Þjóðviljinn - 27.09.1987, Blaðsíða 3

Þjóðviljinn - 27.09.1987, Blaðsíða 3
Denni - von mannkynsins? Síðan Indriði G. Þorsteins- son kom á Tímann til að leggja línuna hafa verið tekin þar upp vinnubrögð sem um margt eru skondin. En það sem einkennir blaðið þó mest er hin yfirgengilega foringja- dýrkun. Þeir Steingrímur og Halldór mega varla ganga yfir götu eða hnerra í þriggja manna hópi öðruvísi en að allt heila klabbið sé komið á for- síðu Tímans daginn eftir og oftast í leiðarann líka. En sjaldan hefur Indriði hneigt sig jafn rækilega fyrir Denna og einn daginn nú í vik- unni þegar leiðari Tímans hét: „Von mannkynsins" og hófst á orðunum: „Stein- grímur Hermannsson flutti ræðu..."B Dílararnir vildu engan díl Eitt ónefnt vikublað - gjarnan bendlað við æsifrétta- mennsku hefur átt frekar erfitt uppdráttar undanfarið: Frétta- flutningurinn þykir ekki mikið spennandi, „gömlu haukarn- ir" hverfa á brott hver á fætur öðrum og þar f ram eftir götun- um. Semsagt: Harðlífisfrétta- mennskan hefur verið alls ráðandi. En nú stóð til að hrista af sér slenið: fara ofan í saumana á eiturlyfjamarkað- inum í eitt skipti fyrir öll. Ekkert skyldi til sparað því nú áttu lesendurnir að taka við sér aftur. Og þess vegna þurfti nátt- úrlega viðtal við einhvern af háköllunum í þessum bransa - viðtal við einhvern hinna stóru sem standa í inn- kaupum og dreifingu. Útsendarar viicublaðsins ónefnda brugðu sér m.a. á einn ágætan veitingastað í borginni sem hefur það orð á sér að þangað komi margir af helstu kaupsýslumönnum á þessu sviði. Okkar menn létu mannalega eins og hæfði og gáfu sig á eintal við nokkra kaupahéðna. Viðtal, sögðu þeir, viö viljum krassandi við- tal. Dílararnir hristu hausinn yfir þessari málaleitan og kom fyrir ekki þótt þeim byðist dá- goð summa: 350.000 krónur fyrir viðtalið! Engin alminlegur díler, sagði einn dílerinn, lætur hafa sig útí sona lagað... Og, bætti hann við með óljóst bros á vör, - þá myndi hann bara gera þaö til að ræna ykk- ur... Útsendarar vikublaðsins hurfu frekar rislágir á braut og úttektin um eitrið er ekki kom- in ennþá.H Tími/Lystiskáli, gert í Malmö, 1985. Myndlist T1MI Rúrí sýnir á Kjarvalsstöðum Dægurmála- deild Ríkisútvarpið ætlar ekkert aö gefa eftir í útvarpsstöðvastríð- inu. í vetur verður bryddað upp á ýmsum nýjungum, einkum á Rás 2. Búið er að ákveða að stofna „Dægurmáladeild" sem á að hafa umsjón með morgunútvarpi Rásarinnar og sérstöku síðdegisútvarpi, ekki ósvipað því sem Hallgrímur Thorsteinsson hefur stýrt af myndugleik á Bylgjunni. Til þess að stjórna þessum breytingum á Rásinni og halda utan um dægurmála- deildina er enginn annar mætturtil leiks á ný hjá gömlu gufunni en Stefán Jón Haf- stein sem alið hefur manninn [ Bandaríkjunum undanfarin misseri.B Tími - heitir myndlistarsýning sem Rúrí opnar nú um helgina aö Kjarvalsstöðum. Þarerum að ræða tvö umhverfisverk, grafískar dókúmentasjónir, Ijósmyndir og teikningar. Jafnframt hefur Rúrí látið prenta 40 síðna bók með lit- myndum, sem geymir heim- ildir um þau verk sem hún hef- ur verið að vinna að heima og erlendis á undanförnum árum. Tími, sem sýningin dregur nafn sitt af, byggist á fimm verkum, sem öll hafa veriö áður á sýning- um erlendis, í Malmö, Kaup- mannahöfn og Helsinki. Ekkert þeirra hefur áður verið sýnt hér heima fyrr en nú. En Rúrí fékk boð um að taka þátt í stórum sýn- ingum, þar sem áherslan var lögð á umhverfislist. Þetta er sjöunda einkasýning Rúríar, hún hefur að auki tekið þátt í yfir 50 samsýningum í ellefu þjóðlöndum. Að loknu námi í Myndlista- og handíðaskóla ís- lands, stundaði hún framhalds- nám í Hollandi, þar sem hún m.a. stóð að rekstri gallerís LÓU í Amsterdam. Einnig hefur hún starfað að félagsmálum mynd- listarmanna, var t.d. ein af stofn- endum Nýlistasafnsins, tók þátt í skipulagningu sýningarinnar Experimental-environment, sem haldin var á Korpúlfsstöðum 1980. Er núverandi formaður Myndhöggvarafélagsins í Reykjavík. Sýningin að Kjarvals- stöðum stendur til 11. október. Hún er opin alla daga frá kl. 14- 22. -ekj. Rúst, gert í Kaupmannahöfn 1984. Listamaðurinn er með á myndinni. Myndlist Sigurður Örlygsson sýnir SigurðurÖrlygsson hefur opnað sýningu í Gallerí Svart á hvítu við Óðinstorg. Sigurð- ur sýnir að þessu sinni 12 olíu- og akrílmálverk. Sigurðurer fæddur í Reykjavík árið 1946, og stundaði nám við MHÍ á árunum 1967-71, og hélt síð- anutantilnáms. i galleríinu Hann sótti Det Kongelige Danske Kunstakademi hjá pró- fessor Richard Mortensen. Eftir það fór hann til Ameríku og nam við Art Student Leauge of New York árin 1974-75. Sigurður hef- ur verið meðlimur í FÍM síðan 1973 og var formaður í eitt ár. Hann var einn af stofnendum og eigendum Gallerí Sólon íslandus og Gallerí Gangskör. Þá var hann kennari við Myndlista- og hand- íðaskóla íslands árin 1980-86. Helstu sýningar hans í Reykjavík eru Unuhús (71), Norræna húsið (72 og 76), Gallerí Sólon íslandus (72), Kjarvalsstaðir (78), Djúpið (81), Asmundarsalur (84) og Kjarvalsstaðir (86). Hann hefur einnig tekið þátt í fjölda samsýn- inga. Þetta er því í fyrsta skipti sem Sigurður Orlygsson sýnir í Gallerí Svart á hvítu og fróðlegt að sjá, hvað hann hefur að segja veggjunum þeim. Gallerí Svart á hvítu er opið frá 14-18 alla daga, nema mánudaga. Síðasti sýningardagur er 11. okt- óber. -ekj. Njóttu ferðarinnar!^g£^> Aktu eins og þú vilt að aðrir akí^"^ Góðaferð! |) UMFERÐAR RÁÐ Sunnudagur 27. september 1987 jMÓÐVILJINN - SÍÐA 3

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.