Þjóðviljinn - 28.08.1987, Qupperneq 11
AKUREYRI
hér aö málefni séu afgreidd með
því að knýja fram einhverja
meirihlutasamþykkt. Það verður
að hafa það í huga að það eru
aðeins 10-15% af tekjum bæjar-
ins sem fara í framkvæmdir fyrir
utan þau lögbundnu útgjöld sem
bænum ber að standa straum af
samkvæmt Iögum.“
Eru einhver sérstök vandamál
sem steðja að bæjarlífinu á Akur-
eyri?
„Nei, við erum blessunarlega
lausir við þessi hefðbundnu nú-
tímavandamál, svo sem atvinnu-
leysi og eiturlyfjaneyslu unga
fólksins sem maður heyrir um all-
staðar í kringum sig í nágranna-
löndum okkar. Aðalvandamálið
hér sem er okkar byggðavanda-
mál er húsnæðisskorturinn.
Hingað vill flytja miklu fleira fólk
en við getum tekið við eingöngu
vegna þess að það er skortur á
húsnæði hér. Fyrir utan það er
brennivínið eina vandamálið,
það er að segja neysla þess, sem
er vandamál allsstaðar. Nú svo
verður fólk hér sem annarsstaðar
öðru hverju undir í lífsbaráttunni
eins og gengur, þó í litlum mæli
sé.“
Þetta er
náttúrlega bilun
Nú ert þú iandfræðingur að
mennt og hefur meðal annars
dvalið við nám á Nýfundnalandi í
eitt ár. Hvernig eru íslendingar í
samanburði við aðrar þjóðir?
„Það verður að segjast eins og
er að íslendingar eru nýrík og
eyðslusöm þjóð. Um áratugi höf-
um við því miður búið við mikla
óstjórn í bankamálum og pening-
amálum og meðan það ástand
varir hegðum við okkur eins og
villimenn, sem er náttúrlega bil-
un. Við þurfum ekki annað en að
líta á það hvernig ástandið er hér
ef maður ætlar að koma sér þaki
yfir höfuðið. Hérna þurfa menn
að borga næstum íbúðina eða
húsið út í hönd, á meðan í ná-
lægum siðmenntuðum löndum er
útborgunarhlutfallið þannig að
þú borgar aðeins lítið brot út og
afgangurinn er lánaður til margra
áratuga. Til að standa undir þess-
um mikla kostnaði verða menn
að vinna óheyrilega mikla yfir-
vinni. Við verðum að taka okkur
verulegt tak í peningamálum og
koma einhverri skynsamlegri
stjórn á í þeim málum. Ekki eins
og það er í dag að fulltrúar hins
pólitíska valds séu einhverjir
varðhundar hagsmunaaðila, því
það býður heim spillingu og ó-
stórn þar sem hagsmunir heildar-
innar eru látnir víkja fyrir hags-
munum einhverra örfárra aðila,
sem síðan eru alveg ábyrgðar-
lausir gerða sinna, eins og frægt
hefur orðið á síðasta ári í sam-
bandi við Útvegsbankann og
Hafskip, og er það bara neint
sem eitt dæmi þó af fjölmörgu sé
að taka“.
Á enn íslandsmet
Þú varst landfrægur hlaupa-
garpur á þínum yngri árum.
Hleypurðu ennþá?
„Ekki í þeim mæli sem ég gerði
þegar ég æfði hvað mest. En ég
hleyp mér til ánægju þegar ég hef
tækifæri til. Það er miklu nær að
nefna það skokk, fremur en
hlaup, mér til heilsubótar. Þó
verð ég að nefna það mér til hróss
að ég á ennþá íslandsmetið í 10
þúsund metra hlaupi sem ég setti
1976 og er 30 mínútur og 10 sek-
úndur.“
Að lokum Sigfús. Hvers óskar
þú Akureyrarbæ í 125 ára af-
mælisgjöf?
„Þegar stórt er spurt er oft lítið
um svör. En það sem kemur fyrst
upp í hugann er að hér megi vera
jafhgott bæjarlíf og er í dag, með
öflugt atvinnulíf og heilbrigða
æsku sem hefur trú á bænum sín-
um nú sem endranær. Betri ósk
er varla hægt að setja fram á tíma-
mótum sem þessum í sögu
kaupstaðarins,“ sagði Sigfús
Jónsson, bæjarstjóri á Akureyri.
- grh
Björn Snorrason, aðstoðarvarðstjóri í lögreglunni á Akureyri: Trúlega einsdæmi hér á landi að samhliða okkar skyldustörfum þurfum við einnig að sinna
veðurþjónustu fyrir Veðurstofu íslands.^- Mynd: Ari.
Ófriðarseggir
þrífast ekki hér
Lögreglan á Akureyri: 30 manna lögreglulið. Vel búið bílum og mannskap.
Sinnumveðurþjónustuáþriggjatímafresti.Trúlega einsdæmi á öllu landinu
Nyrst við Þórunnarstræti á Ak-
ureyri stendureitt mikið og stórt
hús, sem við nánari athugun fer
ekki á milli mála hvað þarfer
fram. Þar er til húsa lögreglan á
Akureyri, með 14 almenna
fangaklefa og tvo eins manns
klefa og tvo tveggja manna klefa
fyrirafplánunarfanga. Við
norðurenda hússins er svo
veðurathugunarstöð Veðurstofu
íslandsáAkureyri. Erþaðtrúlega
eina veðurathugunarstöð lands-
ins sem er í umsjón lögreglu.
Vakthafandi lögreglumenn verða
því fyrir utan aðrar skyldur, að
taka veður á þriggja tíma f resti og
senda þær upplýsingar suður til
Veðurstofu íslands.
Þegar blaðamaður Þjóðviljans
var á Akureyri í vikunni, þótti
tilhlýðilegt að koma við á lögregl-
ustöðinni og forvitnast um störf
lögreglunnar á Akureyri, því trú-
lega mun mæða mikið á henni við
almenna löggæslu á meðan af-
mælishátíðin stendur yfir
næstkomandi helgi. Sá sem var á
vakt þetta kvöld var Björn
Snorrason, aðstoðarvarðstjóri.
Hann var fyrst spurður að því hve
margir væru í lögregluliði Akur-
eyrar.
„Það eru 30 manns í lögregl-
unni hér sem eru fastir starfs-
menn. Lögreglustjórinn heitir
Elías Elíasson og var áður bæjar-
fógeti á Siglufirði áður en hann
kom hingað til starfa. Á undan
honum var Ófeigur Eiríksson.“
Löghlýðnir borgarar
Eru Akureyringar löghlýðnir
borgarar?
„Miðað við mannfjölda má
fullyrða að bærinn sé allajafna
mjög rólegur og laus við allt sem
kalla má ófrið. Ófriðarseggir
þrífast ekki hér. Hvað löghlýðn-
ina varðar má segja að bæjarbúar
séu það upp til hópa. En að sjálf-
sögðu er það alltaf einn og einn
sem sker sig út úr, en það er ekk-
ert sem orð er á gerandi. Hér á
Akureyri höfum við verið bless-
unarlega lausir við meiriháttar af-
brot í seinni tíð, en smá innbrot
sem kalla má frekar óknytti frem-
ur en skipulagða glæpastarfsemi,
koma alltaf annað slagið uppá
yfirborðið, en er vel viðráðan-
legt. Þannig að segja má með full-
um sanni að hér sé rólegt og frið-
sælt umhverfi sem í búa löghlýðn-
ir borgarar."
Enginn andúð
í garð lögreglu
Þannig að lögreglu og bæjarbú-
um kemur vel saman?
„Já, það má segja að svo sé.
Við höfum aldrei orðið varir við
andúð í garð lögreglunnar frá
bæjarbúum né íbúum nærliggj-
andi sveita, sem við höfum oft
samband við, því umdæmi lög-
reglunnar á Ákureyri spannar
alla Eyjafjarðarsýslu."
Er lögreglan búin góðum tækj-
um?
„Við erum sæmilega útbúnir,
með góðan mannskap og góða
bíla. I dag er setið um hverja
stöðu sem losnar hjá okkur og
þegar við þurfum á sumaraf-
leysingamönnum að halda getum
við nánast valið úr hópi umsækj-
enda. Allir sem fastráðnir eru hjá
okkur verða að sækja menntun í
Lögregluskólann fyrir sunnan.
Þar eru kennd öll nauðsynleg
undirstöðuatriði sem hver lög-
reglumaður verður að kunna skil
á. Einnig er þar lögð mikil og rík
áhersla, sem sumum þykir alveg
nóg um, á íslenskunám til að
menn geti komist skammlaust frá
skýrslugerð og fleira þess hátt-
ar.“
Er mikill viðbúnaður hjá ykk-
ur í sambandi við afmælishátíð-
ina?
„Það verður allt í öruggum
höndum, því er hægt að lofa. En
hvað viðbúnaðinn snertir í smáat-
riðum er það aldrei gefið upp í
fjölmiðlum af ástæðum sem vart
þarf að taka fram. En það verður
allt gert sem hægt er að gera til að
þau geti gengið áfallalaust fyrir
sig.“
Mikill tími í
umferðareftirlit
í hvað fer mestur ykkar tími?
„Það er langsamlega mest að
gera við umferðareftirlit. Frá ára-
mótum hafa hér á Akureyri orðið
343 árekstrar sem er voða svipað
því sem var á sama tíma í fyrra.
Almenn bílaeign hefur vaxið
mjög mikið hér sem annarsstaðar
á landinu og eru Akureyringar
landsfrægir fyrir að ganga vel um
sína bfla. Frá 13. jan. í ár höfum
við tekið 35-40 ökumenn fyrir
meintan ölvunarakstur."
Verðið þið varir við fíkniefna-
misferli meðai Akureyringa?
„Sem betur fer er það ekkert
stórvandamál hér, enda hefur
ekkert stórmál á því sviði rekið á
okkar fjörur. Það má segja að við
séum einnig svo til lausir við það
sem kallað hefur verið unglinga-
vandamál hér í bænum. Það sem
kemur upp hverju sinni er því vel
viðráðanlegt.“
Vandrœðaástand
um helgar
íbúar sem búa í grennd við
Ráðhústorgið hafa kvartað ný-
iega yfir miklum hávaða og
gauragangi um helgar við torgið.
Hvað hefurðu um það að segja?
„Það er alveg rétt og er ekkert
launungarmál að helgarnar eru
visst vandamál hverju sinni.
Skýringin á því er sú að þegar
verið er að hleypa út af dans-
leikjum á helgum, safnast fólk oft
á tíðum saman á Torginu þegar
veður er gott með þeim afleiðing-
um að þar er oft á tíðum mikil
háreysti og stundum læti. Enda
þeir Akureyringar sem snemma
eru á fótum eftir dansleiki helgar-
innar, þekkja varla miðbæinn,
sem er oft illa útleikinn vegna
slæmrar umgengni dansieikja-
gesta, því miður. En við höfum
alltaf bæði lögreglumenn á staðn-
um svo og lögreglumenn í bflum
þama við til þess að geta brugðist
skjótt við ef eitthvað ber út af. Ég
vil bara nota þetta tækifæri til að
skora á Akureyringa, unga sem
aldna að ganga betur um bæinn
sinn um helgar en þeir gera.“
Hingað til Akureyrar streyma
íslenskir sem erlendir ferðamenn,
sumur sem vetur. Þurfið þið að
hafa mikil afskipti af þeim?
„Því er fljótsvarað hvað er-
lendu ferðamennina varðar. Það
er algjör undantekning ef við
þurfum að hafa einhver afskipti
af þeim. En það gegnir öðru máli
með samlanda okkar sem hingað
koma. Það er þó ekki svo að þeir
séu til neinna vandræða, síður en
svo. Afskipti okkar af þeim eru
fyrst og fremst vegna ölvunar á
almannafæri."
Unglingarnir röfla ekki
Við minntumst lítillega á um-
ferðina hér á undan. Hvernig er
það hérna á Akureyri, eru það
fyrst og fremst unglingar ný-
komnir með bflpróf sem lenda í
umferðaróhöppum eða er það
kannski fólk á miðjum aldri?
„Upp til hópa eru það þeir sem
eru nýbúnir að fá ökuskírteini
sem lenda einna helst í umferðar-
óhöppum. En þeir mega eiga það
unglingamir að þeir röfla aldrei
þegar þeir eru til dæmis teknir
fyrir umferðarbrot eða fyrir of
hraðan akstur. Þeir vita oftastnær
uppá sig sökina. En hinir eldri
eiga það oft á tíðum til að röfla og
segja að þeir hafi ekki gert neitt
af sér. Þetta er nánast regla.“
Að lokum Björn. Eru lögreglu-
menn ánægðir með launin sín?
„Það er nú það. Ánægður og
ekki ánægður. Fastakaupið er jú
ekkert til að hrópa húrra yfir. Én
með mikilli aukavinnu er hægt að
komast upp í 200 tíma vinnu á
hverjum mánuði sem gefur
þokkalegt kaup, en það sér hver
heilvita maður að kaupið er ekki
neitt sérstakt ef maður þarf að
vinna svona mikið til að hafa boð-
legt salt í grautinn,“ sagði Bjöm
Snorrason að lokum.
grh
Föstudagur 28. ágúst 1987 ÞJÓÐVILJINN - SÍÐA 11