Þjóðviljinn - 28.08.1987, Blaðsíða 2

F—SPURNÍNGIN-n
Helduröu aö djöfullinn sé
til?
Friðfinnur Kristjánsson,
blómaskreytingamaður:
Ég hef nú ekki neina sérstaka trú
á djöflinum, nei.
íris Arnardóttir, nemi:
Það held ég ekki. Ég bara trúi því
ekki.
Guðni Páisson, arkitekt:
Já, ég held það. Allavega býr
hann í okkur stundum.
Eydís Egilsdóttir, starfs-
maður Máls og menningar:
Nei, ég held hann sé ekki til. Ég
trúi bara á hið góða.
Erla Hallgrímsdóttir,
verslunarstjóri:
Nei, því trúi ég ekki. Ég held að
allt þetta góða sem býr í manni
sigri alltaf.
__________________FRÉTTIR_______________
Hernaðarframkvœmdir
Aætlanimar ekki okkar
Kjartan Gunnarsson vill aðild að Mannvirkjasjóði Nató til að efla þekkingu. Vill
ekki íslenskan her en telur koma til greina síðar að til dæmis ratsjárstöðvar verði
undir íslenskristjórn. Kjartan: íslendingar hafa lítil áhrif á forsendur
hernaðarframkvœmda hér
Kjartan Gunnarsson fram-
kvæmdastjórí Sjálfstæðis-
flokksins og einn helstu hernaðar-
áhugamanna á hægri kantinum
telur að íslensk stjórnvöld eigi að
vera aðilar að Mannvirkjasjóði
Nató, sem þau hafa hingaðtil ekki
komið nálægt. Þessu lýsti Kjartan
í viðtali við ungliðarit Sjálfstæð-
isflokksins, Stefni. Kjartan sagði
við Þjóðviljann að hann teldi ekki
um fjárhagsávinning að ræða,
heldur aukin áhrif á ákvarðanir
og aukna þekkingu.
Úr þessum sjóði kemur fé til
hernaðarframkvæmda á vegum
Nató, og mun fjárþörf hans vera
milli 60 og 70 milljarðar íslenskra
króna á ári. Natóríkin leggja
sjóðnum til fé í mjög misjöfnum
mæli, Bandaríkin og Vestur-
Þýskaland um fjórðung hvort, en
Portúgal og Lúxembúrg aðeins
um 0,2%. Kjartan telur að hugs-
anlegt framlag frá íslandi yrði
varla nema smáræði, en hvaða
ávinning telur hann að þessari að-
ild?
- Við ættum aðild að ákvörð-
unum þar og framkvæmdum,
fylgdumst með, sagði Kjartan, -
það væri helsti ávinningurinn,
ekki fjárhagsábati. Að auki er
ekki ólíklegt að mannvirkin yrðu
hönnuð hérlendis að svo miklu
leyti sem við verður komið, en
ekki úti í Bandaríkjunum einsog
nú er að mestu gert. Og með að-
ild kæmum við í staðinn fyrir
Bandaríkin í ýmsum málum sem
snerta framkvæmdir hér, eða að
minnsta kosti værum við sem
jafningjar við hliðina á þeim.
En peningar skipta hér engu
máli?
- Ég held að íslendingar
mundu ekki hafa neinn fjárhags-
legan ábata af aðild, mér sýnist
að íslendingar hafi hvorki goldið
þess né notið að standa utan
sjóðsins hingaðtil. Sjóðurinn
styrkir eingöngu hernaðarfram-
kvæmdir. Allt tal um það til dæm-
is að mannvirkjasjóðurinn hafi
fjármagnað meira og minna allt
vegakerfi í Norður-Nöregi,
sjúkrahús, og ég veit ekki hvað, -
þetta er mestmegnis kjaftæði. í
reglum sjóðsins er sérstaklega
rætt um ýmsar stoðframkvæmdir,
vegi og slíkt, sem að meðaltali
eru taldar um 15 prósent kostn-
aðar og þar eru ákvæði um að
heimalandið fjármagni þær.
- Hinsvegar geta einstök tilvik
verið matsatriði og sjálfsagt
gengur þetta fyrir sig einsog í öðr-
um alþjóðlegum sjóðum að menn
eru misduglegir við að ná ein-
hverju undir skilgreiningar. En
ég er ekki að tala um að mjólka
neitt þennan sjóð, hef engan sér-
stakan áhuga á slíku, ég er að tala
um prinsipp.
Þú segir í Stefni að þessi að-
ildarhugmynd eigi ekkertskylt við
að stofna íslenskan her. En aðild
að þessum sjóði eiga varnarmál-
aráðuneytin, herirnir...
- Ja, fyrst og fremst náttúrlega
sendinefndimar í Brússel, en
sjálfsagt með miklum stuðningi
frá varnarmálaráðuneytunum.
En ertu þá ekki að tala um að
búa hér til eitthvert varnarmála-
ráðuneyti, til dœmis úr „varnar-
málaskrifstofu“ utanríkisráðu-
neytisins?
-Nei, það er nú ekki. En skrif-
stofuna þyrfti auðvitað að efla,
bæði hvað varðar starfslið og
sérfræðinga. Aðild íslands að
sjóðnum yrði auðvitað þáttur af
eðliiegri samvinnu Bandaríkj-
anna og Islands, en við hana
mundi hlutur fslands aukast.
Auðvitað eigum við nú þegar
vissan þátt í ákvörðunum og
framkvæmdum í samvinnu við
Bandaríkjamenn. En sumt af því
sem þeir leggja upp við okkur em
framkvæmdir sem búið er að
fja.Ha um í Mannvirkjasjóðnum,
og það er ekkert sjálfgefið, eins-
og málin standa nú, að íslending-
ar hafi nokkuð komið þar nálægt,
því að þetta hefur verið meira og
minna á könnu Bandaríkja-
manna.
Þú vilt ekki stofna her, en þó
auka þátttöku íslendinga í svo-
kölluðum varnarmálum. Finnst
þér til dœmis koma til greina að
íslendingar ekki bara starfi í rat-
sjárstöðvunum hérlendis, heldur
beinlínis reki þœr, þœr séu undir
íslertskri stjórn, á valdi íslend-
inga?
- Mér finnst vera of snemmt að
segja um það. Ég held að það sé
óraunhæft að tala um það núna.
Hvað sem síðar verður?
- Hvað sem síðar verður.
-m
Einar Sigurðsson útvarpsstjóri Bylgjunnar: Utbreiðslan miklu örari en ráð var fyrir gert í upphafi. Mynd: Sig.
Bylgjan
Ný ras í afmælisgjöf
Bylgjan heldur upp á ársafmœlið í dag. Einar Sigurðsson útvarps-
stjóri: Leggjum mikið upp úr nánu sambandi við hlustendur. 82%
landsmanna ná nú útsendingum stöðvarinnar
etta er okkar fyrsta afmæli, og
því lítum við á það sem stóraf-
mæli. Við riðum á vaðið fyrir ári
síðan þegar frjáls útvarpsrekstur
var ókannað land og ákváðum að
taka þessa áhættu, bæði hluta-
fjárcigendur og þeir sem réðu sig í
vinnu, sagðiEinarSigurðsson, út-
varpsstjóri Bylgjunnar í spjalli
við blaðið í gær, en Bylgjan held-
ur upp á eins árs afmæli í dag.
„Breytingarnar eru augljósast-
ar ef maður kveikir á útvarpinu,"
sagði Einar. „Áður en Bylgjan
hóf útsendingar var aðeins Ríkis-
útvarpið með eina rás frá morgni
til miðnættis eða svo, og aukarás
sem útvarpaði sex til sjö tíma á
dag, og var með sundurslitna
dagskrá. Það er allt önnur mynd
sem blasir við núna. Þrjár músík-
stöðvar eru í gangi allan sólar-
hringinn auk eldri rásar Ríkisút-
varpsins. Frá 1. desember í fyrra
hefur Bylgjan útvarpað allan sól-
arhringinn. Á endanum fylgdi
Ríkisútvarpið á eftir og svo
Stjarnan.“
Hlustendanávígi hefur verið
eitt helsta einkenni Bylgjunnar.
Einar var spurður hvort menn
hyggðust halda sínu striki með
það, og sagði hann það vera.
„Við viljum alltaf halda þessu ná-
vígi, en að sjálfsögðu tekur það
breytingum. Flóamarkaðurinn
hefur verið færður til og síma-
sambandið við hlustendur hefur
líka breyst. En við leitumst samt
við að reyna að halda úti tvíhliða
útvarpi, og leggjum töluvert upp
úr þessum litlu þáttum í daglega
lífinu - afmæliskveðjur, brúðar-
kveðjur og fleira - enda er mikil
aðsókn í þetta efni. Þar blandast
kannski inn í þessi frægi áhugi ís-
lendinga hver á öðrum.“
Samkvæmt síðustu könnunum
ná nú um 82% landsmanna út-
sendingum Bylgjunnar, og að
sögn Einars er það miklu örari
útbreiðsla en gert var ráð fyrir í
upphafi.
Ný rás er í bígerð á Bylgjunni
og eru dagskrárdrög í vinnslu.
Hún verður afmælisgjöf Bylgju-
fólks til sjálfs sín. Að sögn Einars
verður nýja rásin byggð upp í
áföngum, og verður þar meira
lagt upp úr unnu dagskrárefni en
á þeirri sem fyrir er.
HS
2 SfÐA - ÞJÓÐVILJINN Föstudagur 28. ágúst 1987