Þjóðviljinn - 23.05.1985, Blaðsíða 12

GARÐAR OG GRÓÐUR
Uppbygging safnhauga

Niels Busk: „Eins og þið sjáið þá er komin hér fyrirtaks mold"

BLÓMABÆKUR MÁLS OG MENNINGAR
irilTHCflD
KAlIUuAn
OG ÞYKKBLÖÐUNGAR
í glugga og gróðurhús
Graslaukur
Nafnið Allium mun að því er
best er vitað vera gamalt latneskt
nafn á hvítlauk. Alls eru þekktar
rúmlega 300 Allium-tegundir,
ein af þeim er graslaukur.
Þessa tegund þarf varla að
kynna fyrir lesendum, svo al-
gengur er hann hérlendis. Það má
kalla graslaukinn heimsborgara,
hann er ættaður frá Síberíu,
Austur-Evrópu, Japan og
Norður-Ameríku. Ýmis afbrigði
hafa verið aðgreind, en flest eru
þau svipuð aðaltegundinni. Hér-
lendis er graslaukurinn ákaflega
harðgerður og sættir sig nánast
við hvað sem er. Hann vill þó
helst fá að vera í friði eftir að
hann hefur komið sér fyrir.
Niels Busk
gefur uppskrift
af hvernig réttur
safnhaugur á að vera
Hvernig væri að spara
áburðarkaup eitt vorið og
búa til sinn eigin áburð. Það
þarf engan tilkostnað, að-
eins nýtni nú a síðustu og
verstu tímum. Ég hitti Niels
Busk sem er garðyrkju-
meistari Heilsuhælisins í
Hveragerði og gaf hann mér
uppskrift af safnhaug.
Sú besta næring sem við getum
veitt gróðrinum er mold úr góð-
um safnhaug, það eina sem þarf
að gera er að setja alLan úrgang
sem til fellur úr garðinum, svo
sem lauf, hey, arfa, ogm.fl., gott
er að blanda saman við þetta
hrossaskít, fiskimjöli og kalki og
erum þá komin með fyrirtaks
blöndu.
Rétta leiðin við gerð þessara
hauga er að þeir halli upp á við,
það má ekki láta þá vera í friði,
það verður að moka eða stinga þá
upp öðru hvoru til að tryggja að
umsetningin verði örari. Ef mað-
ur er nógu duglegur við að moka
hann upp og láta loft leika vel um
hauginn, þá tryggir maður sér
frískan og góðan áburð með fullt
af gagnlegum bakteríum sem
geta herjað á þær skaðlegu. í
þeim haugum þar sem umsetning
er góð þarf ekki að taka lengur en
3-4 mánuði til að framleiða gagn-
legan áburð.
Síðan er moldin sem hefur
myndast úr garðúrganginum látin
í beðin eða í matjurtagarðinn og
best er að þekja með 3-4 cm
þykku lagi yfir jarðveginn.
Það er reginmisskilningur að
ætla sér að fá góða næringu í
garðinn úr lokuðum haug, en
margir safna garðúrgangi í lok-
aða kassa, og láta síðan úr-
ganginn liggja í nokkur ár, þá er
Iitli garðyrkjumaðurinn aðeins
að koma sér upp forða af klóak-
bakteríum. -SP.
©
Hentug hjólarenna
í kjallaratröppurnar
Allir kannast við hvað það get-
ur verið erfitt að koma hjólinu
upp og niður kjallaratröppurnar,
ekki síst fyrir þá yngstu í fjöl-
skyldunni. Þeir sem kraftana
hafa freistast oft til að bera hjólið
og ata þá fötin sín gjarnan út í
smurningi. Afleiðingin er að
hjólið er skilið eftir úti og einn
góðan veðurdag er það trúlega
horfið!
Hjólabretti eins og hér er sýnt
er ágæt lausn og einföld og ef það
er barnavagn, sem þarf að geyma
í kjallaranum, þá verða brettin
bara að vera tvö!
í hjólabrettið má nota óunnið
útitimbur, 2,5 sinnum 15 cm en
lengdarmetrinn kostar 32-49
krónur eftir gæðum. Eins og
teikningin sýnir eru borðin þrjú í
sömu lengd og tröppurnar eru.
Eitt er reist upp á rönd næst
veggnum, svo hjólið renni ekki
ofaní milli brettis og veggjar en
hin tvö mynda hina eiginlegu
braut. Neðan á henni eru nokkrir
kverklistar sem skorða brautina
t.d. í annarri hverri tröppu. Til að
bretti þessu tagi þoli góða veðrið
okkar er best að fúaverja það vel
strax í byrjun!
s/s
12 SÍÐA - ÞJÓÐVILJINN Fimmtudagur 23. maí 1985