótta-
hreyfing á íslandi stendur á bakvið. Það er
stefna ISÍ að berjast gegn því að ólögleg
lyf séu notuð af íslenskum íþrótta-
mönnum - og um það snýst þetta mál.
-VS
4 SÍÐA - ÞJÓÐVILJINN Sunnudagur 24. mars 1985