Þjóðviljinn - 22.08.1986, Page 24

DJÓÐVIIJINN
1936-1986 ÞJÓÐVILJINN 50 ÁRA
Húsnœðismálakerfið
Pólitískir fimleikar
Benedikt Davíðssonformaður Sambands byggingamanna:
Þessar vaxtadeilur milli fjármála- ogfélagsmálaráðuneytanna einskonarpólitískirfimleikar.
Trúi ekki öðru en málið verði leyst fyrirl. sept.
Fólk hefurstólað á að nýja húsnœðislánakerfið takiþá gildi oggertráðstafanirsamkvœmtþví
Iþeim samningum, sem verka-
lýðshreyfingin gerði við ríkis-
stjórnina um kaup lífeyrissjóð-
anna á skuldabréfum Húsnæðis-
stofnunar, var samið um að líf-
eyrissjóðirnir fengju bestu kjör
sem ríkið býður uppá varðandi
skuldabréfakaup, en það eru nú
8% vextir. Aftur á móti dcilda
félagsmála og fjármálaráðuneyt-
ið nú um þetta mál og mér sýnist
nú að um pólitíska fimleika sé þar
að ræða, sagði Benedikt Davíðs-
son í gær.
I samningunum sl. vetur var
samið um að vextir af lánum til
verkamannabústaða yrði 1% en
3,5% af almennum lánum Hús-
næðismálastofnunar. Það er því
frá 4,5% og uppí 7% munur á
vöxtum sem brúa þarf miðað við
að lífeyrissjóðirnir fái 8% vexti á
skuldabréfunum, og um það geta
ráðuneytin ekki komið sér sam-
an.
„Ég trúi ekki öðru en að þetta
mál verði leyst fyrir 1. september
en þá á hið nýja lánakerfi Hús-
næðismálastofnunar að taka
gildi. Það er einnig ljóst að fólk
hefur reiknað með því og gert
fjárskuldbindingar út frá nýja
kerfinu. Eins er vitað að fast-
eignasalar hafa sett inni samn-
inga ákvæði um lán samkvæmt
nýja kerfinu miðað við 1. sept-
ember. Eins má benda á að ýmsir
lífeyrissjóðir hafa þegar keypt
skuldabréf af Húsnæðismálast-
ofnun og í góðri trú um að fá 8%
vexti af bréfunum eins og um var
samið," sagði Benedikt.
Hann tók fram í lokin að verka-
lýðshreyfingin hefði ekkert við
það að athuga þótt vextir af þess-
um skuldabréfum yrðu lægri en
8% ef ALLIR vextir í landinu
lækkuðu til samræmis við það.
Verkalýðshreyfingin og lífeyris-
sjóðir vildu gjarna stuðla að al-
mennri vaxtalækkun í landinu,
sagði Benedikt Davíðsson. S.dór
Jón Baldvin
Fer hvergi
Samstarfsnefnd um kjarnorku-
vopnalaus Norðurlönd, sem
kennd er við Anker Jörgesen for-
mann danskra jafnaðarmanna,
kemur saman til fundar í fyrsta
sinn í næstu viku, en nú bregður
svo við að Jón Baldvin Hannibals-
son formaður Alþýðuflokksins
mun ekki mæta á fundinn.
Jón sagði í samtali við blaðið í
gær að hann hefði ekki tíma til að
sækja fundinn þar sem hann yrði
á ferð um Austfirði á sama tíma,
en hins vegar myndi einhver ann-
ar þingmaður flokksins að öllum
líkindum mæta í hans stað. Það lá
þó ekki ljóst fyrir í gær.
Nefndina skipa fulltrúar þing-
flokka á Norðurlöndunum, nema
fulltrúar íhaldsflokka.
-gg
Nýjungar u
Goimunnn
þenst út
á sekúndu
Hann er búinn til úr nikkel en efnið með-
höndlað á sérstakan hátt. Hœgt er að láta tvö
hjólsnúast efvír úr efninu er notað ístaðinn
fyrir reim og vírinn hitaður með vatni eða
sólarorku
Tveir eðlisfræðingar við
málmtæknidcild Iðntækni-
stofnunar, þeir Hans Guðmunds-
son og Heiðar Jón Hanncsson,
sem voru við ákveðnar rannsókn-
ir í Bandaríkjunum höfðu heim
með sér gorm, ósköp venjulegan
að sjá, en efnið sem hann er búinn
til úr hefur þá eiginleika að ef það
er sett í 70 gráðu heitt vatn eða
samsvarandi hita frá sólarljósi
þenst gormurinn út á einni sek-
úndu. Gormurinn stækkar nærri
því um helming við að komast í
snertingu við hita.
Sömuleiðis komu þeir með
lítið tæki, sem eru tvö hjól og í
staðinn fyrir reim eru þau tengd
með vír úr sama efni og gormur-
inn. Komist vírinn í snertingu við
70 gráðu hita tekur hann til við að
snúa hjólunum af miklum hraða.
Heiðar Jón sagði í samtali við
Þjóðviljann í gær að þetta efni,
sem er nikkel en meðhöndlað
eftir ákveðnum reglum, hefði
verið þekkt um eða uppúr 1940.
Menn hefðu aftur á móti ekkert
sinnt þessu fyrr en nú. Hann
sagði að Ijóst væri að nota mætti
þennan eiginleika gormsins til
ýmissa hluta, en nú væri það
eiginlega uppfinningamanna að
vinna úr málinu.
Sama er að segja með hjólin.
Hann var spurður hvort fram-
leiða mætti rafmagn með sverum
vír tengdum við rafal og hjól og
nota jarðhita til að knýja hjólin
áfram. Hann sagði það ef til vill
ekki útilokað, en kanna þyrfti
hvert afl væri hægt að framleiða
með þessum hætt.
-S.dór
Heiðar Jón Hannesson, eðlisfræðingur. Á innfelldu myndunum má sjá hvernig gormurinn þenst út við 70 gráðu hita.
Myndir KGA.
Skoðanakönnun
70% vilja endurskoða
hersamninginn
Reykjavíkurmaraþon
Stefnir í glæsilegt hlaup
Hátt í1000 manns hafa tilkynntþátttöku á sunnudaginn. Veðrið eins
og eftir pöntun
að stefnir allt í að þetta verið
glæsilegt hlaup. Við vonumst
til þess að þátttakendur verði um
1000 manns, en í fyrra hlupu 500 í
Reykjavíkurmaraþoninu, sagði
Matthías Kjartansson hjá Ferð-
askrifstofunni Úrval í samtali við
Þjóðviljann í gær.
Reykjavíkur maraþon fer fram
í þriðja sinn á sunnudaginn og
þeir fjölmörgu sem þegar hafa til-
kynnt þátttöku geta hugsað sér
gott til glóðarinnar. Þjóðviljinn
fékk sem sé þær upplýsingar hjá
veðurstofunni í gær að útlit sé
fyrir hið besta hlaupaveður á
sunnudaginn, raunar alveg eins
og eftir pöntun. Gert er ráð fyrir
að skýjað verði en milt veður og
vindur hægur.
Fjölmargir erlendis hlauparar
verða við rásmarkið og koma þeir
víða að. Nefna má hlaupara frá
Nýja Sjálandi, Bretlandi, Skot-
landi, Austurríki, Þýskalandi,
Frakklandi og víðar.
Þátttakendum gefst kostur á að
hlaupa 42 kílómetra, 21 kíló-
meter eða 6.5 kílómetra, og er
það síðast talda nefnt skemmti-
skokk. Keppt verður í níu aldurs-
flokkum karla og kvenna. Allir
þeir sem Ijúka hlaupi fá verð-
launapeninga, en aukaverðlaun
eru fjölmörg. Þar á meðal eru
utanlandsferðir, íþróttabúnaður,
bikarar og fleira.
-gg
Rúm 70% landsmanna telja að
cndurskoða beri varnarsamstarf-
ið við Bandaríkjamenn sam-
kvæmt skoðanakönnun, sem
Helgarpósturinn birti í gær.
)
Skoðanakönnun þessi er tekin
eftir að hvalaveiðideilan blossaði
upp milli þjóðanna. Aðeins 11%
voru óákveðnir en 6,6% neituðu
að svara. 70,6% þeirra sem tóku
afstöðu vildu endurskoðun en
29,4% vildu óbreytt ástand.
Skoðanakönnunin kannaði
einnig fylgi flokkanna og kemur
þar í ljós að Bandalag jafnaðar-
manna er svo til þurrkað út, að-
eins 1,6% segist munu kjósa þá.
Alþýðuflokkurinn er með 19%.
Framsókn 11,9%, Sjálfstæðis-
flokkurinn 44,4%, Alþýðu-
bandalag 14,3% og Kvennalisti
8,1%, Flokkur mannsins 0,6%.
Þarna er miðað við þá sem af-
stöðu tóku.
-Sáf