Þjóðviljinn - 13.04.1985, Síða 4

LEIÐARI
Virðisaukaskattur er vondur skattur
Eitt þeirra atriöa sem ríkisstjórnin kvaöst
myndu beita sér sérstaklega fyrir þegar ráöstaf-
anir í efnahagsmálum voru kynntar í febrúar-
byrjun var að taka upp virðisaukaskatt í staö
söluskatts. Fyrir þinginu liggur nú frumvarp um
þetta efni.
Því miður er ekki hægt aö segja annað en
þetta frumvarp mun ekki veröa til þess að létta
byrðar launafólks í landinu. Auðsætt virðist að
upptaka virðisaukaskatts muni hafa í för með
sér umtalsverða færslu á skattbyrði frá fyrir-
tækjunum til neytenda, sérílagi lágtekjufólks.
Af þessum sökum hefur bæði Stéttarsam-
band bænda og ASÍ lagst gegn frumvarpinu.
í ítarlegri umsögn frá miðstjórn ASÍ er bent á
helstu gallana sem virðisaukaskattur í stað
söluskatts mun hafa í för með sér. Þar er bent á,
að með upptöku hans myndi skattbyrði atvinnu-
rekenda léttast um sem svarar til fimmtungs
söluskatts sem lagður er á í dag. Samkvæmt því
myndi sparnaður atvinnurekenda jafnoka
tveimur miljörðum króna á ári. Til að menn
geri sér grein fyrir hversu mikil þessi upphæð
er, þá má nefna að allur tekjuskattur einstak-
linga, þegar búið er að draga frá barnabætur og
persónuafslátt, eru rétt röskar 1700 miljónir.
Samkvæmt frumvarpinu mun ríkissjóður
bæta sér upp tekjutapið sem hlýst af sparnaði
atvinnurekenda með því að fella niður undan-
þágur frá söluskatti sem varða ýmsar nauðsynj-
avörur. Að því er segir í greinargerð með frum-
varpinu um virðisaukaskattinn mun þetta þýða
að matvæli munu hækka um hvorki meira né
minna en 18,9 prósent. Sú hækkun myndi
auðvitað koma langverst niður á barnafólki og
stórum fjölskyldum.
Orkukostnaður vegna húshitunar er í dag
undanþeginn söluskatti en virðisaukaskattur
mun hins vegar koma á hann verði frumvarpið
að veruleika og húshitunarkostnaður því hækka
í samræmi við skattprósentuna.
Byggingarkostnaður íbúðarhúsnæðis - sem
er ærinn fyrir - myndi jafnframt hækka um nær-
fellt 8 prósent, en hins vegar myndi byggingar-
kostnaður atvinnuhúsnæðis lækka!
Samkvæmt áliti miðstjórnar ASI munu þær
hækkanir sem myndu fylgja í kjölfar virðisauka-
skatts leiða til þess að lágtekjufólk myndi mæta
verðlagshækkunum sem næmu sex prósent-
um. Á sama tíma spara hins vegar atvinnurek-
endur sér heila tvo miljarða.
Það þarf því ekki að fletta neinum blöðum um
það, að virðisaukaskattur mun fela í sér tals-
verða tilfærslu á fjármunum frá lágtekjufólki yfir
til atvinnurekenda. Því er einfaldlega ekki hægt
að una. Nógar eru byrðar þess samt.
Þjóðviljinn tekur því heils hugar undir mót-
mæli miðstjórnar ASÍ og Stéttarsambands
bænda gegn frumvarpinu um virðisaukaskatt-
inn. Yfirvöldum væri nær að herða innheimtu
söluskatts og tryggja betri skattaskil fyrirtækja,
einsog bent er á í umsögn ASÍ.
Virðisaukaskattur er ranglátur skattur.
Burt með þau!
Það hefur tæpast farið fram hjá neinum, að
bankaráð ríkisbankanna hafa ákveðið að
greiða bankastjórum ríkisbankanna 450 þús-
und krónur, sem þar að auki átti að verðtryggja
með lánskjaravísitölu (I), til að kaupa bifreiðar
handa sjálfum sér. í ofanálag fá svo bankastjór-
arnir rekstrarkostnað bifreiðanna greiddan.
Þessi samþykkt er ótrúlega ósvífin. Á meðan
almenningur hefur sætt gífurlegri kjaraskerð-
ingu fá bankastjórar afhenta á silfurfati upphæð
sem svarar til hartnær þriggja lágmarkslauna
verkafólks.
Þetta er ekkert annað en storkun við launa-
fólk. Þessi ákvörðun er siðlaus og í alla staði
vítaverð. Þjóðviljinn átelur harðlega þá sem að
þessari ákvörðun stóðu, hvar í flokki sem þeir
standa. Það er krafa allra ærlegra manna að
þessi siðlausu fríðindi bankastjóranna verði
afnumin þegar í stað.
-ÖS
Ó-ÁUT
„Það minnist enginn á það hvað
við bankastjórar þurfum að
borga í stöðumæla!”
DJODVIUINN
Málgagn sósíalisma, þjóðfrelsis
og verkalýðshreyfingar
Utgefandi: Útgáfufélag Þjóðviljans.
Rltstjórar: Árni Bergmann, Össur Skarphéöinsson.
Rltstjórnarfulltrúl: Oskar Guðmundsson.
Fróttastjóri: Valþór Hlöðversson.
Blaðamenn: Aðalbjörg Óskarsdóttir, Álfheiður Ingadóttir, Guðjón
Friðriksson, Helgi Guðmundsson, Lúðvík Geirsson, Magnús H. Gísla-
son, Mörður Árnason, ólafur Gíslason, Sigurdór Sigurdórsson,
Víðir Sigurðsson (íþróttir).
Ljósmyndir: Einar Ólason, Einar Karlsson.
Útlit og hönnun: Filip Franksson, Þröstur Haraldsson.
Handrita- og prófarkalestur: Andrea Jónsdóttir, Elías Mar.
Framkvœmdastjóri: Guðrún Guðmundsdóttir.
Skrifstofustjóri: Jóhannes Harðarson.
Skrifstofa: Guðrún Guðvarðardóttir, Magnús Loftsson.
Útbreiðslustjóri: Sigríður Pétursdóttir.
Auglýsingastjóri: Ragnheiður Óladóttir.
Auglysingar: Anna Guðjónsdóttir, Ásdís Kristinsdóttir,
Hreiðar Sigtryggsson.
Afgreiðslustjóri: Baldur Jónasson.
Afgreiðsla: Bára Sigurðardóttir, Kristín Pétursdóttir.
Símavarsla: Margrét Guðmundsdóttir, Sigríður Kristjánsdóttir
Húsmæður: Bergljót Guðjónsdóttir, Ólöf Húnfjörð.
Innheimtumenn: Brynjólfur Vilhjálmsson, Ólafur Björnsson
Bílstjóri: ólöf Sigurðardóttir.
Útkeyrsla, afgreiðsla, auglýsingar, ritstjórn:
Síðumúla 6, Reykjavík, sími 81333.
Umbrot og setning: Prentsmlðja Þjóðviljans hf.
Prentun: Blaðaprent hf.
Verð í lausasölu: 30 kr.
Sunnudagsverð: 35 kr.
Áskriftarverð ó mónuði: 330 kr.
Afgreiðsla blaðsins er opin á laugardögum
frá kl. 9 til 12, beinn sími: 81663.
4 SÍÐA - ÞJÓÐVILJÍNN Laugardagur 13. apríl 1985