Þjóðviljinn - 22.08.1986, Síða 9

VESIURLAND Garöar Guöjonsson
UÚÐVIUINN
<
Stapafeliið gnæfir yfir Jökli.
Herinn tók jörðina
Ég bjó nú lengi vel á Miðsandi
á Hvalfjarðarströnd, en herinn
kom og flæmdi mig burt af
jörðinni. Það þýddi ekkert að
kreppa hnefana framan í þá
amrísku dáta. En síðan bjó ég
á Lundi í Lundareykjardal og
það var mikil úrvalsjörð. Nú
eru komin tíu ár síðan ég brá
búi, en sonur minn býr þar
núna, segir Gísli Brynjólfsson
uppgjafarbóndi eins og hann
kallar sig.
Gísli var í fyrri viku á Hvann-
eyri ásamt félögum sínum á veg-
um Borgarfjarðarprófastsdæmis í
vikudvöl. Þarnavarum50manna
hópur undir leiðsögn séra Ólafs
Jens Sigurðssonar í góðu yfirlæti.
Það var komið undir hádegi og
Gísli var nýkominn úr morgun-
göngu ásamt Ingvari Árnasyni
Skagamanni og Finni Klem-
enssyni, sem sagðist vera upp-
gjafarbóndi eins og Gísli, bjó á
Hóli í Norðurárdal.
Þeir höfðu vitanlega skoðað sig
um á búinu og kváðu upp þann
dóm að þeir á Hvanneyri kynnu
ágætlega til verka. „Og heyin eru
bara góð,“ sagði Gísli. Hann kom
upp í þeim bóndinn.
„Okkur líður alveg dásamlega
hérna. Við sitjum við að tefla og
spila, förum í morgungöngur og
gerum yfirleitt bara hvað sem
okkur dettur í hug. Svo er matur-
inn svo góður hérna,“ sagði Ing-
var. „Það er heilmikil heilsubót í
þessu, þetta er svona hvíldarvika.
Ég er mjög ánægður með þessa
starfsemi kirkjunnar."
Prófastsdæmið stendur fyrir
slíkum ferðum árlega og hefur
aðsókn verið mikil. Viðmælend-
ur Þjóðviljans létu í ljósi mikla
ánægju með ferðina og allan að-
búnað. Sumir höfðu komið áður
og sögðust myndu koma að ári ef
það væri mögulegt. -gg
Föstudagur 22. ágúst 1986 ÞJÓÐVILJINN - SÍÐA 9