Þjóðviljinn - 18.10.1987, Blaðsíða 17
Skagfirska söngsveitin.
Tónlist
„Söngurinn göfgar og glœðir“
Ný hljómplata fró Skagfirsku söngsveitinni
Fyrir 17 árum hóuðu sig sam-
an nokkrir söngelskir Skag-
firðingar í Reykjavík og á-
kváðu að stofna blandaðan
kór, sem í skírninni hlaut nafn-
ið Skagfirska söngsveitin.
Vera má að einhverjir hafi
álitið að „fyrirbærið" yrði ekki
langlíft. Það þarf mikla söng-
gleði og talsverða fórnarlund
til þess að halda slíkum fé-
lagsskap lifandi árum saman.
En það hefuraðstandendum
Skagfirsku söngsveitarinnar
samttekist. Hún hefurstarfað
óslitið frá upphafi og getið sér
hinnbestaorðstír.
Söngsveitin var svo lánsöm aö
fá þegar í upphafi áhugasaman og
ágætan stjórnanda, Snæbjörgu
Snæbjarnardóttur. Stjórnaði hún
kórnum í 13 ár. Síðan hefur
Björgvin Þ. Valdimarsson annast
söngstjórnina. Undirleikari kórs-
ins hefur alla tíð verið Ólafur
Vignir Albertsson. Söngsveitin
teiur nú fast að 70 manns. Auk
þess eru um 20 manns í söngfé-
laginu Drangey, en það eru eldri
félagar úr Söngsveitinni. Drang-
ey er einnig undir stjórn Björg-
vins Þ. Valdimarssonar.
Fjórða hljómplata Skagfirsku
söngsveitarinnar er nú komin út.
Nefnist hún „Söngurinn göfgar
og glæðir". Hún var hljóðrituð í
Hlégarði í apríl í vor, af Halldóri
Víkingssyni. Auk kórsins koma
þar fram fimm einsöngvarar:
Halla S. Jónasdóttir, Soffía Hall-
dórsdóttir, Óskar Pétursson,
Guðbjörn Guðbjörnsson og
Kristinn Sigmundsson. Undir-
leikari er, sem ætíð áður, Ólafur
Vignir Albertsson. Auk þess
leikur Eiríkur S. Jónsson á trom-
pet. Á plötunni eru alls 15 lög
eftir innlenda og erlenda höf-
unda, þar á meðal skagfirsku tón-
skáldin Pétur Sigurðsson, Eyþór
Stefánsson og Jón Björnsson.
Rétt er fyrir þá, sem eignast vilja
plötuna, að hafa hraðar hendur
því upphag hennar er nokkuð
takmarkað en styrktarfélagar og
aðrir stuðningsmenn margir.
Platan fæst hjá sölustjóranum,
Sveini Pálmasyni, sími 82198, og
öðrum kórfélögum.
Vert er að geta þess, að hin
síðari ár hefur kórinn fengið ýms
tónskáld til að semja fyrir sig lög,
sem hann hefur síðan flutt. Með-
al þeirra tónskálda eru Gunnar
Reynir Sveinsson, Þorkell Sigur-
björnsson, John Speight og
Björgvin Þ. Valdimarsson. mhg
Bréftil
Sæll vinur.
Nú er komið hrímkalt haust og
horfin sumarblíða. Kaupa-
héðnartaka að brýna sín bitru
vopn svo að bíti um jólin og
börnin fara að hlakka til. Á
Sikileyju mega mafíósar
draga saman seglin því ódæl
eru Vigdís og Steingrímur
bleyðibófum undir brún að
líta. Þá vilja Italir kaupa haus-
lausan saltfisk af Steingrími
og vartímitil kominn. Hér
heima er allt við það sama og
spáð minnkandi hagvexti
hvað svo sem það á að þýða.
Þegar eitthvað minnkar,
dregst saman, verður að
engu, breytist í andhverfu
sína og vex aftur með öfugu
formerki, þá er sjálfsagt að
kalla það minnkandi vöxt í
samræmi við auglýsingamál-
lýsku vorra tíma; þú sparar
með því að kaupa hinn eða
fe' V
Guðmundur
Þorsteinsson
skrifar
u
þennan fánýtan óþarfann,
sparar með því að eyða,
græðir á því að tapa, grætur
með því að hlæja og snýrð
faðirvorinu upp á andskotann.
Stutt er síðan Landsbankinn
hætti að auglýsa sig með
mestaöfugmæli aldarinnar:
Græddur er geymdur eyrir.
Gott ef þetta prýðir ekki ennþá
einstaka húsvegg, sparifjár-
eigendum til ævarandi
skammar.
En þar sem þú ert nú staddur í
vinar
útlandinu þarftu endilega að hafa
á hraðbergi dæmigerðar íslenskar
setningar handa útlenskum
kunningjum þínum til þess að
spreyta sig á. Kemur þá mjög til
greina orðskviðurinn gamli: Þrír
berrassaðir ráðherrar derra sig og
sperra í kerru. - Þetta á auðvitað
ekki við núverandi ríkisstjórn
sem prúð vinnur verk sín í kyrr-
þey eða er barasta að heiman
einsog sagt er í afmælistilkynn-
ingum.
Núnú.
Þú misstir af herlegu sam-
kvæmi sem haldið var í tilefni
haustsins í Hlíðunum hér í borg.
Eftir fjölmargar skálræður fann
ég mig knúinn til að láta kristal-
inn klingja og fórust mér nokk-
urn veginn svo orð: Heiðruðu
gestir. A merkum tímamótum er
vel við hæfi að staldra ögn við og
fjölyrða nokkuð um það sem efst
er í huga. Okkur, sem hér erum
samankomin í kvöld, hlýtur að
vera sérstök ánægja að sjá okkur
öll hér samankomin að kvöldlagi
í veglegum salarkynnum sæmdar-
hjónanna, gestgjafa okkar, kney-
fandi veigar vel glýjaðra þýja.
Sumir eru sjálfsagt ennþá að
velta því fyrir sér hvers vegna
þeim var stefnt hingað á okkar
fund. Það er vel til fundið og í
einkar smekklegu samhengi við
sögu lands vors og þjóðar að efna
til slíks fagnaðar einmitt hér á
þessum stað. Og rétt aðeins af-
sakaðu. Hvar hljóma raddir
Hlíðanna sterkar en einmitt úr
Mávahlíð, Hlíð Máfs landsnáms-
manns Ófeigssonar, Hlíðadrott-
ins? Ekki úr Lönguhlíð, Hlíð
Kolbrúnar löngu leysingja.
„Máfur nam þar land sem nú
heitir í Mávahlíð" stendur þar og
skyldu menn ekki gleyma því.
Skyldu menn og ekki rugla saman
Ieirbullinu „í Víðihlíð“, „Hvítu
mávar“ og „Hlíðin mín fríða“ við
stórbrotin undur Mávahlíðar sem
engri hlíð er lík nema ef vera
skyldi Barmahlíð. „Fögur er hlíð-
in“ sagði Gunnar Hámundarson
og sneri aftur. „Ó hlíð mín hlíð“
orti Vilmundur frá Skálholtsstíg,
„Sú rödd var svo fögur og hugljúf
á að hlíða“ orti enn eitt Hlíða-
skáldið. Og voru þó ekki allir á
sama máli. T.a.m. yrkir bitur
Vesturbæingur: „í Hlíðunum er
eilíf hríð, ekkert skjól og árans
stormbeljandi." Og væri honum
nær að halda sig bara fyrir vestan
læk. Nei. Vér Hlíðamenn tökum
ekki undir slíkt hjal. Frá örólfi
alda höfum vér skemmt gestum
vorum með gleðihjali og hjalað
grimmt fram á rauðar nætur.
Hjalað stundum grimmt fram á
næsta dag ef því hefur verið að
skipta. Ólteitið hefur oftar en
ekki staðið samfleytt í tíu daga og
tíu nætur með tilheyrandi ærsla-
gangi og óhemjuskap. Hefur þá
stundum mörg Bakkynjan og
margur skjaldsveinn Dýonísusar
þurft að lúta lágum strjúpa og illa
komið fyrir sig orði og velt um
litlu borði við lítinn fögnuð nær-
staddra. Undir slíkum kringum-
stæðum vilja menn gjarna hafa
mörg orð um marklaust skraf og
skrafa menn stundum markleysu
eina svo tímunum skiptir. Renna
þó stundum tvær grímur á við-
stadda ef þeim finnst fullnærri sér
höggvið og ekki eru menn allir
jafn sammála ræðumanni um
hvað sé spaugilegt og hvað ekki.
og hlæja menn þá stundum mis-
hátt eftir því hvernig á stendur
hjá viðkomandi nærstöddum.
Þegar hér var komið ræðu
minni hneig feitlagin kona í
ómegin svo ég kunni ekki við að
halda áfram, enda kannski nóg
komið.
Ég bið að heilsa öllum og vertu
ævinlega margblessaður.
Sunnudagur 18. október 1987 ÞJÓÐVILJINN - SÍÐA 17
c
LANDSVIRKJUN
Útboð
Landsvirkjun óskar hér meö eftir tilboöum í fram-
leiðslu og afhendingu á aflspennum fyrir Búrfells-
stöð og aðveitustöðina við Hamranes og 220/
132 kV SF6 gaseinangruðum rofabúnaði fyrir
nýja aðveitustöð við Hamranes sunnan Hafnar-
fjarðar.
Útboðsgögn eru:
4601 Aflspennar.
4602 220/132 kV SF6 gaseinangraður rofa-
búnaður.
Gögnin verða afhent á skrifstofu Landsvirkjunar,
Háaleitisbraut 68, 103 Reykjavík, frá og með
mánudeginum 19. október 1987 gegn óaftur-
kræfu gjaldi, kr. 3000 fyrir útboðsgögn 4601 og
kr. 5000 fyrir útboðsgögn 4602.
Tilboðum samkvæmt útboðsgögnum 4601 skal
skila á skrifstofu Landsvirkjunar í Reykjavík fyrir
kl. 11.30 mánudaginn 18. janúar.
Tilboðum samkvæmt útboðsgögnum 4602 skal
skila á sama stað fyrir kl. 11.30 þriðudaginn 19.
janúar 1988.
Tilboðin verða opnuð á skiladögum tilboða á
skrifstofu Landsvirkjunar kl. 14.00.
Reykjavík, 17. október, 1987
Herstöðvabaráttan blífur
ísland úr Nató - herinn burt
Landráðstefna Samtaka herstöðvaandstæðinga
verður haldin í Risinu, Hverfisgötu 105, laugar-
daginn 24. okt. n.k. og hefst kl. 10 fyrir hádegi.
Tillögum og ábendingum um frambjóðendur til
miðnefndar (aðalmenn og varamenn) óskast
komið á framfæri við Ástríði, sími 42662 eða Atla,
sími 686878.
Uppstillingarplottararnir
Verkakvennaf élag i ð
Framtíðin
Tillögu stjórnar og trúnaðarmannaráðs félagsins
um stjórn og aðrar trúnaðarstöður fyrir árið 1987
liggja frammi á skrifstofu félagsins á Strandgötu
11 frá og með mánudeginum 19. okt. til föstu-
dagsins 23. okt. til kl. 17.
Öðrum tillögum ber að skila fyrir kl. 17 föstudag-
inn 23. okt. og er þá framboðsfrestur útrunninn.
Tillögunum þurfa að fylgja meðmæli 20 fullgildra
félagsmanna.
Verkakvennafélagið Framtíðin.
Fjárveitinganefnd
Alþingis
Þeir sem kynnu að óska eftir viðtali við fjárveit-
inganefnd vegna styrkumsókna þurfa að panta
viðtal hjá starfsmanni nefndarinnar, Ásdísi Sig-
urjónsdóttur í síma 11560 (213 eða 200) í síðasta
lagi 23. október. Viðtöl þessi munu eiga sér stað
dagana 28. október-6. nóvember.
Skrifleg erindi skulu hafa borist nefndinni í síð-
asta lagi 20. nóvember n.k.
Auglýsið í Þjóðviljanum